អន្តរជាតិ
ប្រជាជនថៃរាប់លាននាក់ នាំគ្នាចុះឈ្មោះជាអ្នករកបានចំណូលទាប ដើម្បីទទួលបានអត្ថប្រយោជន៍ពីរដ្ឋាភិបាល
03, Apr 2017 , 8:39 pm
ប្រជាជនថៃ នាំគ្នាចុះឈ្មោះជាអ្នករកចំណូលទាប ដើម្បីទទួលបានអត្ថប្រយោជន៍ផ្ដល់ដោយរដ្ឋាភិបាល (រូបភាព The Nation)
×![]()
ដោយ: តន ចាន់រិទ្ធារ៉ា
ប្រជាជនថៃប្រមាណ១៥លាននាក់ រំពឹងថានឹងនាំគ្នាទៅចុះឈ្មោះជាអ្នករកចំណូលទាប ដើម្បីទទួលបានអត្ថប្រយោជន៍ជាច្រើនដែលផ្ដល់ដោយរដ្ឋាភិបាល។ នេះជាលើកទី២ ដែលរដ្ឋាភិបាលថៃទទួលចុះឈ្មោះអ្នករកចំណូលទាប បន្ទាប់ការចុះឈ្មោះលើកទី១ ចាប់ផ្ដើមកាលពីឆ្នាំ២០១៦ ។ មានតែប្រជាជនថៃដែលត្រូវបានទទួលស្គាល់ជាអ្នករកចំណូលទាបប៉ុណ្ណោះ ទើបមានសិទ្ធិទទួលបានអត្ថប្រយោជន៍ផ្ដល់ដោយរដ្ឋាភិបាល ហើយក៏មិនសុទ្ធតែទទួលបានជំនួយដូចគ្នាដែរ។
របបសឹកថៃ នៅថ្ងៃទី៣ ខែមេសា បានចាប់ផ្ដើមទទួលចុះឈ្មោះប្រជាជនដែលជាអ្នករកចំណូលទាបលើកទី២ ក្រោយយុទ្ធនាការលើកទី១ ឆ្នាំ២០១៦ ត្រូវបានបញ្ចប់។ គេរំពឹងថា ប្រជាជនថៃប្រមាណ១៥លាននាក់ នឹងមកចុះឈ្មោះជាអ្នករកចំណូលទាបក្នុងការចុះឈ្មោះលើកនេះ ខណៈកាលពីលើកទី១ មានប្រជាជនថៃប្រមាណ៨លាននាក់បានចុះឈ្មោះ។ ការចុះឈ្មោះលើកទី២នេះ ធ្វើឡើងស្របពេលរដ្ឋាភិបាលប៉ានស្មានថា កំណើនសេដ្ឋកិច្ចប្រចាំឆ្នាំ២០១៧ នឹងកើនឡើងខ្លាំង។
បើតាមសារព័ត៌មាន The Nation មន្ត្រីជាន់ខ្ពស់ក្រសួងហិរញ្ញវត្ថុថៃ Krisada Chinavicharana បានពន្យល់មូលហេតុដែលប្រជាជនរាប់លាននាក់នាំគ្នាមកចុះឈ្មោះលើកនេះ ថា ប្រជាជនភាគច្រើនមិនបានចុះឈ្មោះនៅលើកទី១ ឡើយ ព្រោះពួកគេមិនយល់ពីអត្ថប្រយោជន៍ដែលត្រូវទទួលបាន។ ប៉ុន្តែក្នុងការចុះឈ្មោះលើកនេះ រដ្ឋាភិបាលថៃ បានបន្ថែមលក្ខខណ្ឌច្រើនថែមទៀត ដែលអាចឲ្យប្រជាជនខ្លះមិនអាចទទួលបានអត្ថប្រយោជន៍ពីរដ្ឋឡើយ។
