អន្តរជាតិ
កូរ៉េខាងជើងចាត់ទុកការបាញ់មីស៊ីលរបស់អាមេរិកដាក់ស៊ីរី ជាទង្វើមិនអាចអត់ឱនបាន
09, Apr 2017 , 1:59 pm
×![]()
ដោយ: តន ចាន់រិទ្ធារ៉ា
កូរ៉េខាងជើង បានរិះគន់ខ្លាំងៗលើការបាញ់មីស៊ីល Tomahawk របស់អាមេរិកលើមូលដ្ឋានអាកាសស៊ីរីដែលជាការឆ្លើយតបការវាយប្រហារសារធាតុគីមីលើប្រជាជនស្លូតត្រង់។ កូរ៉េខាងជើង ចាត់ទុកការបាញ់មីស៊ីលនេះ ជារឿងមិនអាចលើកលែងឲ្យបានទេ។ កូរ៉េខាងជើងក៏ឆ្លៀតយកការបាញ់នេះ ដើម្បីការពារកម្មវិធីនុយក្លេអ៊ែររបស់ខ្លួនទៀត និងនិយាយថា ដោយសារសកម្មភាពអាមេរិកនេះហើយ ទើបខ្លួនសម្រេចចិត្តអភិវឌ្ឍនុយក្លេអ៊ែររហូតមក។
កូរ៉េខាងជើង នៅថ្ងៃទី៨ ខែមេសា បានហៅការបាញ់មីស៊ីលរបស់អាមេរិកតម្រង់គោលដៅមូលដ្ឋានអាកាសលើទឹកដីស៊ីរី ជាសកម្មភាពនៃការឈ្លានពានដែលមិនអាចអត់ឱនឲ្យបានទេ។ កូរ៉េខាងជើង ក៏កេងចំណេញពីរឿងបាញ់មីស៊ីលនេះ និងចាត់ទុកជាភស្តុតាងបង្ហាញថា ការសម្រេចចិត្តរបស់ខ្លួនក្នុងការអភិវឌ្ឍអាវុធនុយក្លេអ៊ែរ ជារឿងត្រឹមត្រូវទៀតផង។ នេះជាលើកទី១ ដែលកូរ៉េខាងជើងនិយាយលើបញ្ហាស៊ីរី ចាប់តាំងពីអាមេរិកផ្ដើមយុទ្ធនាការដែនអាកាសវាយប្រហារផ្ទាល់លើកងកម្លាំងស៊ីរី។
បើតាមទីភ្នាក់ងារព័ត៌មាន Reuters ដែលស្រង់ប្រភពពីទីភ្នាក់ងារព័ត៌មានរដ្ឋ KCNA អ្នកនាំពាក្យក្រសួងការបរទេសកូរ៉េខាងជើងម្នាក់និយាយថា ការវាយប្រហារលើមីស៊ីលរបស់អាមេរិកលើស៊ីរី ជាទង្វើឈ្លានពានច្បាស់ក្រឡែត និងមិនអាចលើកលែងឲ្យបានឡើយ។ កូរ៉េខាងជើង ក៏បានថ្កោលទោសសកម្មភាពបំពានរបស់អាមេរិកលើរដ្ឋអធិបតេយ្យមួយទៀត។ អ្នកនាំពាក្យដដែលបន្តថា ទង្វើនេះ បង្ហាញពីភាពត្រឹមត្រូវរបស់កូរ៉េខាងជើង ក្នុងការពង្រឹងឥទ្ធិពលយោធារបស់ខ្លួនដែរ។
ក្រោយការបាញ់មីស៊ីល Tomahawk ដល់ទៅ៥៩គ្រាប់ពីសំណាក់អាមេរិក ទំនាក់ទំនងរវាងកូរ៉េខាងជើង និងស៊ីរី ហាក់កាន់តែជិតស្និទ្ធជាងមុន។ កូរ៉េខាងជើងដែលជារដ្ឋឯកោមិនសូវមានអ្នកណារាប់រក ចាត់ទុកស៊ីរីជាសម្ព័ន្ធមិត្តសំខាន់របស់ខ្លួន។ សារព័ត៌មាន KCNA ផ្សាយថា មេដឹកនាំកំពូលកូរ៉េខាងជើង គីម ជុងអ៊ុន និងប្រធានាធិបតីស៊ីរី Bashar al-Assad បានផ្ញើសារឲ្យគ្នាទៅវិញទៅមក ដើម្បីបង្ហាញពីទំនាក់ទំនងជិតស្និទ្ធ និងកិច្ចសហប្រតិបត្តិការរវាងប្រទេសទាំងពីរ។
សូមរម្លឹកថា កាលពីថ្ងៃទី៧ ខែមេសា ប្រធានាធិបតី ដូណាល់ ត្រាំ ក្នុងនាមជាអគ្គមេបញ្ជាការកងទ័ពអាមេរិក បានចេញបញ្ជាឲ្យកងទ័ពអាមេរិកបាញ់ផ្លោងមីស៊ីលលើព្រលានយន្តហោះនៅក្រុង Homs ប្រទេសស៊ីរី ដើម្បីកំញើញរបបដឹកនាំលោកប្រធានាធិបតី Assad ។ មីស៊ីលទំនើបចំនួន ៥៩ គ្រាប់ត្រូវបានគេប្រើប្រាស់ក្នុងការវាយប្រហារនេះ ហើយអាមេរិកបញ្ជាក់ថា ខ្លួនបានប្រាប់រុស្ស៊ីមុនពេលវាយប្រហារដែរ។
