អន្តរជាតិ
អ្នកចិញ្ចឹមសត្វបែលហ្សិកម្នាក់ឲ្យគោផឹកស្រាបៀររៀងរាល់ថ្ងៃ
06, Apr 2017 , 7:19 pm
×![]()
ដោយ: ធីតា
តាំងពីខែវិច្ឆិកា ឆ្នាំ២០១៦ មក បុរសជនជាតិបែលហ្ស៊ិកម្នាក់ បានចិញ្ចឹមគោរបស់ខ្លួន ដោយឲ្យពួកវាផឹកស្រាបៀរ៤លីត្រជារៀងរាល់ថ្ងៃ។ វាជាគំនិតអាជីវកម្មមួយដោយ គាត់អះអាងថា សាច់គោទាំងនោះ មានរសជាតិឆ្ងាញ់ប្លែក។ នេះបើតាមការផ្សាយរបស់សារព័ត៌មាន RTL របស់បែលហ្ស៊ិក។
លោក Hugues Derzelle អ្នកចិញ្ចឹមសត្វម្នាក់នៅភូមិ Lompret ក្រុង Chimay តំបន់ Wallonie ភាគខាងត្បូងបែលហ្ស៊ិក បានអនុវត្តវិធីសាស្ត្រចិញ្ចឹមគោយកសាច់តាមមធ្យោបាយថ្មីមួយ ដោយលោកបានលាយស្រាបៀរជាមួយធុញ្ញជាតិឲ្យសត្វគោពីផឹកជារៀងរាល់ថ្ងៃ។ ថ្វីតែនេះ ជាវិធីសាស្ត្រថ្មីក៏ដោយ ប៉ុន្តែលោក Derzelle ទទួលស្គាល់ថា វាកើតចេញពីគំរូដែលអនុវត្តរួចហើយនៅជប៉ុនក្នុងការចិញ្ចឹមសត្វគោបេ (Kobe)។
លោក Derzelle បានគូសបញ្ជាក់ថា ជនជាតិជប៉ុន បានឲ្យគោកូបេផឹកស្រាបៀរ ជាពិសេសស្រាសាកេ (Sake) ថែមទាំងឲ្យវាស្តាប់តន្ត្រី និងម៉ាស្សាបន្ថែមទៀត ក្នុងគោលបំណងធ្វើឲ្យសាច់មានរសជាតិឆ្ងាញ់ ។ ការធ្វើបែបនេះ មិនអាចយកមកអនុវត្តនៅ Wallonia បានឡើយ ។ ដូច្នេះ លោកបានសម្រេចធ្វើតាមវិធីសាស្ត្ររបស់ខ្លួនដើម្បីបង្កើតផលិតផល «Made in Wallonia។
អ្នកចិញ្ចឹមសត្វ ក៏ដូចជាអាជីវកររូបនេះ បានបញ្ជាក់ប្រាប់ RTL ថា លោកឲ្យគោផឹកស្រាបៀរត្នោត ៤លីត្រ ជារៀងរាល់ថ្ងៃ ដោយលាយជាមួយធញ្ញជាតិ ដោយលោកបានអះអាងបន្ថែមថា គោមានសាច់ណែនល្អ។ តាមការផ្សាយពាណិជ្ជកម្មកាលពីចុងខែមីនា កន្លងមក សាច់គោពិសេសដែលលោកដាក់លក់នៅទីផ្សារនោះមានឈ្មោះថា «Saveur du Long Pré» ។
ជាមួយគ្នានេះផងដែរ លោក Derzelle បានបញ្ជាក់ថា វិធីសាស្ត្ររបស់លោកមិនមែនជាទង្វើដែលធ្វើបាបសត្វនោះឡើយ ហើយស្រាបៀរត្នោតមានកម្រិតអាល់កុលតែ៥ភាគរយប៉ុណ្ណោះ ដូច្នេះមិនមានអ្វីជាគ្រោះថ្នាក់ដល់សត្វគោ ខណៈកំពុងចិញ្ចឹមនោះឡើយ។
