អន្តរជាតិ
ជប៉ុនសម្ញែងសាច់ដុំយោធាដោយបញ្ជូននាវាចម្បាំងធំបំផុតទៅសមុទ្រចិនខាងត្បូង
14, Mar 2017 , 3:01 pm
×![]()
ដោយ: ថ្មីៗ
ជប៉ុនគ្រោងនឹងបញ្ជូននាវាចម្បាំងធំបំផុតមួយរបស់ខ្លួនទៅបង្អួតសាច់ដុំយោធានៅតំបន់ជម្លោះសមុទ្រចិនខាងត្បូងនៅខែឧសភាខាងមុខ។ នាវានេះនឹងចូលសំចតនៅឥណ្ឌូណេស៊ី, សិង្ហបុរី, ហ្វលីពីន និងស្រីលង្ការផងមុននឹងបន្តដំណើរទៅចូលរួមសមយុទ្ធយោធាជាមួយកងទ័ពអាមេរិកនិងកងទ័ពឥណ្ឌានៅមហាសមុទ្រឥណ្ឌានាខែកក្កដា។ នេះជាការបង្ហាញអំណាចយោធាទ្រង់ទ្រាយធំបំផុតរបស់ជប៉ុនដែលជារដ្ឋមិនជាប់ជម្លោះសមុទ្រចិនខាងត្បូង ហើយវាអាចបង្កភាពតានតឹងខ្លាំងផង។ យ៉ាងណាមិញ ទោះជាក្នុងស្ថានភាពណាក៏ដោយ ក្រុងតូក្យូបានបញ្ជាក់ច្បាស់ណាស់កាលពីខែកុម្ភៈកន្លងទៅថា ខ្លួនមិនបញ្ជូនទ័ពទៅសមុទ្រចិនខាងត្បូងឡើយ។
សូមស្តាប់សំឡេង៖
ខណៈដែលគ្រប់គ្នាកំពុងចាំមើលគោលនយោបាយការបរទេសតំបន់អាស៊ីរបស់រដ្ឋបាល លោក ដូណាល់ ត្រាំ សម្ព័ន្ធមិត្តអាមេរិក ជប៉ុនកំពុងព្យាយាមបង្កើនតួនាទីរបស់ខ្លួនក្នុងតំបន់។រដ្ឋាភិបាលជប៉ុនបច្ចុប្បន្នស្ថិតក្រោមការដឹកនាំរបស់លោក ស៊ីនហ្សូ អាបេ បន្តពង្រឹងឡើងវិញនូវអំណាចយោធារបស់ខ្លួនដែលត្រូវបានកម្រិតឲ្យមានត្រឹមសិទ្ធិស្វ័យការពារក្រោយសង្គ្រាមលោកលើកទីពីរនោះ។ ហើយអ្វីដែលគួរឲ្យកត់សម្គាល់ជប៉ុនហាក់ព្យាយាមចូលលូកដៃកាន់តែជ្រៅចូលក្នុងបញ្ហាជម្លោះសមុទ្រចិនខាងត្បូង ទាំងដែលខ្លួនមិនមានជាប់ពាក់ព័ន្ធអ្វីសោះនោះ។
ប្រភពចំនួនបីត្រូវបានស្រង់សម្តីដោយទីភ្នាក់ងារព័ត៌មាន Reuters ថា ជប៉ុនត្រៀមបញ្ជូននាវាចម្បាំងដ៏ធំបំផុតមួយរបស់ខ្លួនទៅឆ្លងកាត់សមុទ្រចិនខាងត្បូង ដើម្បីទៅចូលរួមសមុទ្រយោធាមួយជាមួយអាមេរិកនិងឥណ្ឌា។