ការបាញ់ផ្លោងមីស៊ីលនេះ ជាការឆ្លើយតបការចោទប្រកាន់រដ្ឋាភិបាលស៊ីរីរឿងប្រើប្រាស់អាវុធគីមីប្រឆាំងជនស៊ីវិលនៅខេត្ត Idlibនោះ។ ប៉ុន្តែរដ្ឋាភិបាលស៊ីរីបានទាត់ចោលការចោទប្រកាន់ទាំងអស់ពាក់ព័ន្ធការប្រើប្រាស់អាវុធគីមីនេះ ហើយរុស្ស៊ីបានអះអាងរដ្ឋាភិបាលស៊ីរីមិនដែលមានអាវុធគីមីនៅសេសសល់ដើម្បីប្រើប្រាស់ទៀតឡើយ៕
កូរ៉េខាងជើង នៅថ្ងៃទី៨ ខែមេសា បានហៅការបាញ់មីស៊ីលរបស់អាមេរិកតម្រង់គោលដៅមូលដ្ឋានអាកាសលើទឹកដីស៊ីរី ជាសកម្មភាពនៃការឈ្លានពានដែលមិនអាចអត់ឱនឲ្យបានទេ។ កូរ៉េខាងជើង ក៏កេងចំណេញពីរឿងបាញ់មីស៊ីលនេះ និងចាត់ទុកជាភស្តុតាងបង្ហាញថា ការសម្រេចចិត្តរបស់ខ្លួនក្នុងការអភិវឌ្ឍអាវុធនុយក្លេអ៊ែរ ជារឿងត្រឹមត្រូវទៀតផង។ នេះជាលើកទី១ ដែលកូរ៉េខាងជើងនិយាយលើបញ្ហាស៊ីរី ចាប់តាំងពីអាមេរិកផ្ដើមយុទ្ធនាការដែនអាកាសវាយប្រហារផ្ទាល់លើកងកម្លាំងស៊ីរី។
បើតាមទីភ្នាក់ងារព័ត៌មាន Reuters ដែលស្រង់ប្រភពពីទីភ្នាក់ងារព័ត៌មានរដ្ឋ KCNA អ្នកនាំពាក្យក្រសួងការបរទេសកូរ៉េខាងជើងម្នាក់និយាយថា ការវាយប្រហារលើមីស៊ីលរបស់អាមេរិកលើស៊ីរី ជាទង្វើឈ្លានពានច្បាស់ក្រឡែត និងមិនអាចលើកលែងឲ្យបានឡើយ។ កូរ៉េខាងជើង ក៏បានថ្កោលទោសសកម្មភាពបំពានរបស់អាមេរិកលើរដ្ឋអធិបតេយ្យមួយទៀត។ អ្នកនាំពាក្យដដែលបន្តថា ទង្វើនេះ បង្ហាញពីភាពត្រឹមត្រូវរបស់កូរ៉េខាងជើង ក្នុងការពង្រឹងឥទ្ធិពលយោធារបស់ខ្លួនដែរ។
ក្រោយការបាញ់មីស៊ីល Tomahawk ដល់ទៅ៥៩គ្រាប់ពីសំណាក់អាមេរិក ទំនាក់ទំនងរវាងកូរ៉េខាងជើង និងស៊ីរី ហាក់កាន់តែជិតស្និទ្ធជាងមុន។ កូរ៉េខាងជើងដែលជារដ្ឋឯកោមិនសូវមានអ្នកណារាប់រក ចាត់ទុកស៊ីរីជាសម្ព័ន្ធមិត្តសំខាន់របស់ខ្លួន។ សារព័ត៌មាន KCNA ផ្សាយថា មេដឹកនាំកំពូលកូរ៉េខាងជើង គីម ជុងអ៊ុន និងប្រធានាធិបតីស៊ីរី Bashar al-Assad បានផ្ញើសារឲ្យគ្នាទៅវិញទៅមក ដើម្បីបង្ហាញពីទំនាក់ទំនងជិតស្និទ្ធ និងកិច្ចសហប្រតិបត្តិការរវាងប្រទេសទាំងពីរ។
សូមរម្លឹកថា កាលពីថ្ងៃទី៧ ខែមេសា ប្រធានាធិបតី ដូណាល់ ត្រាំ ក្នុងនាមជាអគ្គមេបញ្ជាការកងទ័ពអាមេរិក បានចេញបញ្ជាឲ្យកងទ័ពអាមេរិកបាញ់ផ្លោងមីស៊ីលលើព្រលានយន្តហោះនៅក្រុង Homs ប្រទេសស៊ីរី ដើម្បីកំញើញរបបដឹកនាំលោកប្រធានាធិបតី Assad ។ មីស៊ីលទំនើបចំនួន ៥៩ គ្រាប់ត្រូវបានគេប្រើប្រាស់ក្នុងការវាយប្រហារនេះ ហើយអាមេរិកបញ្ជាក់ថា ខ្លួនបានប្រាប់រុស្ស៊ីមុនពេលវាយប្រហារដែរ។
ការបាញ់ផ្លោងមីស៊ីលនេះ ជាការឆ្លើយតបការចោទប្រកាន់រដ្ឋាភិបាលស៊ីរីរឿងប្រើប្រាស់អាវុធគីមីប្រឆាំងជនស៊ីវិលនៅខេត្ត Idlibនោះ។ ប៉ុន្តែរដ្ឋាភិបាលស៊ីរីបានទាត់ចោលការចោទប្រកាន់ទាំងអស់ពាក់ព័ន្ធការប្រើប្រាស់អាវុធគីមីនេះ ហើយរុស្ស៊ីបានអះអាងរដ្ឋាភិបាលស៊ីរីមិនដែលមានអាវុធគីមីនៅសេសសល់ដើម្បីប្រើប្រាស់ទៀតឡើយ៕
Tag:
កូរ៉េខាងជើង
អាមេរិក
ស៊ីរី
© រក្សាសិទ្ធិដោយ thmeythmey.com
