អន្តរជាតិ
អេហ្ស៊ីបបង្កើតឧត្តមក្រុមប្រឹក្សាប្រឆាំងភេរវកម្ម ក្រោយការវាយប្រហារភេរវកម្មសម្លាប់យ៉ាងហោច៤០នាក់
10, Apr 2017 , 3:57 pm
×![]()
ដោយ: ថ្មីៗ
ប្រធានាធិបតីអេហ្ស៊ីប Abdel Fattah Sisi បានប្រកាសដាក់រដ្ឋក្នុងភាពអាសន្ន និងបង្កើតឧត្តមក្រុមប្រឹក្សាប្រឆាំងភេរវជន ក្រោយមានការវាយប្រហារភេរវកម្មនាចុងសប្តាហ៍កន្លងទៅនេះ។ លោកក៏បានព្រមានបណ្តារដ្ឋទាំងអស់ដែលគាំទ្រភេរវជន និងទាមទារឲ្យរដ្ឋនោះទទួលខុសត្រូវចំពោះទង្វើរបស់ពួកគេដែរ។
ចលនាវាយប្រហារភេរវកម្មអុកឡុកប្រទេសអេហ្ស៊ីបជាថ្មីនៅចុងសប្តាហ៍កន្លងទៅនេះ ដោយបង្កឲ្យមនុស្សយ៉ាងហោចណាស់ ៤០ នាក់ស្លាប់បាត់បង់ជីវិតផង។ រដ្ឋាភិបាលអេហ្ស៊ីបក្រោមការដឹកនាំរបស់ប្រធានាធិបតី Abdel Fattah Sisi បានសម្រេចប្រកាសដាក់រដ្ឋក្នុងភាពអាសន្នរយៈពេល ៣ខែផងដែរ។
យោងតាមសារព័ត៌មានរុស្ស៊ី Sputnik ប្រធានាធិបតីអេហ្ស៊ីប Abdel Fattah Sisi បានព្រមានបណ្តារដ្ឋទាំងអស់ដែលគាំទ្រចលនាភេរវកម្មផងដែរ ដោយរដ្ឋទាំងនោះត្រូវតែទទួលខុសត្រូវចំពោះសកម្មភាពរបស់គេ។ លោកបានបញ្ជាក់ដូច្នេះថា៖«រដ្ឋដែលកំពុងគាំទ្រចលនាភេរវកម្មត្រូវតែទទួលខុសត្រូវចំពោះសកម្មភាពរបស់គេ»។
ក្នុងនាមជាមេបញ្ជាការកំពូលកងទ័ពអេហ្ស៊ីប លោក Sisi បានបញ្ជាក់ថា បង្កើតឧត្តមក្រុមប្រឹក្សាប្រឆាំងភេរវជនផងដែរដើម្បីទប់ស្កាត់និងកម្ចាត់ភេរវជន។ មេដឹកនាំរូបនេះបានបញ្ជាក់ថា កងកម្លាំងសន្តិសុខអេហ្ស៊ីបបច្ចុប្បន្នកំពុងពង្រឹងសន្តិសុខនិងតាមវែកមុខក្រុមឧក្រិដ្ឋជនដែលនៅពីក្រោយការវាយប្រហារនេះ ហើយលោកជឿជាក់ថាប្រជាជនអេហ្ស៊ីបអាចយកឈ្នះក្រុមភេរវជនបាន។
ក្រៅពីប្រធានាធិបតីរូបនេះបានអំពាវនាវឲ្យសារព័ត៌មានផ្សព្វផ្សាយពីស្ថានភាពអាសន្ននិងបញ្ហាដែលកើតឡើងនៅអេហ្ស៊ីបប្រកបដោយការទទួលខុសត្រូវ ដោយមិនធ្វើឲ្យប៉ះពាល់ដល់អារម្មណ៍ប្រជាជនឡើយ។
សូមបញ្ជាក់ថា ករណីផ្ទុះគ្រាប់បែកនេះកើតឡើងពីរកន្លែងផ្សេងគ្នានៅវិហារសាសនាគ្រឹស្ត។ការបំផ្ទុះទីមួយកើតឡើងនៅទីក្រុង Gharbia បានសម្លាប់មនុស្សយ៉ាងហោចណាស់ ៣០ នាក់និងធ្វើឲ្យមនុស្សចន្លោះពី ៥០ទៅ ៧០នាក់របួសផងដែរ។ ទីពីរកើតឡើងនៅវិហារមួយស្ថិតនៅក្រុង Alexandria ដែលការវាយប្រហារនេះសម្លាប់មនុស្សយ៉ាងហោចណាស់ ១៨ នាក់ក្នុងនោះមានមន្ត្រីប៉ូលិសបួននាក់ផង។ ក្រោយការវាយប្រហារនេះ អគ្គលេខាធិការអង្គការសហប្រជាជាតិលោក António Guterres និងក្រុមប្រឹក្សាសន្តិសុខ អង្គការសហ ប្រជាជាតិបានថ្កោលទោសខ្លាំងៗ និងទាមទារឲ្យមានការកាត់ទោសជនបង្កគ្រោះមហន្តរាយនេះផងដែរ៕
