អន្តរជាតិ
វត្តមានប្រមុខការពារជាតិអាមេរិកនៅអាស៊ីបូព៌ា ធ្វើឲ្យចិន ក្តៅក្រហាយផង និងរីករាយផង
07, Feb 2017 , 4:01 pm
រដ្ឋមន្ត្រីការជាតិអាមេរិក ក្នុងជំនូបជាមួយនឹងនាយករដ្ឋមន្ត្រីជប៉ុន
×![]()
ដោយ: ថ្មីៗ
រដ្ឋាភិបាលក្រុងប៉េកាំង បានខឹងសម្បារខ្លាំងទៅនឹងសេចក្តីថ្លែងការណ៍របស់រដ្ឋមន្ត្រីការពារជាតិថ្មីអាមេរិកលោក James Mattis ដែលថ្លែងការពារជប៉ុនលើបញ្ហាសមុទ្រចិនខាងកើត។ ក៏ប៉ុន្តែពេលរដ្ឋមន្ត្រីការពារជាតិដដែលនោះ និយាយចំសមុទ្រចិនខាងត្បូងវិញ ក្រុងប៉េកាំង បែរជាត្រជាក់ចិត្តបន្តិច ហើយថែមទាំងស្វាគមន៍សេចក្តីថ្លែងការណ៍ចុងក្រោយរបស់រដ្ឋមន្ត្រីការពារជាតិលើសមុទ្រចិនខាងត្បូងទៀតផង។ នោះ ក៏ព្រោះតែលោករដ្ឋមន្ត្រីរូបនេះ មិនបញ្ចេញជំហរប្រឆាំងចិនក្នុងតំបន់ជម្លោះនោះឡើយ។
ថ្លែងក្នុងសន្និសីទសារព័ត៌មានប្រចាំថ្ងៃនៅថ្ងៃទី០៦ កុម្ភៈ អ្នកនាំពាក្យក្រសួងការបរទេសចិន លោក Lu Kang បានពន្យល់ថា ស្ថានភាពនៅសមុទ្រចិនខាងត្បូងមានស្ថានភាពធម្មតានោះទេ ហើយភាគីពាក់ព័ន្ធ ជាពិសេសចិន និងអាស៊ាន កំពុងតែធ្វើរួមគ្នាដើម្បីរក្សាសន្តិសុខ និងស្ថិរភាពនៅក្នុងតំបន់ឲ្យនៅនឹងនរ។ ដោយមិននិយាយចំឈ្មោះអាមេរិកដោយផ្ទាល់នោះ ក្រុងប៉េកាំង បានផ្ញើរសារថា ប្រទេសក្រៅតំបន់ គួរគោរពផលប្រយោជន៍ និងស្មារតីប្រទេសក្នុងតំបន់ ពោលគឺ មិនគួរលូកដៃចូលក្នុងកិច្ចការនេះឡើយ។
ដោយឡែកពាក់ព័ន្ធសេចក្តីថ្លែងការណ៍របស់លោករដ្ឋមន្ត្រីការពារជាតិអាមេរិកលើសមុទ្រចិនខាងត្បូង ចិន បានស្វាគមន៍។ អ្នកនាំពាក្យក្រសួងការបរទេសដដែលនោះ បានបញ្ជាក់យ៉ាងដូច្នេះថា៖« ពាក់ព័ន្ធនឹងសេចក្តីថ្លែងការណ៍រដ្ឋមន្ត្រីការពារជាតិ Mattis ដែលថា មិនចាំបាច់មានចលនាយោធា និងត្រូវដោះស្រាយជម្លោះដោយមធ្យោបាយការទូត, យើង ក៏ជឿជាក់ដូចគ្នាភាគីពាក់គួរដោះស្រាយតាមមធ្យោបាយការទូតរវាងភាគីជម្លោះដោយផ្ទាល់ និងជម្លោះត្រូវគ្រប់គ្រងការចរចា និងពិគ្រោះយោបល់។ នេះ គឺជារឿងដ៏ត្រឹមត្រូវដែលគួរតែធ្វើ»។
