អន្តរជាតិ
អាសាដ៖ «អឺរ៉ុបគួរឈប់គាំទ្រភេរវជននៅស៊ីរី បើចង់ទប់ស្កាត់ភេរវជនចូលអុកឡុកអឺរ៉ុប»
08, Apr 2017 , 9:19 pm
×![]()
ដោយ: ថ្មីៗ
ប្រធានាធិបតីស៊ីរី បាសា អាល់អាសាដ បានថ្លែងក្នុងបទសម្ភាសន៍មួយជាមួយសារព័ត៌មានក្រូអាតថា អឺរ៉ុបគួរតែឈប់គាំទ្រក្រុមភេរវជននៅស៊ីរី បើសិនគេចង់បញ្ឈប់ចលនាភេរវកម្មដែលកំពុងបន្តអុកឡុកអឺរ៉ុបបច្ចុប្បន្ននេះ។ បទសម្ភាសន៍កើតឡើងប៉ុន្មានថ្ងៃប៉ុណ្ណោះមុនពេលដែលអាមេរិកបាញ់ផ្លោងមីស៊ីលចូលក្នុងទឹកដីស៊ីរីនិងកម្ទេចមូលដ្ឋានទ័ពអាកាសមូយនៅក្រុង Homs នោះ។
ប្រហែលបីថ្ងៃមុន អាមេរិកវាយប្រហារស៊ីរី ប្រធានាធិបតីស៊ីរី លោក បាសា អាល់ អាសាដ បានផ្តល់បទសម្ភាសន៍ឲ្យសារព័ត៌មានក្រូអាត Vecernji List។ ក្នុងបទសម្ភាសនេះលោក អាសាដ បានផ្ញើសារទៅកាន់សហភាពអឺរ៉ុបពាក់ព័ន្ធចលនាភេរវកម្មដែលបន្តគំរាមកំហែងអឺរ៉ុបបច្ចុប្បន្នផងដែរ។
អាសាដ បានបញ្ជាក់ច្បាស់ថា បើសិនអឺរ៉ុបចង់បញ្ចប់គ្រោះថ្នាក់ដែលបង្កឡើងដោយភេរវជន ប្រទេសអឺរ៉ុបទាំងនោះគួរតែបញ្ឈប់រាល់ការគាំទ្រក្រុមភេរវជនដែលកំពុងបន្តប្រយុទ្ធប្រឆាំងរដ្ឋាភិបាលស៊ីរី។
យោងតាមបទសម្ភាសន៍ដែលចុះផ្សាយនៅថ្ងៃព្រហស្បតិ៍ ប្រធានាធិបតីស៊ីរី បានសង្កត់ធ្ងន់ថា ប្រសិនបើមានកិច្ចសហប្រតិបត្តិការរវាងស៊ីរីនិងអឺរ៉ុបដើម្បីប្រឆាំងភេរវកម្ម ការវាយប្រហារដែលអុកឡុកអឺរ៉ុបប្រហែលជាអាចទប់ស្កាត់បាន។ ប៉ុន្តែលោកជឿជាក់ដែរថា កិច្ចសហប្រតិបត្តិការអាចមានប្រសិទ្ធភាពនៅពេលដែលអឺរ៉ុបឈប់គាំទ្រក្រុមជ្រុលនិយមជីហាតនៅស៊ីរី។
«ប្រសិនបើអឺរ៉ុបចង់ការពារខ្លួនឯងនៅពេលនេះ គេគួរតែបញ្ចប់រាល់ការគាំទ្រភេរវជននៅស៊ីរី។ គិតមើលថាបើសុនជាយើងចង់សហការជាមួយពួកគេ គ្មានលទ្ធផលអ្វីដែលយើងអាចទទួលបានឡើយនៅក្នុងកាលៈទេសៈនេះ»។ នេះជាការបញ្ជាក់របស់លោក អាសាដ។
មេដឹកនាំស៊ីរីរូបនេះក៏បានកត់សម្គាល់ផងដែរថា ប្រទេសអឺរ៉ុបមួយចំនួន បានបន្តបង្កើតឧបសគ្គសម្រាប់ការស្វែងរកសន្តិភាពដោយពួកគេបន្តគាំទ្រក្រុមសកម្មប្រយុទ្ធនៅស៊ីរី ទាំងដោយប្រយោលនិងដោយផ្ទាល់ក្រោមទម្រង់ជាលុយ, អាវុធនិងគាំទ្រលក្ខណៈនយោបាយជាដើម។
ក្នុងបទសម្ភាសន៍ដដែលនោះ ពេលអ្នកសារព័ត៌មានសួរយោបល់លោកពាក់ព័ន្ធ«ការទាមទាររបស់លោកខាងលិចឲ្យលោកចុះចេញពីតំណែង» អាសាដ បានឆ្លើយតបថា ការទាមទារនេះគឺជាឆន្ទៈរបស់លោកខាងលិចដែលមិនទទួលយករដ្ឋឯករាជ្យ និងបង្កើតទំនាក់ទំនងជាមួយស៊ីរី។
