អន្តរជាតិ
លោកខាងលិចទម្លាក់កំហុសលើរបប អាសាដ រឿងប្រើអាវុធគីមី តែរុស្ស៊ីព្យាយាមបកស្រាយ
05, Apr 2017 , 3:54 pm
រូបភាព៖ KBC
×![]()
ដោយ: ថ្មីៗ
ការប្រើប្រាស់ឧស្ម័នពុលក្នុងការវាយប្រហារតាមផ្លូវអាកាសនាក្រុង Khan Sheikhun បានធ្វើឲ្យពិភពលោកតក់ស្លុតជាថ្មី។ មនុស្សយ៉ាងហោចណាស់ ៦០នាក់បានស្លាប់ក្នុងនោះមានក្មេងៗច្រើននាក់ផងដែរ។ ថ្វីបើគេនៅមិនទាន់កំណត់ថាភាគីណាមួយជាអ្នកប្រើប្រាស់អាវុធនេះក្តី លោកខាងលិចបានចង្អុលដាក់រដ្ឋាភិបាលស៊ីរី ព្រោះគេយល់ថា គ្មានភាគីណាមានលទ្ធភាពប្រើប្រាស់យន្តហោះចម្បាំងនិងអាវុធគីមីឡើយ។ រដ្ឋាភិបាលស៊ីរីបានបដិសេធដាច់អហង្ការ ហើយរុស្ស៊ីដែលជាសម្ព័ន្ធមិត្តស៊ីរីនោះបានបកស្រាយថា ទ័ពលោក អាសាដ បានវាយប្រហារលើឃ្លាំងផ្ទុកអាវុធគីមីនៅក្រុង Khan Sheikhun ប៉ុណ្ណោះ ហើយយន្តហោះនោះមិនអាចបំពាក់គ្រាប់ដែលផ្ទុះអាវុធគីមីបានឡើយ។ វាអាចថា ករណីនេះមិនមែនជាការប្រើឧស្ម័នពុលប្រឆាំងជនស៊ីវិលទេ តែជាបញ្ហាដែលបង្កឡើងដោយសារធ្លាយឧស្ម័នពុលពីតំបន់ផ្ទុកអាវុធប៉ុណ្ណោះ។
មនុស្សយ៉ាងហោចណាស់ ៦០នាក់បានស្លាប់ក្នុងការវាយប្រហារមួយដែលមានការប្រើប្រាសអាវុធគីមីជាថ្មីនៅក្នុងទីក្រុងមួយនាខេត្ត Idlib។ យោងតាមទីភ្នាក់ងារព័ត៌មាន AFP ការប្រើប្រាស់អាវុធគីមីនេះកើតឡើងនៅក្រុង Khan Sheikhun ដែលជាតំបន់ស្ថិតក្រោមការកាន់កាប់របស់ក្រុមឧទ្ទាម ក្រុមសង្គ្រោះនៅក្នុងតំបន់រកឃើញថា ប្រជាជនដែលរងគ្រោះមានរោគសញ្ញាដូចជាសន្លប់, បែកពពុះមាត់ និងក្អួតផងដែរ ហើយក្នុងចំណោមពួកគេភាគច្រើនជាជនស៊ីវិលប៉ុណ្ណោះ។ ប៉ុន្តែគេមិនអាចដឹងច្បាស់ថា ភាគីណាមួយដែលបានប្រើប្រាស់អាវុធនេះឡើយ។ រាល់ការសង្ស័យគេដាក់លើរបបដឹកនាំលោក បាសា អាល់អាសាដ និងកងទ័ពរុស្ស៊ី។
១. អឺរ៉ុបចង្អុលដាក់ របបអាសាដ រឿងប្រើអាវុធគីមី តែរុស្ស៊ីបកស្រាយថាមិនមែនទេ
