អន្តរជាតិ
Duterte ជឿថា អាមេរិករង់ចាំឱកាសហ្វីលីពីនឈ្លោះគ្នាជាមួយចិន នឹងអាលបានធ្វើសង្គ្រាម
14, Mar 2017 , 9:19 pm
ប្រធានាធិបតីហ្វីលីពីន Rodrigo Duterte (រូបថត Xinhua)
×![]()
ដោយ: ថ្មីៗ
វត្តមានកប៉ាល់ចិននៅក្បែរតំបន់ក្រោមសមុទ្រ Benham Rise ក្នុងគោលដៅស្រាវជ្រាវក្រោមសមុទ្រ កំពុងក្លាយជាប្រធានបទក្ដៅសម្រាប់រដ្ឋបាលប្រធានាធិបតី Rodrigo Duterte ជុំវិញអធិបតេយ្យរបស់ហ្វីលីពីនលើកោះនេះ។ បើទោះជាចិនមិនទាន់ទាមទារយកកោះនេះក៏ដោយ លោក Duterte ជឿថា ចិនមិនធ្វើអ្វីហួសហេតុនៅតំបន់នោះរហូតឈានដល់ក្លាយជាការប្រឈមមុខផ្នែកយោធាដែរ ព្រោះអាមេរិក នឹងឆ្លៀតឱកាសធ្វើសង្គ្រាមមិនខាន។
-
ប្រធានាធិបតី Rodrigo Duterte បានចេញបញ្ជាឲ្យកងទ័ពហ្វីលីពីនជូនដំណឹងដល់នាវាស្រាវជ្រាវចិន នៅតំបន់ក្រោមសមុទ្រ Benham Rise ថា តំបន់នោះជាកម្មសិទ្ធិរបស់ហ្វីលីពីន។ លោកបញ្ជាក់ថា កងទ័ពត្រូវប្រាប់ពីកម្មសិទ្ធិរបស់ហ្វីលីពីនលើតំបន់ក្រោមទឹក និងតំបន់ជីវចម្រុះមានផ្ទៃក្រឡា១៣លានហិចតានេះ ហើយត្រូវប្រាប់ដោយអាកប្បករិយាសមរម្យ និងប្រកបដោយមិត្តភាព។
កាលពីឆ្នាំ២០០៩ ក្រុងម៉ានីល ដែលមានជម្លោះដែនទឹកជាមួយចិនរឿងសមុទ្រចិនខាងត្បូង បានដាក់ពាក្យសុំកម្មសិទ្ធិលើតំបន់ Benham Rise ដែលនៅជិតកោះ Luzon ទៅកាន់គណៈកម្មការអង្គការសហប្រជាជាតិ។ អង្គការសហប្រជាជាតិ ក៏ទទួលស្គាល់កម្មសិទ្ធិរបស់ហ្វីលីពីនលើតំបន់នេះ ដែលគេជឿថាសម្បូរដោយប្រេង និងធនធានធម្មជាតិ។ ទំនងមូលហេតុនេះ ទើបចិនបញ្ជូននាវាស្រាវជ្រាវមកកាន់តំបន់នេះ។
យ៉ាងណាមិញ បើតាមសារព័ត៌មានហ្វីលីពីន GMA លោកប្រធានាធិបតី Duterte និយាយថា ចិន នឹងមិនធ្វើសកម្មភាពបំពានអធិបតេយ្យហ្វីលីពីនឡើយ។ លោកក៏មានទំនុកចិត្តដែរថា ចិនមិនសាងសង់អ្វីលើតំបន់នោះដែរ ប៉ុន្តែអាចបង្កបញ្ហាខ្លះ ជាការឆ្លើយតបនឹងសកម្មភាពអាមេរិក។ អាមេរិកបានបញ្ជូននាវារបស់ខ្លួនមកកាន់សមុទ្រចិនខាងត្បូង ដើម្បីទប់ទល់សកម្មភាពរបស់ចិន តែគេមិនដឹងច្បាស់ថា មាននាវាអាមេរិកនៅក្បែរ Benham Rise ឬអត់ទេ។
