អន្តរជាតិ
នាយករដ្ឋមន្ត្រីអង់គ្លេស ព្រមានសមាជិកសភាកុំចង់ប្រឆាំងឆន្ទៈប្រជាជនដែលចង់ចាកចេញពីអឺរ៉ុប
07, Feb 2017 , 9:19 pm
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីចក្រភពអង់គ្លេស Theresa May បានព្រមានសមាជិកសភាប្រឆាំងដែលចង់កែប្រែសេចក្ដីព្រាងច្បាប់ស្ដីពីការជូនដំណឹងការចាកចេញពីអឺរ៉ុប។ លោកស្រី បានហៅបំណងនៃការកែប្រែសេចក្ដីព្រាងច្បាប់ ជាការប្រឆាំងឆន្ទះប្រជាជនដែលបានសម្រេចចិត្តចាកចេញរួចហើយតាមរយៈប្រជាមតិខែមិថុនា ឆ្នាំ២០១៦ ។ សេចក្ដីព្រាងច្បាប់នេះ ផ្ដល់អំណាចឲ្យលោកស្រី May ក្នុងការចាប់ផ្ដើមការដំណើរការចរចាចាកចេញជាមួយអឺរ៉ុប ស្របតាមមាត្រា៥០ សន្ធិសញ្ញា Lisbon ។
សភាអង់គ្លេស កំពុងដំណើរការពិភាក្សាស៊ីជម្រៅលើសេចក្ដីព្រាងច្បាប់ស្ដីពីការចាកចេញពីសហភាពអឺរ៉ុប ដែលស្នើដោយរដ្ឋាភិបាលនាយករដ្ឋមន្ត្រី Theresa May ដើម្បីចាប់ផ្ដើមការចរចាជាមួយសហភាពអឺរ៉ុប។ សមាជិកសភាមកពីបក្សពលករ, បក្សប្រជាធិបតេយ្យសេរី និងក្រុមសមាជិកសភាមកពីស្កុតឡែន ក៏បានស្នើឲ្យមានការកែប្រែលើចំណុចជាច្រើននៃសេចក្ដីព្រាងច្បាប់នេះ មុននឹងអនុម័តក្លាយជាច្បាប់ ដើម្បីធានាផលប្រយោជន៍ប្រជាជនក្រោយពេលចាកចេញពីអឺរ៉ុប។
យ៉ាងណាក្ដី នាយករដ្ឋមន្ត្រី Theresa May បានចេញមកព្រមានសមាជិកទាំងនោះ និងបានប្រាប់ពួកគេ មិនត្រូវធ្វើឲ្យរាំងស្ទះឆន្ទះប្រជាជនដែលជ្រើសរើសការចាកចេញពីសហភាពអឺរ៉ុប និងធ្វើឲ្យដំណើរការចរចាជាមួយអឺរ៉ុបមិនអាចទៅមុខរួចដែរ។ បក្សប្រឆាំងពលករ ក៏បានដាក់សំណើកែប្រែចំណុចខ្លះនៃសេចក្ដីស្នើច្បាប់នេះដែរ ជាពិសេសបក្សនេះចង់ឲ្យមានការធានាថា នឹងមានការបោះឆ្នោតនៅសភាលើកិច្ចព្រមព្រៀងណាមួយដែលសម្រេចបានដោយរដ្ឋាភិបាល និងសហភាពអឺរ៉ុប។
មិនតែប៉ុណ្ណោះ បក្សពលករ ក៏ចង់ឲ្យសេចក្ដីស្នើច្បាប់នេះចែងពីសិទ្ធិរបស់ពលករ ព្រមទាំងទាមទារឲ្យរដ្ឋមន្ត្រីទទួលការចាកចេញ ធ្វើរបាយការណ៍ស្ដីពីដំណើរការចាកចេញនៅរៀងរាល់ពីរខែម្ដងទៅឲ្យសភា។ ក្រុមប្រឆាំង ក៏បានទាមទារឲ្យរដ្ឋាភិបាលធានាពីសិទ្ធិរស់នៅរបស់ប្រជាជននៃរដ្ឋសមាជិកសហភាពអឺរ៉ុបលើទឹកដីចក្រភពអង់គ្លេសដែរ។
បើតាមសារព័ត៌មាន BBC នាយករដ្ឋមន្ត្រី May និយាយថា លោកស្រី និងមេដឹកនាំអឺរ៉ុប ចង់ឲ្យការចរចារឿងចាកចេញដំណើរការដោយរលូន ស្របតាមការសម្រេចចិត្តរបស់ប្រជាជនអង់គ្លេស។ ជាការពិត សេចក្ដីព្រាងច្បាប់របស់លោកស្រី ក៏ត្រូវបានសភាអនុម័តជាគោលការណ៍នៅដំណាក់កាលដំបូងរួចដែរ ដែលបានផ្ដល់អំណាចឲ្យលោកស្រី អនុវត្តមាត្រា៥០ សន្ធិសញ្ញា Lisbon ដែលនោះទើបជាការចាប់ផ្ដើមការចរចា។