ខណៈមិនមានការបញ្ជាក់ច្បាស់ថាភាគីណាជាអ្នកប្រើឧស្ម័នគីមី សហភាពអឺរ៉ុចេញមុខចោទភ្លាមថា របបដឹកនាំអាសាដ ជាអ្នកប្រើប្រាស់អាវុធគីមីដ៏សាហាវព្រៃផ្សៃនេះ។ លោកស្រីប្រមុខការទូតសហភាពអឺរ៉ុប Federica Mogherini បាននិយាយពេញមាត់នៅក្រៅកិច្ចប្រជុំអង្គការសហប្រជាជាតិនិងសហភាពអឺរ៉ុបនាក្រុងព្រុចសែលថា របបដឹកនាំអាសាដ នេះឯងជាអ្នកដែលទទួលខុសត្រូវចំពោះការប្រើប្រាស់ឧស្ម័នពុលដែលសម្លាប់ប្រជាជនស៊ីរីយ៉ាងហោចណាស់៦០នាក់នៅក្រុងក្រុមឧទ្ទាមកាន់កាប់។
រីឯបារាំងក៏បានថ្កោលទោសការប្រើប្រាស់អាវុធ និងទាមទារឲ្យមានការប្រជុំបន្ទាន់ដើម្បីពិភាក្សាគ្នារកវិធានការ។ រដ្ឋមន្ត្រីការបរទេសបារាំង Jean-Marc Ayrault បានកោះប្រជុំបន្ទាន់នៅក្រុមប្រឹក្សាសន្តិសុខអង្គការសហប្រជាជាតិ ប៉ុន្តែលោកមិនទាន់ហ៊ានចង្អុលដាក់អ្នកណាឡើយ។
ប្រធានាធិបតីតួកគី Recep Tayyip Erdogan បានទូរសព្ទទៅកាន់លោក វ្ល៉ាឌីមៀ ពូទីន ហើយប្រាប់ថា ការប្រើប្រាស់អាវុធគីមីនេះជាទង្វើអមនុស្សធម៌បំផុត ហើយវានឹងបង្កគ្រោះថ្នាក់ដល់ដំណើរការចរចារកសន្តិភាពនៅទីក្រុង Astana ប្រទេសកាហ្សាក់ស្ថាននោះ។ មេដឹកនាំតួកគីដែលជាសត្រូវធំរបស់លោក អាសាដ ជឿជាក់ច្បាស់ថា របបដឹកនាំស៊ីរីនេះហើយជាអ្នកប្រើប្រាស់អាវុធគីមី។
រុស្ស៊ី, តួកគី និងអ៊ីរ៉ង់ជាភាគីដែលបានជួយជ្រោមជ្រែងបង្កើតបទឈប់បាញ់មួយកាលពីចុងខែធ្នូឆ្នាំ ២០១៦។ គេមើលឃើញថា ភាគីទាំងបីនេះមានតួនាទីស្នូលក្នុងការជួយបញ្ចប់ជម្លោះប្រដាប់អាវុធនៅស៊ីរី ខណៈពេលរដ្ឋបាល ដូណាល់ ត្រាំ មិនមានគោលជំហរច្បាស់លាស់ក្នុងការដោះស្រាយបញ្ហាស៊ីរី។
ទាក់ទិនការប្រើប្រាស់អាវុធគីមីនេះ សារព័ត៌មានរដ្ឋរុស្ស៊ី RT បានផ្សាយបកស្រាយប្រាប់របស់រុស្ស៊ីផងដែរដោយបញ្ជាក់ថា បញ្ហាអាវុធគីមីនេះមិនមែនពាក់ព័ន្ធការវាយប្រហារពីសំណាក់ភាគីណាមួយឡើយ។ អ្នកនាំពាក្យក្រសួងការពារជាតិរុស្ស៊ី Igor Konashenkov បាន ពន្យល់ថា កងទ័ពស៊ីរីបានវាយប្រហារនៅក្រុង Khan Sheikhun មែន ប៉ុន្តែកងទ័ពនោះបានវាយប្រហារលើកន្លែងផ្ទុកអាវុធគីមីរបស់ក្រុមឧទ្ទាម ដូច្នេះហើយទើបបានជាឧស្ម័នពុលធ្លាយចេញរហូតដល់ចំប្រជាជនដែលស្ថិតនៅជុំវិញនោះតែម្តង។ រុស្ស៊ីចង់ប្រាប់ថា វាគ្មានហេតុផលអ្វីដែលរដ្ឋាភិបាលស៊ីរីត្រូវប្រើប្រាស់អាវុធគីមីប្រឆាំងជនស៊ីវិលឡើយ ព្រោះវាគ្មានចំណេញអ្វីសោះ។
