អន្តរជាតិ
ត្រាំ បរិច្ចាគប្រាក់បៀវត្សរ៍សម្រាប់ថែរក្សាឧទ្យានជាតិ តែគេរិះគន់ថាត្រាំប្រឹងបង្អួតគេប៉ុណ្ណោះ
06, Apr 2017 , 9:39 am
×![]()
ដោយ: ថ្មីៗ
ប្រធានាធិបតី ដូណាល់ ត្រាំ បានបរិច្ចាគប្រាក់ខែរបស់ខ្លួនក្នុងត្រីមាសទីមួយទៅឲ្យភ្នាក់ងារគ្រប់គ្រងឧទ្យានជាតិសហព័ន្ធដូចការសន្យាក្នុងពេលឃោសនាបោះឆ្នោតថាលោកមិនយកប្រាក់បៀវត្សរ៍ទេ។ ប៉ុន្តែមានមតិមួយចំនួនរិះគន់ថា លោក ដូណាល់ ត្រាំ ព្យាយាមបង្អួតនិងទាញការចាប់អារម្មណ៍ពីសាធារណជនអាមេរិកប៉ុណ្ណោះ។
ក្នុងសន្នសីទសារព័ត៌មាននៅដើមសប្តាហ៍នេះ អ្នកនាំពាក្យសេតវិមានលោក Sean Spicer បានប្រកាសប្រាប់អ្នកសារព័ត៌មានថា លោកប្រធានាធិបតី ដូណាល់ ត្រាំ បរិច្ចាគថវិកាជាប្រាក់បៀវត្សរ៍របស់ខ្លួនក្នុងត្រីមាសទីមួយទៅឲ្យភ្នាក់ងារគ្រប់គ្រងឧទ្យានជាតិ (National Park Service)។
យោងតាមសារព័ត៌មាន CNN Money លោក Sean Spicer បានលើកមូលប្បទានបត្រមានឈ្មោះរបស់លោក ដូណាល់ ត្រាំ ផ្ទាល់ដែលមានតម្លៃប្រមាណ ៧៨៣៣៣,៣២ ដុល្លារអាមេរិក និងហុចទៅឲ្យរដ្ឋមន្ត្រីក្រសួងមហាផ្ទៃ Ryan Zinke និងលោក Tyrone Brandyburg ដែលជាអ្នកគ្រប់គ្រងឧទ្យានប្រវត្តិសាស្ត្រនៅក្រុង Harpers Ferry។
«ប្រធានាធិបតីរីករាយណាស់ដែលបានផ្តល់ថវិកាដែលជាប្រាក់ខែត្រីមាសដំបូងរបស់លោកទៅឲ្យភ្នាក់ងារគ្រប់គ្រងឧទ្យានជាតិ ដែលកំពុងចូលរួមថែរក្សាសន្តិសុខជាតិរបស់យើងទាំងអស់គ្នាដែរ»។ នេះជាការបញ្ជាក់របស់លោក Sean Spicer។
លោកដូណាល់ ត្រាំ ត្រូវទទួលបានប្រាក់បៀវត្សរ៍ប្រចាំឆ្នាំចំនួន ៤០ម៉ឺនដុល្លារ ប៉ុន្តែលោកបរិច្ចាគលុយនេះតាមការសន្យារបស់ខ្លួនកាលពីពេលឃោសនាបោះឆ្នោត។ តាមពិតទៅ មិនមែនតែលោកម្នាក់ទេដែលមិនយកប្រាក់បៀវត្សរ៍បើតាមប្រវត្តិសាស្ត្រអាមេរិក។ លោក Herbert Hoover និងលោក John F. Kennedy ក៏សុទ្ធតែមិនទទួលប្រាក់បៀវត្សរ៍ទាំងអស់។
យ៉ាងណាក៏ដោយ កន្លងមកលោក ដូណាល់ ត្រាំ ធ្លាប់ប៉ះសម្តីមួយប្រ៉ាវជាមួយស្ថាប័នមួយនេះ។ លោកបានហៅនាយកស្តីទីភ្នាក់ងារនេះមកស្តីឲ្យដោយសារស្ថាប័ននេះ ចែកចាយតាម twitter បន្តរូបភាពប្រៀបធៀបចំនួនមនុស្សដែលចូលរួមក្នុងពិធីស្បថចូលកាន់តំណែងរបស់លោក ត្រាំ ឆ្នាំ ២០១៧ និងលោក បារ៉ាក់ អូបាម៉ា នាឆ្នាំ ២០០៨។
ពាក់ព័ន្ធការបរិច្ចាគលុយនេះ មិនមែនគ្រប់គ្នាសរសើរលោក ដូណាល់ ត្រាំ ឡើយ។ អង្គការបរិស្ថាន Sierra Club បានហៅសកម្មភាពបរិច្ចាគលុយរបស់ប្រធានាធិបតីអាមេរិកជាការបង្អួតនិងទាក់ទាញការចាប់អាម្មណ៍ពីសាធារណជនប៉ុណ្ណោះ។
«ប្រសិនលោក ដូណាល់ ត្រាំ ពិតជាចាប់អារម្មណ៍ចង់ជួយការងារថែរក្សាឧទ្យានមែននោះ គាត់គួរតែបញ្ឈប់ចេតនាកាត់បន្ថយថវិកាសម្រាប់ផ្គត់ផ្គង់ស្ថាប័នយើងឲ្យកាន់តែតិចឡើយ»។ នេះជាការបញ្ជាក់របស់លោក Michael Bruneនាយកស្ថាប័ន Sierra Club។
