អន្តរជាតិ
ប្រជាជនជាច្រើនបន្តសម្រុកចូលអាមេរិក ខណៈបទបញ្ជារបស់ត្រាំ ត្រូវតុលាការព្យួរ
06, Feb 2017 , 8:59 pm
×![]()
ដោយ: ថ្មីៗ
ប្រជាជនជាច្រើនបន្តធ្វើដំណើរចូលទៅអាមេរិក ខណៈដែលបទបញ្ជាហាមប្រជាជនមកពីប្រទេស ៧ របស់រដ្ឋបាល ដូណាល់ ត្រាំ ត្រូវបានតុលាការសម្រេចព្យួរការអនុវត្តបណ្តោះអាសន្ននោះ។ តុលាការឧទ្ធរណ៍ម្សិលមិញក៏សម្រេចទាត់ចោលដំណើរសុំពីក្រសួងយុត្តិធម៌ដើម្បីអនុវត្តបទបញ្ជានេះឡើងវិញ។
តុលាការឧទ្ធរណ៍អាមេរិកថ្ងៃទី ៥ កុម្ភៈ ម្សិលមិញនេះបានសម្រេចច្រានចោលសំណើរក្រសួងយុត្តិធម៌អាមេរិកសុំអនុវត្តបទបញ្ជាហាមប្រជាជនមកពីប្រទេសម៉ូស្លីមចំនួន ៧ ឡើងវិញ ដោយជំទាស់ការសម្រេចផ្អាកការអនុវត្តរបស់ចៅក្រមសហព័ន្ធ។
យោងតាមទីភ្នាក់ងារព័ត៌មាន AFP ស្របពេលដែលការព្យួរការអនុវត្តនេះនៅបន្ត គេឃើញប្រជាជនមកពីប្រទេសដែលត្រូវហាមឃាត់ទាំង ៧នោះ ប្រញាប់ប្រញាប់ធ្វើដំណើរចូលសហរដ្ឋអាមេរិក។ ពួកគេបារម្ភថា ការហាមឃាត់នេះនឹងត្រូវអនុវត្តឡើងវិញនៅពេលណាមួយខាងមុខ។
តុលាការឧទ្ធរណ៍អាមេរកសម្រេចច្រានចូលបណ្តឹងទាស់របស់ក្រសួងយុត្តិធម៌អាមេរិកដែលប្រឆាំងសេចក្តីសម្រេចរបស់ចៅក្រម James Robart ដែលផ្អាកការអនុវត្តបទបញ្ជាលោក ដូណាល់ ត្រាំ បណ្តោះអាសន្នសិន។
យ៉ាងណាក៏ដោយក្រោយ សាលាឧទ្ធរណ៍សម្រេចបែបនេះ គេមិនទាន់ឃើញដូណាល់ ត្រាំ រិះគន់ឬមានយោបល់យ៉ាងណានោះឡើយ។ ប៉ុន្តែអនុប្រធានាធិបតីលោក Mike Pence បាន ហៅការសម្រេចនេះជាការបង្អាក់ការអនុវត្តរបស់ប្រធានាធិបតី។ លោក Pence នៅតែអះអាងដូច្នេះថា៖ «យើងនឹងប្រញាប់ប្រញាល់ធ្វើការ។ យើងនឹងឈ្នះការតវ៉ា ព្រោះយើងកំពុងប្រើមធ្យោបាយចំបាច់ដើម្បីការពារប្រទេសយើង ដែលវាជាអំណាចរបស់ប្រធានាធិបតី»។
សូមរម្លឹកបន្តិចថា ចៅក្រមតុលាការសហព័ន្ធលោក James Robart ប្រចាំក្រុង Seattle នារដ្ឋវ៉ាស៊ីនតោន បានសម្រេចដាក់ព្យូរបទបញ្ជាហាមប្រជាជនមកពីប្រទេស ៧ របស់ប្រធានាធិបតី បណ្តោះអាសន្នសិន ហើយលោកបានលើកឡើងពីធម្មនុញ្ញភាពនៃបទបញ្ជានេះ។ គេស្គាល់ថា លោក Robart ចៅក្រមដែលតែងតាំងឡើយដោយប្រធានាធិបតី George W. Bush ដោយលោកជាមនុស្សកណ្តាល ស្រឡាញ់ភាពត្រឹមត្រូ និងយុត្តិធម៌ និងមិនមាននិន្នាការទៅរកក្រុមសាធារណរដ្ឋឬទៅខាងប្រជាធិបតេយ្យដែរ។