សូមបញ្ជាក់បន្តិចថា របបដឹកនាំស៊ីរីរងការចោទប្រកាន់ច្រើនដងមកហើយរឿងប្រើប្រាស់អាវុធគីមីនេះ។ កន្លងមករបាយការណ៍ស៊ើបអង្កេតរបស់អង្គការសហប្រជាជាតិ បានចង្អុលដាក់រដ្ឋាភិបាលអាសាដ ថាបានប្រើប្រាស់អាវុធគីមីយ៉ាងតិច ៣ដងចន្លោះពីឆ្នាំ ២០១៤ ដល់ឆ្នាំ ២០១៥។ ប៉ុន្តែក្រុងដាម៉ាសបានទាត់ចោទការចោទប្រកាន់នេះ ហើយបានចោទក្រុមឧទ្ទាមវិញ។
២.លោក ដូណាល់ ត្រាំ បន្តបន្ទោសរដ្ឋបាលលោក បារ៉ាក់ អូបាម៉ា រឿងស៊ីរី
រដ្ឋបាលលោក ដូណាល់ ត្រាំ បានថ្កោលទោសអ្នកទទួលខុសត្រូវចំពោះការវាយប្រហារដោយប្រើប្រាស់អាវុធគីមីនេះដែរ។ សេតវិមានបានហៅទង្វើព្រៃផ្សៃនេះ ការប្រឆាំងជនស្លូតត្រង់ដែលអរិយលោកមិនអាចព្រងើយកន្តើយបានឡើយ។
តិចឬច្រើន បញ្ហាសោកនាកម្មថ្មីនេះនឹងធ្វើឲ្យមានការផ្លាស់ប្តូរគោលជំហរជាថ្មីទៀតចំពោះបញ្ហាស៊ីរី ដោយរដ្ឋបាលលោក ដូណាល់ ត្រាំ កំពុងងាកទៅប្រឆាំងកម្ចាត់ក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់ ជាជាងបន្តតាមទម្លាក់របបដឹកនាំលោក បាសា អាល់អាសាដ។ ប៉ុន្តែថ្មីៗនេះបេសកជនពិសេសអាមេរិកប្រចាំអង្គការសហប្រជាជាតិលលោកស្រី Nikki Haley បានបញ្ជាក់ឲ្យច្បាស់រួចទៅហើយថា អាមេរិកមិនចង់ឃើញលោក អាសាដ ស្ថិតក្នុងរបបដឹកនាំស៊ីរីទៀតទេនៅពេលអនាគត។ ដូច្នេះហើយ អាមេរិកទំនងជាមិនព្រងើយកន្តើយនិងទុកឲ្យតួកគី, អ៊ីរ៉ង់ និងរុស្ស៊ីធ្វើជាតួឯកដូចពេលកន្លងមកទៀតឡើយ។
ត្រឡប់មកវិញ ឆ្លៀតឱកាសដែលអាវុធគីមីត្រូវបានគេប្រើប្រាស់ឡើងវិញនៅស៊ីរីទៀតនោះ លោក ដូណាល់ ត្រាំ ចាប់ផ្តើមបន្ទោសលោក អូបាម៉ា និងទិតៀនគោលនយោបាយលោកចំពោះបញ្ហាស៊ីរី។ លោកថា អូបាម៉ា បរាជ័យក្នុងការដោះស្រាយបញ្ហាស៊ីរីទើបបានជាបញ្ហានេះកើតឡើង។
អ្នកនាំពាក្យរបស់លោក ដូណាល់ ត្រាំ ផ្ទាល់គឺលោក Sean Spicer បានបន្ទោសលោក អូបាម៉ា ដូចគ្នា ហើយលោកទាញយកសំណុំរឿងគោលជំហរ «បន្ទាត់ក្រហម» ឆ្នាំ ២០១២ ដែលលោកគំរាមប្រើទ័ពអន្តរាគមន៍ស៊ីរីបើសិនជាលោក អាសាដមិនបោះបង់អាវុធគីមី។
៣.ក្រុមប្រឹក្សាសន្តិសុខប្រជុំថ្ងៃពុធត្រៀមអនុម័តដំណោះស្រាយថ្កោលទោសការប្រើអាវុធគីមី
