អន្តរជាតិ
ក្រុមឧទ្ទាមស្វាគមន៍ ការបាញ់ផ្លោងមីស៊ីលចូលស៊ីរី តែសុំឲ្យត្រាំបន្តវិធានការក្តៅទៀត
08, Apr 2017 , 7:59 pm
×![]()
ដោយ: ថ្មីៗ
ក្រុមឧទ្ទាមស៊ីរីនាំគ្នាស្វាគមន៍ចំណាត់ការរបស់ប្រធានាធិបតី ដូណាល់ ត្រាំ ដែលបញ្ជាឲ្យគេបាញ់ផ្លោងមីស៊ីលចូលកម្ទេចមូលដ្ឋានទ័ពអាកាសស៊ីរីនៅក្រុង Homs នៅថ្ងៃព្រហស្បតិ៍។ ប៉ុន្តែពួកគេមិនទាន់ពេញចិត្តនៅឡើយទេ ដោយគេអះអាងថា ការវាយប្រហារនោះមិនល្មមអាចព្រមានរបបដឹកនាំលោក បាសា អាល់អាសាដ ឲ្យឈប់វាយប្រហារលើទឹកដីក្រុមឧទ្ទាមទៀត។
បទបញ្ជាលោក ដូណាល់ ត្រាំ ឲ្យទាហានអាមេរិកបាញ់ផ្លោងមីស៊ីលចូលទឹកដីស៊ីរីដើម្បីកម្ទេចមូលដ្ឋានទ័ពនៅក្រុងHoms នាថ្ងៃព្រហស្បតិ៍បានបង្កការភ្ងាក់ផ្អើលខ្លាំង។ ប្រទេសខ្លះសាទរ ខណៈប្រទេសខ្លាំងទៀតនាំគ្នាថ្កោលទោសផង។ ប្រទេសជាសម្ព័ន្ធមិត្តអាមេរិកបារាំង, អង់គ្លេស, អូស្ត្រាលី អាល្លឺម៉ង់ជាដើម សុទ្ធតែនាំគ្នាសាទរចំណាត់ការរបស់អាមេរិកក្នុងការវាយសំពងរបបដឹកនាំ អាសាដ ផង។ ប៉ុន្តែរុស្ស៊ី អ៊ីរ៉ង់ និងឥណ្ឌូណេស៊ីបានថ្កោលទោសការវាយប្រហាររំលោភបំពានទឹកដីស៊ីរីទៅវិញ។
ចំណែកក្រុមឧទ្ទាមដែលធ្លាប់អស់សង្ឃឹមព្រោះតែដូណាល់ ត្រាំ សន្យាផ្តាច់ជំនួយនោះក៏ចេញមុខសាទរចំពោះចំណាត់ការ ដូណាល់ ត្រាំ ដែរ។ ក្រុមនេះចាប់មានទឹកមាត់លេបវិញ ហើយក៏សង្ឃឹមថា ដូណាល់ ត្រាំ នឹងមានវិធានការតឹងរ៉ឹងជានេះដើម្បីទប់ទល់ឬអាចកម្ចាត់ បាសា អាល់អាសាដផងនៅពេលខាងមុខ។
យោងតាមទីភ្នាក់ងារព័ត៌មាន AFP ក្រុមប្រឆាំងស៊ីរីបានបង្ហាញការសាទរផង ហើយក៏ស្នើឲ្យអាមេរិកបន្តចាត់វិធានការទៀតដែរ។ ក្រុមនេះបានអះអាងថា ការបាញ់ផ្លោងនេះមិនគ្រាប់គ្រាន់ល្មមព្រមានរបបដឹកនាំស៊ីរីឲ្យឈប់វាយប្រហារលើតំបន់ពួកគេកាន់កាប់ឡើយ។
«មូលដ្ឋានទ័ពអាកាសមួយមិនគ្រប់គ្រាន់ឡើយ។ វានៅមានព្រលានយន្តហោះ ២៦ទៀតដែលត្រូវបានប្រើប្រាស់ដើម្បីវាយប្រហារលើជនស៊ីវិល។ ការពិតគឹថា ការប្រើប្រាស់យោធា វានឹងគ្មានន័យអ្វីទាំងអស់បើសិនជាមានកំណត់នោះ»។ នេះជាការបញ្ជាក់របស់មន្ត្រីជាន់ខ្ពស់របស់ក្រុមឧទ្ទាម Mohammad Alloush។
