អន្តរជាតិ
កូរ៉េខាងជើងបោះសម្ដី៖ «អាមេរិកចង់វាយតាមផ្លូវណាក៏បាន ខ្លួនកំដរបានជានិច្ច»
12, Apr 2017 , 9:39 am
×![]()
ដោយ: ថ្មីៗ
កូរ៉េខាងជើង បានថ្កោលទោសការពង្រាយនាវាចម្បាំងមួយកងពីសំណាក់អាមេរិកនៅក្បែរឧបទ្វីបកូរ៉េ។ កូរ៉េខាងជើង ចាត់ទុកការសម្ញែងអានុភាពយោធានេះ ជាយុទ្ធសាស្ត្ររបស់អាមេរិកដើម្បីឈ្លានពានអធិបតេយ្យរបស់ខ្លួន ហើយកូរ៉េខាងជើងក៏ព្រមានដែរថា កងទ័ពរបស់ខ្លួន ត្រៀមរួចរាល់ហើយក្នុងការធ្វើសង្គ្រាមជាមួយអាមេរិក។ អាមេរិក បានបញ្ជូននាវាមួយក្រុមដឹកនាំដោយនាវាដឹកយន្តហោះ Carl Vinson ទៅកាន់ឧបទ្វីបកូរ៉េ ដើម្បីទប់ទល់ការគំរាមដែលចេះតែកើនឡើងពីសំណាក់កូរ៉េខាងជើង។
ស្ថានការណ៍នៅឧបទ្វីបកូរ៉េ កាន់តែក្ដៅឡើង ក្រោយក្រុងវ៉ាស៊ីនតោនបញ្ជូននាវាចម្បាំងមួយកងទៅកាន់តំបន់នោះដើម្បីបង្ហាញអានុភាពយោធាដាក់កូរ៉េខាងជើង។ ពីដំបូង នាវាមួយកងនេះ មានគម្រោងធ្វើដំណើរទៅអូស្ត្រាលី ប៉ុន្តែបានផ្លាស់ប្ដូរគោលដៅរបស់ខ្លួន ហើយធ្វើដំណើរឆ្ពោះទៅមហាសមុទ្រប៉ាស៊ីហ្វិកប៉ែកខាងលិច កៀកនឹងឧបទ្វីបកូរ៉េ។ យ៉ាងណា កូរ៉េខាងជើង ហាក់មិនបានភ្ញាក់ផ្អើលវត្តមាននាវាមួយកងនេះឡើយ និងបានបោះសម្ដីថា ខ្លួនត្រៀមប្រយុទ្ធរួចហើយ។
កូរ៉េខាងជើង ក៏បានរិះគន់ការពង្រាយនាវាចម្បាំងមួយកងរបស់អាមេរិកនៅក្បែរឧបទ្វីបកូរ៉េ ដែលស្ថានការណ៍កំពុងតានតឹងខ្លាំងឡើងៗ។ បើតាមទីភ្នាក់ងារព័ត៌មាន AFP សារព័ត៌មានរដ្ឋកូរ៉េខាងជើង KCNA បានស្រង់សម្ដីអ្នកនាំពាក្យក្រសួងការបរទេសកូរ៉េខាងជើងម្នាក់ ថា ការពង្រាយនាវាចម្បាំងនេះ ដែលមានទាំងនាវាដឹកយន្តហោះ USS Carl Vinson ផងនោះ បានបង្ហាញពីបំណងឈ្លានពានរបស់អាមេរិក ដែលមកដល់ដំណាក់កាលសំខាន់ហើយ។