ដោយឡែក នៅយប់ថ្ងៃអង្គារប៉ុន្មានម៉ោងបន្ទាប់ពីការវាយប្រហារ ប្រទេសសមាជិកក្រុមប្រឹក្សាសន្តិសុខចំនួន ៣មានអង់គ្លេស បារាំង និងអង់គ្លេសផងនោះចាប់ផ្តើមរៀបចំដំណោះស្រាយថ្កោលទោសការវាយប្រហារដោយប្រើឧស្ម័នគីមីនេះ និងទាមទារឲ្យរដ្ឋាភិបាលស៊ីរីប្រគល់រាល់ទិន្នន័យទាំងអស់ពាក់ព័ន្ធការហោះហើរ, យន្តហោះ និងឈ្មោះបណ្តាក្រុមយោធាដែលទទួលបន្ទុកមើលការខុសត្រូវលើប្រតិបត្តិការសឹកតាមផ្លូវអាកាស។
ដំណោះស្រាយនេះត្រូវបានគេជជែកពិភាក្សា ហើយបញ្ជូនទៅឲ្យបណ្តាមន្ត្រីទូតនៃប្រទេសទាំង ១៥ ជាសមាជិកក្រុមប្រឹក្សាសន្តិសុខផងដែរ។ ប្រទេសមហាអំណាចសមាជិកអចិន្ត្រៃយ៍នេះបានកោះប្រជុំបន្ទាន់រួចរាល់ ហើយគេរំពឹងថា ការបោះឆ្នោតអនុម័តដំណោះស្រាយថ្មីនេះនឹងអាចដំណើរការនៅថ្ងៃពុធទី ៥ មេសានេះ។
គេមិនអាចដឹងនៅឡើយទេថា ប្រទេសសមាជិកអចិន្ត្រៃយ៍ដែលជាខ្នងបង្អែកក្រុងដាម៉ាស មានរុស្ស៊ី និងចិននោះ អាចនឹងអនុញ្ញាតឲ្យដំណោះស្រាយនេះចេញរួចឬអត់។ កាលពីខែកុម្ភៈ រុស្ស៊ី និងចិនបាននាំគ្នាវេតូដំណោះស្រាយរបស់លោកខាងលិចដែលចង់ដាក់ទណ្ឌកម្មប្រឆាំងរដ្ឋាភិបាលលោក បាសា អាល់អាសាដ៕
មនុស្សយ៉ាងហោចណាស់ ៦០នាក់បានស្លាប់ក្នុងការវាយប្រហារមួយដែលមានការប្រើប្រាសអាវុធគីមីជាថ្មីនៅក្នុងទីក្រុងមួយនាខេត្ត Idlib។ យោងតាមទីភ្នាក់ងារព័ត៌មាន AFP ការប្រើប្រាស់អាវុធគីមីនេះកើតឡើងនៅក្រុង Khan Sheikhun ដែលជាតំបន់ស្ថិតក្រោមការកាន់កាប់របស់ក្រុមឧទ្ទាម ក្រុមសង្គ្រោះនៅក្នុងតំបន់រកឃើញថា ប្រជាជនដែលរងគ្រោះមានរោគសញ្ញាដូចជាសន្លប់, បែកពពុះមាត់ និងក្អួតផងដែរ ហើយក្នុងចំណោមពួកគេភាគច្រើនជាជនស៊ីវិលប៉ុណ្ណោះ។ ប៉ុន្តែគេមិនអាចដឹងច្បាស់ថា ភាគីណាមួយដែលបានប្រើប្រាស់អាវុធនេះឡើយ។ រាល់ការសង្ស័យគេដាក់លើរបបដឹកនាំលោក បាសា អាល់អាសាដ និងកងទ័ពរុស្ស៊ី។
១. អឺរ៉ុបចង្អុលដាក់ របបអាសាដ រឿងប្រើអាវុធគីមី តែរុស្ស៊ីបកស្រាយថាមិនមែនទេ