ចំណែកក្រុមទាហានសេរីស៊ីរី ដែលមានរួមបញ្ជូនក្រុមឧទ្ទាមច្រើនក្រុមនិងបានទទួលជំនួយពីអាមេរិកផងនោះបានហៅការបាញ់ផ្លោងរបស់ដែលជាបទបញ្ជាដូណាល់ ត្រាំ ថា ជាចំណុចាប់ផ្តើមដ៏ត្រឹមត្រូវមួយសម្រាប់ការឈានទៅរកដំណោះស្រាយនយោបាយបញ្ចប់សង្គ្រាម។
តាមពិតទៅក្រុមឧទ្ទាមបានបន្តរិះគន់អាមេរិកយូរមកហើយ។ ពួកគេរិះគន់ថា អាមេរិកបន្តបរាជ័យក្នុងការជួយទប់ស្កាត់ការបន្តវាយប្រហារប្រឆាំងក្រុមឧទ្ទាមពីសំណាក់រដ្ឋាភិបាលស៊ីរី និងសម្ព័ន្ធស៊ីរីនិងអ៊ីរ៉ង់ជាដើម។ ពួកគេទាមទារឲ្យមានការបង្កើតតំបន់គ្មានការហោះហើរ និងស្នើឲ្យមានការផ្តល់អាវុធប្រឆាំងយន្តហោះឲ្យខ្លួនដើម្បីទប់ទល់ជាមូយកងកម្លាំងរដ្ឋាភិបាលផងដែរ។
តាមពិតទៅ កាលពីយប់ថ្ងៃព្រហស្បតិ៍ ដូណាល់ ត្រាំ បញ្ជាឲ្យកងទ័ពអាមេរិកបាញ់មីស៊ីល៥៩គ្រាប់ចេញពីនាវាចម្បាំងនៅសមុទ្រ មេឌីទែរ៉ាណេ។ មីស៊ីលនេះកម្ទេចមូលដ្ឋានទ័ពស៊ីរីយ៉ាងដំណំ ហើយក៏បានសម្លាប់មនុស្ស ៩នាក់ដែរ។ ក្រោយការវាយប្រហារ ដូណាល់ ត្រាំ បានធ្វើសន្និសីទសារព័ត៌មានដើម្បីជម្រាបពលរដ្ឋអាមេរិកកាំងឲ្យបានដឹងពីបទបញ្ជាប្រើទ័ពនៅស៊ីរីដើម្បីឆ្លើយតបការប្រើប្រាស់អាវុធគីមីនៅខេត្ត Idlib ។ ហើយលោកក៏បានអំពាវនាវឲ្យបណ្តាប្រទេសឯទៀតចូលរួមទាំងអស់គ្នាដើម្បីបញ្ចប់ការបង្ហូរឈាមគ្នានៅស៊ីរីដែរ៕
បទបញ្ជាលោក ដូណាល់ ត្រាំ ឲ្យទាហានអាមេរិកបាញ់ផ្លោងមីស៊ីលចូលទឹកដីស៊ីរីដើម្បីកម្ទេចមូលដ្ឋានទ័ពនៅក្រុងHoms នាថ្ងៃព្រហស្បតិ៍បានបង្កការភ្ងាក់ផ្អើលខ្លាំង។ ប្រទេសខ្លះសាទរ ខណៈប្រទេសខ្លាំងទៀតនាំគ្នាថ្កោលទោសផង។ ប្រទេសជាសម្ព័ន្ធមិត្តអាមេរិកបារាំង, អង់គ្លេស, អូស្ត្រាលី អាល្លឺម៉ង់ជាដើម សុទ្ធតែនាំគ្នាសាទរចំណាត់ការរបស់អាមេរិកក្នុងការវាយសំពងរបបដឹកនាំ អាសាដ ផង។ ប៉ុន្តែរុស្ស៊ី អ៊ីរ៉ង់ និងឥណ្ឌូណេស៊ីបានថ្កោលទោសការវាយប្រហាររំលោភបំពានទឹកដីស៊ីរីទៅវិញ។
ចំណែកក្រុមឧទ្ទាមដែលធ្លាប់អស់សង្ឃឹមព្រោះតែដូណាល់ ត្រាំ សន្យាផ្តាច់ជំនួយនោះក៏ចេញមុខសាទរចំពោះចំណាត់ការ ដូណាល់ ត្រាំ ដែរ។ ក្រុមនេះចាប់មានទឹកមាត់លេបវិញ ហើយក៏សង្ឃឹមថា ដូណាល់ ត្រាំ នឹងមានវិធានការតឹងរ៉ឹងជានេះដើម្បីទប់ទល់ឬអាចកម្ចាត់ បាសា អាល់អាសាដផងនៅពេលខាងមុខ។
