អន្តរជាតិ
Duterte ដាក់ពិន័យប៉ូលិសពុករលួយឲ្យសម្អាតកំប្លោកក្នុងទន្លេ
06, Feb 2017 , 7:19 pm
×![]()
ដោយ: តន ចាន់រិទ្ធារ៉ា
ប្រធានាធិបតីហ្វីលីពីន Rodrigo Duterte ដែលកំពុងមិនសប្បាយចិត្តរឿងអាស្រូវពុករលួយរបស់ប៉ូលិស បានចេញបញ្ជាលុបចោលការសម្រេចចិត្តរបស់មេប៉ូលិសជាតិ Ronald Dela Rosa ដែលចង់ឲ្យប៉ូលិសប្រព្រឹត្តសកម្មភាពមិនគប្បី ចូលហ្វឹកហាត់ឡើងវិញដើម្បីជាការដាក់ទោស។ លោកលើកឡើងថា ការដាក់ពិន័យឲ្យចូលហ្វឹកហាត់ឡើងវិញ មិនមានប្រសិទ្ធឡើយ តែលោកនឹងឲ្យប៉ូលិសទាំងនោះសម្អាតផ្ទៃទន្លេក្រោយវិមានប្រធានាធិបតី ដែលពោរពេញដោយកំប្លោក។
រឿងរ៉ាវពុករលួយនៅក្នុងស្ថាប័នប៉ូលិស ធ្វើឲ្យប្រធានាធិបតី Rodrigo Duterte ខឹងសម្បារយ៉ាងខ្លាំង។ លោកបានចេញបញ្ជារំលាយចោលអង្គភាពប្រឆាំងគ្រឿងញៀនរបស់ប៉ូលិស និងដកបញ្ឈរជើងប៉ូលិសទាំងអស់ដើម្បីបោសសម្អាតអំពើពុករលួយ។ ចំណែកមេប៉ូលិសជាតិឧត្តមសេនីយ៍ Ronald Dela Rosa ក៏បានចេញបញ្ជាឲ្យប៉ូលិសព្រហើនទាំងនោះ ចូលជំរុំហ្វឹកហាត់ដើម្បីជាការដាក់ពិន័យចំពោះកំហុសរបស់ពួកគេ។
យ៉ាងណាមិញ លោកប្រធានាធិបតី Duterte ដែលអន់ចិត្តរឿងពុករលួយរបស់ប៉ូលិស ហាក់មិនពេញចិត្តចំណាត់ការរបស់មេប៉ូលិសជាតិរូបនេះឡើយ ហើយលោកក៏បានទាត់ចោលការសម្រេចចិត្តនេះតែម្ដង។ ក្នុងសន្និសីទកាសែតនៅយប់ថ្ងៃទី៤ ខែមករា លោក Duterte បាននិយាយថា គ្មានការហ្វឹកហាត់ឡើងវិញអ្វីទាំងអស់ ព្រោះពួកគេត្រូវបានព្យួរពីតំណែងអស់ហើយ។ លោក ណែនាំឲ្យប៉ូលិសទាំងនោះមករាយការណ៍ដល់ការិយាល័យរបស់លោក ហើយលោករកផ្លូវផ្សេងដើម្បីដាក់ពិន័យប៉ូលិសពួកគេ។
សារព័ត៌មាន Rappler ផ្សាយថា ក្នុងសន្និសីទកាសែតដដែលនោះ ប្រធានាធិបតីរូបនេះ ក៏បានបញ្ជាក់ថា ការដាក់ពិន័យហ្វឹកហាត់ឡើងវិញ បានត្រឹមធ្វើឲ្យប៉ូលិសព្រហើនទាំងនោះក្លាយជា «មនុស្សល្អសម្បកក្រៅ» ប៉ុណ្ណោះ។ ទាក់ទងនឹងវិធានការលើប៉ូលិសពុករលួយវិញ លោក Duterte ដែលកំពុងខឹងស្រាប់ ក៏បានចេញបញ្ជាឲ្យប៉ូលិសទាំងនោះ សម្អាតកំប្លោកចេញពីទន្លេPasig ដែលនៅខាងក្រោយវិមានប្រធានាធិបតី Malacañang ។
«ការហ្វឹកហាត់ឡើងវិញ នឹងមិនមានឡើយ ព្រោះខ្ញុំលុបចោលបញ្ជារបស់ឧត្តមសេនីយ៍ Dela Rosa ហើយ។ ប៉ូលិសទាំងនោះ ត្រូវរាយការណ៍មកកាន់វិមានប្រធានាធិបតី។ អ្នកដឹងទេហេតុអ្វីខ្ញុំឲ្យពួកគេមកទីនេះ? ខ្ញុំត្រូវការសម្អាតទន្លេPasig ។ កប៉ាល់ មិនអាចធ្វើដំណើរឆ្លងកាត់ទីនោះឡើយ ព្រោះមានកំប្លោកច្រើនពេក។ ខ្ញុំនឹងឲ្យពួកគេស៊ីកំប្លោកទាំងនោះឲ្យអស់»។ នេះជាការព្រមានទាំងកំហឹងរបស់លោកDuterte លើមន្ត្រីប៉ូលិសពុករលួយ ផ្គើនចំណាត់ការប្រឆាំងអំពើពុករលួយរបស់លោក។