សូមជម្រាបផងដែរថា ថ្លែងក្នុងសន្និសីទសារព័ត៌មានក្នុងដំណើរទស្សនកិច្ចនៅជប៉ុន លោករដ្ឋមន្ត្រីការពារជាតិ James Mattis បានបន្ទោសចិនរឿងសមុទ្រចិនខាងត្បូងដែលបានធ្វើឲ្យបាត់បង់ទំនុកចិត្តជាមួយនឹងប្រទេសនៅក្នុងតំបន់ ក៏ប៉ុន្តែ លោករដ្ឋមន្ត្រី បន្ថែមថា ចំណាត់ការយោធាអាមេរិកក្នុងទម្រង់ធំ មិនត្រូវស្ថិតនៅក្នុងការពិចារណារបស់លោកឡើយ។ លោក បានជំរុញឲ្យមានការទំនាក់ទំនងគ្នា។
សេចក្តីថ្លែងការណ៍របស់រដ្ឋមន្ត្រីការពារជាតិរូបនេះ ហាក់ដូចជាខុសគ្នាបន្តិចជាមួយនឹងការលើកឡើងរបស់អ្នកនាំពាក្យសេតវិមានកាលពីពេលថ្មីនេះ ពោលគឺ ការលើកឡើងរបស់អ្នកនាំពាក្យសេតវិមានលើបញ្ហាសមុទ្រចិនខាងត្បូង ហាក់ដូចជាតានតឹងជាងនេះបន្តិច។ នៅក្នុងសន្និសីទសារព័ត៌មានប្រចាំថ្ងៃនៅថ្ងៃទី២៣ មករា អ្នកនាំពាក្យសេតវិមានអាមេរិក លោក Sean Spicer បានអះអាងថា បើសកម្មភាពរបស់ចិននៅក្នុងសមុទ្រចិនខាងត្បូង បំពាននៅក្នុងដែនសមុទ្រអន្តរជាតិនៃសមុទ្រជម្លោះនោះមែន អាមេរិក ប្តេជា្ញការពារជាដាច់ខាត។
លោក Sean Spicer បានសង្កត់ធ្ងន់យ៉ាងដូច្នេះ៖« វា គឺជាសំណួរមួយ ប្រសិន កោះទាំងនោះ (ប្រជុំកោះមួយចំនួនក្នុងសមុទ្រចិនខាងត្បូង) គឺជាផ្នែកមួយនៃដែនទឹកអន្តរជាតិ និងមិនមែនជាកម្មសិទ្ធិរបស់ចិនមែននោះ ... យើង(អាមេរិក) ធានាថា នឹងការពារអធិបតេយ្យអន្តរជាតិពីការគ្រប់គ្រងដោយប្រទេសណាមួយនោះ»។
កន្លងមក ក្នុងរដ្ឋបាលរបស់លោកអតីតប្រធានាធិបតីអាមេរិក បារ៉ាក់ អូបាម៉ា អាមេរិក បានមានគោលជំហររឹងទទឹងខ្លាំងជាមួយនឹងចិននៅក្នុងបញ្ហាសមុទ្រចិនខាងត្បូង។ អាមេរិក បានបញ្ជូននាវាចម្បាំង និងយន្តហោះស៊ើបការណ៍ទៅកាន់តំបន់ជម្លោះសមុទ្រចិនខាងត្បូងដើម្បីប្រឆាំងសកម្មភាពចិននៅក្នុងតំបន់ជម្លោះ ក្រោមហេតុផលការអនុវត្តច្បាប់អន្តរជាតិនៃសេរីការហោះហើរ និងធ្វើនាវាចរណ៍។