«អាមេរិក រង់ចាំតែយើងបង្កបញ្ហានៅតំបន់នោះប៉ុណ្ណោះ។ តែហេតុអ្វីបានជាយើងត្រូវបង្កបញ្ហានោះ? ខ្ញុំមិនអាចប្រៀបផ្ទឹមអំណាចរបស់ចិនបានឡើយ។» នេះជាការបញ្ជាក់បន្ថែមបែបមិនពេញចិត្តរបស់ប្រធានាធិបតី Duterte ក្នុងសន្និសីទកាសែតថ្ងៃទី១៣ ខែមីនា ចំពោះទង្វើអាមេរិក មុននឹងលោកសរសើរចិនដែលទើបតែបង្ហាញអានុភាពប្រឆាំងភេរវកម្មរបស់ខ្លួន។
ចំណែករដ្ឋមន្ត្រីការពារជាតិហ្វីលីពីន Delfin Lorenzana នៅតែសង្ស័យគោលបំណងពិតរបស់ចិន ព្រោះគេសង្កេតឃើញនាវាស្រាវជ្រាវបាតសមុទ្ររបស់ចិន ធ្វើដំណើខ្វាត់ខ្វែងនៅក្រោមសមុទ្រតំបន់នោះជាច្រើនខែកាលពីឆ្នាំមុន។ ហ្វីលីពីន ក៏នឹងបញ្ជូនកប៉ាល់ល្បាតទៅកាន់តំបន់ Benham Rise និងសាងសង់សំណង់រឹងលើតំបន់នោះ ដើម្បីប្រាប់អ្នកដទៃថា Benham Rise ជាទឹកដីរបស់ហ្វីលីពីនផងដែរ។
កម្ដៅនៃការប្រឈមមុខរវាងហ្វីលីពីន និងចិនបានធ្លាក់ចុះ ក្រោយការកាន់តំណែងរបស់លោក Duterte ដែលមានទំនោរខ្លាំងទៅរកការពង្រឹងទំនាក់ទំនងជាមួយចិន។ លោកថែមទាំងពន្យារពេលអនុវត្តសាលដីកាក្រុងឡាអេឆ្នាំ២០១៦ ទៀត ព្រោះលោកមិនចង់ល្អក់កករជាមួយចិននៅពេលនេះឡើយ ខណៈដែលទំនាក់ទំនងទ្វេភាគីកាន់តែស្អិតល្មួតជាងមុនទៅទៀត ហើយការធ្វពាណិជ្ជកម្មក៏កើនឡើងដែរ៕
ប្រធានាធិបតី Rodrigo Duterte បានចេញបញ្ជាឲ្យកងទ័ពហ្វីលីពីនជូនដំណឹងដល់នាវាស្រាវជ្រាវចិន នៅតំបន់ក្រោមសមុទ្រ Benham Rise ថា តំបន់នោះជាកម្មសិទ្ធិរបស់ហ្វីលីពីន។ លោកបញ្ជាក់ថា កងទ័ពត្រូវប្រាប់ពីកម្មសិទ្ធិរបស់ហ្វីលីពីនលើតំបន់ក្រោមទឹក និងតំបន់ជីវចម្រុះមានផ្ទៃក្រឡា១៣លានហិចតានេះ ហើយត្រូវប្រាប់ដោយអាកប្បករិយាសមរម្យ និងប្រកបដោយមិត្តភាព។
កាលពីឆ្នាំ២០០៩ ក្រុងម៉ានីល ដែលមានជម្លោះដែនទឹកជាមួយចិនរឿងសមុទ្រចិនខាងត្បូង បានដាក់ពាក្យសុំកម្មសិទ្ធិលើតំបន់ Benham Rise ដែលនៅជិតកោះ Luzon ទៅកាន់គណៈកម្មការអង្គការសហប្រជាជាតិ។ អង្គការសហប្រជាជាតិ ក៏ទទួលស្គាល់កម្មសិទ្ធិរបស់ហ្វីលីពីនលើតំបន់នេះ ដែលគេជឿថាសម្បូរដោយប្រេង និងធនធានធម្មជាតិ។ ទំនងមូលហេតុនេះ ទើបចិនបញ្ជូននាវាស្រាវជ្រាវមកកាន់តំបន់នេះ។