អំពើពុករលួយក្នុងស្ថាប័នប៉ូលិស ដែលជាកម្លាំងសំខាន់ក្នុងយុទ្ធនាការបោសសម្អាតគ្រឿងញៀន បានលេចធ្លាយ បន្ទាប់ពីរឿងអាស្រូវចាប់ជំរិត និងធ្វើឃាតពាណិជ្ជករកូរ៉េខាងត្បូង។ ស្ថានភាពនៃអំពើពុករលួយក្នុងជួរមន្ត្រីប៉ូលិស ទំនងធ្វើឲ្យប្រធានាធិបតី Rodrigo Duterte អស់ជំនឿចិត្តយ៉ាងខ្លាំងលើស្ថាប័នមួយនេះ។ លោកក៏បានបញ្ជាឲ្យផ្អាកប្រតិបត្តិការសម្អាតគ្រឿងញៀនរបស់ប៉ូលិស និងចង់យកកងទ័ពមកជំនួសតួនាទីបង្ក្រាបនេះទៀតផង៕
រឿងរ៉ាវពុករលួយនៅក្នុងស្ថាប័នប៉ូលិស ធ្វើឲ្យប្រធានាធិបតី Rodrigo Duterte ខឹងសម្បារយ៉ាងខ្លាំង។ លោកបានចេញបញ្ជារំលាយចោលអង្គភាពប្រឆាំងគ្រឿងញៀនរបស់ប៉ូលិស និងដកបញ្ឈរជើងប៉ូលិសទាំងអស់ដើម្បីបោសសម្អាតអំពើពុករលួយ។ ចំណែកមេប៉ូលិសជាតិឧត្តមសេនីយ៍ Ronald Dela Rosa ក៏បានចេញបញ្ជាឲ្យប៉ូលិសព្រហើនទាំងនោះ ចូលជំរុំហ្វឹកហាត់ដើម្បីជាការដាក់ពិន័យចំពោះកំហុសរបស់ពួកគេ។
យ៉ាងណាមិញ លោកប្រធានាធិបតី Duterte ដែលអន់ចិត្តរឿងពុករលួយរបស់ប៉ូលិស ហាក់មិនពេញចិត្តចំណាត់ការរបស់មេប៉ូលិសជាតិរូបនេះឡើយ ហើយលោកក៏បានទាត់ចោលការសម្រេចចិត្តនេះតែម្ដង។ ក្នុងសន្និសីទកាសែតនៅយប់ថ្ងៃទី៤ ខែមករា លោក Duterte បាននិយាយថា គ្មានការហ្វឹកហាត់ឡើងវិញអ្វីទាំងអស់ ព្រោះពួកគេត្រូវបានព្យួរពីតំណែងអស់ហើយ។ លោក ណែនាំឲ្យប៉ូលិសទាំងនោះមករាយការណ៍ដល់ការិយាល័យរបស់លោក ហើយលោករកផ្លូវផ្សេងដើម្បីដាក់ពិន័យប៉ូលិសពួកគេ។
សារព័ត៌មាន Rappler ផ្សាយថា ក្នុងសន្និសីទកាសែតដដែលនោះ ប្រធានាធិបតីរូបនេះ ក៏បានបញ្ជាក់ថា ការដាក់ពិន័យហ្វឹកហាត់ឡើងវិញ បានត្រឹមធ្វើឲ្យប៉ូលិសព្រហើនទាំងនោះក្លាយជា «មនុស្សល្អសម្បកក្រៅ» ប៉ុណ្ណោះ។ ទាក់ទងនឹងវិធានការលើប៉ូលិសពុករលួយវិញ លោក Duterte ដែលកំពុងខឹងស្រាប់ ក៏បានចេញបញ្ជាឲ្យប៉ូលិសទាំងនោះ សម្អាតកំប្លោកចេញពីទន្លេPasig ដែលនៅខាងក្រោយវិមានប្រធានាធិបតី Malacañang ។
«ការហ្វឹកហាត់ឡើងវិញ នឹងមិនមានឡើយ ព្រោះខ្ញុំលុបចោលបញ្ជារបស់ឧត្តមសេនីយ៍ Dela Rosa ហើយ។ ប៉ូលិសទាំងនោះ ត្រូវរាយការណ៍មកកាន់វិមានប្រធានាធិបតី។ អ្នកដឹងទេហេតុអ្វីខ្ញុំឲ្យពួកគេមកទីនេះ? ខ្ញុំត្រូវការសម្អាតទន្លេPasig ។ កប៉ាល់ មិនអាចធ្វើដំណើរឆ្លងកាត់ទីនោះឡើយ ព្រោះមានកំប្លោកច្រើនពេក។ ខ្ញុំនឹងឲ្យពួកគេស៊ីកំប្លោកទាំងនោះឲ្យអស់»។ នេះជាការព្រមានទាំងកំហឹងរបស់លោកDuterte លើមន្ត្រីប៉ូលិសពុករលួយ ផ្គើនចំណាត់ការប្រឆាំងអំពើពុករលួយរបស់លោក។
អំពើពុករលួយក្នុងស្ថាប័នប៉ូលិស ដែលជាកម្លាំងសំខាន់ក្នុងយុទ្ធនាការបោសសម្អាតគ្រឿងញៀន បានលេចធ្លាយ បន្ទាប់ពីរឿងអាស្រូវចាប់ជំរិត និងធ្វើឃាតពាណិជ្ជករកូរ៉េខាងត្បូង។ ស្ថានភាពនៃអំពើពុករលួយក្នុងជួរមន្ត្រីប៉ូលិស ទំនងធ្វើឲ្យប្រធានាធិបតី Rodrigo Duterte អស់ជំនឿចិត្តយ៉ាងខ្លាំងលើស្ថាប័នមួយនេះ។ លោកក៏បានបញ្ជាឲ្យផ្អាកប្រតិបត្តិការសម្អាតគ្រឿងញៀនរបស់ប៉ូលិស និងចង់យកកងទ័ពមកជំនួសតួនាទីបង្ក្រាបនេះទៀតផង៕
Tag:
ហ្វីលីពីន
Rodrigo Duterte
© រក្សាសិទ្ធិដោយ thmeythmey.com