ចាប់ពីថ្ងៃសៅរ៍ទី ៤ កុម្ភៈមក លោក ដូណាល់ ត្រាំនៅមិនសុខបក់មិនល្ហើយ ប្រើប្រាស់គណនី Twitter របស់ខ្លួនវាយប្រហារចៅក្រមសហព័ន្ធរូបនេះឥតឈប់។ លោក ត្រាំ បានសរសេរបង្ហោះថា៖« ការសម្រេចរបស់ចៅក្រុម ដែលមានគោលដៅទាញការអនុវត្តច្បាប់ចេញឲ្យឆ្ងាយពីប្រទេសយើង គឺជារឿងមួយដែលមិនសមហេតុផល ហើយវានឹងបរាជ័យ»។ ត្រាំ បានបន្ថែមថា វិធានការដ៏តឹងរ៉ឹងរបស់ខ្លូននេះជារឿងដែលមិនអាចខ្វះបានដើម្បីការពារសន្តិសុខនិងសុវត្ថិភាពប្រជាជនអាមេរិក។
យ៉ាងណាក៏ដោយចុះ អ្នកជំនាញមួយចំនួនចាប់ផ្តើមក្រឡេកមើលសម្តីនិងសកម្មភាពរបស់លោក ដូណាល់ ត្រាំ ដែលប្រឆាំងនឹងចៅក្រមដែលអនុវត្តអំណាចយុត្តាធិការអាមេរិកនោះ។គេថា វាប៉ះពាល់ដល់ស្ថាប័នដែលគេបង្កើតឡើងមកដើម្បីធានាការត្រួតពិនិត្យការប្រើប្រាស់អំណាចនៅសេតវិមាន និងសភាអាមេរិកឲ្យបានត្រឹមត្រូវ។ ហើយវាជាមូលដ្ឋានគ្រឹះនៃប្រជាធិបតេយ្យដូចគ្នា។
ប៉ុន្តែអនុប្រធានាធិបតីប្រញាប់ការពារសម្តីរបស់លោក ត្រាំ ភ្លាម ដោយលើកឡើងថា ការលើកឡើងរបស់ប្រធានាធិបតីមិនមែនពាក់ព័ន្ធធម្មានុរូបរបស់ចៅក្រមឡើយ តែលោក ត្រាំ គ្រាន់តែមិនយល់ស្របចំពោះការសម្រេចរបស់ចៅក្រមតែប៉ុណ្ណោះ។ លោក Pence បានបន្តថថា៖ «រាល់ប្រធានាធិបតីមានសិទ្ធិរិះគន់ស្ថាប័នទាំងអស់នៅក្នុងរដ្ឋនេះ»៕
តុលាការឧទ្ធរណ៍អាមេរិកថ្ងៃទី ៥ កុម្ភៈ ម្សិលមិញនេះបានសម្រេចច្រានចោលសំណើរក្រសួងយុត្តិធម៌អាមេរិកសុំអនុវត្តបទបញ្ជាហាមប្រជាជនមកពីប្រទេសម៉ូស្លីមចំនួន ៧ ឡើងវិញ ដោយជំទាស់ការសម្រេចផ្អាកការអនុវត្តរបស់ចៅក្រមសហព័ន្ធ។
យោងតាមទីភ្នាក់ងារព័ត៌មាន AFP ស្របពេលដែលការព្យួរការអនុវត្តនេះនៅបន្ត គេឃើញប្រជាជនមកពីប្រទេសដែលត្រូវហាមឃាត់ទាំង ៧នោះ ប្រញាប់ប្រញាប់ធ្វើដំណើរចូលសហរដ្ឋអាមេរិក។ ពួកគេបារម្ភថា ការហាមឃាត់នេះនឹងត្រូវអនុវត្តឡើងវិញនៅពេលណាមួយខាងមុខ។
តុលាការឧទ្ធរណ៍អាមេរកសម្រេចច្រានចូលបណ្តឹងទាស់របស់ក្រសួងយុត្តិធម៌អាមេរិកដែលប្រឆាំងសេចក្តីសម្រេចរបស់ចៅក្រម James Robart ដែលផ្អាកការអនុវត្តបទបញ្ជាលោក ដូណាល់ ត្រាំ បណ្តោះអាសន្នសិន។