ទាក់ទងបញ្ហានេះ បក្សពលករ នៅមិនទាន់ច្បាស់ថាត្រូវគាំទ្រសេចក្ដីព្រាងច្បាប់នេះឬយ៉ាងណាដែរ ព្រោះសមាជិកសភាជាច្រើនមានជំហរជំទាស់ និងខ្លះបានលាលែងតំណែងដែរ។ ចំណែកឯប្រធានបក្សប្រឆាំង Jeremy Corbyn ក៏បញ្ជាក់រួចហើយថាលោក គាំទ្រសេចក្ដីព្រាងនេះ និងបញ្ចុះបញ្ចូលសមាជិកបក្សឲ្យគាំទ្រដូចគ្នា។ ដោយសាររឿងនេះ បក្សពលករ នឹងជជែកគ្នាផ្ទៃក្នុងដើម្បីសម្រេចជំហររួម ចៀសវាងការបែកបាក់គ្នាក្នុងបក្ស៕
សភាអង់គ្លេស កំពុងដំណើរការពិភាក្សាស៊ីជម្រៅលើសេចក្ដីព្រាងច្បាប់ស្ដីពីការចាកចេញពីសហភាពអឺរ៉ុប ដែលស្នើដោយរដ្ឋាភិបាលនាយករដ្ឋមន្ត្រី Theresa May ដើម្បីចាប់ផ្ដើមការចរចាជាមួយសហភាពអឺរ៉ុប។ សមាជិកសភាមកពីបក្សពលករ, បក្សប្រជាធិបតេយ្យសេរី និងក្រុមសមាជិកសភាមកពីស្កុតឡែន ក៏បានស្នើឲ្យមានការកែប្រែលើចំណុចជាច្រើននៃសេចក្ដីព្រាងច្បាប់នេះ មុននឹងអនុម័តក្លាយជាច្បាប់ ដើម្បីធានាផលប្រយោជន៍ប្រជាជនក្រោយពេលចាកចេញពីអឺរ៉ុប។
យ៉ាងណាក្ដី នាយករដ្ឋមន្ត្រី Theresa May បានចេញមកព្រមានសមាជិកទាំងនោះ និងបានប្រាប់ពួកគេ មិនត្រូវធ្វើឲ្យរាំងស្ទះឆន្ទះប្រជាជនដែលជ្រើសរើសការចាកចេញពីសហភាពអឺរ៉ុប និងធ្វើឲ្យដំណើរការចរចាជាមួយអឺរ៉ុបមិនអាចទៅមុខរួចដែរ។ បក្សប្រឆាំងពលករ ក៏បានដាក់សំណើកែប្រែចំណុចខ្លះនៃសេចក្ដីស្នើច្បាប់នេះដែរ ជាពិសេសបក្សនេះចង់ឲ្យមានការធានាថា នឹងមានការបោះឆ្នោតនៅសភាលើកិច្ចព្រមព្រៀងណាមួយដែលសម្រេចបានដោយរដ្ឋាភិបាល និងសហភាពអឺរ៉ុប។
មិនតែប៉ុណ្ណោះ បក្សពលករ ក៏ចង់ឲ្យសេចក្ដីស្នើច្បាប់នេះចែងពីសិទ្ធិរបស់ពលករ ព្រមទាំងទាមទារឲ្យរដ្ឋមន្ត្រីទទួលការចាកចេញ ធ្វើរបាយការណ៍ស្ដីពីដំណើរការចាកចេញនៅរៀងរាល់ពីរខែម្ដងទៅឲ្យសភា។ ក្រុមប្រឆាំង ក៏បានទាមទារឲ្យរដ្ឋាភិបាលធានាពីសិទ្ធិរស់នៅរបស់ប្រជាជននៃរដ្ឋសមាជិកសហភាពអឺរ៉ុបលើទឹកដីចក្រភពអង់គ្លេសដែរ។
បើតាមសារព័ត៌មាន BBC នាយករដ្ឋមន្ត្រី May និយាយថា លោកស្រី និងមេដឹកនាំអឺរ៉ុប ចង់ឲ្យការចរចារឿងចាកចេញដំណើរការដោយរលូន ស្របតាមការសម្រេចចិត្តរបស់ប្រជាជនអង់គ្លេស។ ជាការពិត សេចក្ដីព្រាងច្បាប់របស់លោកស្រី ក៏ត្រូវបានសភាអនុម័តជាគោលការណ៍នៅដំណាក់កាលដំបូងរួចដែរ ដែលបានផ្ដល់អំណាចឲ្យលោកស្រី អនុវត្តមាត្រា៥០ សន្ធិសញ្ញា Lisbon ដែលនោះទើបជាការចាប់ផ្ដើមការចរចា។
ទាក់ទងបញ្ហានេះ បក្សពលករ នៅមិនទាន់ច្បាស់ថាត្រូវគាំទ្រសេចក្ដីព្រាងច្បាប់នេះឬយ៉ាងណាដែរ ព្រោះសមាជិកសភាជាច្រើនមានជំហរជំទាស់ និងខ្លះបានលាលែងតំណែងដែរ។ ចំណែកឯប្រធានបក្សប្រឆាំង Jeremy Corbyn ក៏បញ្ជាក់រួចហើយថាលោក គាំទ្រសេចក្ដីព្រាងនេះ និងបញ្ចុះបញ្ចូលសមាជិកបក្សឲ្យគាំទ្រដូចគ្នា។ ដោយសាររឿងនេះ បក្សពលករ នឹងជជែកគ្នាផ្ទៃក្នុងដើម្បីសម្រេចជំហររួម ចៀសវាងការបែកបាក់គ្នាក្នុងបក្ស៕
Tag:
Brexit
Theresa May
អង់គ្លេស
អឺរ៉ុប
© រក្សាសិទ្ធិដោយ thmeythmey.com