ខណៈមិនមានការបញ្ជាក់ច្បាស់ថាភាគីណាជាអ្នកប្រើឧស្ម័នគីមី សហភាពអឺរ៉ុចេញមុខចោទភ្លាមថា របបដឹកនាំអាសាដ ជាអ្នកប្រើប្រាស់អាវុធគីមីដ៏សាហាវព្រៃផ្សៃនេះ។ លោកស្រីប្រមុខការទូតសហភាពអឺរ៉ុប Federica Mogherini បាននិយាយពេញមាត់នៅក្រៅកិច្ចប្រជុំអង្គការសហប្រជាជាតិនិងសហភាពអឺរ៉ុបនាក្រុងព្រុចសែលថា របបដឹកនាំអាសាដ នេះឯងជាអ្នកដែលទទួលខុសត្រូវចំពោះការប្រើប្រាស់ឧស្ម័នពុលដែលសម្លាប់ប្រជាជនស៊ីរីយ៉ាងហោចណាស់៦០នាក់នៅក្រុងក្រុមឧទ្ទាមកាន់កាប់។
រីឯបារាំងក៏បានថ្កោលទោសការប្រើប្រាស់អាវុធ និងទាមទារឲ្យមានការប្រជុំបន្ទាន់ដើម្បីពិភាក្សាគ្នារកវិធានការ។ រដ្ឋមន្ត្រីការបរទេសបារាំង Jean-Marc Ayrault បានកោះប្រជុំបន្ទាន់នៅក្រុមប្រឹក្សាសន្តិសុខអង្គការសហប្រជាជាតិ ប៉ុន្តែលោកមិនទាន់ហ៊ានចង្អុលដាក់អ្នកណាឡើយ។
ប្រធានាធិបតីតួកគី Recep Tayyip Erdogan បានទូរសព្ទទៅកាន់លោក វ្ល៉ាឌីមៀ ពូទីន ហើយប្រាប់ថា ការប្រើប្រាស់អាវុធគីមីនេះជាទង្វើអមនុស្សធម៌បំផុត ហើយវានឹងបង្កគ្រោះថ្នាក់ដល់ដំណើរការចរចារកសន្តិភាពនៅទីក្រុង Astana ប្រទេសកាហ្សាក់ស្ថាននោះ។ មេដឹកនាំតួកគីដែលជាសត្រូវធំរបស់លោក អាសាដ ជឿជាក់ច្បាស់ថា របបដឹកនាំស៊ីរីនេះហើយជាអ្នកប្រើប្រាស់អាវុធគីមី។
រុស្ស៊ី, តួកគី និងអ៊ីរ៉ង់ជាភាគីដែលបានជួយជ្រោមជ្រែងបង្កើតបទឈប់បាញ់មួយកាលពីចុងខែធ្នូឆ្នាំ ២០១៦។ គេមើលឃើញថា ភាគីទាំងបីនេះមានតួនាទីស្នូលក្នុងការជួយបញ្ចប់ជម្លោះប្រដាប់អាវុធនៅស៊ីរី ខណៈពេលរដ្ឋបាល ដូណាល់ ត្រាំ មិនមានគោលជំហរច្បាស់លាស់ក្នុងការដោះស្រាយបញ្ហាស៊ីរី។
ទាក់ទិនការប្រើប្រាស់អាវុធគីមីនេះ សារព័ត៌មានរដ្ឋរុស្ស៊ី RT បានផ្សាយបកស្រាយប្រាប់របស់រុស្ស៊ីផងដែរដោយបញ្ជាក់ថា បញ្ហាអាវុធគីមីនេះមិនមែនពាក់ព័ន្ធការវាយប្រហារពីសំណាក់ភាគីណាមួយឡើយ។ អ្នកនាំពាក្យក្រសួងការពារជាតិរុស្ស៊ី Igor Konashenkov បាន ពន្យល់ថា កងទ័ពស៊ីរីបានវាយប្រហារនៅក្រុង Khan Sheikhun មែន ប៉ុន្តែកងទ័ពនោះបានវាយប្រហារលើកន្លែងផ្ទុកអាវុធគីមីរបស់ក្រុមឧទ្ទាម ដូច្នេះហើយទើបបានជាឧស្ម័នពុលធ្លាយចេញរហូតដល់ចំប្រជាជនដែលស្ថិតនៅជុំវិញនោះតែម្តង។ រុស្ស៊ីចង់ប្រាប់ថា វាគ្មានហេតុផលអ្វីដែលរដ្ឋាភិបាលស៊ីរីត្រូវប្រើប្រាស់អាវុធគីមីប្រឆាំងជនស៊ីវិលឡើយ ព្រោះវាគ្មានចំណេញអ្វីសោះ។