បើទោះបីជា ចិន ហាក់បានស្វាគមន៍ចំពោះការលើកឡើងរបស់រដ្ឋមន្ត្រីការពារជាតិអាមេរិកថ្មីលើសមុទ្រចិនខាងត្បូងហើយក៏ដោយចុះ ចិន ក៏ប្រតិកម្មខ្លាំងទៅនឹងជំហររដ្ឋមន្ត្រីការពារជាតិរូបនេះផងដែរ។ ក្នុងដំណើរទស្សនកិច្ចលើកដំបូងទៅកាន់កូរ៉េខាងត្បូង និងជប៉ុន កាលពីសបា្តហ៍មុន លោក James Mattis បានលើកឡើងពីការប្តេជា្ញចិត្តមិនប្រែប្រួលរបស់អាមេរិកទៅកាន់ឧបទ្វីបកូរ៉េ និងសមុទ្រចិនខាងកើត។
ក្នុងបរិបទឧបទ្វីបកូរ៉េ លោក Mattis បានអះអាងថា អាមេរិក នឹងការពារសម្ព័ន្ធមិត្តរបស់ខ្លួនកូរ៉េខាងត្បូង ក៏ដូចជាកងទ័ពអាមេរិក ដែលឈរជើងនៅទីនោះ តាមរយៈការដំឡើងប្រព័ន្ធការពារមីស៊ីល THAAD ដែលចិន តែងតែប្រឆាំងដាច់ខាត ដ្បិត ចិន មើលឃើញថា ប្រព័ន្ធការពារនេះ ប៉ះពាល់ផលប្រយោជន៍សន្តិសុខចិន ពោលគឺប្រព័ន្ធការពារនោះ អាចនឹងក្លាយឧបករណ៍ស៊ើបការណ៍កិច្ចការចិន។
ហើយបញ្ហាដែលចិនបានប្រតិកម្មខ្លាំងនោះ គឺការបន្តទទួលស្គាល់តំបន់រដ្ឋបាលដែលគ្រប់គ្រងដោយជប៉ុន ដែលជាតំបន់ដែលចិន ទាមទារផងដែរនោះ។ នៅថ្ងៃទី០៤ កុម្ភៈកន្លងទៅ រដ្ឋមន្ត្រីការពារជាតិអាមេរិក លោក James Mattis បានប្រកាសថា អាមេរិក បន្តទទួលស្គាល់បណ្តុំកោះដែលគ្រប់គ្រងដោយរដ្ឋបាលរបស់ជប៉ុន ក៏ដូចជាប្រការប្រាំនៃសន្ធិសញ្ញាសម្ព័ន្ធមិត្តអាមេរិក-ជប៉ុន»។ ប្រការប្រាំនៃសន្ធិសញ្ញាសម្ព័ន្ធមិត្តអាមេរិក-ជប៉ុន បានបញ្ញត្តិថា អាមេរិក នឹងការពារអធិបតេយ្យក្រោមរដ្ឋបាលរបស់ជប៉ុន ដែលរាប់បញ្ចូលទាំងបណ្តុំកោះ Senkaku ដែលចិន បានហៅថា Diaoyu និងទាមទារផងដែរនោះ។
សេចក្តីថ្លែងការណ៍របស់រដ្ឋមន្ត្រីការពារជាតិរូបនេះ បានធ្វើឲ្យចិនផ្ទុះកំហឹងខ្លាំង និងថែមទាំងព្រមានអាមេរិកឲ្យរៀបខ្លួន និងពាក្យសម្តីពេលនិយាយពីតំបន់វិវាទនោះផងដែរ។ « ប្រជុំកោះ Diaoyu និងតំបន់ក្បែរនោះ គឺជាផ្នែកមួយនៃអធិបតេយ្យចិនតាំងពីយូរយាណាស់់មកហើយ។ ហើយនេះ ក៏ជារឿងប្រវត្តិសាស្ត្រមួយដែលមិនមានការប្រែប្រួលផងដែរ។» នេះ គឺជាសេចក្តីថ្លែងការណ៍ប្រតិកម្មរបស់អ្នកនាំពាក្យក្រសួងការបរទេសចិន លោក Lu Kang ទៅនឹងសេចក្តីថ្លែងការណ៍របស់អាមេរិកនៅចុងសប្តាហ៍មុន។
