អន្តរជាតិ
ពិធីបុណ្យមួយនៅចិន មិនរលូន ដោយសារវត្តមានកង់ជាង១ម៉ឺនគ្រឿងនៅទីតាំងប្រារព្ធពិធី
09, Apr 2017 , 9:19 pm
×![]()
ដោយ: ធីតា
អាជ្ញាធរកោះ Shenzhen ប្រទេសចិន បានរៀបចំពិធីបុណ្យប្រពៃណី Qing Ming Festival កាលពីថ្ងៃទី៣ ខែមេសា កន្លងមក ប៉ុន្តែមិនបានដំណើរការទៅដោយរលូននោះឡើយ ពីព្រោះទីតាំងជាច្រើនដែលត្រូវរៀបចំពិធីបុណ្យ និងព្រឹត្តិការណ៍នានា ក្លាយជាកន្លែងដាក់កង់រហូតដល់ទៅជាង១ម៉ឺនគ្រឿងឯណោះ។
នៅប្រទេសចិន ការប្រើប្រាស់ទោចក្រយានគឺជាមធ្យោបាយដ៏ល្អបំផុតក្នុងការថែរក្សាបរិស្ថាន ប៉ុន្តែករណីដដែលនេះ បានបង្កបញ្ហាដល់ការរៀបចំពិធីបុណ្យ Qing Ming Festival នៅកោះ Shenzhen កាលពីថ្ងៃចន្ទ ទី៣ ខែមេសា កន្លងមក។ មនុស្សជាង១ម៉ឺននាក់ បាននាំគ្នាជិះកង់ទៅចូលរួមក្នុងកម្មវិធីដើម្បីបង្ហាញពីការលើកកម្ពស់ និងថែរក្សាបរិស្ថាន ប៉ុន្តែពិធីបុណ្យទាំងមូលមិនបានប្រព្រឹត្តទៅដោយរលូននោះឡើយ ដោយសារវត្តមានកង់ពេញពាសនៅកន្លែងប្រារព្ធពិធី។
យោងតាមការផ្សាយរបស់កាសែតចិន The Paper ពីរភាគបីនៃកន្លែងប្រារព្ធពិធីទាំងមូលត្រូវបានគ្របដណ្តប់ដោយទោចក្រយាន ដែលភាគច្រើនបំផុត អ្នកចូលរួមបានជួលជិះក្នុងតម្លៃពី ០.០៥ ទៅ០.១០ដុល្លារអាមេរិកក្នុង១ម៉ោង។ វាជាតម្លៃដ៏គួរសមមួយសម្រាប់ព្រឹត្តិការណ៍បុណ្យប្រពៃណី។
អ្នកគ្រប់គ្រងឧទ្យាន Shenzhen Bay Park ដែលជាទីតាំងប្រារព្ធកម្មវិធី បានប្រកាសថា ក្នុងចំណោមអ្នកចូលរួមប្រមាណ៣០ម៉ឺននាក់ មានជាង១ម៉ឺននាក់ បានធ្វើដំណើរដោយកង់ ហើយពួកគេបានចតចោលយ៉ាងណែនណាន់តាន់តាមនៅទីតាំងតាមទីតាំងសំខាន់ៗនានា។ ជាមួយគ្នានេះ ក៏មានករណីបាត់ និងភ្លេចកង់ផងដែរ។
អាជ្ញាធរកោះ Shenzhen បានអំពាវនាវដល់ក្រុមហ៊ុនដែលជួលកង់ទាំងអស់នៅក្នុងតំបន់ ទៅរកមើលកង់របស់ខ្លួនដើម្បីដឹកយកទៅទុកបណ្តោះអាសន្ន មុនចរចាជាមួយអ្នកជួល។ បន្ថែមពីលើនេះ កាលពីថ្ងៃអង្គារ អាជ្ញាធរបានសម្រេចហាមឃាត់មិនឲ្យមានកង់ចូលទៅក្នុងទីតាំងប្រារព្ធពិធី៕
នៅប្រទេសចិន ការប្រើប្រាស់ទោចក្រយានគឺជាមធ្យោបាយដ៏ល្អបំផុតក្នុងការថែរក្សាបរិស្ថាន ប៉ុន្តែករណីដដែលនេះ បានបង្កបញ្ហាដល់ការរៀបចំពិធីបុណ្យ Qing Ming Festival នៅកោះ Shenzhen កាលពីថ្ងៃចន្ទ ទី៣ ខែមេសា កន្លងមក។ មនុស្សជាង១ម៉ឺននាក់ បាននាំគ្នាជិះកង់ទៅចូលរួមក្នុងកម្មវិធីដើម្បីបង្ហាញពីការលើកកម្ពស់ និងថែរក្សាបរិស្ថាន ប៉ុន្តែពិធីបុណ្យទាំងមូលមិនបានប្រព្រឹត្តទៅដោយរលូននោះឡើយ ដោយសារវត្តមានកង់ពេញពាសនៅកន្លែងប្រារព្ធពិធី។
យោងតាមការផ្សាយរបស់កាសែតចិន The Paper ពីរភាគបីនៃកន្លែងប្រារព្ធពិធីទាំងមូលត្រូវបានគ្របដណ្តប់ដោយទោចក្រយាន ដែលភាគច្រើនបំផុត អ្នកចូលរួមបានជួលជិះក្នុងតម្លៃពី ០.០៥ ទៅ០.១០ដុល្លារអាមេរិកក្នុង១ម៉ោង។ វាជាតម្លៃដ៏គួរសមមួយសម្រាប់ព្រឹត្តិការណ៍បុណ្យប្រពៃណី។
អ្នកគ្រប់គ្រងឧទ្យាន Shenzhen Bay Park ដែលជាទីតាំងប្រារព្ធកម្មវិធី បានប្រកាសថា ក្នុងចំណោមអ្នកចូលរួមប្រមាណ៣០ម៉ឺននាក់ មានជាង១ម៉ឺននាក់ បានធ្វើដំណើរដោយកង់ ហើយពួកគេបានចតចោលយ៉ាងណែនណាន់តាន់តាមនៅទីតាំងតាមទីតាំងសំខាន់ៗនានា។ ជាមួយគ្នានេះ ក៏មានករណីបាត់ និងភ្លេចកង់ផងដែរ។
អាជ្ញាធរកោះ Shenzhen បានអំពាវនាវដល់ក្រុមហ៊ុនដែលជួលកង់ទាំងអស់នៅក្នុងតំបន់ ទៅរកមើលកង់របស់ខ្លួនដើម្បីដឹកយកទៅទុកបណ្តោះអាសន្ន មុនចរចាជាមួយអ្នកជួល។ បន្ថែមពីលើនេះ កាលពីថ្ងៃអង្គារ អាជ្ញាធរបានសម្រេចហាមឃាត់មិនឲ្យមានកង់ចូលទៅក្នុងទីតាំងប្រារព្ធពិធី៕
Tag:
កង់
Qing Ming Festival
© រក្សាសិទ្ធិដោយ thmeythmey.com
