អន្តរជាតិ
សេដ្ឋីប្រេងស្និទ្ធរុស្ស៊ី ក្លាយជារដ្ឋមន្ត្រីការបរទេសអាមេរិកផ្លូវការ
02, Feb 2017 , 11:11 am
អតីតនាយកប្រតិបត្តិក្រុមហ៊ុនប្រេង Exxon Mobile លោក Rex Tillerson ក្លាយជារដ្ឋមន្ត្រីការបរទេសអាមេរិក
×![]()
ដោយ: តន ចាន់រិទ្ធារ៉ា
សេដ្ឋីរកស៊ីជំនួញប្រេង Rex Tillerson ត្រូវបានព្រឹទ្ធសភាអាមេរិកបោះឆ្នោតគាំទ្រជារដ្ឋមន្ត្រីការបរទេសថ្មីក្នុងរដ្ឋាភិបាលប្រធានាធិបតី ដូណាល់ ត្រាំ ។ សមាជិកព្រឹទ្ធសភាទាំងអស់មកពីបក្សសាធារណរដ្ឋ សុទ្ធតែបោះឆ្នោតគាំទ្រលោក ធ្វើជាប្រមុខការទូតថ្មីរបស់អាមេរិក ប៉ុន្តែសមាជិកបក្សប្រជាធិបតេយ្យភាគច្រើនបានបោះឆ្នោតប្រឆាំង។ ពួកគេបារម្ភទំនាក់ទំនងជិតស្និទ្ធខ្លាំងរវាងលោក Rex Tillerson និងរុស្ស៊ី ដែលអាចអាចប៉ះពាល់ផលប្រយោជន៍របស់អាមេរិក។
ប្រធានាធិបតី ដូណាល់ ត្រាំ បានទទួលជ័យជម្នះនៅសមរភូមិព្រឹទ្ធសភា ជាទីដែលក្រុមប្រជាធិបតេយ្យកំពុងធ្វើពហិការចូលរួមកិច្ចពិភាក្សាលើសមាសភាពរដ្ឋាភិបាលរបស់លោក។ ព្រឹទ្ធសភាអាមេរិក ដែលក្រុមសាធារណរដ្ឋមានសំឡេងភាគច្រើន បានបោះឆ្នោតគាំទ្រអតីតនាយកប្រតិបត្តិក្រុមហ៊ុនប្រេង Exxon Mobil Corp លោក Rex Tillerson ធ្វើជារដ្ឋមន្ត្រីការបរទេសផ្លូវការ បើទោះជាបក្សប្រជាធិបតេយ្យមិនយល់ស្របក៏ដោយ។
សេដ្ឋីប្រេងស្និទ្ធរុស្ស៊ីរូបនេះ ទទួលសំឡេងគាំទ្រចំនួន៥៦ ទល់នឹង៤៣សំឡេង។ សមាជិកព្រឹទ្ធសភាទាំង៥២ របស់បក្សសាធារណរដ្ឋ រួមទាំងសមាជិក៤រូបរបស់បក្សប្រជាធិបតេយ្យ បានបោះឆ្នោតយល់ព្រមលើបេក្ខភាពលោក Rex Tillerson ស្របពេលដែលសមាជិកបក្សប្រជាធិបតេយ្យផ្សេងទៀត បោះឆ្នោតប្រឆាំង និងមិនបោះឆ្នោតតែម្ដង។ បក្សប្រជាធិបតេយ្យលើកឡើងថា លោក Tillerson មិនមានបទពិសោធន៍នយោបាយឡើយ ហើយទំនាក់ទំនងជាមួយរុស្ស៊ី ក៏មិនបម្រើប្រយោជន៍អាមេរិកដែរ។
ប៉ុន្មានម៉ោងក្រោយទទួលបានការយល់ព្រមពីព្រឹទ្ធសភា អ្នកជំនួញប្រេងវ័យ៦៤ឆ្នាំរូបនេះ ក៏បានស្បថចូលកាន់តំណែងជារដ្ឋមន្ត្រីការបរទេសទី៦៩ របស់អាមេរិក ស្នងតំណែងលោក John Kerry នៃរដ្ឋបាលប្រធានាធិបតី បារ៉ាក់ អូបាម៉ា ។ វត្តមានរបស់លោក នឹងជួយបំពេញកៅអីក្រុមប្រឹក្សាសន្តិសុខជាតិដែលនៅទំនេរស្រាប់ ហើយលោកក៏ក្លាយជារដ្ឋមន្ត្រីមួយទៀត ក្នុងគណៈរដ្ឋមន្ត្រីលោក ត្រាំ ដែលទើបតែមានរដ្ឋមន្ត្រីមិនដល់៥នាក់ផងនោះ។
យ៉ាងណាក្ដី បញ្ជាជាច្រើនកំពុងរង់ចាំប្រមុខការទូតរូបនេះដោះស្រាយបន្ថែមពីលើបញ្ហាហាមឃាត់លំហូរជនភៀសខ្លួន ដែលបង្កការមិនពេញចិត្តស្រាប់។ ការប្រឈមមុខជាមួយរុស្ស៊ី ការលេចឡើងរបស់ចិន និងការគំរាមកំហែងពីសំណាក់កូរ៉េខាងជើង សុទ្ធតែជាបញ្ហាប្រឈមទាំងអស់។ ដោយសាររឿងនេះ បូករួមជាមួយកង្វះបទពិសោធន៍របស់រដ្ឋមន្ត្រីការបរទេសថ្មីផងនោះ ទើបធ្វើឲ្យគេឯងបារម្ភពីអនាគតគោលនយោបាយការបរទេសអាមេរិកក្រោមការដឹកនាំរបស់លោក Rex Tillerson ៕