នាពេលនោះដែរ អ្នកនាំពាក្យរូបនេះ បានបន្តទៀតថាយ៉ាងដូច្នេះថា៖« យើង ទទូចឲ្យភាគីអាមេរិកមានឥរិយាបថទទួលខុសត្រូវ បញ្ឈប់ការធ្វើអត្ថាធិប្បាយខុស និងចៀសឲ្យបានការធ្វើឲ្យបញ្ហាកាន់ស្មុគស្មាញ និងបង្កជាអស្ថិរភាពនៅក្នុងតំបន់»៕
ថ្លែងក្នុងសន្និសីទសារព័ត៌មានប្រចាំថ្ងៃនៅថ្ងៃទី០៦ កុម្ភៈ អ្នកនាំពាក្យក្រសួងការបរទេសចិន លោក Lu Kang បានពន្យល់ថា ស្ថានភាពនៅសមុទ្រចិនខាងត្បូងមានស្ថានភាពធម្មតានោះទេ ហើយភាគីពាក់ព័ន្ធ ជាពិសេសចិន និងអាស៊ាន កំពុងតែធ្វើរួមគ្នាដើម្បីរក្សាសន្តិសុខ និងស្ថិរភាពនៅក្នុងតំបន់ឲ្យនៅនឹងនរ។ ដោយមិននិយាយចំឈ្មោះអាមេរិកដោយផ្ទាល់នោះ ក្រុងប៉េកាំង បានផ្ញើរសារថា ប្រទេសក្រៅតំបន់ គួរគោរពផលប្រយោជន៍ និងស្មារតីប្រទេសក្នុងតំបន់ ពោលគឺ មិនគួរលូកដៃចូលក្នុងកិច្ចការនេះឡើយ។
ដោយឡែកពាក់ព័ន្ធសេចក្តីថ្លែងការណ៍របស់លោករដ្ឋមន្ត្រីការពារជាតិអាមេរិកលើសមុទ្រចិនខាងត្បូង ចិន បានស្វាគមន៍។ អ្នកនាំពាក្យក្រសួងការបរទេសដដែលនោះ បានបញ្ជាក់យ៉ាងដូច្នេះថា៖« ពាក់ព័ន្ធនឹងសេចក្តីថ្លែងការណ៍រដ្ឋមន្ត្រីការពារជាតិ Mattis ដែលថា មិនចាំបាច់មានចលនាយោធា និងត្រូវដោះស្រាយជម្លោះដោយមធ្យោបាយការទូត, យើង ក៏ជឿជាក់ដូចគ្នាភាគីពាក់គួរដោះស្រាយតាមមធ្យោបាយការទូតរវាងភាគីជម្លោះដោយផ្ទាល់ និងជម្លោះត្រូវគ្រប់គ្រងការចរចា និងពិគ្រោះយោបល់។ នេះ គឺជារឿងដ៏ត្រឹមត្រូវដែលគួរតែធ្វើ»។
សូមជម្រាបផងដែរថា ថ្លែងក្នុងសន្និសីទសារព័ត៌មានក្នុងដំណើរទស្សនកិច្ចនៅជប៉ុន លោករដ្ឋមន្ត្រីការពារជាតិ James Mattis បានបន្ទោសចិនរឿងសមុទ្រចិនខាងត្បូងដែលបានធ្វើឲ្យបាត់បង់ទំនុកចិត្តជាមួយនឹងប្រទេសនៅក្នុងតំបន់ ក៏ប៉ុន្តែ លោករដ្ឋមន្ត្រី បន្ថែមថា ចំណាត់ការយោធាអាមេរិកក្នុងទម្រង់ធំ មិនត្រូវស្ថិតនៅក្នុងការពិចារណារបស់លោកឡើយ។ លោក បានជំរុញឲ្យមានការទំនាក់ទំនងគ្នា។
