អន្តរជាតិ
ក្រុមប្រទេស G7 ទាមទារឲ្យរុស្ស៊ីឈប់គាំទ្ររបបដឹកនាំអាសាដ
11, Apr 2017 , 5:29 pm
រូបភាព៖ Reuters
×![]()
ដោយ: ថ្មីៗ
រដ្ឋមន្ត្រីការបរទេសក្រុមប្រទេស ៧ ជួបប្រជុំគ្នានៅប្រទេសអ៊ីតាលី។ ប្រធានបទក្តៅដែលគ្រប ដណ្តប់កិច្ចពិភាក្សាគឺបញ្ហាស៊ីរីក្រោយអាមេរិកបាញ់ផ្លោងមីស៊ីល ៥៩គ្រាប់កម្ទេចមូលដ្ឋានទ័ពអាកាសស៊ីរីនាក្រុង Homs។ រដ្ឋមន្ត្រីការបរទេសអង់គ្លេសនិងបារាំង បានទាមទារឲ្យរុស្ស៊ីបញ្ចប់ការគាំទ្ររបបដឹកនាំស៊ីរី និងស្វែងរកដំណោះស្រាយនយោបាយដើម្បីបញ្ចប់បញ្ហាស៊ីរីដែរ។
នៅថ្ងៃចន្ទ ទី ១០ មេសា បណ្តារដ្ឋមន្ត្រីការបរទេសប្រទេស ៧ ជួបប្រជុំគ្នានៅទីក្រុង Lucca អ៊ីតាលី ដើម្បីពិភាក្សាពីបញ្ហាទំនងនិងបញ្ហាសន្តិសុខពិភពលោកជាដើម។ ដើមឡើយនៅក្នុងកិច្ចប្រជុំប្រចាំឆ្នាំរយៈពេលពីរថ្ងៃនេះ គេត្រៀមជជែកគ្នាពីបញ្ហាសន្តិសុខនៅលីប៊ី បញ្ហាអ៊ុយក្រែននិងបញ្ហាអ៊ីរ៉ង់ដែរ។ ប៉ុន្តែដោយសារបញ្ហាសង្គ្រាមស៊ីរីក្តៅខ្លាំង រដ្ឋមន្ត្រីការបរទេសក្រុមប្រទេស៧ នេះនាំគ្នាផ្តោតសំខាន់លើតែបញ្ហាស៊ីរីប៉ុណ្ណោះ។
យោងតាមទីភ្នាក់ងារ AFP ក្នុងពេលជួបជុំគ្នានេះ បណ្តារដ្ឋមន្ត្រីប្រទេស ៧ បាននាំទិតៀនរុស្ស៊ីនិងរបបដឹកនាំស៊ីរី ពាក់ព័ន្ធបញ្ហាដែលកើតឡើងនៅក្នុងទឹកដីស៊ីរី ជាពិសេសការប្រើប្រាស់អាវុធគីមីនៅខេត្ត Idlib។
រដ្ឋមន្ត្រីការបរទេសអង់គេ្លសលោក Boris Johnson បានព្រលះរុស្ស៊ីចាស់ដៃ ហើយលោកបានលើកឡើងថា វាជាពេលដែលមេដឹកនាំរុស្ស៊ីត្រូវប្រឈមមុខជាមួយការពិតដោយសារលោកបន្តគាំទ្ររបបផ្តាច់ការ។ លោកក៏ទាមទារឲ្យរុស្ស៊ីបញ្ឈប់រាល់ការគាំទ្ររបបដឹកនាំស៊ីរីបច្ចុប្បន្ន និងធ្វើយ៉ាងណាជំរុញឲ្យដំណោះស្រាយនយោបាយចេញជាផ្លូវការដែរ។