ចលនាវាយប្រហារភេរវកម្មអុកឡុកប្រទេសអេហ្ស៊ីបជាថ្មីនៅចុងសប្តាហ៍កន្លងទៅនេះ ដោយបង្កឲ្យមនុស្សយ៉ាងហោចណាស់ ៤០ នាក់ស្លាប់បាត់បង់ជីវិតផង។ រដ្ឋាភិបាលអេហ្ស៊ីបក្រោមការដឹកនាំរបស់ប្រធានាធិបតី Abdel Fattah Sisi បានសម្រេចប្រកាសដាក់រដ្ឋក្នុងភាពអាសន្នរយៈពេល ៣ខែផងដែរ។
យោងតាមសារព័ត៌មានរុស្ស៊ី Sputnik ប្រធានាធិបតីអេហ្ស៊ីប Abdel Fattah Sisi បានព្រមានបណ្តារដ្ឋទាំងអស់ដែលគាំទ្រចលនាភេរវកម្មផងដែរ ដោយរដ្ឋទាំងនោះត្រូវតែទទួលខុសត្រូវចំពោះសកម្មភាពរបស់គេ។ លោកបានបញ្ជាក់ដូច្នេះថា៖«រដ្ឋដែលកំពុងគាំទ្រចលនាភេរវកម្មត្រូវតែទទួលខុសត្រូវចំពោះសកម្មភាពរបស់គេ»។
ក្នុងនាមជាមេបញ្ជាការកំពូលកងទ័ពអេហ្ស៊ីប លោក Sisi បានបញ្ជាក់ថា បង្កើតឧត្តមក្រុមប្រឹក្សាប្រឆាំងភេរវជនផងដែរដើម្បីទប់ស្កាត់និងកម្ចាត់ភេរវជន។ មេដឹកនាំរូបនេះបានបញ្ជាក់ថា កងកម្លាំងសន្តិសុខអេហ្ស៊ីបបច្ចុប្បន្នកំពុងពង្រឹងសន្តិសុខនិងតាមវែកមុខក្រុមឧក្រិដ្ឋជនដែលនៅពីក្រោយការវាយប្រហារនេះ ហើយលោកជឿជាក់ថាប្រជាជនអេហ្ស៊ីបអាចយកឈ្នះក្រុមភេរវជនបាន។
ក្រៅពីប្រធានាធិបតីរូបនេះបានអំពាវនាវឲ្យសារព័ត៌មានផ្សព្វផ្សាយពីស្ថានភាពអាសន្ននិងបញ្ហាដែលកើតឡើងនៅអេហ្ស៊ីបប្រកបដោយការទទួលខុសត្រូវ ដោយមិនធ្វើឲ្យប៉ះពាល់ដល់អារម្មណ៍ប្រជាជនឡើយ។
សូមបញ្ជាក់ថា ករណីផ្ទុះគ្រាប់បែកនេះកើតឡើងពីរកន្លែងផ្សេងគ្នានៅវិហារសាសនាគ្រឹស្ត។ការបំផ្ទុះទីមួយកើតឡើងនៅទីក្រុង Gharbia បានសម្លាប់មនុស្សយ៉ាងហោចណាស់ ៣០ នាក់និងធ្វើឲ្យមនុស្សចន្លោះពី ៥០ទៅ ៧០នាក់របួសផងដែរ។ ទីពីរកើតឡើងនៅវិហារមួយស្ថិតនៅក្រុង Alexandria ដែលការវាយប្រហារនេះសម្លាប់មនុស្សយ៉ាងហោចណាស់ ១៨ នាក់ក្នុងនោះមានមន្ត្រីប៉ូលិសបួននាក់ផង។ ក្រោយការវាយប្រហារនេះ អគ្គលេខាធិការអង្គការសហប្រជាជាតិលោក António Guterres និងក្រុមប្រឹក្សាសន្តិសុខ អង្គការសហ ប្រជាជាតិបានថ្កោលទោសខ្លាំងៗ និងទាមទារឲ្យមានការកាត់ទោសជនបង្កគ្រោះមហន្តរាយនេះផងដែរ៕
Tag:
Abdel Fattah Sisi
ឧត្តមក្រុមប្រឹក្សាប្រឆាំងភេរវកម្ម
© រក្សាសិទ្ធិដោយ thmeythmey.com
