សិល្បះ
អន្តរជាតិ
បក្សប្រឆាំងអ៊ីស្រាអែលពន្យាថ្ងៃបោះឆ្នោតរើសមេបក្ស ព្រោះជាន់ថ្ងៃប្រគំតន្ត្រីរបស់ Britney Spears
11, Apr 2017 , 7:39 pm
×![]()
ដោយ: ធីតា
គណបក្សការងារដែលជាបក្សប្រឆាំងចម្បងនៅក្នុងប្រទេសអ៊ីស្រាអែល បានសម្រេចចិត្តលើកពេលបោះឆ្នោតជម្រើសប្រធានថ្មីរបស់ខ្លួននាអំឡុងខែកក្កដា ដើម្បីចៀសវាងកុំឲ្យជាន់គ្នាចំថ្ងៃដែលតារាចម្រៀងអាមេរិក Britney Spears ត្រូវសម្តែងនៅទីក្រុង Tel-Aviv។
លោក Amir Petetz អតីតប្រធានគណបក្សការងារ និងជាអតីតរដ្ឋមន្ត្រីក្រសួងការពាជាតិអ៊ីស្រាអែល បានថ្លែងប្រាប់វិទ្យុកងទ័ពថា ការធ្វើសមាជបក្ស ចំថ្ងៃប្រគំតន្ត្រីរបស់ Britney Spears នឹងមានបញ្ហាប្រឈមជាច្រើន ជាពិសេសការកកស្ទះចរាចរណ៍។
សម្រាប់គណបក្សការងារ បញ្ហាដ៏គួរឲ្យព្រួយបារម្ភនោះ គឺសន្តិសុខ សុវត្ថិភាព។ មន្ត្រីជាន់ខ្ពស់បក្សម្នាក់ បាននិយាយប្រាប់សារព័ត៌មាន Haaretz ថា ប្រហែលមិនមានកងកម្លាំងសន្តិសុខគ្រប់គ្រាន់ដែលត្រូវធ្វើកិច្ចការសម្រាប់គណបក្សការងារនោះឡើយ ពីព្រោះពួកគេត្រូវនាំគ្នាទៅមើលតន្ត្រីរបស់ Britney Spears។
ការប្រគំតន្ត្រីរបស់តារាចម្រៀង Britney Spears គ្រោងប្រព្រឹត្តទៅនៅថ្ងៃទី៣ ខែកក្កដា នៅ Hayarkon Park ខណៈគណបក្សការងារដែលគ្រោងរៀបចំការបោះឆ្នោតជ្រើសរើសប្រធានថ្មីនៅមជ្ឈមណ្ឌល Convention Center for Labor នៅថ្ងៃដដែលនោះ ត្រូវលើកទៅថ្ងៃទី៤ ខែកក្កដា វិញ។
លោក Amir Petetz បានបញ្ជាក់ប្រាប់ AFP ថា៖ «យើងបានកំណត់ថ្ងៃទី៤ ខែកក្កដា វិញ ដែលចំថ្ងៃបុណ្យឯករាជ្យរបស់សហរដ្ឋអាមេរិក។ មានសារជូនពរជាច្រើនសម្រាប់បុណ្យឯករាជ្យអាមេរិក ហើយយើងក៏ត្រូវរៀបចំផងដែរ។ ថ្ងៃទី៤ ខែកក្កដា ពិតជាសមរម្យណាស់»៕
លោក Amir Petetz អតីតប្រធានគណបក្សការងារ និងជាអតីតរដ្ឋមន្ត្រីក្រសួងការពាជាតិអ៊ីស្រាអែល បានថ្លែងប្រាប់វិទ្យុកងទ័ពថា ការធ្វើសមាជបក្ស ចំថ្ងៃប្រគំតន្ត្រីរបស់ Britney Spears នឹងមានបញ្ហាប្រឈមជាច្រើន ជាពិសេសការកកស្ទះចរាចរណ៍។
សម្រាប់គណបក្សការងារ បញ្ហាដ៏គួរឲ្យព្រួយបារម្ភនោះ គឺសន្តិសុខ សុវត្ថិភាព។ មន្ត្រីជាន់ខ្ពស់បក្សម្នាក់ បាននិយាយប្រាប់សារព័ត៌មាន Haaretz ថា ប្រហែលមិនមានកងកម្លាំងសន្តិសុខគ្រប់គ្រាន់ដែលត្រូវធ្វើកិច្ចការសម្រាប់គណបក្សការងារនោះឡើយ ពីព្រោះពួកគេត្រូវនាំគ្នាទៅមើលតន្ត្រីរបស់ Britney Spears។
ការប្រគំតន្ត្រីរបស់តារាចម្រៀង Britney Spears គ្រោងប្រព្រឹត្តទៅនៅថ្ងៃទី៣ ខែកក្កដា នៅ Hayarkon Park ខណៈគណបក្សការងារដែលគ្រោងរៀបចំការបោះឆ្នោតជ្រើសរើសប្រធានថ្មីនៅមជ្ឈមណ្ឌល Convention Center for Labor នៅថ្ងៃដដែលនោះ ត្រូវលើកទៅថ្ងៃទី៤ ខែកក្កដា វិញ។
លោក Amir Petetz បានបញ្ជាក់ប្រាប់ AFP ថា៖ «យើងបានកំណត់ថ្ងៃទី៤ ខែកក្កដា វិញ ដែលចំថ្ងៃបុណ្យឯករាជ្យរបស់សហរដ្ឋអាមេរិក។ មានសារជូនពរជាច្រើនសម្រាប់បុណ្យឯករាជ្យអាមេរិក ហើយយើងក៏ត្រូវរៀបចំផងដែរ។ ថ្ងៃទី៤ ខែកក្កដា ពិតជាសមរម្យណាស់»៕
Tag:
អ៊ីស្រាអែល
Britney Spears
© រក្សាសិទ្ធិដោយ thmeythmey.com