យ៉ាងណាមិញ បើតាមសារព័ត៌មានហ្វីលីពីន GMA លោកប្រធានាធិបតី Duterte និយាយថា ចិន នឹងមិនធ្វើសកម្មភាពបំពានអធិបតេយ្យហ្វីលីពីនឡើយ។ លោកក៏មានទំនុកចិត្តដែរថា ចិនមិនសាងសង់អ្វីលើតំបន់នោះដែរ ប៉ុន្តែអាចបង្កបញ្ហាខ្លះ ជាការឆ្លើយតបនឹងសកម្មភាពអាមេរិក។ អាមេរិកបានបញ្ជូននាវារបស់ខ្លួនមកកាន់សមុទ្រចិនខាងត្បូង ដើម្បីទប់ទល់សកម្មភាពរបស់ចិន តែគេមិនដឹងច្បាស់ថា មាននាវាអាមេរិកនៅក្បែរ Benham Rise ឬអត់ទេ។
«អាមេរិក រង់ចាំតែយើងបង្កបញ្ហានៅតំបន់នោះប៉ុណ្ណោះ។ តែហេតុអ្វីបានជាយើងត្រូវបង្កបញ្ហានោះ? ខ្ញុំមិនអាចប្រៀបផ្ទឹមអំណាចរបស់ចិនបានឡើយ។» នេះជាការបញ្ជាក់បន្ថែមបែបមិនពេញចិត្តរបស់ប្រធានាធិបតី Duterte ក្នុងសន្និសីទកាសែតថ្ងៃទី១៣ ខែមីនា ចំពោះទង្វើអាមេរិក មុននឹងលោកសរសើរចិនដែលទើបតែបង្ហាញអានុភាពប្រឆាំងភេរវកម្មរបស់ខ្លួន។
ចំណែករដ្ឋមន្ត្រីការពារជាតិហ្វីលីពីន Delfin Lorenzana នៅតែសង្ស័យគោលបំណងពិតរបស់ចិន ព្រោះគេសង្កេតឃើញនាវាស្រាវជ្រាវបាតសមុទ្ររបស់ចិន ធ្វើដំណើខ្វាត់ខ្វែងនៅក្រោមសមុទ្រតំបន់នោះជាច្រើនខែកាលពីឆ្នាំមុន។ ហ្វីលីពីន ក៏នឹងបញ្ជូនកប៉ាល់ល្បាតទៅកាន់តំបន់ Benham Rise និងសាងសង់សំណង់រឹងលើតំបន់នោះ ដើម្បីប្រាប់អ្នកដទៃថា Benham Rise ជាទឹកដីរបស់ហ្វីលីពីនផងដែរ។
កម្ដៅនៃការប្រឈមមុខរវាងហ្វីលីពីន និងចិនបានធ្លាក់ចុះ ក្រោយការកាន់តំណែងរបស់លោក Duterte ដែលមានទំនោរខ្លាំងទៅរកការពង្រឹងទំនាក់ទំនងជាមួយចិន។ លោកថែមទាំងពន្យារពេលអនុវត្តសាលដីកាក្រុងឡាអេឆ្នាំ២០១៦ ទៀត ព្រោះលោកមិនចង់ល្អក់កករជាមួយចិននៅពេលនេះឡើយ ខណៈដែលទំនាក់ទំនងទ្វេភាគីកាន់តែស្អិតល្មួតជាងមុនទៅទៀត ហើយការធ្វពាណិជ្ជកម្មក៏កើនឡើងដែរ៕
Tag:
ហ្វីលីពីន
ចិន
អាមេរិក
Rodrigo Duterte
© រក្សាសិទ្ធិដោយ thmeythmey.com