នាវាចម្បាំងនិងជានាវាដឹកឧទ្ធម្ភាគចក្ររបស់ជប៉ុនដែលមានឈ្មោះថា Izumo នេះត្រូវបានដាក់ឲ្យបម្រើកងទ័ពជប៉ុនកាលពីពីរឆ្នាំមុននោះ។ Izumo មានប្រវែង ២៤៩ម៉ែត្រ ហើយវាជានាវាធំបំផុតដែលជប៉ុនមាន ហើយក៏វាជាប្រភេទនាវាសម័យសង្គ្រាមលោកលើកទី ២។ នាវានេះអាចផ្ទុកឧទ្ធម្ភាគចក្របាន ៩គ្រឿងប៉ុណ្ណោះ ហើយរដ្ឋាភិបាលជប៉ុនបានកែច្នៃនាវានេះទៅជានាវាចម្បាំងដោយសារតែរដ្ឋធម្មនុញ្ញសន្តិភាពជប៉ុនមិនអនុញ្ញាតឲ្យជប៉ុនទិញឬផលិតសព្វាវុធសម្រាប់ប្រយុទ្ធឡើយ។ អ្វីដែលសំខាន់ នាវា Izumo នេះមានសមត្ថភាពចម្បងបំផុតក្នុងការបំពេញប្រតិបត្តិការប្រឆាំងនាវាមុជទឹកផងដែរ។
បើតាមមន្ត្រីម្នាក់ក្នុងចំណោមប្រភពទាំងបីខាងលើដែលសុំមិនបញ្ចេញអត្តសញ្ញាណនោះ នាវាដឹកឧទ្ធម្ភាគចក្រជប៉ុននេះនឹងចាប់ផ្តើមដំណើររបស់ខ្លួននាខែឧសភាខាងមុខដោយនាវានេះចូលសំចតនៅកំពង់ផែសិង្ហបុរី, ឥណ្ឌូណេស៊ី, ហ្វីលីពីន និងស្រីលង្ការ។ រហូតដល់ខែកក្កដានាវានេះនឹងបន្តដំណើរទៅកាន់មហាសមុទ្រឥណ្ឌា ដើម្បីចូលរួមលំហាត់យោធា Malabar ជាមួយកងទ័ពជើងទឹកអាមេរិកនិងកងទ័ពឥណ្ឌាផងដែរ។ នៅខែសីហា នាវាចម្បាំងជប៉ុននឹងត្រឡប់ទៅកាន់ប្រទេសជប៉ុនវិញផងដែរ។
មន្ត្រីជប៉ុនខាងលើក៏បានបញ្ជាក់ពាក់ព័ន្ធបំណងនៃការបង្អួតនាវាចម្បាំងរបស់ជប៉ុននេះដែរ ដោយលោកលើកឡើងថា ជប៉ុនគ្រាន់តែចង់សាកល្បងសមត្ថភាពនាវា Izumo ប៉ុណ្ណោះ ព្រោះវានឹងចូលរួមក្នុងប្រតិបត្តិការសឹក។
១.ជប៉ុនអញ្ជើញ ប្រធានាធិបតីហ្វីលីពីន ទៅទស្សនកិច្ចលើនាវារបស់ខ្លួន
នៅពេលដែលនាវាចម្បាំងជប៉ុននេះទៅដល់ហ្វីលីពីន នាវានេះនឹងចូលសំចតនៅSubic Bay ដែលស្ថិតនៅចម្ងាយ ១០០គីឡូម៉ែត្រនៅភាគខាងលិចរដ្ឋធានីម៉ានីល។ មន្ត្រីជប៉ុនបានបង្ហើបថា ខ្លួនចង់អញ្ជើញប្រធានាធិបតីហ្វីលីពីនឲ្យមកបំពេញទស្សនកិច្ចនៅលើនាវាចម្បាំងនេះផងដែរ។ ការអញ្ជើញមេដឹកនាំកំពូលហ្វីលីពីននេះជាឥរិយាថមួយរបស់ជប៉ុនដែលមានចេតនាពង្រឹងទំនាក់ទំនងជាមួយហ្វីលីពីន និងពង្រឹងកិច្ចសហប្រតិបត្តិការនានាជាពិសេសផ្នែកយោធាជាមួយហ្វីលីពីនផងដែរ។
