អន្តរជាតិ
ចិនសន្យាថានឹង ពង្រឹងការវាយតម្លៃក្នុង «សង្គ្រាមប្រឆាំងភាពក្រីក្រ»
15, Mar 2017 , 9:39 am
×![]()
ដោយ: ថ្មីៗ
កង្វះខាតចំណីអាហារនិងសម្លៀកបំពាក់នឹងត្រូវដោះស្រាយដើម្បីឈានទៅលុបបំបាត់ភាពក្រីក្រ។ នេះជាការបញ្ជាក់របស់មន្ត្រីចិនម្នាក់ក្នុងពេលដែលរដ្ឋាភិបាលចិនសម្រេចប្រកាសពង្រឹងសមត្ថភាពក្នុងការអនុវត្ត«សង្គ្រាមប្រឆាំងភាពក្រីក្រ»។ ដើម្បីធានាថា ការអនុវត្តគោលនយោបាយលុបបំបាត់ភាពក្រីក្រមានប្រសិទ្ធភាពនោះ ចិនបានសន្យាថា នឹងដាក់ផែនការវាយតម្លៃដ៏តឹងរ៉ឹងបំផុតមួយនិងកំណត់ឲ្យបានច្បាស់ពីចំនួនពលរដ្ឋដែលរស់នៅក្នុងភាពក្រីក្រ។
ពាក់ព័ន្ធបញ្ហានេះ លោក Liu Yongfu ប្រធានការិយាល័យនៃក្រុមប្រឹក្សារដ្ឋទទួលបន្ទុកលុបបំបាត់ភាពក្រីក្រនិងអភិវឌ្ឍ បានបញ្ជាក់ថា ចិននឹងផ្តោតសំខាន់លើការដោះស្រាយបញ្ហាស្បៀងអាហារ, សម្លៀងបំពាក់, ប្រព័ន្ធអប់រំ សុខាភិបាល និងសន្តិសុខលំនៅដ្ឋានជាដើម ដើម្បីធានាថា ប្រជាជនមានលទ្ធភាពទទួលបានការគាំទ្រនិងទំនុកបម្រុងបានល្អ។
របាយការណ៍ការងារឆ្នាំ ២០១៧របស់រដ្ឋាភិបាលចិនបានតម្រូវឲ្យអាជ្ញាធរមូលដ្ឋានបន្តអនុវត្តគោលនយោបាតនិងរក្សាឲ្យបាននូវប្រព័ន្ធគណនេយ្យភាព និងបន្តវាយតម្លៃឲ្យបានតឹងរ៉ឹងបំផុតចំពោះចំណាត់ការប្រឆាំងភាពក្រីក្រ។ ក្នុងរបាយការណ៍ដដែលនោះ រដ្ឋាភិបាលចិនក៏សន្យាថា ខ្លួននឹងដាក់ទណ្ឌកម្មធ្ងន់ធ្ងរចំពោះរាល់ការបំប៉ោង, បំភ្លៃ និងធ្វើឲ្យខុសចំនួនស្ថិតិជនក្រីក្រ រួមទាំងធានាថា គោលនយោបាយនានារបស់រដ្ឋអាចផ្តល់ប្រយោជន៍ដល់សាធារណ។
លោក Liu បានបន្ថែមថាទៀតថា «ចំណូលមធ្យមប្រចាំឆ្នាំប្រហែល ៥០០០យ៉ន់ ឬ ៧២៣ដុល្លារមិនគ្រប់គ្រាន់ឡើយសម្រាប់ក្រុមគ្រួសារដែលមានកូនរៀនសូត្រនៅមហាវិទ្យាល័យ ព្រោះតម្លៃសម្រាប់សាកលវិទ្យាល័យកើនឡើងចន្លោះពី ២០០០០ ទៅ ៣ម៉ឺនយ៉ន់រួចទៅហើយនោះ»។
ការលុបបំបាត់ភាពក្រីក្រគឺមិនមែនជាកិច្ចការងាយស្រួលឡើយសម្រាប់ចិន។ បើតាមស្តង់ដារដែលកំណត់ឡើងដោយរដ្ឋាភិបាលកណ្តាលក្រុងប៉េកាំង តំបន់តែមួយប៉ុណ្ណោះដែលអាចប្រយុទ្ធប្រឆាំងភាពក្រីក្របានជោគជ័យបន្ទាប់ពីចំនួនប្រជាជនក្រីក្របំផុតធ្លាក់ចុះទៅនៅក្រោមពីរភាគរយនៃចំនួនប្រជាជនដែលស្ថិតនៅជនបទទាំងអស់ ស្របពេលដែលតំបន់ច្រើននៅមិនទាន់សម្រេចបានតាមការកំណត់នោះ។