លោក បន្តថា៖ «ប្រទេសអឺរ៉ុបចង់បានរដ្ឋរណបដែលអនុវត្តតាមនយោបាយរបស់ពួកគេ។ ពួកគេចង់ឲ្យយើងលះបង់អធិបតេយ្យរបស់យើង បោះបង់ចោលសិទ្ធិរបស់យើងដែលត្រូវបានទទួលស្គាល់ដោយច្បាប់អន្តរជាតិនោះ។ គេចង់ឲ្យយើងធ្វើកូនជឹងគេ មិនមែនចង់ឲ្យយើងមានសន្តិភាពទេ»។
ប្រហែលបីថ្ងៃមុន អាមេរិកវាយប្រហារស៊ីរី ប្រធានាធិបតីស៊ីរី លោក បាសា អាល់ អាសាដ បានផ្តល់បទសម្ភាសន៍ឲ្យសារព័ត៌មានក្រូអាត Vecernji List។ ក្នុងបទសម្ភាសនេះលោក អាសាដ បានផ្ញើសារទៅកាន់សហភាពអឺរ៉ុបពាក់ព័ន្ធចលនាភេរវកម្មដែលបន្តគំរាមកំហែងអឺរ៉ុបបច្ចុប្បន្នផងដែរ។
អាសាដ បានបញ្ជាក់ច្បាស់ថា បើសិនអឺរ៉ុបចង់បញ្ចប់គ្រោះថ្នាក់ដែលបង្កឡើងដោយភេរវជន ប្រទេសអឺរ៉ុបទាំងនោះគួរតែបញ្ឈប់រាល់ការគាំទ្រក្រុមភេរវជនដែលកំពុងបន្តប្រយុទ្ធប្រឆាំងរដ្ឋាភិបាលស៊ីរី។
យោងតាមបទសម្ភាសន៍ដែលចុះផ្សាយនៅថ្ងៃព្រហស្បតិ៍ ប្រធានាធិបតីស៊ីរី បានសង្កត់ធ្ងន់ថា ប្រសិនបើមានកិច្ចសហប្រតិបត្តិការរវាងស៊ីរីនិងអឺរ៉ុបដើម្បីប្រឆាំងភេរវកម្ម ការវាយប្រហារដែលអុកឡុកអឺរ៉ុបប្រហែលជាអាចទប់ស្កាត់បាន។ ប៉ុន្តែលោកជឿជាក់ដែរថា កិច្ចសហប្រតិបត្តិការអាចមានប្រសិទ្ធភាពនៅពេលដែលអឺរ៉ុបឈប់គាំទ្រក្រុមជ្រុលនិយមជីហាតនៅស៊ីរី។
«ប្រសិនបើអឺរ៉ុបចង់ការពារខ្លួនឯងនៅពេលនេះ គេគួរតែបញ្ចប់រាល់ការគាំទ្រភេរវជននៅស៊ីរី។ គិតមើលថាបើសុនជាយើងចង់សហការជាមួយពួកគេ គ្មានលទ្ធផលអ្វីដែលយើងអាចទទួលបានឡើយនៅក្នុងកាលៈទេសៈនេះ»។ នេះជាការបញ្ជាក់របស់លោក អាសាដ។
មេដឹកនាំស៊ីរីរូបនេះក៏បានកត់សម្គាល់ផងដែរថា ប្រទេសអឺរ៉ុបមួយចំនួន បានបន្តបង្កើតឧបសគ្គសម្រាប់ការស្វែងរកសន្តិភាពដោយពួកគេបន្តគាំទ្រក្រុមសកម្មប្រយុទ្ធនៅស៊ីរី ទាំងដោយប្រយោលនិងដោយផ្ទាល់ក្រោមទម្រង់ជាលុយ, អាវុធនិងគាំទ្រលក្ខណៈនយោបាយជាដើម។
ក្នុងបទសម្ភាសន៍ដដែលនោះ ពេលអ្នកសារព័ត៌មានសួរយោបល់លោកពាក់ព័ន្ធ«ការទាមទាររបស់លោកខាងលិចឲ្យលោកចុះចេញពីតំណែង» អាសាដ បានឆ្លើយតបថា ការទាមទារនេះគឺជាឆន្ទៈរបស់លោកខាងលិចដែលមិនទទួលយករដ្ឋឯករាជ្យ និងបង្កើតទំនាក់ទំនងជាមួយស៊ីរី។
លោក បន្តថា៖ «ប្រទេសអឺរ៉ុបចង់បានរដ្ឋរណបដែលអនុវត្តតាមនយោបាយរបស់ពួកគេ។ ពួកគេចង់ឲ្យយើងលះបង់អធិបតេយ្យរបស់យើង បោះបង់ចោលសិទ្ធិរបស់យើងដែលត្រូវបានទទួលស្គាល់ដោយច្បាប់អន្តរជាតិនោះ។ គេចង់ឲ្យយើងធ្វើកូនជឹងគេ មិនមែនចង់ឲ្យយើងមានសន្តិភាពទេ»។
Tag:
បាសា អាល់អាសាដ
អឺរ៉ុប
អាមេរិក
Homs
© រក្សាសិទ្ធិដោយ thmeythmey.com