ជប៉ុននិងហ្វីលីពីនមានទំនាក់ទំនងល្អប្រសើរតាំងពីជំនាន់ប្រធានាធិបតី អាហ្គីណូ ម្ល៉េះ ហើយដើម្បីសម្រេចមហិច្ឆតាប្រឆាំងមហាយក្សចិន ជប៉ុនបានផ្តល់នាវាល្បាតផង និងជួលយន្តហោះល្បាតផងឲ្យប្រទេសហ្វីលីពីនកន្លងមក។ ប៉ុន្តែយ៉ាងណាក៏ដោយ ក្រោយប្រធានាធិបតី រ៉ូឌ្រីហ្កូ ឌឺទើតេឡើងកាន់តំណែងកាលពីឆ្នាំមុន ហ្វីលីពីន បានបន្ទន់ជំហរ និងងាកទៅចាប់ដៃត្រូវរ៉ូវជាមួយមហាយក្សចិនវិញ។ ឃើញសកម្មភាពបែបនេះ មហាអំណាចជប៉ុនមិនសូវសប្បាយចិត្តដែរ។
ដើមខែមករា លោក ស៊ីនហ្សូ អាបេ បានប្រញាប់ធ្វើដំណើរទៅកាន់ប្រទេសហ្វីលីពីន ហើយបន្តទៅជួបប្រធានាធិបតីហ្វីលីពីនដល់លំនៅដា្ឋននាក្រុង Davao ផង។ លោក អាបេ បានក្លាយជាមេដឹកនាំពិភពលោកមុនគេបំផុតដែលទៅលេងលោក ឌឺទើតេដល់ផ្ទះ ហើយវាក៏បង្ហាញឲ្យឃើញពីទំនាក់ទំនងជិតស្និទ្ធជាលក្ខណៈបុគ្គលរវាងមេដឹកនាំទាំងពីរផងដែរ។
សម្រាប់លោក ឌឺទើតេ វិញនោះថ្វីបើលោកងាកទៅរកចិនក៏ដោយ លោកព្យាយាមរក្សាជំហរអាព្យាក្រឹត្យដែរ ដោយលោកប្រឹងរឹតបន្តឹងចំណងមិត្តភាពជាមួយជប៉ុនដូចគ្នា។ នេះក៏ដោយសារ អស់ពីអាមេរិក ហ្វីលីពីន អាចពឹងផ្អែកលើមហាអំណាចដូចជាជប៉ុននេះបានសម្រាប់ការអភិវឌ្ឍ និងការលូតលាស់នៃសេដ្ឋកិច្ច។ សូមបញ្ជាក់បន្តិចថា ជប៉ុនក្លាយជារដ្ឋផ្តល់ជំនួយច្រើនដល់ហ្វីលីពីន ហើយអ្នកជំនួញជប៉ុនច្រើនដែរបានបន្តដាក់ទុនវិនិយោគនៅក្នុងរដ្ឋអាស៊ីអាគ្នេយ៍មួយនេះក្នុងរយៈពេលច្រើនឆ្នាំកន្លងមកនេះ។
២.ជប៉ុនធ្លាប់ប្រកាសថាមិនបញ្ជូនទ័ពទៅសមុទ្រចិនខាងត្បូងឡើយ
ត្រឡប់មកវិញ តាំងពីដើមមហាអំណាចជប៉ុននេះបានលើកឡើងថា ខ្លួនគាំទ្រសម្ព័ន្ធមិត្តអាមេរិកក្នុងការរក្សាការពារសេរីភាពនៃការធ្វើនាវាចរណ៍ និងការហោះហើរនៅតំបន់សមុទ្រចិនខាងត្បូង ហើយជប៉ុនក៏ប្រឆាំងសកម្មភាពសាងសង់កោះសិប្បនិម្មិតនៅសមុទ្រចិនខាងត្បូងដូចគ្នា។
ប៉ុន្តែមហាយក្សចិនតែងតែទិតៀនការលូកលាន់របស់ជប៉ុនក្នុងបញ្ហាសមុទ្រចិនខាងត្បូងព្រោះជប៉ុនគ្មានជាប់ពាក់ព័ន្ធអ្វីឡើយក្នុងជម្លោះ។ ដូច្នេះ ការបញ្ជូននាវាចម្បាំងធំបំផុតរបស់ជប៉ុនទៅកាន់សមុទ្រចិនខាងត្បូងលើកនេះនឹងធ្វើឲ្យចិនក្តៅក្រហាយជាថ្មីថែមទៀត ព្រោះចិនចាត់ទុកថា ការសម្ញែងសាច់ដុំយោធានេះជាការបង្ករឿងសុទ្ធសាធ។