ការចុះឈ្មោះនេះ នឹងចាប់ផ្ដើមពីថ្ងៃទី៣ ខែមេសា ដល់ថ្ងៃទី១៥ ខែឧសភា នៅតាមធនាគារ និងនៅតាមការិយាល័យជម្រះបញ្ជីតាមបណ្ដាខេត្តនានា។ ប្រជាជនដែលទទួលស្គាល់ជាអ្នករកចំណូលទាប នឹងទទួលបានកាតបញ្ជាក់មួយ ដែលអាចទទួលបានអត្ថប្រយោជន៍ដូចជា ការមិនយកថ្លៃ ឬទទួលបានបញ្ចុះតម្លៃសម្រាប់ការបង់ថ្លៃអគ្គីសនី និងទឹក, សេវាដឹកជញ្ជូន និងការជួលផ្សេងៗ ក៏ដូចជាទទួលបានការឧបត្ថម្ភធនពីរដ្ឋាភិបាល និងសេវាកម្មធានារ៉ាប់រ៉ងផងដែរ។
«កាលពីជុំទី១ រដ្ឋាភិបាលបានអនុវត្តលក្ខខណ្ឌងាយៗ ហើយជាលទ្ធផល ប្រជាជនខ្លះដែលមិនសមទទួលបានការជួយ ក៏អាចទទួលបានដែរ។ ដូច្នេះនៅពេលនេះ រដ្ឋាភិបាលបានពង្រឹងលក្ខខណ្ឌដែលអាចទទួលបានអត្ថប្រយោជន៍ សំដៅធានាថា អ្នកមាន មិនអាចទទួលបានការជួយដូចអ្នកក្រីក្រឡើយ»។ នេះជាការពន្យល់បន្ថែមរបស់លោក Krisada ដែលជាប្រធាននាយកដ្ឋាននយោបាយសារពើពន្ធដែរនោះ។
ប្រភពព័ត៌មានខាងលើនេះបន្តថា អ្នកដែលអាចចុះឈ្មោះបានទាល់តែជាជនជាតិថៃ មានអាយុ១៨ឆ្នាំឡើង, មិនមានការងារ ឬក៏ត្រូវមានចំណូលក្រោម១សែនបាតក្នុងឆ្នាំ២០១៦ ។ លើសពីនោះ ប្រជាជនថៃទាំងនោះ ក៏មិនត្រូវមានទ្រព្យសម្បត្តិមានតម្លៃលើស១សែនបាត ឬមានផ្ទះធំជាង១០០ម៉ែត្រការ៉េ ឬបន្ទប់ខុនដូទំហំធំជាង៣៥ម៉ែត្រការ៉េ ឬមានដីធំជាង០,១៦ហិចតា។ ចំណែកសិករវិញ មិនត្រូវមានដីធំជាង១ហិចតាឡើយ៕
របបសឹកថៃ នៅថ្ងៃទី៣ ខែមេសា បានចាប់ផ្ដើមទទួលចុះឈ្មោះប្រជាជនដែលជាអ្នករកចំណូលទាបលើកទី២ ក្រោយយុទ្ធនាការលើកទី១ ឆ្នាំ២០១៦ ត្រូវបានបញ្ចប់។ គេរំពឹងថា ប្រជាជនថៃប្រមាណ១៥លាននាក់ នឹងមកចុះឈ្មោះជាអ្នករកចំណូលទាបក្នុងការចុះឈ្មោះលើកនេះ ខណៈកាលពីលើកទី១ មានប្រជាជនថៃប្រមាណ៨លាននាក់បានចុះឈ្មោះ។ ការចុះឈ្មោះលើកទី២នេះ ធ្វើឡើងស្របពេលរដ្ឋាភិបាលប៉ានស្មានថា កំណើនសេដ្ឋកិច្ចប្រចាំឆ្នាំ២០១៧ នឹងកើនឡើងខ្លាំង។