រដ្ឋបាលលោក ដូណាល់ ត្រាំ កាត់បន្ថយថវិកាប្រចាំឆ្នាំសម្រាប់ទ្រទ្រង់ក្រសួងមហាផ្ទៃរហូតដល់ ១,៥ពាន់លានដុល្លារឯណោះ។ ដូច្នេះហើយទើបបានជាមានការិះគន់លោក ខ្លាំងកន្លងមក ហើយការបរិច្ចាគលុយត្រឹមជិត ៨ម៉ឺនដុល្លារនេះវាមិនខុសពីការព្យាយាមបង្អួតមនុស្សផងទាំងពួងឡើយ៕
ក្នុងសន្នសីទសារព័ត៌មាននៅដើមសប្តាហ៍នេះ អ្នកនាំពាក្យសេតវិមានលោក Sean Spicer បានប្រកាសប្រាប់អ្នកសារព័ត៌មានថា លោកប្រធានាធិបតី ដូណាល់ ត្រាំ បរិច្ចាគថវិកាជាប្រាក់បៀវត្សរ៍របស់ខ្លួនក្នុងត្រីមាសទីមួយទៅឲ្យភ្នាក់ងារគ្រប់គ្រងឧទ្យានជាតិ (National Park Service)។
យោងតាមសារព័ត៌មាន CNN Money លោក Sean Spicer បានលើកមូលប្បទានបត្រមានឈ្មោះរបស់លោក ដូណាល់ ត្រាំ ផ្ទាល់ដែលមានតម្លៃប្រមាណ ៧៨៣៣៣,៣២ ដុល្លារអាមេរិក និងហុចទៅឲ្យរដ្ឋមន្ត្រីក្រសួងមហាផ្ទៃ Ryan Zinke និងលោក Tyrone Brandyburg ដែលជាអ្នកគ្រប់គ្រងឧទ្យានប្រវត្តិសាស្ត្រនៅក្រុង Harpers Ferry។
«ប្រធានាធិបតីរីករាយណាស់ដែលបានផ្តល់ថវិកាដែលជាប្រាក់ខែត្រីមាសដំបូងរបស់លោកទៅឲ្យភ្នាក់ងារគ្រប់គ្រងឧទ្យានជាតិ ដែលកំពុងចូលរួមថែរក្សាសន្តិសុខជាតិរបស់យើងទាំងអស់គ្នាដែរ»។ នេះជាការបញ្ជាក់របស់លោក Sean Spicer។
លោកដូណាល់ ត្រាំ ត្រូវទទួលបានប្រាក់បៀវត្សរ៍ប្រចាំឆ្នាំចំនួន ៤០ម៉ឺនដុល្លារ ប៉ុន្តែលោកបរិច្ចាគលុយនេះតាមការសន្យារបស់ខ្លួនកាលពីពេលឃោសនាបោះឆ្នោត។ តាមពិតទៅ មិនមែនតែលោកម្នាក់ទេដែលមិនយកប្រាក់បៀវត្សរ៍បើតាមប្រវត្តិសាស្ត្រអាមេរិក។ លោក Herbert Hoover និងលោក John F. Kennedy ក៏សុទ្ធតែមិនទទួលប្រាក់បៀវត្សរ៍ទាំងអស់។
យ៉ាងណាក៏ដោយ កន្លងមកលោក ដូណាល់ ត្រាំ ធ្លាប់ប៉ះសម្តីមួយប្រ៉ាវជាមួយស្ថាប័នមួយនេះ។ លោកបានហៅនាយកស្តីទីភ្នាក់ងារនេះមកស្តីឲ្យដោយសារស្ថាប័ននេះ ចែកចាយតាម twitter បន្តរូបភាពប្រៀបធៀបចំនួនមនុស្សដែលចូលរួមក្នុងពិធីស្បថចូលកាន់តំណែងរបស់លោក ត្រាំ ឆ្នាំ ២០១៧ និងលោក បារ៉ាក់ អូបាម៉ា នាឆ្នាំ ២០០៨។
ពាក់ព័ន្ធការបរិច្ចាគលុយនេះ មិនមែនគ្រប់គ្នាសរសើរលោក ដូណាល់ ត្រាំ ឡើយ។ អង្គការបរិស្ថាន Sierra Club បានហៅសកម្មភាពបរិច្ចាគលុយរបស់ប្រធានាធិបតីអាមេរិកជាការបង្អួតនិងទាក់ទាញការចាប់អាម្មណ៍ពីសាធារណជនប៉ុណ្ណោះ។
«ប្រសិនលោក ដូណាល់ ត្រាំ ពិតជាចាប់អារម្មណ៍ចង់ជួយការងារថែរក្សាឧទ្យានមែននោះ គាត់គួរតែបញ្ឈប់ចេតនាកាត់បន្ថយថវិកាសម្រាប់ផ្គត់ផ្គង់ស្ថាប័នយើងឲ្យកាន់តែតិចឡើយ»។ នេះជាការបញ្ជាក់របស់លោក Michael Bruneនាយកស្ថាប័ន Sierra Club។
រដ្ឋបាលលោក ដូណាល់ ត្រាំ កាត់បន្ថយថវិកាប្រចាំឆ្នាំសម្រាប់ទ្រទ្រង់ក្រសួងមហាផ្ទៃរហូតដល់ ១,៥ពាន់លានដុល្លារឯណោះ។ ដូច្នេះហើយទើបបានជាមានការិះគន់លោក ខ្លាំងកន្លងមក ហើយការបរិច្ចាគលុយត្រឹមជិត ៨ម៉ឺនដុល្លារនេះវាមិនខុសពីការព្យាយាមបង្អួតមនុស្សផងទាំងពួងឡើយ៕
Tag:
ដូណាល់ ត្រាំ
National Park Service
© រក្សាសិទ្ធិដោយ thmeythmey.com