គេបារម្ភដែរនៅពេលសកម្មភាពបង្អួតសព្វាវុធទៅវិញទៅមកនេះបន្តកើតឡើងព្រោះវាអាចបង្កឲ្យមានភាពតានតឹងនិងប្រឈមមុខគ្នាផងដែរ។ វាអាចឈានដល់ការប៉ះទង្គិចគ្នាផង បើសិនជាមានការប្រឈមមុខ គ្នាកើនឡើងខ្លាំងនោះ។
ប៉ុន្តែសម្រាប់ជប៉ុនការបង្អួតសាច់ដុំយោធានេះប្រហែលជាមានកម្រិត។ ជប៉ុនបានបញ្ជាក់ច្បាស់ហើយថា តួនាទីសំខាន់របស់ខ្លួនគឺមានត្រឹមជួយរក្សាសេរីភាពក្នុងការធ្វើនាវាចរណ៍ និងធ្វើយ៉ាងណាពង្រឹងកិច្ចសហប្រតិបត្តិការការពារជាតិជាមួយប្រទេសក្នុងតំបន់តាមរយៈការជួយផ្តល់ការហ្វឹកហ្វឺននិងបំពាក់បំប៉នសមត្ថភាពយោធាប៉ុណ្ណោះ។
អ្វីដែលគេគួរកត់សម្គាល់នោះគឺ ជប៉ុននឹងមិនលូកលាន់ក្នុងជម្លោះសមុទ្រចិនខាងត្បូងដោយបញ្ជូនទ័ពទៅឈរជើងនិងធ្វើយោធូបនីយកម្មនៅក្នុងតំបន់ជម្លោះឡើយ។ ក្នុងជំនួបជាមួយប្រមុខការពារជាតិអាមេរិក James Mattis កាលពីដើមខែកុម្ភៈ លោកស្រីរដ្ឋមន្ត្រីការពារជាតិជប៉ុន Tomomi Inada បានថ្លែងថា ដាច់ខាត កងទ័ពស្វ័យការពារជប៉ុននឹងមិនត្រូវបញ្ចូនទៅកាន់សមុទ្រចិនខាងត្បូងឡើយ។
លោកស្រីបានសង្កត់ធ្ងន់ថា គោលជំហរជប៉ុនគឺធ្វើជាអ្នកគាំទ្រច្បាប់អន្តរជាតិ និងរក្សាសន្តិភាពស្ថិរភាពក្នុងតំបន់សមុទ្រចិនខាងត្បូង ហើយជប៉ុនមិនដើរហួសបន្ទាត់ក្រហម ដោយចូលប្រឡូកក្នុងសកម្មភាពយោធាណាមួយដែលដាច់ឆ្ងាយពីការហ្វឹកហ្វឺន និងលំហាត់យោធាឡើយ។
សូមស្តាប់សំឡេង៖
ខណៈដែលគ្រប់គ្នាកំពុងចាំមើលគោលនយោបាយការបរទេសតំបន់អាស៊ីរបស់រដ្ឋបាល លោក ដូណាល់ ត្រាំ សម្ព័ន្ធមិត្តអាមេរិក ជប៉ុនកំពុងព្យាយាមបង្កើនតួនាទីរបស់ខ្លួនក្នុងតំបន់។រដ្ឋាភិបាលជប៉ុនបច្ចុប្បន្នស្ថិតក្រោមការដឹកនាំរបស់លោក ស៊ីនហ្សូ អាបេ បន្តពង្រឹងឡើងវិញនូវអំណាចយោធារបស់ខ្លួនដែលត្រូវបានកម្រិតឲ្យមានត្រឹមសិទ្ធិស្វ័យការពារក្រោយសង្គ្រាមលោកលើកទីពីរនោះ។ ហើយអ្វីដែលគួរឲ្យកត់សម្គាល់ជប៉ុនហាក់ព្យាយាមចូលលូកដៃកាន់តែជ្រៅចូលក្នុងបញ្ហាជម្លោះសមុទ្រចិនខាងត្បូង ទាំងដែលខ្លួនមិនមានជាប់ពាក់ព័ន្ធអ្វីសោះនោះ។