ចំណែករដ្ឋមន្ត្រីការបរទេសបារាំងលោក Jean-Marc Ayrault បានលើកឡើងក្នុងកិច្ចប្រជុំផងដែរថា ក្រុមប្រទេស ៧មានកាតព្វកិច្ចចម្បងស្វែងរកដំណោះស្រាយនយោបាយនិងបង្កើតសម័យអន្តរកាលនយោបាយនៅស៊ីរី។ ដោះស្រាយបញ្ហាស៊ីរីជាជំហានមួយឆ្ពោះទៅកម្ចាត់ក្រុមភេរវជនរដ្ឋឥស្លាម។
ជម្លោះស៊ីរីកាន់តែក្តៅ ដោយសារកាលពីសប្តាហ៍មុន អាមេរិកបានបាញ់ផ្លោងមីស៊ីល Tomahawk ៥៩គ្រាប់ចូលទឹកដីស៊ីរីដោយបំផ្លាញមូលដ្ឋានទ័ពអាកាស Shayrat នៅក្បែរក្រុង Homs។ ក្រោយការវាយប្រហារនេះ រដ្ឋមន្ត្រីការពារជាតិអាមេរិកលោក James Mattis បានចេញសេចក្តីថ្លែងការណ៍មួយដើម្បីបង្អួតពីជោគជ័យរបស់ខ្លួនក្នុងការកំញើញរបបដឹកនាំលោក បាសា អាល់អាសាដ។
ប្រមុខការពារជាតិអាមេរិក បានលើកឡើងក្នុងសេចក្តីថ្លែងការណ៍ថា មីស៊ីលអាមេរិកបានកម្ទេចយន្តហោះអស់មួយភាគប្រាំឬស្មើ ២០ភាគរយនៃយន្តហោះដែលរបបដឹកនាំបាសា អាល់អាសាដ មានទាំងអស់។ការវាយប្រហារនេះជាការឆ្លើយតបចំពោះការប្រើប្រាស់អាវុធគីមីនៅក្នុងខេត្ត Idlib ដែលបានសម្លាប់ជនស៊ីវិលអស់យ៉ាងហោចណាស់ ៧០នាក់នោះ។
«អាមេរិកនឹងមិនបន្តនៅស្ងៀមចាំមើល របបដឹកនាំអាសាដ សម្លាប់ជនស៊ីវិលដោយប្រើអាវុធគីមីដែលត្រូវបានហាមឃាត់ដោយច្បាប់អន្តរជាតិ និងជាអ្វីដែលស៊ីរីខ្លួនឯងបានសន្យាកម្ទេចចោលអស់ឡើយ»៕
នៅថ្ងៃចន្ទ ទី ១០ មេសា បណ្តារដ្ឋមន្ត្រីការបរទេសប្រទេស ៧ ជួបប្រជុំគ្នានៅទីក្រុង Lucca អ៊ីតាលី ដើម្បីពិភាក្សាពីបញ្ហាទំនងនិងបញ្ហាសន្តិសុខពិភពលោកជាដើម។ ដើមឡើយនៅក្នុងកិច្ចប្រជុំប្រចាំឆ្នាំរយៈពេលពីរថ្ងៃនេះ គេត្រៀមជជែកគ្នាពីបញ្ហាសន្តិសុខនៅលីប៊ី បញ្ហាអ៊ុយក្រែននិងបញ្ហាអ៊ីរ៉ង់ដែរ។ ប៉ុន្តែដោយសារបញ្ហាសង្គ្រាមស៊ីរីក្តៅខ្លាំង រដ្ឋមន្ត្រីការបរទេសក្រុមប្រទេស៧ នេះនាំគ្នាផ្តោតសំខាន់លើតែបញ្ហាស៊ីរីប៉ុណ្ណោះ។
យោងតាមទីភ្នាក់ងារ AFP ក្នុងពេលជួបជុំគ្នានេះ បណ្តារដ្ឋមន្ត្រីប្រទេស ៧ បាននាំទិតៀនរុស្ស៊ីនិងរបបដឹកនាំស៊ីរី ពាក់ព័ន្ធបញ្ហាដែលកើតឡើងនៅក្នុងទឹកដីស៊ីរី ជាពិសេសការប្រើប្រាស់អាវុធគីមីនៅខេត្ត Idlib។