បើតាមលោក Liu តំបន់ Jinggangshan ស្ថិតនៅភាគអាគ្នេយ៍ខេត្ត Jiangxi នោះបានសម្រេចជោគជ័យក្នុងការបោសសម្អាតភាពក្រីក្របានបន្ទាប់អាចធានាបានពីការវាយតម្លៃពាក់ព័ន្ធចំនួនប្រជាជនក្រីក្រនេះបានត្រឹមត្រូវ។បន្ទាប់ពីទៅក្រុងនេះអាចដកខ្លួចេញពីបញ្ជីក្រុងដែលក្រីក្របានកាលពីចុងខែកុម្ភៈកន្លងមក ការិយាល័យដោះស្រាយភាពក្រីក្រនៃក្រុមប្រឹក្សារដ្ឋចិនបានរៀបចំការវាយតម្លៃម្តងក្នុងនាមជាភាគីទីបី។
ក្រុមការងារបានរកឃើញថា ប្រជាជន៨០ភាគរយឆ្លងផុតពីបន្ទាត់នៃភាពក្រីក្រ ហើយកម្រិតនៃភាពក្រីក្រធ្លាក់មកត្រឹម ១,៦ភាគរយប៉ុណ្ណោះ។ បន្ថែមពីនេះប្រជាជនមូលដ្ឋានប្រហែល ៩០ភាគរយបានទទួលស្គាល់ចំណាត់ការប្រឆាំងអំពើពុករលួយរបស់អាជ្ញាធរមូលដ្ឋាន ហើយវាជារឿងដែលគួរសាទរផងដែរ។
ប៉ុន្តែប្រជាជនខ្លះនៅតែស្ទាក់ស្ទើរនៅឡើយចំពោះការឆ្លងផុតពីភាពក្រីក្រ ហើយពួកគេបារម្ភថា គោលនយោបាយប្រឆាំងភាពក្រីក្រដែលត្រឹមត្រូវនិងមានប្រសិទ្ធភាពប្រហែលជានឹងត្រូវបញ្ឈប់ការអនុវត្ត។ យ៉ាងណាក៏ដោយលោក Liu បានបញ្ជាក់ប្រាប់ពួកគេថា គោលនយោបាយទាំងអស់ដែលត្រូវបានអនុវត្តកន្លងមកនឹងត្រូវបន្តអនុវត្តទៀតបន្ទាប់ពីតំបន់នេះឆ្លងផុតពីបញ្ជីឈ្មោះទីក្រុងរងគ្រោះដោយភាពក្រីក្រក៏ដោយ។ នេះជាមធ្យោបាយក្នុងការធានាថា ភាពក្រីក្រមិនត្រឡប់មកវិញទេ។
សូមបញ្ជាក់ថា ចិនបានយោងប្រជាជន ១២,៤លាននាក់ឲ្យរួចផុតពីភាពក្រីក្រឆ្នាំ ២ឥ១៦ ហើយទិន្នន័យនេះបង្ហាញថា លទ្ធផលវាលើសការរំពឹងទុកទៅទៀត។ បើតាមរបាយការណ៍ការងាររដ្ឋាភិបាល យ៉ាងហោចណាស់ប្រជាជន ១០លាននាក់ផ្សេងទៀតនឹងត្រូវរដ្ឋាភិបាលជួយឲ្យរួចផុតពីភាពក្រីក្រនៅឆ្នាំ ២០១៧នេះ៕
ពាក់ព័ន្ធបញ្ហានេះ លោក Liu Yongfu ប្រធានការិយាល័យនៃក្រុមប្រឹក្សារដ្ឋទទួលបន្ទុកលុបបំបាត់ភាពក្រីក្រនិងអភិវឌ្ឍ បានបញ្ជាក់ថា ចិននឹងផ្តោតសំខាន់លើការដោះស្រាយបញ្ហាស្បៀងអាហារ, សម្លៀងបំពាក់, ប្រព័ន្ធអប់រំ សុខាភិបាល និងសន្តិសុខលំនៅដ្ឋានជាដើម ដើម្បីធានាថា ប្រជាជនមានលទ្ធភាពទទួលបានការគាំទ្រនិងទំនុកបម្រុងបានល្អ។
របាយការណ៍ការងារឆ្នាំ ២០១៧របស់រដ្ឋាភិបាលចិនបានតម្រូវឲ្យអាជ្ញាធរមូលដ្ឋានបន្តអនុវត្តគោលនយោបាតនិងរក្សាឲ្យបាននូវប្រព័ន្ធគណនេយ្យភាព និងបន្តវាយតម្លៃឲ្យបានតឹងរ៉ឹងបំផុតចំពោះចំណាត់ការប្រឆាំងភាពក្រីក្រ។ ក្នុងរបាយការណ៍ដដែលនោះ រដ្ឋាភិបាលចិនក៏សន្យាថា ខ្លួននឹងដាក់ទណ្ឌកម្មធ្ងន់ធ្ងរចំពោះរាល់ការបំប៉ោង, បំភ្លៃ និងធ្វើឲ្យខុសចំនួនស្ថិតិជនក្រីក្រ រួមទាំងធានាថា គោលនយោបាយនានារបស់រដ្ឋអាចផ្តល់ប្រយោជន៍ដល់សាធារណ។