ប្រភពចំនួនបីត្រូវបានស្រង់សម្តីដោយទីភ្នាក់ងារព័ត៌មាន Reuters ថា ជប៉ុនត្រៀមបញ្ជូននាវាចម្បាំងដ៏ធំបំផុតមួយរបស់ខ្លួនទៅឆ្លងកាត់សមុទ្រចិនខាងត្បូង ដើម្បីទៅចូលរួមសមុទ្រយោធាមួយជាមួយអាមេរិកនិងឥណ្ឌា។
នាវាចម្បាំងនិងជានាវាដឹកឧទ្ធម្ភាគចក្ររបស់ជប៉ុនដែលមានឈ្មោះថា Izumo នេះត្រូវបានដាក់ឲ្យបម្រើកងទ័ពជប៉ុនកាលពីពីរឆ្នាំមុននោះ។ Izumo មានប្រវែង ២៤៩ម៉ែត្រ ហើយវាជានាវាធំបំផុតដែលជប៉ុនមាន ហើយក៏វាជាប្រភេទនាវាសម័យសង្គ្រាមលោកលើកទី ២។ នាវានេះអាចផ្ទុកឧទ្ធម្ភាគចក្របាន ៩គ្រឿងប៉ុណ្ណោះ ហើយរដ្ឋាភិបាលជប៉ុនបានកែច្នៃនាវានេះទៅជានាវាចម្បាំងដោយសារតែរដ្ឋធម្មនុញ្ញសន្តិភាពជប៉ុនមិនអនុញ្ញាតឲ្យជប៉ុនទិញឬផលិតសព្វាវុធសម្រាប់ប្រយុទ្ធឡើយ។ អ្វីដែលសំខាន់ នាវា Izumo នេះមានសមត្ថភាពចម្បងបំផុតក្នុងការបំពេញប្រតិបត្តិការប្រឆាំងនាវាមុជទឹកផងដែរ។
បើតាមមន្ត្រីម្នាក់ក្នុងចំណោមប្រភពទាំងបីខាងលើដែលសុំមិនបញ្ចេញអត្តសញ្ញាណនោះ នាវាដឹកឧទ្ធម្ភាគចក្រជប៉ុននេះនឹងចាប់ផ្តើមដំណើររបស់ខ្លួននាខែឧសភាខាងមុខដោយនាវានេះចូលសំចតនៅកំពង់ផែសិង្ហបុរី, ឥណ្ឌូណេស៊ី, ហ្វីលីពីន និងស្រីលង្ការ។ រហូតដល់ខែកក្កដានាវានេះនឹងបន្តដំណើរទៅកាន់មហាសមុទ្រឥណ្ឌា ដើម្បីចូលរួមលំហាត់យោធា Malabar ជាមួយកងទ័ពជើងទឹកអាមេរិកនិងកងទ័ពឥណ្ឌាផងដែរ។ នៅខែសីហា នាវាចម្បាំងជប៉ុននឹងត្រឡប់ទៅកាន់ប្រទេសជប៉ុនវិញផងដែរ។
មន្ត្រីជប៉ុនខាងលើក៏បានបញ្ជាក់ពាក់ព័ន្ធបំណងនៃការបង្អួតនាវាចម្បាំងរបស់ជប៉ុននេះដែរ ដោយលោកលើកឡើងថា ជប៉ុនគ្រាន់តែចង់សាកល្បងសមត្ថភាពនាវា Izumo ប៉ុណ្ណោះ ព្រោះវានឹងចូលរួមក្នុងប្រតិបត្តិការសឹក។
១.ជប៉ុនអញ្ជើញ ប្រធានាធិបតីហ្វីលីពីន ទៅទស្សនកិច្ចលើនាវារបស់ខ្លួន