យោងតាមទីភ្នាក់ងារព័ត៌មាន AFP ក្រុមប្រឆាំងស៊ីរីបានបង្ហាញការសាទរផង ហើយក៏ស្នើឲ្យអាមេរិកបន្តចាត់វិធានការទៀតដែរ។ ក្រុមនេះបានអះអាងថា ការបាញ់ផ្លោងនេះមិនគ្រាប់គ្រាន់ល្មមព្រមានរបបដឹកនាំស៊ីរីឲ្យឈប់វាយប្រហារលើតំបន់ពួកគេកាន់កាប់ឡើយ។
«មូលដ្ឋានទ័ពអាកាសមួយមិនគ្រប់គ្រាន់ឡើយ។ វានៅមានព្រលានយន្តហោះ ២៦ទៀតដែលត្រូវបានប្រើប្រាស់ដើម្បីវាយប្រហារលើជនស៊ីវិល។ ការពិតគឹថា ការប្រើប្រាស់យោធា វានឹងគ្មានន័យអ្វីទាំងអស់បើសិនជាមានកំណត់នោះ»។ នេះជាការបញ្ជាក់របស់មន្ត្រីជាន់ខ្ពស់របស់ក្រុមឧទ្ទាម Mohammad Alloush។
ចំណែកក្រុមទាហានសេរីស៊ីរី ដែលមានរួមបញ្ជូនក្រុមឧទ្ទាមច្រើនក្រុមនិងបានទទួលជំនួយពីអាមេរិកផងនោះបានហៅការបាញ់ផ្លោងរបស់ដែលជាបទបញ្ជាដូណាល់ ត្រាំ ថា ជាចំណុចាប់ផ្តើមដ៏ត្រឹមត្រូវមួយសម្រាប់ការឈានទៅរកដំណោះស្រាយនយោបាយបញ្ចប់សង្គ្រាម។
តាមពិតទៅក្រុមឧទ្ទាមបានបន្តរិះគន់អាមេរិកយូរមកហើយ។ ពួកគេរិះគន់ថា អាមេរិកបន្តបរាជ័យក្នុងការជួយទប់ស្កាត់ការបន្តវាយប្រហារប្រឆាំងក្រុមឧទ្ទាមពីសំណាក់រដ្ឋាភិបាលស៊ីរី និងសម្ព័ន្ធស៊ីរីនិងអ៊ីរ៉ង់ជាដើម។ ពួកគេទាមទារឲ្យមានការបង្កើតតំបន់គ្មានការហោះហើរ និងស្នើឲ្យមានការផ្តល់អាវុធប្រឆាំងយន្តហោះឲ្យខ្លួនដើម្បីទប់ទល់ជាមូយកងកម្លាំងរដ្ឋាភិបាលផងដែរ។
តាមពិតទៅ កាលពីយប់ថ្ងៃព្រហស្បតិ៍ ដូណាល់ ត្រាំ បញ្ជាឲ្យកងទ័ពអាមេរិកបាញ់មីស៊ីល៥៩គ្រាប់ចេញពីនាវាចម្បាំងនៅសមុទ្រ មេឌីទែរ៉ាណេ។ មីស៊ីលនេះកម្ទេចមូលដ្ឋានទ័ពស៊ីរីយ៉ាងដំណំ ហើយក៏បានសម្លាប់មនុស្ស ៩នាក់ដែរ។ ក្រោយការវាយប្រហារ ដូណាល់ ត្រាំ បានធ្វើសន្និសីទសារព័ត៌មានដើម្បីជម្រាបពលរដ្ឋអាមេរិកកាំងឲ្យបានដឹងពីបទបញ្ជាប្រើទ័ពនៅស៊ីរីដើម្បីឆ្លើយតបការប្រើប្រាស់អាវុធគីមីនៅខេត្ត Idlib ។ ហើយលោកក៏បានអំពាវនាវឲ្យបណ្តាប្រទេសឯទៀតចូលរួមទាំងអស់គ្នាដើម្បីបញ្ចប់ការបង្ហូរឈាមគ្នានៅស៊ីរីដែរ៕
Tag:
ដូណាល់ ត្រាំ
Homs
ស៊ីរី
រុស្ស៊ី
អាមេរិក
© រក្សាសិទ្ធិដោយ thmeythmey.com