ក្នុងការអធិប្បាយលើកដំបូងជុំវិញវត្តមានយោធាអាមេរិកនៅថ្ងៃទី១១ ខែមេសានេះ កូរ៉េខាងជើង ក៏ប្រកាសដែរថា ខ្លួនត្រៀមរួចរាល់ហើយដើម្បីធ្វើសង្គ្រាមជាមួយអាមេរិក ហើយអាមេរិកចង់ធ្វើសង្គ្រាមអ្វីក៏បានស្រេចចិត្តចង់។ ជាមួយការប្រកាសនេះ កូរ៉េខាងជើង គឺបានផ្ញើសារម៉ឺងម៉ាត់ទៅឲ្យរដ្ឋបាលប្រធានាធិបតី ដូណាល់ ត្រាំ ដែលចង់ប្រើប្រាស់កម្លាំងទ័ព ដោះស្រាយបញ្ហានៅនុយក្លេអ៊ែរ ខណៈការចរចាមិនបានផលអ្វីសោះ។
មន្ត្រីជាន់ខ្ពស់អាមេរិកនៅថ្ងៃទី៩ ខែមេសានិយាយថា លោក ត្រាំ បានបញ្ជាឲ្យទីប្រឹក្សាសន្តិសុខរបស់លោក រកវិធីសាស្ត្រទាំងឡាយដើម្បីទប់ទល់កូរ៉េខាងជើង។ លោក ត្រាំ ធ្លាប់បញ្ជាក់ហើយថា អាមេរិក អាចចាត់វិធានការឯកតោភាគី ក្នុងការបង្ខំឲ្យកូរ៉េខាងជើងបោះបង់មហិច្ឆតាផលិតអាវុធនុយក្លេអ៊ែរ។ ប៉ុន្តែក្រុងព្យុងយ៉ាង ដែលមិនចេះស្ដាប់នរណា មិនស្ដាប់ការព្រមានរបស់ប្រធានាធិបតីអាមេរិកឡើយ ហើយថែមទាំងបានបន្តកម្មវិធីនុយក្លេអ៊ែររបស់ខ្លួនឥតឈប់ឈរទៀតផង។
គេជឿថា កូរ៉េខាងជើង អាចសាកល្បងនុយក្លេអ៊ែរម្ដងទៀតនៅអំឡុងខែមេសានេះ ដោយសារមានកម្មវិធីពិសេសជាច្រើន។ នៅចុងសប្ដាហ៍នេះ កូរ៉េខាងជើង នឹងអបអរខួបកំណើ់តទី១០៥ឆ្នាំ របស់ស្ថាបនិកកូរ៉េខាងជើង គីម អ៊ីលស៊ុង ដែលតាមទម្លាប់កន្លងមក ប្រទេសនេះអាចសាកល្បងនុយក្លេអ៊ែរឬក៏បាញ់មីស៊ីលបាលីស្ទិកទៀតផង។ កូរ៉េខាងជើង ក៏កំពុងតែអភិវឌ្ឍមីស៊ីលអន្តរទ្វីប ដែលអាចបាញ់ដល់អាមេរិកផងដែរ៕
ស្ថានការណ៍នៅឧបទ្វីបកូរ៉េ កាន់តែក្ដៅឡើង ក្រោយក្រុងវ៉ាស៊ីនតោនបញ្ជូននាវាចម្បាំងមួយកងទៅកាន់តំបន់នោះដើម្បីបង្ហាញអានុភាពយោធាដាក់កូរ៉េខាងជើង។ ពីដំបូង នាវាមួយកងនេះ មានគម្រោងធ្វើដំណើរទៅអូស្ត្រាលី ប៉ុន្តែបានផ្លាស់ប្ដូរគោលដៅរបស់ខ្លួន ហើយធ្វើដំណើរឆ្ពោះទៅមហាសមុទ្រប៉ាស៊ីហ្វិកប៉ែកខាងលិច កៀកនឹងឧបទ្វីបកូរ៉េ។ យ៉ាងណា កូរ៉េខាងជើង ហាក់មិនបានភ្ញាក់ផ្អើលវត្តមាននាវាមួយកងនេះឡើយ និងបានបោះសម្ដីថា ខ្លួនត្រៀមប្រយុទ្ធរួចហើយ។