នៅពេលដែលនាវាចម្បាំងជប៉ុននេះទៅដល់ហ្វីលីពីន នាវានេះនឹងចូលសំចតនៅSubic Bay ដែលស្ថិតនៅចម្ងាយ ១០០គីឡូម៉ែត្រនៅភាគខាងលិចរដ្ឋធានីម៉ានីល។ មន្ត្រីជប៉ុនបានបង្ហើបថា ខ្លួនចង់អញ្ជើញប្រធានាធិបតីហ្វីលីពីនឲ្យមកបំពេញទស្សនកិច្ចនៅលើនាវាចម្បាំងនេះផងដែរ។ ការអញ្ជើញមេដឹកនាំកំពូលហ្វីលីពីននេះជាឥរិយាថមួយរបស់ជប៉ុនដែលមានចេតនាពង្រឹងទំនាក់ទំនងជាមួយហ្វីលីពីន និងពង្រឹងកិច្ចសហប្រតិបត្តិការនានាជាពិសេសផ្នែកយោធាជាមួយហ្វីលីពីនផងដែរ។
ជប៉ុននិងហ្វីលីពីនមានទំនាក់ទំនងល្អប្រសើរតាំងពីជំនាន់ប្រធានាធិបតី អាហ្គីណូ ម្ល៉េះ ហើយដើម្បីសម្រេចមហិច្ឆតាប្រឆាំងមហាយក្សចិន ជប៉ុនបានផ្តល់នាវាល្បាតផង និងជួលយន្តហោះល្បាតផងឲ្យប្រទេសហ្វីលីពីនកន្លងមក។ ប៉ុន្តែយ៉ាងណាក៏ដោយ ក្រោយប្រធានាធិបតី រ៉ូឌ្រីហ្កូ ឌឺទើតេឡើងកាន់តំណែងកាលពីឆ្នាំមុន ហ្វីលីពីន បានបន្ទន់ជំហរ និងងាកទៅចាប់ដៃត្រូវរ៉ូវជាមួយមហាយក្សចិនវិញ។ ឃើញសកម្មភាពបែបនេះ មហាអំណាចជប៉ុនមិនសូវសប្បាយចិត្តដែរ។
ដើមខែមករា លោក ស៊ីនហ្សូ អាបេ បានប្រញាប់ធ្វើដំណើរទៅកាន់ប្រទេសហ្វីលីពីន ហើយបន្តទៅជួបប្រធានាធិបតីហ្វីលីពីនដល់លំនៅដា្ឋននាក្រុង Davao ផង។ លោក អាបេ បានក្លាយជាមេដឹកនាំពិភពលោកមុនគេបំផុតដែលទៅលេងលោក ឌឺទើតេដល់ផ្ទះ ហើយវាក៏បង្ហាញឲ្យឃើញពីទំនាក់ទំនងជិតស្និទ្ធជាលក្ខណៈបុគ្គលរវាងមេដឹកនាំទាំងពីរផងដែរ។
សម្រាប់លោក ឌឺទើតេ វិញនោះថ្វីបើលោកងាកទៅរកចិនក៏ដោយ លោកព្យាយាមរក្សាជំហរអាព្យាក្រឹត្យដែរ ដោយលោកប្រឹងរឹតបន្តឹងចំណងមិត្តភាពជាមួយជប៉ុនដូចគ្នា។ នេះក៏ដោយសារ អស់ពីអាមេរិក ហ្វីលីពីន អាចពឹងផ្អែកលើមហាអំណាចដូចជាជប៉ុននេះបានសម្រាប់ការអភិវឌ្ឍ និងការលូតលាស់នៃសេដ្ឋកិច្ច។ សូមបញ្ជាក់បន្តិចថា ជប៉ុនក្លាយជារដ្ឋផ្តល់ជំនួយច្រើនដល់ហ្វីលីពីន ហើយអ្នកជំនួញជប៉ុនច្រើនដែរបានបន្តដាក់ទុនវិនិយោគនៅក្នុងរដ្ឋអាស៊ីអាគ្នេយ៍មួយនេះក្នុងរយៈពេលច្រើនឆ្នាំកន្លងមកនេះ។
២.ជប៉ុនធ្លាប់ប្រកាសថាមិនបញ្ជូនទ័ពទៅសមុទ្រចិនខាងត្បូងឡើយ
