កីឡាជាតិ
ជាតិ
មិត្តភាពអន្តរជាតិ៖ កម្ពុជា ប៉ះម្ចាស់ផ្ទះហុងកុង នាវេលាម៉ោង៧យប់នេះ 01, Sep 2016 , 12:09 pm
ក្រុមកីឡាករកម្ពុជាហ្វឹកហាត់ត្រៀមប្រកួតមិត្តភាពជាមួយម្ចាស់ផ្ទះហុងកុង។ រូបថត FFC
× ក្រុមកីឡាបាល់ទាត់ជម្រើសជាតិកម្ពុជា នឹងប្រកួតមិត្តភាពអន្តរជាតិជាមួយក្រុមហុងកុង នាវេលាម៉ោង៧ល្ងាចនេះ (ម៉ោងនៅកម្ពុជា) នាកីឡដ្ឋាន Mong Kok Stadium របស់ហុងកុង។ នេះជាជំនួប Head to Head លើកទីពីររបស់ក្រុមទាំងពីរ សម្រាប់ការប្រកួតដែលទទួលស្គាល់សហព័ន្ធកីឡាបាល់ទាត់អន្តរជាតិ (FIFA)។
លោក Lee Tae Hoon គ្រូបង្វឹកក្រុមជម្រើសជាតិកម្ពុជា នឹងប្រើប្រាស់ជំនួបមិត្តភាពជាមួយហុងកុងក្នុងការត្រៀមខ្លួនសម្រាប់ព្រឹត្តិការណ៍ប្រកួតជម្រុះ AFC Asian Cup និង AFF Suzuki Cup នាពេលខាងមុខ ខណៈក្រុមហុងកុងដែលដឹកនាំដោយគ្រូបង្វឹកកូរ៉េខាងត្បូងដូចគ្នា គឺលោក Kim Pan-Gon ក៏ត្រៀមខ្លួនសម្រាប់ការប្រកួតអន្តរជាតិផ្សេងៗផងដែរ។
យោងតាមកំណត់ត្រារបស់ FIFA កម្ពុជា និងហុងកុង ធ្លាប់ប៉ះគ្នាចំនួន៥លើកមកហើយ ដោយកម្ពុជាឈ្នះ២លើក និងហុងកុងឈ្នះ៣លើក។ នាការប្រកួតជុំទីមួយនៃពានរង្វាន់ Merdeka Cup របស់ម៉ាឡេស៊ី នៅក្រុងគូឡាឡាំពួរ កាលពីឆ្នាំ១៩៥៧ ហុងកុងបានយកឈ្នះក្នុងលទ្ធ ៦-២ ។ នៅឆ្នាំ១៩៧១ កម្ពុជាបានសងសឹកក្នុងលទ្ធផល ២-១ វិញនាការប្រកួតជម្រុះបឋមពានរង្វាន់ Asian Cup នៅក្រុងបាងកក ប្រទេសថៃ។
នៅឆ្នាំ១៩៧២ កម្ពុជា បានឈ្នះហុងកុងម្តងទៀតក្នុងលទ្ធផល ១-០ នាប្រកួតដណ្តើមលេខ៥នៃពានរង្វាន់ Merdeka Cup នៅទីក្រុងគូឡាឡាំពួរ ប្រទេសម៉ាឡេស៊ី
កីឡាករជម្រើសជាតិទាំង២៤នាក់នោះរួមមាន៖
-ព្រះខ័នរាជស្វាយរៀង៖ ណុប តុលា, រស់ គង់សំរេច, សំអឿន ពិដោរ, សុខ សំណាង, ប្រាក់ មុន្នីឧត្តម, ហូយ ផល្លីន, នេន សុធារ័ត្ន និង សឿយ វិសាល។
-បឹងកេតអង្គរ៖ ចាន់ វឌ្ឍនាកា, ឃួន ឡាបូរ៉ាវី, រស់ សំអឿន, សុខ សុវណ្ណ និង ស៊ូ យ៉ាទី
-ក្រសួងការពារជាតិ៖ ច្រឹង ពលរដ្ឋ, ឈិន ឈឿន, រឹង ប៊ុនហៀង, អ៊ុំ សេរីរ័ត្ន និង អ៊ុំ វិចិត្រ
-ភ្នំពេញក្រោន៖ ប៊ីន ចន្ថាធារី និង កែវ សុខផេង
-អគ្គស្នងការនគរបាលជាតិ៖ សាយ ពិសិដ្ឋ, ទិត ឌីណា និងស៊ុន វណ្ណដេត
-ណាហ្គាវើល៖ សុះ ស៊ូហាណា៕
© រក្សាសិទ្ធិដោយ thmeythmey.com