បើតាមសារព័ត៌មាន The Nation មន្ត្រីជាន់ខ្ពស់ក្រសួងហិរញ្ញវត្ថុថៃ Krisada Chinavicharana បានពន្យល់មូលហេតុដែលប្រជាជនរាប់លាននាក់នាំគ្នាមកចុះឈ្មោះលើកនេះ ថា ប្រជាជនភាគច្រើនមិនបានចុះឈ្មោះនៅលើកទី១ ឡើយ ព្រោះពួកគេមិនយល់ពីអត្ថប្រយោជន៍ដែលត្រូវទទួលបាន។ ប៉ុន្តែក្នុងការចុះឈ្មោះលើកនេះ រដ្ឋាភិបាលថៃ បានបន្ថែមលក្ខខណ្ឌច្រើនថែមទៀត ដែលអាចឲ្យប្រជាជនខ្លះមិនអាចទទួលបានអត្ថប្រយោជន៍ពីរដ្ឋឡើយ។
ការចុះឈ្មោះនេះ នឹងចាប់ផ្ដើមពីថ្ងៃទី៣ ខែមេសា ដល់ថ្ងៃទី១៥ ខែឧសភា នៅតាមធនាគារ និងនៅតាមការិយាល័យជម្រះបញ្ជីតាមបណ្ដាខេត្តនានា។ ប្រជាជនដែលទទួលស្គាល់ជាអ្នករកចំណូលទាប នឹងទទួលបានកាតបញ្ជាក់មួយ ដែលអាចទទួលបានអត្ថប្រយោជន៍ដូចជា ការមិនយកថ្លៃ ឬទទួលបានបញ្ចុះតម្លៃសម្រាប់ការបង់ថ្លៃអគ្គីសនី និងទឹក, សេវាដឹកជញ្ជូន និងការជួលផ្សេងៗ ក៏ដូចជាទទួលបានការឧបត្ថម្ភធនពីរដ្ឋាភិបាល និងសេវាកម្មធានារ៉ាប់រ៉ងផងដែរ។
«កាលពីជុំទី១ រដ្ឋាភិបាលបានអនុវត្តលក្ខខណ្ឌងាយៗ ហើយជាលទ្ធផល ប្រជាជនខ្លះដែលមិនសមទទួលបានការជួយ ក៏អាចទទួលបានដែរ។ ដូច្នេះនៅពេលនេះ រដ្ឋាភិបាលបានពង្រឹងលក្ខខណ្ឌដែលអាចទទួលបានអត្ថប្រយោជន៍ សំដៅធានាថា អ្នកមាន មិនអាចទទួលបានការជួយដូចអ្នកក្រីក្រឡើយ»។ នេះជាការពន្យល់បន្ថែមរបស់លោក Krisada ដែលជាប្រធាននាយកដ្ឋាននយោបាយសារពើពន្ធដែរនោះ។
ប្រភពព័ត៌មានខាងលើនេះបន្តថា អ្នកដែលអាចចុះឈ្មោះបានទាល់តែជាជនជាតិថៃ មានអាយុ១៨ឆ្នាំឡើង, មិនមានការងារ ឬក៏ត្រូវមានចំណូលក្រោម១សែនបាតក្នុងឆ្នាំ២០១៦ ។ លើសពីនោះ ប្រជាជនថៃទាំងនោះ ក៏មិនត្រូវមានទ្រព្យសម្បត្តិមានតម្លៃលើស១សែនបាត ឬមានផ្ទះធំជាង១០០ម៉ែត្រការ៉េ ឬបន្ទប់ខុនដូទំហំធំជាង៣៥ម៉ែត្រការ៉េ ឬមានដីធំជាង០,១៦ហិចតា។ ចំណែកសិករវិញ មិនត្រូវមានដីធំជាង១ហិចតាឡើយ៕
Tag:
ថៃ
Krisada Chinavicharana
© រក្សាសិទ្ធិដោយ thmeythmey.com
