អន្តរជាតិ
ប្រធានាធិបតីចិនជំរុញការលើកស្ទួយការប្រើប្រាស់បច្ចេកវិទ្យាក្នុងវិស័យយោធា
14, Mar 2017 , 9:39 am
×![]()
ដោយ: ថ្មីៗ
ប្រធានាធិបតីចិន លោក ស៊ី ជិនពីង បានប្រកាសថា ចិននឹងផ្តោតលើការច្នៃប្រឌិតវិទ្យាសាស្ត្រនិងបច្ចេកវិទ្យាដើម្បីគាំទ្រការធ្វើទំនើបកម្មយោធារបស់ខ្លួន។ ការលើកឡើងនេះបង្ហាញឲ្យឃើញពីមហិច្ឆតារបស់ចិនក្នុងពង្រឹងអំណាចយោធារបស់ខ្លួនស្របពេលដែលមហាអំណាចមួយនេះប្រឹងពង្រឹងឥទ្ធិពលរបស់ខ្លួននៅលើពិភពលោក។
ក្នុងជំនួបជាមួយមន្ត្រីយោធាជាន់ខ្ពស់កាលពីថ្ងៃអាទិត្យទី ១២មីនា ប្រមុខរដ្ឋចិនលោកស៊ី ជិនពីង បានប្រកាសថា ចិននឹងព្យាយាមលើកស្ទួយការច្នៃប្រឌិតផ្នែកវិទ្យាសាស្ត្រក្នុងកម្មវិធីទំនើបកម្មយោធារបស់ខ្លួននៅពេលខាងមុខ។
«វិទ្យាសាស្ត្រនិងបច្ចេកវិទ្យាគឺជាគន្លឹះធំនៃការធ្វើទំនើបកម្មយោធារបស់យើង»។ នេះការថ្លែងរបស់លោក ស៊ី ជិនពីង ដែលស្រង់សម្តីដោយទីភ្នាក់ងារព័ត៌មានរដ្ឋចិនស៊ីនហួរ។
លោកបន្តថា៖«វាគួរតែមានការគាំទ្របន្ថែមលើវិទ្តសាស្ត្រនិងបច្ចេកវិទ្យាសម្រាប់កងទ័ពរំដោះប្រជាជន។ យើងត្រូវបង្កើនការគាំទ្រការច្នៃប្រឌិតនិងអភិវឌ្ឍផ្នែកវិទ្យាសាស្ត្រនិងបច្ចេកវិទ្យាដោយមានការប្តេជ្ញាចិត្តខ្ពស់និងយកចិត្តដាក់ខ្លាំង»។
ប្រធានាធិបតី ស៊ី ជិនពីង ជាអ្នកអនុវត្តនយោបាយទំនើបកម្មយោធាចិនកន្លងមកក្នុងនោះមានទាំងគម្រោងផលិតយន្តហោះចម្បាំងបំបាំងកាយ, មីស៊ីលប្រឆាំងផ្កាយរណប និងនាវាមុជទឹកទំនើបៗថែមទៀត។ គម្រោងទំនើបយោធានេះ ជាមហិច្ឆតាមួយរបស់រដ្ឋាភិបាលក្រុងប៉េកាំងក្នុងការឈានឆ្ពោះទៅកសាងឥទ្ធិពលនិងអំណាចរបស់ខ្លួននៅក្រៅប្រទេស។
ក្រៅពីយកចិត្តទុកដាក់លើការបង្កើនការស្រាវជ្រាវនិងការច្នៃប្រឌិតក្នុងវិស័យបច្ចេកវិទ្យាយោធា ប្រមុខរដ្ឋចិននេះបានកំណត់យកការពង្រឹងកិច្ចសហប្រតិបត្តិការរវាងមន្ត្រីស៊ីវិល និងមន្ត្រីយោធាជាគោលសម្រាប់ការពង្រឹងសមត្ថភាពកងទ័ពផងដែរ។ រដ្ឋាភិបាលនឹងយកចិត្តទុកដាក់ចំពោះការអភិវឌ្ឍប្រព័ន្ធហ្វឹកហ្វឺននិងការបំពាក់បំប៉នសមត្ថភាពកងទ័ពទ្រង់ទ្រាយធំ ដើម្បីធានា ពីគុណភាពនិងសមត្ថភាពកងទ័ពជារួម។
កន្លងមក ដើម្បីបង្កើនសមត្ថភាពយោធាឲ្យកាន់តែខ្លាំងក្លា ក្រុងប៉េកាំងកន្លងមកបានផ្តោតលើការប្រយុទ្ធឆាំងក្រុមមន្ត្រីយោធាពុករលួយនៅតាមជួរកងទ័ពពីថ្នាក់លើដល់ថ្នាក់ក្រោម ហើយនិងកាត់បន្ថយចំនួនកងទ័ពផងដែរដោយសារកងទ័ពចិនមានចំនួនច្រើនលើសលុប។ គោលនយោបាយកណ្តាប់ដៃដែករបស់ប្រធានាធិបតី ប្រឆាំងអំពើពុករលួយហាក់មានផ្លែផ្កាច្រើនដែរកន្លងមក ដោយសារមន្ត្រីពុករលួយច្រើននាក់ត្រូវបានគេចាប់ខ្លួននិងកាត់ទោស។
