អន្តរជាតិ
ឥណ្ឌូណេស៊ីកម្ទេចទូកនេសាទខុសច្បាប់ជាង ៨០គ្រឿងរួមទាំងទូកហ្វីលីពីន
03, Apr 2017 , 10:59 pm
រូបភាព៖ Inquirer
×![]()
គ្រាន់តែចុងសប្តាហ៍នេះ ឥណ្ឌូណេស៊ីបានកម្ទេចទូកនេសាទប្រហែល ៨១គ្រឿងភាគច្រើនជាទូកនេសាទបរទេសមានទាំងហ្វីលីពីនផងដែលលបហ៊ានចូលដែនទឹកខ្លួនខុសច្បាប់ដើម្បីនេសាទត្រី។ ដូច្នេះហើយ ចាប់ពីលោកប្រធានាធិបតីឥណ្ឌូណេស៊ី ចូកូ វីដូដូ ឡើងកាន់អំណាចមកដល់បច្ចុប្បន្ន ទូកដែលត្រូវឥណ្ឌូណេស៊ីកម្ទេចចោលមានរហូតដល់ជាង ៣០០ គ្រឿងហើយ។
យុទ្ធនាការប្រឆាំងការនេសាទខុសច្បាប់របស់ប្រធានាធិបតី ឥណ្ឌូណេស៊ីលោក ចូកូ វីដូដូ ដែលត្រូវបានដាក់ចេញពីឆ្នាំ ២០១៤ នោះបានទទួលលទ្ធផលប្រសើរច្រើនក្នុងការបង្ក្រាបរាល់ទូកនេសាទបរទេសដែលឆ្លងចូលដែនទឹកឥណ្ឌូណេស៊ី។ គ្រាន់តែចុងសប្តាហ៍នេះ អាជ្ញាធរឥណ្ឌូណេស៊ីបានដុតកម្ទេចទូកនេសាទដែលភាគច្រើនជាទូកនេសាទបរទេសមានទាំងហ្វីលីពីនផងនោះជាច្រើនគ្រឿងផង។
យោងតាមទីភ្នាក់ងារព័ត៌មាន Reuters ឥណ្ឌូណេស៊ីបានកម្ទេចចោលទូកនេសាទខុសច្បាប់រហូតដល់ ៨១គ្រឿង ដែលភាគច្រើនជាទូកនេសាទបរទេស។ទូកទាំងនោះត្រូវបានអាជ្ញាធរចាប់បានពេលកំពុងធ្វើសកម្មភាពនេសាទក្នុងដែនទឹករបស់ឥណ្ឌូណេស៊ីដោយខុសច្បាប់។ សរុបមក បើរាប់ចាប់ពីឆ្នាំ ២០១៤មក ទូកនេសាទដែលត្រូវបានអាជ្ញាធរឥណ្ឌូណេស៊ីកម្ទេចចោលមានប្រហែលជាង ៣០០គ្រឿងឯណោះ។
ឥណ្ឌូណេស៊ីត្រូវបានគេស្គាល់ថា ជារដ្ឋមួយក្នុងចំណោមរដ្ឋតិចតួចប៉ុណ្ណោះលើពិភពលោកដែលមានធនធានសមុទ្រច្រើន។ ប៉ុន្តែប្រទេសនេះរងគ្រោះខ្លាំងនិងខាតបង់ខ្លាំងដោយសារក្រុមនេសាទខុសច្បាប់ជាពិសេសក្រុមអ្នកនេសាទមកពីបណ្តាប្រទេសអាស៊ានជារដ្ឋជិតខាងនោះ។ ដូចឃើញស្រាប់ ទូកដែលត្រូវបានអាជ្ញាធរឥណ្ឌូណេស៊ីបំផ្លាញចោលកាលពីចុងសប្តាហ៍នេះមានទាំងទូកហ្វីលីពីនដែរ។ ប៉ុន្តែវាក៏បានបង្កឲ្យមានភាពតានតឹងផងដែររវាងឥណ្ឌូណេស៊ី និងប្រទេសជិតខាងព្រោះតែគោលនយោបាយដ៏តឹងរ៉ឹងនេះ។
បើតាមរដ្ឋាភិបាលឥណ្ឌូណេស៊ី គ្រាន់តែក្នុងឆ្នាំ២០១៤ ឥណ្ឌូណេស៊ីខាតបង់លុយប្រហែល ៧,៥៨ពាន់លានដុល្លារដោយសារតែការនេសាទខុសច្បាប់នេះ។ដូច្នេះហើយឥណ្ឌូណេស៊ីមិនអាចអត់ឱនចំពោះសកម្មភាពខុសច្បាប់ទាំងនេះឡើយ។