ត្រឡប់មកវិញ តាំងពីដើមមហាអំណាចជប៉ុននេះបានលើកឡើងថា ខ្លួនគាំទ្រសម្ព័ន្ធមិត្តអាមេរិកក្នុងការរក្សាការពារសេរីភាពនៃការធ្វើនាវាចរណ៍ និងការហោះហើរនៅតំបន់សមុទ្រចិនខាងត្បូង ហើយជប៉ុនក៏ប្រឆាំងសកម្មភាពសាងសង់កោះសិប្បនិម្មិតនៅសមុទ្រចិនខាងត្បូងដូចគ្នា។
ប៉ុន្តែមហាយក្សចិនតែងតែទិតៀនការលូកលាន់របស់ជប៉ុនក្នុងបញ្ហាសមុទ្រចិនខាងត្បូងព្រោះជប៉ុនគ្មានជាប់ពាក់ព័ន្ធអ្វីឡើយក្នុងជម្លោះ។ ដូច្នេះ ការបញ្ជូននាវាចម្បាំងធំបំផុតរបស់ជប៉ុនទៅកាន់សមុទ្រចិនខាងត្បូងលើកនេះនឹងធ្វើឲ្យចិនក្តៅក្រហាយជាថ្មីថែមទៀត ព្រោះចិនចាត់ទុកថា ការសម្ញែងសាច់ដុំយោធានេះជាការបង្ករឿងសុទ្ធសាធ។
គេបារម្ភដែរនៅពេលសកម្មភាពបង្អួតសព្វាវុធទៅវិញទៅមកនេះបន្តកើតឡើងព្រោះវាអាចបង្កឲ្យមានភាពតានតឹងនិងប្រឈមមុខគ្នាផងដែរ។ វាអាចឈានដល់ការប៉ះទង្គិចគ្នាផង បើសិនជាមានការប្រឈមមុខ គ្នាកើនឡើងខ្លាំងនោះ។
ប៉ុន្តែសម្រាប់ជប៉ុនការបង្អួតសាច់ដុំយោធានេះប្រហែលជាមានកម្រិត។ ជប៉ុនបានបញ្ជាក់ច្បាស់ហើយថា តួនាទីសំខាន់របស់ខ្លួនគឺមានត្រឹមជួយរក្សាសេរីភាពក្នុងការធ្វើនាវាចរណ៍ និងធ្វើយ៉ាងណាពង្រឹងកិច្ចសហប្រតិបត្តិការការពារជាតិជាមួយប្រទេសក្នុងតំបន់តាមរយៈការជួយផ្តល់ការហ្វឹកហ្វឺននិងបំពាក់បំប៉នសមត្ថភាពយោធាប៉ុណ្ណោះ។
អ្វីដែលគេគួរកត់សម្គាល់នោះគឺ ជប៉ុននឹងមិនលូកលាន់ក្នុងជម្លោះសមុទ្រចិនខាងត្បូងដោយបញ្ជូនទ័ពទៅឈរជើងនិងធ្វើយោធូបនីយកម្មនៅក្នុងតំបន់ជម្លោះឡើយ។ ក្នុងជំនួបជាមួយប្រមុខការពារជាតិអាមេរិក James Mattis កាលពីដើមខែកុម្ភៈ លោកស្រីរដ្ឋមន្ត្រីការពារជាតិជប៉ុន Tomomi Inada បានថ្លែងថា ដាច់ខាត កងទ័ពស្វ័យការពារជប៉ុននឹងមិនត្រូវបញ្ចូនទៅកាន់សមុទ្រចិនខាងត្បូងឡើយ។
លោកស្រីបានសង្កត់ធ្ងន់ថា គោលជំហរជប៉ុនគឺធ្វើជាអ្នកគាំទ្រច្បាប់អន្តរជាតិ និងរក្សាសន្តិភាពស្ថិរភាពក្នុងតំបន់សមុទ្រចិនខាងត្បូង ហើយជប៉ុនមិនដើរហួសបន្ទាត់ក្រហម ដោយចូលប្រឡូកក្នុងសកម្មភាពយោធាណាមួយដែលដាច់ឆ្ងាយពីការហ្វឹកហ្វឺន និងលំហាត់យោធាឡើយ។
© រក្សាសិទ្ធិដោយ thmeythmey.com