សេចក្តីថ្លែងការណ៍របស់រដ្ឋមន្ត្រីការពារជាតិរូបនេះ ហាក់ដូចជាខុសគ្នាបន្តិចជាមួយនឹងការលើកឡើងរបស់អ្នកនាំពាក្យសេតវិមានកាលពីពេលថ្មីនេះ ពោលគឺ ការលើកឡើងរបស់អ្នកនាំពាក្យសេតវិមានលើបញ្ហាសមុទ្រចិនខាងត្បូង ហាក់ដូចជាតានតឹងជាងនេះបន្តិច។ នៅក្នុងសន្និសីទសារព័ត៌មានប្រចាំថ្ងៃនៅថ្ងៃទី២៣ មករា អ្នកនាំពាក្យសេតវិមានអាមេរិក លោក Sean Spicer បានអះអាងថា បើសកម្មភាពរបស់ចិននៅក្នុងសមុទ្រចិនខាងត្បូង បំពាននៅក្នុងដែនសមុទ្រអន្តរជាតិនៃសមុទ្រជម្លោះនោះមែន អាមេរិក ប្តេជា្ញការពារជាដាច់ខាត។
លោក Sean Spicer បានសង្កត់ធ្ងន់យ៉ាងដូច្នេះ៖« វា គឺជាសំណួរមួយ ប្រសិន កោះទាំងនោះ (ប្រជុំកោះមួយចំនួនក្នុងសមុទ្រចិនខាងត្បូង) គឺជាផ្នែកមួយនៃដែនទឹកអន្តរជាតិ និងមិនមែនជាកម្មសិទ្ធិរបស់ចិនមែននោះ ... យើង(អាមេរិក) ធានាថា នឹងការពារអធិបតេយ្យអន្តរជាតិពីការគ្រប់គ្រងដោយប្រទេសណាមួយនោះ»។
កន្លងមក ក្នុងរដ្ឋបាលរបស់លោកអតីតប្រធានាធិបតីអាមេរិក បារ៉ាក់ អូបាម៉ា អាមេរិក បានមានគោលជំហររឹងទទឹងខ្លាំងជាមួយនឹងចិននៅក្នុងបញ្ហាសមុទ្រចិនខាងត្បូង។ អាមេរិក បានបញ្ជូននាវាចម្បាំង និងយន្តហោះស៊ើបការណ៍ទៅកាន់តំបន់ជម្លោះសមុទ្រចិនខាងត្បូងដើម្បីប្រឆាំងសកម្មភាពចិននៅក្នុងតំបន់ជម្លោះ ក្រោមហេតុផលការអនុវត្តច្បាប់អន្តរជាតិនៃសេរីការហោះហើរ និងធ្វើនាវាចរណ៍។
បើទោះបីជា ចិន ហាក់បានស្វាគមន៍ចំពោះការលើកឡើងរបស់រដ្ឋមន្ត្រីការពារជាតិអាមេរិកថ្មីលើសមុទ្រចិនខាងត្បូងហើយក៏ដោយចុះ ចិន ក៏ប្រតិកម្មខ្លាំងទៅនឹងជំហររដ្ឋមន្ត្រីការពារជាតិរូបនេះផងដែរ។ ក្នុងដំណើរទស្សនកិច្ចលើកដំបូងទៅកាន់កូរ៉េខាងត្បូង និងជប៉ុន កាលពីសបា្តហ៍មុន លោក James Mattis បានលើកឡើងពីការប្តេជា្ញចិត្តមិនប្រែប្រួលរបស់អាមេរិកទៅកាន់ឧបទ្វីបកូរ៉េ និងសមុទ្រចិនខាងកើត។
