កីឡាជាតិ
ជាតិ
ក្រុមជម្រើសជាតិកម្ពុជានឹងមកដល់កម្ពុជានៅម៉ោង៦ល្ងាចនេះ ដើម្បីត្រៀមជួបហុងកុងវិញនាខែតុលា 02, Sep 2016 , 4:59 pm
រូបពីហ្វេសប៊ុកសហព័ន្ធកីឡាបាល់ទាត់កម្ពុជា
× ក្រុមជម្រើសជាតិកម្ពុជាក្រោយចាញ់ក្រុមជ្រើសជាតិហុងកុង ៤-២ ក្នុងជំនួបមិត្តភាពអន្តរជាតិ Head to Head លើកទី២ កាលពីយប់មិញ នៅកីឡដ្ឋាន Mong Kok Stadium ក្នុងទីក្រុងហុងកុង នឹងមកដល់មាតុប្រទេសកម្ពុជាវិញ នាវេលាម៉ោង៦ល្ងាចថ្ងៃទី២ ខែកញ្ញានេះ ដើម្បីត្រៀមស្វាគមន៍ហុងកុងនៅពហុកីឡដ្ឋានជាតិ។
ក្រុមជម្រើសជាតិកម្ពុជាដែលដឹកនាំដោយ លោក លី តែហ៊ុន (Lee Tae Hoon)ដែលមិនអាចនាំជ័យជម្នះក្នុងជំនួបមិត្តភាពអន្តរជាតិជូនកម្ពុជា នឹងមកដល់មាតុប្រទេសកម្ពុជាវិញនាវេលាម៉ោង៦ល្ងាចថ្ងៃទី២ ខែកញ្ញា នេះ ក្រោយប្រកួតចាញ់ក្រុមជម្រើសជាតិហុងកុង ៤-២ នៅលើទឹកដីនៃទីក្រុងហុងកុង កាលពីយប់មិញ។
ក្រុមដែលដឹកនាំដោយគ្រូបង្វឹកជនជាតិកូរ៉េខាងត្បូងមួយនេះ នឹងធ្វើជាម្ចាស់ផ្ទះនៃការប្រកួតមិត្តភាពអន្តរជាតិជាមួយក្រុមជម្រើសជាតិហុងកុងវិញម្តង នាថ្ងៃទី៦ ខែតុលា ខាងមុខនេះ។ ជំនួបជាមួយក្រុមហុងកុងនៅលើទឹកដីរបស់ខ្លួននេះ វាជាការផ្តល់ឱកាសសងសឹកដល់ក្រុមជម្រើសជាតិកម្ពុជា ក៏ដូចជាសាងកិត្តិយសជូនប្រទេសជាតិ។
គួរបញ្ជាក់ថា សម្រាប់ជំនួបមិត្តភាពអន្តរជាតិ Head to Head លើកទី២ កាលពីយប់មិញ នៅកីឡដ្ឋាន Mong Kok Stadium ក្នុងទីក្រុងហុងកុង កីឡាករ ច្រឹង ពលរដ្ឋ សម្រេចបាន១គ្រាប់ជូនកម្ពុជានៅនាទី១៩ មុនកីឡាករ ចាន់ វឌ្ឍនាកា សម្រេចគ្រាប់បាល់ទី២នៅនាទី៦១ ដែលជាគ្រាប់ចុងក្រោយសម្រាប់កម្ពុជា មុនចាញ់ក្រុមជម្រើសជាតិហុងកុង ៤-២៕
Tag:
បាល់ទាត់
ក្រុមជម្រើសជាតិ
© រក្សាសិទ្ធិដោយ thmeythmey.com