«Saveur du Long Pré» ឬដែលអ្នកកាសែតបែលហ្ស៊ិក និងបារាំង នាំគ្នាហៅថា «សាច់គោស្រាបៀរ» បានដាក់លក់ក្នុងទីផ្សារហើយ ដោយវាមានតម្លៃថ្លៃជាងគោធម្មតា។ ប្រសិនបើផលិតផលនេះ មានការគាំទ្រច្រើន លោក Derzelle នឹងបង្កើនបន្ថែមទៀតសម្រាប់ឆ្នាំក្រោយៗ៕
លោក Hugues Derzelle អ្នកចិញ្ចឹមសត្វម្នាក់នៅភូមិ Lompret ក្រុង Chimay តំបន់ Wallonie ភាគខាងត្បូងបែលហ្ស៊ិក បានអនុវត្តវិធីសាស្ត្រចិញ្ចឹមគោយកសាច់តាមមធ្យោបាយថ្មីមួយ ដោយលោកបានលាយស្រាបៀរជាមួយធុញ្ញជាតិឲ្យសត្វគោពីផឹកជារៀងរាល់ថ្ងៃ។ ថ្វីតែនេះ ជាវិធីសាស្ត្រថ្មីក៏ដោយ ប៉ុន្តែលោក Derzelle ទទួលស្គាល់ថា វាកើតចេញពីគំរូដែលអនុវត្តរួចហើយនៅជប៉ុនក្នុងការចិញ្ចឹមសត្វគោបេ (Kobe)។
លោក Derzelle បានគូសបញ្ជាក់ថា ជនជាតិជប៉ុន បានឲ្យគោកូបេផឹកស្រាបៀរ ជាពិសេសស្រាសាកេ (Sake) ថែមទាំងឲ្យវាស្តាប់តន្ត្រី និងម៉ាស្សាបន្ថែមទៀត ក្នុងគោលបំណងធ្វើឲ្យសាច់មានរសជាតិឆ្ងាញ់ ។ ការធ្វើបែបនេះ មិនអាចយកមកអនុវត្តនៅ Wallonia បានឡើយ ។ ដូច្នេះ លោកបានសម្រេចធ្វើតាមវិធីសាស្ត្ររបស់ខ្លួនដើម្បីបង្កើតផលិតផល «Made in Wallonia។
អ្នកចិញ្ចឹមសត្វ ក៏ដូចជាអាជីវកររូបនេះ បានបញ្ជាក់ប្រាប់ RTL ថា លោកឲ្យគោផឹកស្រាបៀរត្នោត ៤លីត្រ ជារៀងរាល់ថ្ងៃ ដោយលាយជាមួយធញ្ញជាតិ ដោយលោកបានអះអាងបន្ថែមថា គោមានសាច់ណែនល្អ។ តាមការផ្សាយពាណិជ្ជកម្មកាលពីចុងខែមីនា កន្លងមក សាច់គោពិសេសដែលលោកដាក់លក់នៅទីផ្សារនោះមានឈ្មោះថា «Saveur du Long Pré» ។
ជាមួយគ្នានេះផងដែរ លោក Derzelle បានបញ្ជាក់ថា វិធីសាស្ត្ររបស់លោកមិនមែនជាទង្វើដែលធ្វើបាបសត្វនោះឡើយ ហើយស្រាបៀរត្នោតមានកម្រិតអាល់កុលតែ៥ភាគរយប៉ុណ្ណោះ ដូច្នេះមិនមានអ្វីជាគ្រោះថ្នាក់ដល់សត្វគោ ខណៈកំពុងចិញ្ចឹមនោះឡើយ។
«Saveur du Long Pré» ឬដែលអ្នកកាសែតបែលហ្ស៊ិក និងបារាំង នាំគ្នាហៅថា «សាច់គោស្រាបៀរ» បានដាក់លក់ក្នុងទីផ្សារហើយ ដោយវាមានតម្លៃថ្លៃជាងគោធម្មតា។ ប្រសិនបើផលិតផលនេះ មានការគាំទ្រច្រើន លោក Derzelle នឹងបង្កើនបន្ថែមទៀតសម្រាប់ឆ្នាំក្រោយៗ៕
Tag:
គោ
បែលហ្ស៊ិក
ប្លែកៗ
© រក្សាសិទ្ធិដោយ thmeythmey.com