ប្រធានាធិបតី ដូណាល់ ត្រាំ បានទទួលជ័យជម្នះនៅសមរភូមិព្រឹទ្ធសភា ជាទីដែលក្រុមប្រជាធិបតេយ្យកំពុងធ្វើពហិការចូលរួមកិច្ចពិភាក្សាលើសមាសភាពរដ្ឋាភិបាលរបស់លោក។ ព្រឹទ្ធសភាអាមេរិក ដែលក្រុមសាធារណរដ្ឋមានសំឡេងភាគច្រើន បានបោះឆ្នោតគាំទ្រអតីតនាយកប្រតិបត្តិក្រុមហ៊ុនប្រេង Exxon Mobil Corp លោក Rex Tillerson ធ្វើជារដ្ឋមន្ត្រីការបរទេសផ្លូវការ បើទោះជាបក្សប្រជាធិបតេយ្យមិនយល់ស្របក៏ដោយ។
សេដ្ឋីប្រេងស្និទ្ធរុស្ស៊ីរូបនេះ ទទួលសំឡេងគាំទ្រចំនួន៥៦ ទល់នឹង៤៣សំឡេង។ សមាជិកព្រឹទ្ធសភាទាំង៥២ របស់បក្សសាធារណរដ្ឋ រួមទាំងសមាជិក៤រូបរបស់បក្សប្រជាធិបតេយ្យ បានបោះឆ្នោតយល់ព្រមលើបេក្ខភាពលោក Rex Tillerson ស្របពេលដែលសមាជិកបក្សប្រជាធិបតេយ្យផ្សេងទៀត បោះឆ្នោតប្រឆាំង និងមិនបោះឆ្នោតតែម្ដង។ បក្សប្រជាធិបតេយ្យលើកឡើងថា លោក Tillerson មិនមានបទពិសោធន៍នយោបាយឡើយ ហើយទំនាក់ទំនងជាមួយរុស្ស៊ី ក៏មិនបម្រើប្រយោជន៍អាមេរិកដែរ។
Congratulations to our new Secretary of State Rex Tillerson, sworn-in this evening by @VP Mike Pence. pic.twitter.com/YvLoJZUKj8 — President Trump (@POTUS) February 2, 2017ទីភ្នាក់ងារព័ត៌មាន Reuters ផ្សាយថា នៅមុនការបោះឆ្នោតនេះ បក្សប្រជាធិបតេយ្យ ក៏បានព្យាយាមពន្យារពេលបោះឆ្នោតលើបេក្ខភាពលោក Tillerson ជុំវិញបទបញ្ជាហាមឃាត់លំហូរជនអន្តោប្រវេសន៍មកពីប្រទេសឥស្លាមចំនួន៧ របស់ប្រធានាធិបតី ត្រាំ ។ សមាជិកបក្សប្រជាធិបតេយ្យ ចង់សួរលោក Tillerson ដើម្បីបញ្ជាក់ឲ្យច្បាស់លើគោលនយោបាយនេះ ដ្បិតប្រទេសជាច្រើនមិនពេញចិត្តការសម្រេចចិត្តបែបនេះឡើយ។
ប៉ុន្មានម៉ោងក្រោយទទួលបានការយល់ព្រមពីព្រឹទ្ធសភា អ្នកជំនួញប្រេងវ័យ៦៤ឆ្នាំរូបនេះ ក៏បានស្បថចូលកាន់តំណែងជារដ្ឋមន្ត្រីការបរទេសទី៦៩ របស់អាមេរិក ស្នងតំណែងលោក John Kerry នៃរដ្ឋបាលប្រធានាធិបតី បារ៉ាក់ អូបាម៉ា ។ វត្តមានរបស់លោក នឹងជួយបំពេញកៅអីក្រុមប្រឹក្សាសន្តិសុខជាតិដែលនៅទំនេរស្រាប់ ហើយលោកក៏ក្លាយជារដ្ឋមន្ត្រីមួយទៀត ក្នុងគណៈរដ្ឋមន្ត្រីលោក ត្រាំ ដែលទើបតែមានរដ្ឋមន្ត្រីមិនដល់៥នាក់ផងនោះ។
យ៉ាងណាក្ដី បញ្ជាជាច្រើនកំពុងរង់ចាំប្រមុខការទូតរូបនេះដោះស្រាយបន្ថែមពីលើបញ្ហាហាមឃាត់លំហូរជនភៀសខ្លួន ដែលបង្កការមិនពេញចិត្តស្រាប់។ ការប្រឈមមុខជាមួយរុស្ស៊ី ការលេចឡើងរបស់ចិន និងការគំរាមកំហែងពីសំណាក់កូរ៉េខាងជើង សុទ្ធតែជាបញ្ហាប្រឈមទាំងអស់។ ដោយសាររឿងនេះ បូករួមជាមួយកង្វះបទពិសោធន៍របស់រដ្ឋមន្ត្រីការបរទេសថ្មីផងនោះ ទើបធ្វើឲ្យគេឯងបារម្ភពីអនាគតគោលនយោបាយការបរទេសអាមេរិកក្រោមការដឹកនាំរបស់លោក Rex Tillerson ៕
Tag:
រុស្ស៊ី
អាមេរិក
Rex Tillerson
© រក្សាសិទ្ធិដោយ thmeythmey.com
