អន្តរជាតិ
ក្រៅពីករណីពុករលួយ លោកស្រី ប៉ាក ប្រឈមនឹងបណ្តឹងពីបទបោះបង់ឆ្កែចោល
15, Mar 2017 , 5:41 pm
លោកស្រី ប៉ាក ថតជាមួយឆ្កែចិញ្ចឹមរបស់ខ្លួននៅវិមានប្រធានាធិបតីកន្លងមក។ រូបថត Reuters
×![]()
ដោយ: តន ចាន់រិទ្ធារ៉ា
អតីតប្រធានាធិបតីកូរ៉េខាងត្បូង ប៉ាក ហ្គឺនហេ ដែលកំពុងរងការចោទប្រកាន់ករណីពុករលួយ និងរំលោភអំណាចរដ្ឋនោះ ប្រហែលជាត្រូវរងបណ្ដឹងមួយទៀត។ អតីតប្រធានាធិបតីរូបនេះ ត្រូវបានចោទប្រកាន់ថាបានបោះបង់ឆ្កែដែលលោកស្រីធ្លាប់ចិញ្ចឹម អំឡុងពេលស្នាក់នៅវិមានប្រធានាធិបតី។ លោកស្រី បានចាកចេញពីវិមាននេះ បន្ទាប់ពីអស់តំណែង តែលោកស្រីមិនបានយកឆ្កែទាំង៩ក្បាលទៅជាមួយឡើយ។
ក្រុមការពារសិទ្ធិសត្វកូរ៉េខាងត្បូង នៅថ្ងៃទី១៣ ខែមីនា បានដាក់ពាក្យបណ្ដឹងមួយទៅកាន់រដ្ឋអាជ្ញា ដើម្បីបើកការស៊ើបអង្កេតករណីអតីតប្រធានាធិបតី ប៉ាក ហ្គឺនហេ ដែលរងការចោទប្រកាន់ថាបោះបង់សត្វឆ្កែចិញ្ចឹម ផ្ទុយច្បាប់ការពារសិទ្ធិសត្វ។ មន្ត្រីវិមានប្រធានាធិបតី Choeng Wa Dae បានប្រាប់អ្នករាយការណ៍ព័ត៌មានថា លោកស្រី ប៉ាក មិនបានយកឆ្កែទាំង៩ក្បាល ទៅជាមួយលោកស្រី ពេលចាកចេញឡើយ។
បើតាមសារព័ត៌មាន Korean Times សកម្មជនការពារសិទ្ធិសត្វ Care បានចេញមុខធានាទទួលចិញ្ចឹមសត្វឆ្កែទាំងអស់ មុននឹងពួកវាមានម្ចាស់ថ្មី។ ក្នុងសេចក្ដីប្រកាសរបស់ខ្លួន Care និយាយថា ប្រសិនបើឆ្កែរបស់លោកស្រី ប៉ាក ត្រូវបញ្ជូនទៅកាន់មណ្ឌលថែរក្សាសត្វ នោះបញ្ហានឹងកើតឡើងម្ដងទៀតមិនខាន។
ឆ្កែដែលលោកស្រី ប៉ាក ចិញ្ចឹមនេះ ជាពូជឆ្កែ Jindo ហើយត្រូវគេដាក់ងារជា «ពូជឆ្កែទី១» និងជាឆ្កែសំណព្វរបស់ប្រធានាធិបតីអស់តំណែងនេះតែម្ដង។ លោកស្រី ទទួលបានឆ្កែពូជនេះ ចំនួន២ក្បាលកាលពីឆ្នាំ២០១៣ ពេលលោកស្រីចាប់ផ្ដើមចូលរស់នៅវិមានប្រធានាធិបតី ក្រោយឈ្នះឆ្នោត៕
ក្រុមការពារសិទ្ធិសត្វកូរ៉េខាងត្បូង នៅថ្ងៃទី១៣ ខែមីនា បានដាក់ពាក្យបណ្ដឹងមួយទៅកាន់រដ្ឋអាជ្ញា ដើម្បីបើកការស៊ើបអង្កេតករណីអតីតប្រធានាធិបតី ប៉ាក ហ្គឺនហេ ដែលរងការចោទប្រកាន់ថាបោះបង់សត្វឆ្កែចិញ្ចឹម ផ្ទុយច្បាប់ការពារសិទ្ធិសត្វ។ មន្ត្រីវិមានប្រធានាធិបតី Choeng Wa Dae បានប្រាប់អ្នករាយការណ៍ព័ត៌មានថា លោកស្រី ប៉ាក មិនបានយកឆ្កែទាំង៩ក្បាល ទៅជាមួយលោកស្រី ពេលចាកចេញឡើយ។
បើតាមសារព័ត៌មាន Korean Times សកម្មជនការពារសិទ្ធិសត្វ Care បានចេញមុខធានាទទួលចិញ្ចឹមសត្វឆ្កែទាំងអស់ មុននឹងពួកវាមានម្ចាស់ថ្មី។ ក្នុងសេចក្ដីប្រកាសរបស់ខ្លួន Care និយាយថា ប្រសិនបើឆ្កែរបស់លោកស្រី ប៉ាក ត្រូវបញ្ជូនទៅកាន់មណ្ឌលថែរក្សាសត្វ នោះបញ្ហានឹងកើតឡើងម្ដងទៀតមិនខាន។
ឆ្កែដែលលោកស្រី ប៉ាក ចិញ្ចឹមនេះ ជាពូជឆ្កែ Jindo ហើយត្រូវគេដាក់ងារជា «ពូជឆ្កែទី១» និងជាឆ្កែសំណព្វរបស់ប្រធានាធិបតីអស់តំណែងនេះតែម្ដង។ លោកស្រី ទទួលបានឆ្កែពូជនេះ ចំនួន២ក្បាលកាលពីឆ្នាំ២០១៣ ពេលលោកស្រីចាប់ផ្ដើមចូលរស់នៅវិមានប្រធានាធិបតី ក្រោយឈ្នះឆ្នោត៕
Tag:
កូរ៉េខាងជើង
ប៉ាក ហ្គឺនហេ
© រក្សាសិទ្ធិដោយ thmeythmey.com