រដ្ឋមន្ត្រីកិច្ចការសមុទ្រនិងនេសាទរបស់ឥណ្ឌូណេស៊ី Susi Pudjiastuti ដែលបានចុះត្រួតពិនិត្យការបង្ក្រាបនិងកម្ទេចទូកនេសាទខុសច្បាប់ផ្ទាល់នោះបានលើកឡើងថា ឥណ្ឌូណេស៊ីធ្វើអ្វីៗស្របតាមច្បាប់ដើម្បីការពារប្រយោជន៍ខ្លួន ហើយវាជាការអនុវត្តសិទ្ធិដើម្បីការពារអធិបតេយ្យរបស់ខ្លួនប៉ុណ្ណោះ៕
យុទ្ធនាការប្រឆាំងការនេសាទខុសច្បាប់របស់ប្រធានាធិបតី ឥណ្ឌូណេស៊ីលោក ចូកូ វីដូដូ ដែលត្រូវបានដាក់ចេញពីឆ្នាំ ២០១៤ នោះបានទទួលលទ្ធផលប្រសើរច្រើនក្នុងការបង្ក្រាបរាល់ទូកនេសាទបរទេសដែលឆ្លងចូលដែនទឹកឥណ្ឌូណេស៊ី។ គ្រាន់តែចុងសប្តាហ៍នេះ អាជ្ញាធរឥណ្ឌូណេស៊ីបានដុតកម្ទេចទូកនេសាទដែលភាគច្រើនជាទូកនេសាទបរទេសមានទាំងហ្វីលីពីនផងនោះជាច្រើនគ្រឿងផង។
យោងតាមទីភ្នាក់ងារព័ត៌មាន Reuters ឥណ្ឌូណេស៊ីបានកម្ទេចចោលទូកនេសាទខុសច្បាប់រហូតដល់ ៨១គ្រឿង ដែលភាគច្រើនជាទូកនេសាទបរទេស។ទូកទាំងនោះត្រូវបានអាជ្ញាធរចាប់បានពេលកំពុងធ្វើសកម្មភាពនេសាទក្នុងដែនទឹករបស់ឥណ្ឌូណេស៊ីដោយខុសច្បាប់។ សរុបមក បើរាប់ចាប់ពីឆ្នាំ ២០១៤មក ទូកនេសាទដែលត្រូវបានអាជ្ញាធរឥណ្ឌូណេស៊ីកម្ទេចចោលមានប្រហែលជាង ៣០០គ្រឿងឯណោះ។
ឥណ្ឌូណេស៊ីត្រូវបានគេស្គាល់ថា ជារដ្ឋមួយក្នុងចំណោមរដ្ឋតិចតួចប៉ុណ្ណោះលើពិភពលោកដែលមានធនធានសមុទ្រច្រើន។ ប៉ុន្តែប្រទេសនេះរងគ្រោះខ្លាំងនិងខាតបង់ខ្លាំងដោយសារក្រុមនេសាទខុសច្បាប់ជាពិសេសក្រុមអ្នកនេសាទមកពីបណ្តាប្រទេសអាស៊ានជារដ្ឋជិតខាងនោះ។ ដូចឃើញស្រាប់ ទូកដែលត្រូវបានអាជ្ញាធរឥណ្ឌូណេស៊ីបំផ្លាញចោលកាលពីចុងសប្តាហ៍នេះមានទាំងទូកហ្វីលីពីនដែរ។ ប៉ុន្តែវាក៏បានបង្កឲ្យមានភាពតានតឹងផងដែររវាងឥណ្ឌូណេស៊ី និងប្រទេសជិតខាងព្រោះតែគោលនយោបាយដ៏តឹងរ៉ឹងនេះ។
បើតាមរដ្ឋាភិបាលឥណ្ឌូណេស៊ី គ្រាន់តែក្នុងឆ្នាំ២០១៤ ឥណ្ឌូណេស៊ីខាតបង់លុយប្រហែល ៧,៥៨ពាន់លានដុល្លារដោយសារតែការនេសាទខុសច្បាប់នេះ។ដូច្នេះហើយឥណ្ឌូណេស៊ីមិនអាចអត់ឱនចំពោះសកម្មភាពខុសច្បាប់ទាំងនេះឡើយ។
រដ្ឋមន្ត្រីកិច្ចការសមុទ្រនិងនេសាទរបស់ឥណ្ឌូណេស៊ី Susi Pudjiastuti ដែលបានចុះត្រួតពិនិត្យការបង្ក្រាបនិងកម្ទេចទូកនេសាទខុសច្បាប់ផ្ទាល់នោះបានលើកឡើងថា ឥណ្ឌូណេស៊ីធ្វើអ្វីៗស្របតាមច្បាប់ដើម្បីការពារប្រយោជន៍ខ្លួន ហើយវាជាការអនុវត្តសិទ្ធិដើម្បីការពារអធិបតេយ្យរបស់ខ្លួនប៉ុណ្ណោះ៕
Tag:
ឥណ្ឌូណេស៊ី
ចូកូ វីដូដូ
ហ្វីលីពីន
ទូកនេសាទខុសច្បាប់
© រក្សាសិទ្ធិដោយ thmeythmey.com