ប៉ុន្តែគម្រោងកាត់បន្ថយកងទ័ពចំនួន ៣សែននាក់ របស់លោក ស៊ី ជិនពីង ដែលបានប្រកាសពីឆ្នាំ ២០១៥ នោះបង្កើតបញ្ហាចម្រូងចម្រាសច្រើន។ ប៉ុន្មានខែមុនពេលលោក ស៊ី ជិនពីង លើកឡើងពីការអភិវឌ្ឍបច្ចេកវិទ្យាក្នុងវិស័យយោធា គេឃើញក្រុមយោធាចិនដែលត្រូវបានគេរំសាយនោះនាំគ្នាបាតុកម្មតវ៉ាដោយពួកគេទាមទារឲ្យរដ្ឋាភិបាលគាំទ្រពួកគេឲ្យបានដិតដល់ផងដែរ៕
ក្នុងជំនួបជាមួយមន្ត្រីយោធាជាន់ខ្ពស់កាលពីថ្ងៃអាទិត្យទី ១២មីនា ប្រមុខរដ្ឋចិនលោកស៊ី ជិនពីង បានប្រកាសថា ចិននឹងព្យាយាមលើកស្ទួយការច្នៃប្រឌិតផ្នែកវិទ្យាសាស្ត្រក្នុងកម្មវិធីទំនើបកម្មយោធារបស់ខ្លួននៅពេលខាងមុខ។
«វិទ្យាសាស្ត្រនិងបច្ចេកវិទ្យាគឺជាគន្លឹះធំនៃការធ្វើទំនើបកម្មយោធារបស់យើង»។ នេះការថ្លែងរបស់លោក ស៊ី ជិនពីង ដែលស្រង់សម្តីដោយទីភ្នាក់ងារព័ត៌មានរដ្ឋចិនស៊ីនហួរ។
លោកបន្តថា៖«វាគួរតែមានការគាំទ្របន្ថែមលើវិទ្តសាស្ត្រនិងបច្ចេកវិទ្យាសម្រាប់កងទ័ពរំដោះប្រជាជន។ យើងត្រូវបង្កើនការគាំទ្រការច្នៃប្រឌិតនិងអភិវឌ្ឍផ្នែកវិទ្យាសាស្ត្រនិងបច្ចេកវិទ្យាដោយមានការប្តេជ្ញាចិត្តខ្ពស់និងយកចិត្តដាក់ខ្លាំង»។
ប្រធានាធិបតី ស៊ី ជិនពីង ជាអ្នកអនុវត្តនយោបាយទំនើបកម្មយោធាចិនកន្លងមកក្នុងនោះមានទាំងគម្រោងផលិតយន្តហោះចម្បាំងបំបាំងកាយ, មីស៊ីលប្រឆាំងផ្កាយរណប និងនាវាមុជទឹកទំនើបៗថែមទៀត។ គម្រោងទំនើបយោធានេះ ជាមហិច្ឆតាមួយរបស់រដ្ឋាភិបាលក្រុងប៉េកាំងក្នុងការឈានឆ្ពោះទៅកសាងឥទ្ធិពលនិងអំណាចរបស់ខ្លួននៅក្រៅប្រទេស។
ក្រៅពីយកចិត្តទុកដាក់លើការបង្កើនការស្រាវជ្រាវនិងការច្នៃប្រឌិតក្នុងវិស័យបច្ចេកវិទ្យាយោធា ប្រមុខរដ្ឋចិននេះបានកំណត់យកការពង្រឹងកិច្ចសហប្រតិបត្តិការរវាងមន្ត្រីស៊ីវិល និងមន្ត្រីយោធាជាគោលសម្រាប់ការពង្រឹងសមត្ថភាពកងទ័ពផងដែរ។ រដ្ឋាភិបាលនឹងយកចិត្តទុកដាក់ចំពោះការអភិវឌ្ឍប្រព័ន្ធហ្វឹកហ្វឺននិងការបំពាក់បំប៉នសមត្ថភាពកងទ័ពទ្រង់ទ្រាយធំ ដើម្បីធានា ពីគុណភាពនិងសមត្ថភាពកងទ័ពជារួម។
កន្លងមក ដើម្បីបង្កើនសមត្ថភាពយោធាឲ្យកាន់តែខ្លាំងក្លា ក្រុងប៉េកាំងកន្លងមកបានផ្តោតលើការប្រយុទ្ធឆាំងក្រុមមន្ត្រីយោធាពុករលួយនៅតាមជួរកងទ័ពពីថ្នាក់លើដល់ថ្នាក់ក្រោម ហើយនិងកាត់បន្ថយចំនួនកងទ័ពផងដែរដោយសារកងទ័ពចិនមានចំនួនច្រើនលើសលុប។ គោលនយោបាយកណ្តាប់ដៃដែករបស់ប្រធានាធិបតី ប្រឆាំងអំពើពុករលួយហាក់មានផ្លែផ្កាច្រើនដែរកន្លងមក ដោយសារមន្ត្រីពុករលួយច្រើននាក់ត្រូវបានគេចាប់ខ្លួននិងកាត់ទោស។
ប៉ុន្តែគម្រោងកាត់បន្ថយកងទ័ពចំនួន ៣សែននាក់ របស់លោក ស៊ី ជិនពីង ដែលបានប្រកាសពីឆ្នាំ ២០១៥ នោះបង្កើតបញ្ហាចម្រូងចម្រាសច្រើន។ ប៉ុន្មានខែមុនពេលលោក ស៊ី ជិនពីង លើកឡើងពីការអភិវឌ្ឍបច្ចេកវិទ្យាក្នុងវិស័យយោធា គេឃើញក្រុមយោធាចិនដែលត្រូវបានគេរំសាយនោះនាំគ្នាបាតុកម្មតវ៉ាដោយពួកគេទាមទារឲ្យរដ្ឋាភិបាលគាំទ្រពួកគេឲ្យបានដិតដល់ផងដែរ៕
Tag:
ចិន
ស៊ី ជិនពីង
ទំនើបកម្មកងទ័ពចិន
បច្ចេកវិទ្យាយោធា
© រក្សាសិទ្ធិដោយ thmeythmey.com
