កីឡាអន្តរជាតិ
អន្តរជាតិ
Pacquiao នឹងប៉ះជាមួយ Jeff Horn មុនជួប Amir Khan
09, Apr 2017 , 7:39 pm
×![]()
ដោយ: ទេព ពិទូរ្យ
កំពូលអ្នកប្រដាល់ពិភពលោក Manny Pacquiao ដែលមានរហស្សនាមថា “Pacman” នឹងឡើងការពារខ្សែក្រវាត់ WBO របស់ខ្លួនជាមួយអ្នកប្រដាល់មិនធ្លាប់ស្គាល់ពាក្យថាចាញ់ Jeff Horn នៅខែកក្កដាខាងមុខនេះ បន្ទាប់ពីរំសាយការប្រកួតជាមួយ Amir Khan។
បើតាមសារព័ត៌មានABS-CBN News ស្តេចប្រដាល់របស់ហ្វីលីពីន Pacquiao និងឡើងតទល់ជាមួយអ្នកប្រដាល់មិនដែលចាញ់សញ្ជាតិអូស្ត្រាលី Jeff Horn ដើម្បីការពារខ្សែក្រវាត់ WBO របស់ខ្លួន។ តាមពិតទៅដៃគូប្រកួតរបស់អ្នកប្រដាល់ហ្វីលីពីន វ័យ៣៨ឆ្នាំនេះជាអ្នកប្រដាល់របស់ចក្រភពអង់គ្លេស Amir Khan ឯណោះទេ ប៉ុន្តែត្រូវបានផ្អាកវិញ ដោយសារហេតុផលជាប់កាតព្វកិច្ចបុណ្យសាសនាអ៊ីស្លាមរ៉ាម៉ាដាន់របស់ Khan។
«យើងមិនអាចប្រកួតទល់នឹង Amir Khanបានទេ ដោយសារតែជាពេលបុណ្យរ៉ាម៉ាដាន់ ដូច្នេះយើងបានចម្រេចចិត្តទុកការប្រកួតនេះជាបណ្តោះអាសន្នសិន»។ នេះជាការលើកឡើងរបស់ទីប្រឹក្សារបស់ Pacman លោក Michael Koncz ហើយលោកបានបន្ថែមទៀតថា៖«យើងបានចុះហត្ថលេខាលើការប្រកួតនេះហើយ (Pacquiao- Horn) ដូច្នេះយើងក៏រំភើបនឹងការប្រកួតនេះដែ។ ប៉ុន្តែការប្រកួតលើកក្រោយ ខ្ញុំនៅតែចង់ជួប Amir Khan»។
សម្រាប់ដៃគូថ្មីរបស់ម្ចាស់ជើងឯកខ្សែក្រវាត់៨ស្ថាបណ្ឌក៏មិនអន់ដែរ អ្នកប្រដាល់ដែលមិនធ្លាប់ស្គាល់ពាក្យចាញ់ Jeff Horn ធ្លាប់ឡើវាយ១៦ដង ឈ្នះ១៥ និងស្មើរម្តង។ អ្នកប្រដាល់សញ្ជាតិអូស្ត្រាលី វ័យ២៩ឆ្នាំនេះ ចាប់ផ្តើមក្លាយជាអ្នកប្រដាល់អាជីពនៅឆ្នាំ២០០៦ និងធ្លាប់ជាអត្តពលិកនាការប្រកួតអូឡាំពិកឆ្នាំ២០១២ នៅក្រុងឡុងដ៍ផងដែរ។
Pacquiao និង Horn នឹងត្រូវជួបគ្នានៅថ្ងៃទី២ ខែកក្កដា ឆ្នាំ២០១៧ខាងមុននេះ ដែលធ្វើឡើងក្នុងកីឡដ្ឋាន Suncorp Arena ប្រទេសអូស្ត្រាលី ដែលអាចផ្ទុកទស្សនិកជនបានដល់ទៅជាង៥ម៉ឺននាក់៕
Tag:
កីឡាប្រដាល់
Manny Pacquiao
WBO
Amir Khan
Jeff Horn
© រក្សាសិទ្ធិដោយ thmeythmey.com
