វិទ្យាសាស្រ្ត និង បច្ចេកវិទ្យា
សេដ្ឋកិច្ច
អន្តរជាតិ
ឥណ្ឌានឹងក្លាយជាដៃគូសហការផលិតគ្រឿងបន្លាស់ iPhone ឲ្យក្រុមហ៊ុន Apple
07, Feb 2017 , 8:39 am
នាយកប្រតិបត្តិក្រុមហ៊ុន Apple លោក Tim Cook នាអំឡុងទស្សនកិច្ច៥ថ្ងៃនៅឥណ្ឌា។ រូបថត Indian Express
×![]()
ដោយ: ធីតា
នាពេលដ៏ខ្លីខាងមុខនេះ បណ្តារោងចក្រមួយចំនួននៅរដ្ឋ Karnataka ប្រទេសឥណ្ឌា នឹងក្លាយជាដៃគូរបស់ក្រុមហ៊ុន Apple លើការផលិតគ្រឿងបន្លាស់សម្រាប់ទូរសព្ទ iPhone ដើម្បីផ្គត់ផ្គង់ដល់រោងចក្រធំដែលមានទីតាំងនៅក្រុង Cupertino រដ្ឋកាលីហ្វនីញ៉ា សហរដ្ឋអាមេរិក។
ក្រុមហ៊ុន Apple បានមើលឃើញពីសក្តានុពលនៅប្រទេសឥណ្ឌា ដែលពួកគេអាចចាប់ជាដៃគូសហការលើការផលិតគ្រឿងបន្លាស់មួយចំនួនសម្រាប់ទូរសព្ទស្មាតហ្វូន iPhone។ «យើងនឹងចាប់ផ្តើមកិច្ចសហការនារយៈពេលពី៣ទៅ៤ខែទៀត»។ នេះជាការបញ្ជាក់របស់លោក Priyank Kharge រដ្ឋមន្ត្រីក្រសួងបច្ចេកវិទ្យាព័ត៌មាននៃរដ្ឋ Karnataka ភាគខាងត្បូងនៃប្រទេសឥណ្ឌា ដែលត្រូវបានដកស្រង់ដោយសារព័ត៌មាន Mashable កាលពីចុងសប្តាហ៍កន្លងមក។
បន្ទាប់ពីមានកិច្ចពីមានកិច្ចពិភាក្សាដ៏យូរ រដ្ឋាភិបាលនៃរដ្ឋ Karnataka ប្រទេសឥណ្ឌា បានយល់ព្រមតាមសំណើរដ៏សមហេតុផលរបស់ក្រុមហ៊ុន Apple។ លោកបានបញ្ជាក់ថា៖ «ក្រុមហ៊ុន Apple ចង់ឲ្យក្រុង Bengaluru ក្លាយជាផ្នែកមួយក្នុងកិច្ចសហការផលិតគ្រឿងបន្លាស់មួយចំនួនដែលមិនប៉ះពាល់ដល់ប្រព័ន្ធអេកូ និងបង្ហាញឲ្យឃើញពីសក្តានុពលរបស់ឥណ្ឌាក្នុងការផលិតគ្រឿងបច្ចេកវិទ្យាដែលមានកម្រិតប្រកួតប្រជែងលំដាប់អន្តរជាតិ»។
តាមពិតទៅ Apple បានជំរុញកិច្ចសហប្រតិបត្តិការចាប់តាំងពីឆ្នាំ២០១៦មកម្ល៉េះ ប៉ុន្តែក្រុមហ៊ុនយក្សមួយនេះ ចង់បានការសម្បទានមួយចំនួនទាក់ទងនឹងការបង់ពន្ធ។ ការចរចាបានត្រូវរ៉ូវគ្នា កាលពីថ្ងៃទី២៥ ខែមករា ប៉ុន្តែគេមិនដឹងព័ត៌មានលំអិតអ្វីបន្ថែមនោះឡើយ។
កាលពីខែធ្នូកន្លងមក ក្រុមហ៊ុន Apple ក៏បានផ្តើមកិច្ចសហការជាមួយក្រុមហ៊ុនតៃវ៉ាន់ Wistron លើការផលិតគ្រឿងបន្លាស់ iPhone ផងដែរ។ បច្ចុប្បន្ន ក្រុមហ៊ុនដែលសហការផលិតគ្រឿងបន្លាស់ផ្គត់ផ្គង់ដល់ Apple រួមមានដូចជាក្រុមហ៊ុន Bosch នៅអាល្លឺម៉ង់, Samsung , LG, SK Hynix (កូរ៉េខាងត្បូង), Huizhou Desay, Foxconn and Pegatron (ចិន) TSMC, Xintec (តៃវ៉ាន់), Alps Electric, Toshiba, Sony, TDK, Japan Display និង Sharp (ជប៉ុន), NXP (ហូឡង់), Hi-P and Green Point (សិង្ហបុរី) និងក្រុមហ៊ុនបច្ចេកវិទ្យានានានៅសហរដ្ឋអាមេរិក។