ក្នុងបរិបទឧបទ្វីបកូរ៉េ លោក Mattis បានអះអាងថា អាមេរិក នឹងការពារសម្ព័ន្ធមិត្តរបស់ខ្លួនកូរ៉េខាងត្បូង ក៏ដូចជាកងទ័ពអាមេរិក ដែលឈរជើងនៅទីនោះ តាមរយៈការដំឡើងប្រព័ន្ធការពារមីស៊ីល THAAD ដែលចិន តែងតែប្រឆាំងដាច់ខាត ដ្បិត ចិន មើលឃើញថា ប្រព័ន្ធការពារនេះ ប៉ះពាល់ផលប្រយោជន៍សន្តិសុខចិន ពោលគឺប្រព័ន្ធការពារនោះ អាចនឹងក្លាយឧបករណ៍ស៊ើបការណ៍កិច្ចការចិន។
ហើយបញ្ហាដែលចិនបានប្រតិកម្មខ្លាំងនោះ គឺការបន្តទទួលស្គាល់តំបន់រដ្ឋបាលដែលគ្រប់គ្រងដោយជប៉ុន ដែលជាតំបន់ដែលចិន ទាមទារផងដែរនោះ។ នៅថ្ងៃទី០៤ កុម្ភៈកន្លងទៅ រដ្ឋមន្ត្រីការពារជាតិអាមេរិក លោក James Mattis បានប្រកាសថា អាមេរិក បន្តទទួលស្គាល់បណ្តុំកោះដែលគ្រប់គ្រងដោយរដ្ឋបាលរបស់ជប៉ុន ក៏ដូចជាប្រការប្រាំនៃសន្ធិសញ្ញាសម្ព័ន្ធមិត្តអាមេរិក-ជប៉ុន»។ ប្រការប្រាំនៃសន្ធិសញ្ញាសម្ព័ន្ធមិត្តអាមេរិក-ជប៉ុន បានបញ្ញត្តិថា អាមេរិក នឹងការពារអធិបតេយ្យក្រោមរដ្ឋបាលរបស់ជប៉ុន ដែលរាប់បញ្ចូលទាំងបណ្តុំកោះ Senkaku ដែលចិន បានហៅថា Diaoyu និងទាមទារផងដែរនោះ។
សេចក្តីថ្លែងការណ៍របស់រដ្ឋមន្ត្រីការពារជាតិរូបនេះ បានធ្វើឲ្យចិនផ្ទុះកំហឹងខ្លាំង និងថែមទាំងព្រមានអាមេរិកឲ្យរៀបខ្លួន និងពាក្យសម្តីពេលនិយាយពីតំបន់វិវាទនោះផងដែរ។ « ប្រជុំកោះ Diaoyu និងតំបន់ក្បែរនោះ គឺជាផ្នែកមួយនៃអធិបតេយ្យចិនតាំងពីយូរយាណាស់់មកហើយ។ ហើយនេះ ក៏ជារឿងប្រវត្តិសាស្ត្រមួយដែលមិនមានការប្រែប្រួលផងដែរ។» នេះ គឺជាសេចក្តីថ្លែងការណ៍ប្រតិកម្មរបស់អ្នកនាំពាក្យក្រសួងការបរទេសចិន លោក Lu Kang ទៅនឹងសេចក្តីថ្លែងការណ៍របស់អាមេរិកនៅចុងសប្តាហ៍មុន។
នាពេលនោះដែរ អ្នកនាំពាក្យរូបនេះ បានបន្តទៀតថាយ៉ាងដូច្នេះថា៖« យើង ទទូចឲ្យភាគីអាមេរិកមានឥរិយាបថទទួលខុសត្រូវ បញ្ឈប់ការធ្វើអត្ថាធិប្បាយខុស និងចៀសឲ្យបានការធ្វើឲ្យបញ្ហាកាន់ស្មុគស្មាញ និងបង្កជាអស្ថិរភាពនៅក្នុងតំបន់»៕
Tag:
អាមេរិក
ចិន
ជប៉ុន
កូរ៉េខាងត្បូង
© រក្សាសិទ្ធិដោយ thmeythmey.com