លោក Liu បានបន្ថែមថាទៀតថា «ចំណូលមធ្យមប្រចាំឆ្នាំប្រហែល ៥០០០យ៉ន់ ឬ ៧២៣ដុល្លារមិនគ្រប់គ្រាន់ឡើយសម្រាប់ក្រុមគ្រួសារដែលមានកូនរៀនសូត្រនៅមហាវិទ្យាល័យ ព្រោះតម្លៃសម្រាប់សាកលវិទ្យាល័យកើនឡើងចន្លោះពី ២០០០០ ទៅ ៣ម៉ឺនយ៉ន់រួចទៅហើយនោះ»។
ការលុបបំបាត់ភាពក្រីក្រគឺមិនមែនជាកិច្ចការងាយស្រួលឡើយសម្រាប់ចិន។ បើតាមស្តង់ដារដែលកំណត់ឡើងដោយរដ្ឋាភិបាលកណ្តាលក្រុងប៉េកាំង តំបន់តែមួយប៉ុណ្ណោះដែលអាចប្រយុទ្ធប្រឆាំងភាពក្រីក្របានជោគជ័យបន្ទាប់ពីចំនួនប្រជាជនក្រីក្របំផុតធ្លាក់ចុះទៅនៅក្រោមពីរភាគរយនៃចំនួនប្រជាជនដែលស្ថិតនៅជនបទទាំងអស់ ស្របពេលដែលតំបន់ច្រើននៅមិនទាន់សម្រេចបានតាមការកំណត់នោះ។
បើតាមលោក Liu តំបន់ Jinggangshan ស្ថិតនៅភាគអាគ្នេយ៍ខេត្ត Jiangxi នោះបានសម្រេចជោគជ័យក្នុងការបោសសម្អាតភាពក្រីក្របានបន្ទាប់អាចធានាបានពីការវាយតម្លៃពាក់ព័ន្ធចំនួនប្រជាជនក្រីក្រនេះបានត្រឹមត្រូវ។បន្ទាប់ពីទៅក្រុងនេះអាចដកខ្លួចេញពីបញ្ជីក្រុងដែលក្រីក្របានកាលពីចុងខែកុម្ភៈកន្លងមក ការិយាល័យដោះស្រាយភាពក្រីក្រនៃក្រុមប្រឹក្សារដ្ឋចិនបានរៀបចំការវាយតម្លៃម្តងក្នុងនាមជាភាគីទីបី។
ក្រុមការងារបានរកឃើញថា ប្រជាជន៨០ភាគរយឆ្លងផុតពីបន្ទាត់នៃភាពក្រីក្រ ហើយកម្រិតនៃភាពក្រីក្រធ្លាក់មកត្រឹម ១,៦ភាគរយប៉ុណ្ណោះ។ បន្ថែមពីនេះប្រជាជនមូលដ្ឋានប្រហែល ៩០ភាគរយបានទទួលស្គាល់ចំណាត់ការប្រឆាំងអំពើពុករលួយរបស់អាជ្ញាធរមូលដ្ឋាន ហើយវាជារឿងដែលគួរសាទរផងដែរ។
ប៉ុន្តែប្រជាជនខ្លះនៅតែស្ទាក់ស្ទើរនៅឡើយចំពោះការឆ្លងផុតពីភាពក្រីក្រ ហើយពួកគេបារម្ភថា គោលនយោបាយប្រឆាំងភាពក្រីក្រដែលត្រឹមត្រូវនិងមានប្រសិទ្ធភាពប្រហែលជានឹងត្រូវបញ្ឈប់ការអនុវត្ត។ យ៉ាងណាក៏ដោយលោក Liu បានបញ្ជាក់ប្រាប់ពួកគេថា គោលនយោបាយទាំងអស់ដែលត្រូវបានអនុវត្តកន្លងមកនឹងត្រូវបន្តអនុវត្តទៀតបន្ទាប់ពីតំបន់នេះឆ្លងផុតពីបញ្ជីឈ្មោះទីក្រុងរងគ្រោះដោយភាពក្រីក្រក៏ដោយ។ នេះជាមធ្យោបាយក្នុងការធានាថា ភាពក្រីក្រមិនត្រឡប់មកវិញទេ។
សូមបញ្ជាក់ថា ចិនបានយោងប្រជាជន ១២,៤លាននាក់ឲ្យរួចផុតពីភាពក្រីក្រឆ្នាំ ២ឥ១៦ ហើយទិន្នន័យនេះបង្ហាញថា លទ្ធផលវាលើសការរំពឹងទុកទៅទៀត។ បើតាមរបាយការណ៍ការងាររដ្ឋាភិបាល យ៉ាងហោចណាស់ប្រជាជន ១០លាននាក់ផ្សេងទៀតនឹងត្រូវរដ្ឋាភិបាលជួយឲ្យរួចផុតពីភាពក្រីក្រនៅឆ្នាំ ២០១៧នេះ៕
Tag:
ចិន
សង្គ្រាមប្រឆាំងភាពក្រីក្រ
ស៊ី ជិនពីង
Liu Yongfu
© រក្សាសិទ្ធិដោយ thmeythmey.com