គ្រឿងបន្លាស់ទាំងនោះ មានដូចជា Accelerometer, Audio Chipsets and Codec, Baseband processor, ថ្ម, កាមេរ៉ា, FaceTime camera, Chipsets and Processors, Controller Chips, Display, DRAM, eCompass, Fingerprint, Flash memory, Gyroscope, Mixed-Signal Chips, Screen, Touchscreen, Sensors ជាដើម៕
ក្រុមហ៊ុន Apple បានមើលឃើញពីសក្តានុពលនៅប្រទេសឥណ្ឌា ដែលពួកគេអាចចាប់ជាដៃគូសហការលើការផលិតគ្រឿងបន្លាស់មួយចំនួនសម្រាប់ទូរសព្ទស្មាតហ្វូន iPhone។ «យើងនឹងចាប់ផ្តើមកិច្ចសហការនារយៈពេលពី៣ទៅ៤ខែទៀត»។ នេះជាការបញ្ជាក់របស់លោក Priyank Kharge រដ្ឋមន្ត្រីក្រសួងបច្ចេកវិទ្យាព័ត៌មាននៃរដ្ឋ Karnataka ភាគខាងត្បូងនៃប្រទេសឥណ្ឌា ដែលត្រូវបានដកស្រង់ដោយសារព័ត៌មាន Mashable កាលពីចុងសប្តាហ៍កន្លងមក។
បន្ទាប់ពីមានកិច្ចពីមានកិច្ចពិភាក្សាដ៏យូរ រដ្ឋាភិបាលនៃរដ្ឋ Karnataka ប្រទេសឥណ្ឌា បានយល់ព្រមតាមសំណើរដ៏សមហេតុផលរបស់ក្រុមហ៊ុន Apple។ លោកបានបញ្ជាក់ថា៖ «ក្រុមហ៊ុន Apple ចង់ឲ្យក្រុង Bengaluru ក្លាយជាផ្នែកមួយក្នុងកិច្ចសហការផលិតគ្រឿងបន្លាស់មួយចំនួនដែលមិនប៉ះពាល់ដល់ប្រព័ន្ធអេកូ និងបង្ហាញឲ្យឃើញពីសក្តានុពលរបស់ឥណ្ឌាក្នុងការផលិតគ្រឿងបច្ចេកវិទ្យាដែលមានកម្រិតប្រកួតប្រជែងលំដាប់អន្តរជាតិ»។
តាមពិតទៅ Apple បានជំរុញកិច្ចសហប្រតិបត្តិការចាប់តាំងពីឆ្នាំ២០១៦មកម្ល៉េះ ប៉ុន្តែក្រុមហ៊ុនយក្សមួយនេះ ចង់បានការសម្បទានមួយចំនួនទាក់ទងនឹងការបង់ពន្ធ។ ការចរចាបានត្រូវរ៉ូវគ្នា កាលពីថ្ងៃទី២៥ ខែមករា ប៉ុន្តែគេមិនដឹងព័ត៌មានលំអិតអ្វីបន្ថែមនោះឡើយ។
កាលពីខែធ្នូកន្លងមក ក្រុមហ៊ុន Apple ក៏បានផ្តើមកិច្ចសហការជាមួយក្រុមហ៊ុនតៃវ៉ាន់ Wistron លើការផលិតគ្រឿងបន្លាស់ iPhone ផងដែរ។ បច្ចុប្បន្ន ក្រុមហ៊ុនដែលសហការផលិតគ្រឿងបន្លាស់ផ្គត់ផ្គង់ដល់ Apple រួមមានដូចជាក្រុមហ៊ុន Bosch នៅអាល្លឺម៉ង់, Samsung , LG, SK Hynix (កូរ៉េខាងត្បូង), Huizhou Desay, Foxconn and Pegatron (ចិន) TSMC, Xintec (តៃវ៉ាន់), Alps Electric, Toshiba, Sony, TDK, Japan Display និង Sharp (ជប៉ុន), NXP (ហូឡង់), Hi-P and Green Point (សិង្ហបុរី) និងក្រុមហ៊ុនបច្ចេកវិទ្យានានានៅសហរដ្ឋអាមេរិក។
គ្រឿងបន្លាស់ទាំងនោះ មានដូចជា Accelerometer, Audio Chipsets and Codec, Baseband processor, ថ្ម, កាមេរ៉ា, FaceTime camera, Chipsets and Processors, Controller Chips, Display, DRAM, eCompass, Fingerprint, Flash memory, Gyroscope, Mixed-Signal Chips, Screen, Touchscreen, Sensors ជាដើម៕
Tag:
ឥណ្ឌា
iPhone
Apple
© រក្សាសិទ្ធិដោយ thmeythmey.com