សូមបញ្ជាក់បន្តិចថា របបដឹកនាំស៊ីរីរងការចោទប្រកាន់ច្រើនដងមកហើយរឿងប្រើប្រាស់អាវុធគីមីនេះ។ កន្លងមករបាយការណ៍ស៊ើបអង្កេតរបស់អង្គការសហប្រជាជាតិ បានចង្អុលដាក់រដ្ឋាភិបាលអាសាដ ថាបានប្រើប្រាស់អាវុធគីមីយ៉ាងតិច ៣ដងចន្លោះពីឆ្នាំ ២០១៤ ដល់ឆ្នាំ ២០១៥។ ប៉ុន្តែក្រុងដាម៉ាសបានទាត់ចោទការចោទប្រកាន់នេះ ហើយបានចោទក្រុមឧទ្ទាមវិញ។
២.លោក ដូណាល់ ត្រាំ បន្តបន្ទោសរដ្ឋបាលលោក បារ៉ាក់ អូបាម៉ា រឿងស៊ីរី
រដ្ឋបាលលោក ដូណាល់ ត្រាំ បានថ្កោលទោសអ្នកទទួលខុសត្រូវចំពោះការវាយប្រហារដោយប្រើប្រាស់អាវុធគីមីនេះដែរ។ សេតវិមានបានហៅទង្វើព្រៃផ្សៃនេះ ការប្រឆាំងជនស្លូតត្រង់ដែលអរិយលោកមិនអាចព្រងើយកន្តើយបានឡើយ។
តិចឬច្រើន បញ្ហាសោកនាកម្មថ្មីនេះនឹងធ្វើឲ្យមានការផ្លាស់ប្តូរគោលជំហរជាថ្មីទៀតចំពោះបញ្ហាស៊ីរី ដោយរដ្ឋបាលលោក ដូណាល់ ត្រាំ កំពុងងាកទៅប្រឆាំងកម្ចាត់ក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់ ជាជាងបន្តតាមទម្លាក់របបដឹកនាំលោក បាសា អាល់អាសាដ។ ប៉ុន្តែថ្មីៗនេះបេសកជនពិសេសអាមេរិកប្រចាំអង្គការសហប្រជាជាតិលលោកស្រី Nikki Haley បានបញ្ជាក់ឲ្យច្បាស់រួចទៅហើយថា អាមេរិកមិនចង់ឃើញលោក អាសាដ ស្ថិតក្នុងរបបដឹកនាំស៊ីរីទៀតទេនៅពេលអនាគត។ ដូច្នេះហើយ អាមេរិកទំនងជាមិនព្រងើយកន្តើយនិងទុកឲ្យតួកគី, អ៊ីរ៉ង់ និងរុស្ស៊ីធ្វើជាតួឯកដូចពេលកន្លងមកទៀតឡើយ។
ត្រឡប់មកវិញ ឆ្លៀតឱកាសដែលអាវុធគីមីត្រូវបានគេប្រើប្រាស់ឡើងវិញនៅស៊ីរីទៀតនោះ លោក ដូណាល់ ត្រាំ ចាប់ផ្តើមបន្ទោសលោក អូបាម៉ា និងទិតៀនគោលនយោបាយលោកចំពោះបញ្ហាស៊ីរី។ លោកថា អូបាម៉ា បរាជ័យក្នុងការដោះស្រាយបញ្ហាស៊ីរីទើបបានជាបញ្ហានេះកើតឡើង។
អ្នកនាំពាក្យរបស់លោក ដូណាល់ ត្រាំ ផ្ទាល់គឺលោក Sean Spicer បានបន្ទោសលោក អូបាម៉ា ដូចគ្នា ហើយលោកទាញយកសំណុំរឿងគោលជំហរ «បន្ទាត់ក្រហម» ឆ្នាំ ២០១២ ដែលលោកគំរាមប្រើទ័ពអន្តរាគមន៍ស៊ីរីបើសិនជាលោក អាសាដមិនបោះបង់អាវុធគីមី។