កូរ៉េខាងជើង ក៏បានរិះគន់ការពង្រាយនាវាចម្បាំងមួយកងរបស់អាមេរិកនៅក្បែរឧបទ្វីបកូរ៉េ ដែលស្ថានការណ៍កំពុងតានតឹងខ្លាំងឡើងៗ។ បើតាមទីភ្នាក់ងារព័ត៌មាន AFP សារព័ត៌មានរដ្ឋកូរ៉េខាងជើង KCNA បានស្រង់សម្ដីអ្នកនាំពាក្យក្រសួងការបរទេសកូរ៉េខាងជើងម្នាក់ ថា ការពង្រាយនាវាចម្បាំងនេះ ដែលមានទាំងនាវាដឹកយន្តហោះ USS Carl Vinson ផងនោះ បានបង្ហាញពីបំណងឈ្លានពានរបស់អាមេរិក ដែលមកដល់ដំណាក់កាលសំខាន់ហើយ។
ក្នុងការអធិប្បាយលើកដំបូងជុំវិញវត្តមានយោធាអាមេរិកនៅថ្ងៃទី១១ ខែមេសានេះ កូរ៉េខាងជើង ក៏ប្រកាសដែរថា ខ្លួនត្រៀមរួចរាល់ហើយដើម្បីធ្វើសង្គ្រាមជាមួយអាមេរិក ហើយអាមេរិកចង់ធ្វើសង្គ្រាមអ្វីក៏បានស្រេចចិត្តចង់។ ជាមួយការប្រកាសនេះ កូរ៉េខាងជើង គឺបានផ្ញើសារម៉ឺងម៉ាត់ទៅឲ្យរដ្ឋបាលប្រធានាធិបតី ដូណាល់ ត្រាំ ដែលចង់ប្រើប្រាស់កម្លាំងទ័ព ដោះស្រាយបញ្ហានៅនុយក្លេអ៊ែរ ខណៈការចរចាមិនបានផលអ្វីសោះ។
មន្ត្រីជាន់ខ្ពស់អាមេរិកនៅថ្ងៃទី៩ ខែមេសានិយាយថា លោក ត្រាំ បានបញ្ជាឲ្យទីប្រឹក្សាសន្តិសុខរបស់លោក រកវិធីសាស្ត្រទាំងឡាយដើម្បីទប់ទល់កូរ៉េខាងជើង។ លោក ត្រាំ ធ្លាប់បញ្ជាក់ហើយថា អាមេរិក អាចចាត់វិធានការឯកតោភាគី ក្នុងការបង្ខំឲ្យកូរ៉េខាងជើងបោះបង់មហិច្ឆតាផលិតអាវុធនុយក្លេអ៊ែរ។ ប៉ុន្តែក្រុងព្យុងយ៉ាង ដែលមិនចេះស្ដាប់នរណា មិនស្ដាប់ការព្រមានរបស់ប្រធានាធិបតីអាមេរិកឡើយ ហើយថែមទាំងបានបន្តកម្មវិធីនុយក្លេអ៊ែររបស់ខ្លួនឥតឈប់ឈរទៀតផង។
គេជឿថា កូរ៉េខាងជើង អាចសាកល្បងនុយក្លេអ៊ែរម្ដងទៀតនៅអំឡុងខែមេសានេះ ដោយសារមានកម្មវិធីពិសេសជាច្រើន។ នៅចុងសប្ដាហ៍នេះ កូរ៉េខាងជើង នឹងអបអរខួបកំណើ់តទី១០៥ឆ្នាំ របស់ស្ថាបនិកកូរ៉េខាងជើង គីម អ៊ីលស៊ុង ដែលតាមទម្លាប់កន្លងមក ប្រទេសនេះអាចសាកល្បងនុយក្លេអ៊ែរឬក៏បាញ់មីស៊ីលបាលីស្ទិកទៀតផង។ កូរ៉េខាងជើង ក៏កំពុងតែអភិវឌ្ឍមីស៊ីលអន្តរទ្វីប ដែលអាចបាញ់ដល់អាមេរិកផងដែរ៕
Tag:
កូរ៉េខាងជើង
អាមេរិក
នុយក្លេអ៊ែរ
© រក្សាសិទ្ធិដោយ thmeythmey.com