រដ្ឋមន្ត្រីការបរទេសអង់គេ្លសលោក Boris Johnson បានព្រលះរុស្ស៊ីចាស់ដៃ ហើយលោកបានលើកឡើងថា វាជាពេលដែលមេដឹកនាំរុស្ស៊ីត្រូវប្រឈមមុខជាមួយការពិតដោយសារលោកបន្តគាំទ្ររបបផ្តាច់ការ។ លោកក៏ទាមទារឲ្យរុស្ស៊ីបញ្ឈប់រាល់ការគាំទ្ររបបដឹកនាំស៊ីរីបច្ចុប្បន្ន និងធ្វើយ៉ាងណាជំរុញឲ្យដំណោះស្រាយនយោបាយចេញជាផ្លូវការដែរ។
ចំណែករដ្ឋមន្ត្រីការបរទេសបារាំងលោក Jean-Marc Ayrault បានលើកឡើងក្នុងកិច្ចប្រជុំផងដែរថា ក្រុមប្រទេស ៧មានកាតព្វកិច្ចចម្បងស្វែងរកដំណោះស្រាយនយោបាយនិងបង្កើតសម័យអន្តរកាលនយោបាយនៅស៊ីរី។ ដោះស្រាយបញ្ហាស៊ីរីជាជំហានមួយឆ្ពោះទៅកម្ចាត់ក្រុមភេរវជនរដ្ឋឥស្លាម។
ជម្លោះស៊ីរីកាន់តែក្តៅ ដោយសារកាលពីសប្តាហ៍មុន អាមេរិកបានបាញ់ផ្លោងមីស៊ីល Tomahawk ៥៩គ្រាប់ចូលទឹកដីស៊ីរីដោយបំផ្លាញមូលដ្ឋានទ័ពអាកាស Shayrat នៅក្បែរក្រុង Homs។ ក្រោយការវាយប្រហារនេះ រដ្ឋមន្ត្រីការពារជាតិអាមេរិកលោក James Mattis បានចេញសេចក្តីថ្លែងការណ៍មួយដើម្បីបង្អួតពីជោគជ័យរបស់ខ្លួនក្នុងការកំញើញរបបដឹកនាំលោក បាសា អាល់អាសាដ។
ប្រមុខការពារជាតិអាមេរិក បានលើកឡើងក្នុងសេចក្តីថ្លែងការណ៍ថា មីស៊ីលអាមេរិកបានកម្ទេចយន្តហោះអស់មួយភាគប្រាំឬស្មើ ២០ភាគរយនៃយន្តហោះដែលរបបដឹកនាំបាសា អាល់អាសាដ មានទាំងអស់។ការវាយប្រហារនេះជាការឆ្លើយតបចំពោះការប្រើប្រាស់អាវុធគីមីនៅក្នុងខេត្ត Idlib ដែលបានសម្លាប់ជនស៊ីវិលអស់យ៉ាងហោចណាស់ ៧០នាក់នោះ។
«អាមេរិកនឹងមិនបន្តនៅស្ងៀមចាំមើល របបដឹកនាំអាសាដ សម្លាប់ជនស៊ីវិលដោយប្រើអាវុធគីមីដែលត្រូវបានហាមឃាត់ដោយច្បាប់អន្តរជាតិ និងជាអ្វីដែលស៊ីរីខ្លួនឯងបានសន្យាកម្ទេចចោលអស់ឡើយ»៕
Tag:
James Mattis
ស៊ីរី
G7
Boris Johnson
Jean-Marc Ayrault
វ្ល៉ាឌីមៀ ពូទីន
© រក្សាសិទ្ធិដោយ thmeythmey.com