Statement from @POTUS on today's chemical attack in #Syria pic.twitter.com/EkbNikTmzA — Department of State (@StateDept) April 4, 2017តាមពិតទៅរដ្ឋាភិបាលស៊ីរីបង្ហាញភាពស្អាតស្អំដោយចូលរួមជាភាគីអនុញ្ញាហាមឃាត់ការប្រើប្រាស់អាវុធគីមី រួមទាំងផ្ទេររាល់អាវុធគីមីដែលខ្លួនមានឲ្យសហគមន៍អន្តរជាតិកាលពីឆ្នាំ ២០១៣។ ឥរិយាបថនេះហើយ ទើបរដ្ឋបាលអាមេរិកមិនបានអន្តរាគមន៍ចូលក្នុងជម្លោះស៊ីរីកាលណោះ។ ទោះបីជារដ្ឋបាលលោក ត្រាំ ប្រឹងបន្ទោសរដ្ឋបាលមុនប៉ុណ្ណាក្តី គេនៅចាំថា កាលមិនទាន់ក្លាយជាប្រធានាធិបតី លោកដូណាល់ ត្រាំ បានគាំទ្រការសម្រេចចិត្តរបស់លោក បារ៉ាក់ អូបាម៉ា កាលពីឆ្នាំ ២០១៣ ពេលដែលអាមេរិកមិនចូលអន្តរាគមន៍នៅស៊ីរីនោះ។
៣.ក្រុមប្រឹក្សាសន្តិសុខប្រជុំថ្ងៃពុធត្រៀមអនុម័តដំណោះស្រាយថ្កោលទោសការប្រើអាវុធគីមី
ដោយឡែក នៅយប់ថ្ងៃអង្គារប៉ុន្មានម៉ោងបន្ទាប់ពីការវាយប្រហារ ប្រទេសសមាជិកក្រុមប្រឹក្សាសន្តិសុខចំនួន ៣មានអង់គ្លេស បារាំង និងអង់គ្លេសផងនោះចាប់ផ្តើមរៀបចំដំណោះស្រាយថ្កោលទោសការវាយប្រហារដោយប្រើឧស្ម័នគីមីនេះ និងទាមទារឲ្យរដ្ឋាភិបាលស៊ីរីប្រគល់រាល់ទិន្នន័យទាំងអស់ពាក់ព័ន្ធការហោះហើរ, យន្តហោះ និងឈ្មោះបណ្តាក្រុមយោធាដែលទទួលបន្ទុកមើលការខុសត្រូវលើប្រតិបត្តិការសឹកតាមផ្លូវអាកាស។
ដំណោះស្រាយនេះត្រូវបានគេជជែកពិភាក្សា ហើយបញ្ជូនទៅឲ្យបណ្តាមន្ត្រីទូតនៃប្រទេសទាំង ១៥ ជាសមាជិកក្រុមប្រឹក្សាសន្តិសុខផងដែរ។ ប្រទេសមហាអំណាចសមាជិកអចិន្ត្រៃយ៍នេះបានកោះប្រជុំបន្ទាន់រួចរាល់ ហើយគេរំពឹងថា ការបោះឆ្នោតអនុម័តដំណោះស្រាយថ្មីនេះនឹងអាចដំណើរការនៅថ្ងៃពុធទី ៥ មេសានេះ។
គេមិនអាចដឹងនៅឡើយទេថា ប្រទេសសមាជិកអចិន្ត្រៃយ៍ដែលជាខ្នងបង្អែកក្រុងដាម៉ាស មានរុស្ស៊ី និងចិននោះ អាចនឹងអនុញ្ញាតឲ្យដំណោះស្រាយនេះចេញរួចឬអត់។ កាលពីខែកុម្ភៈ រុស្ស៊ី និងចិនបាននាំគ្នាវេតូដំណោះស្រាយរបស់លោកខាងលិចដែលចង់ដាក់ទណ្ឌកម្មប្រឆាំងរដ្ឋាភិបាលលោក បាសា អាល់អាសាដ៕
Tag:
Khan Sheikhun
បាសា អាល់អាសាដ
ដូណាល់ ត្រាំ
© រក្សាសិទ្ធិដោយ thmeythmey.com