យ៉ាងណាក៏ដោយក្រោយ សាលាឧទ្ធរណ៍សម្រេចបែបនេះ គេមិនទាន់ឃើញដូណាល់ ត្រាំ រិះគន់ឬមានយោបល់យ៉ាងណានោះឡើយ។ ប៉ុន្តែអនុប្រធានាធិបតីលោក Mike Pence បាន ហៅការសម្រេចនេះជាការបង្អាក់ការអនុវត្តរបស់ប្រធានាធិបតី។ លោក Pence នៅតែអះអាងដូច្នេះថា៖ «យើងនឹងប្រញាប់ប្រញាល់ធ្វើការ។ យើងនឹងឈ្នះការតវ៉ា ព្រោះយើងកំពុងប្រើមធ្យោបាយចំបាច់ដើម្បីការពារប្រទេសយើង ដែលវាជាអំណាចរបស់ប្រធានាធិបតី»។
សូមរម្លឹកបន្តិចថា ចៅក្រមតុលាការសហព័ន្ធលោក James Robart ប្រចាំក្រុង Seattle នារដ្ឋវ៉ាស៊ីនតោន បានសម្រេចដាក់ព្យូរបទបញ្ជាហាមប្រជាជនមកពីប្រទេស ៧ របស់ប្រធានាធិបតី បណ្តោះអាសន្នសិន ហើយលោកបានលើកឡើងពីធម្មនុញ្ញភាពនៃបទបញ្ជានេះ។ គេស្គាល់ថា លោក Robart ចៅក្រមដែលតែងតាំងឡើយដោយប្រធានាធិបតី George W. Bush ដោយលោកជាមនុស្សកណ្តាល ស្រឡាញ់ភាពត្រឹមត្រូ និងយុត្តិធម៌ និងមិនមាននិន្នាការទៅរកក្រុមសាធារណរដ្ឋឬទៅខាងប្រជាធិបតេយ្យដែរ។
ចាប់ពីថ្ងៃសៅរ៍ទី ៤ កុម្ភៈមក លោក ដូណាល់ ត្រាំនៅមិនសុខបក់មិនល្ហើយ ប្រើប្រាស់គណនី Twitter របស់ខ្លួនវាយប្រហារចៅក្រមសហព័ន្ធរូបនេះឥតឈប់។ លោក ត្រាំ បានសរសេរបង្ហោះថា៖« ការសម្រេចរបស់ចៅក្រុម ដែលមានគោលដៅទាញការអនុវត្តច្បាប់ចេញឲ្យឆ្ងាយពីប្រទេសយើង គឺជារឿងមួយដែលមិនសមហេតុផល ហើយវានឹងបរាជ័យ»។ ត្រាំ បានបន្ថែមថា វិធានការដ៏តឹងរ៉ឹងរបស់ខ្លូននេះជារឿងដែលមិនអាចខ្វះបានដើម្បីការពារសន្តិសុខនិងសុវត្ថិភាពប្រជាជនអាមេរិក។
យ៉ាងណាក៏ដោយចុះ អ្នកជំនាញមួយចំនួនចាប់ផ្តើមក្រឡេកមើលសម្តីនិងសកម្មភាពរបស់លោក ដូណាល់ ត្រាំ ដែលប្រឆាំងនឹងចៅក្រមដែលអនុវត្តអំណាចយុត្តាធិការអាមេរិកនោះ។គេថា វាប៉ះពាល់ដល់ស្ថាប័នដែលគេបង្កើតឡើងមកដើម្បីធានាការត្រួតពិនិត្យការប្រើប្រាស់អំណាចនៅសេតវិមាន និងសភាអាមេរិកឲ្យបានត្រឹមត្រូវ។ ហើយវាជាមូលដ្ឋានគ្រឹះនៃប្រជាធិបតេយ្យដូចគ្នា។
ប៉ុន្តែអនុប្រធានាធិបតីប្រញាប់ការពារសម្តីរបស់លោក ត្រាំ ភ្លាម ដោយលើកឡើងថា ការលើកឡើងរបស់ប្រធានាធិបតីមិនមែនពាក់ព័ន្ធធម្មានុរូបរបស់ចៅក្រមឡើយ តែលោក ត្រាំ គ្រាន់តែមិនយល់ស្របចំពោះការសម្រេចរបស់ចៅក្រមតែប៉ុណ្ណោះ។ លោក Pence បានបន្តថថា៖ «រាល់ប្រធានាធិបតីមានសិទ្ធិរិះគន់ស្ថាប័នទាំងអស់នៅក្នុងរដ្ឋនេះ»៕
© រក្សាសិទ្ធិដោយ thmeythmey.com
