អន្តរជាតិ
ម៉ាឡាឡា ក្លាយជា អ្នកនាំសារសន្តិភាពសម្រាប់ការអប់រំរបស់អង្គការសហប្រជាជាតិវ័យក្មេងបំផុត
12, Apr 2017 , 11:19 am
×![]()
ដោយ: ថ្មីៗ
ប្រមុខអង្គការសហប្រជាជាតិលោក Antonio Guterres សម្រេចតែងតាំងក្មេងស្រីវ័យ ២០ឆ្នាំ ម៉ាឡាឡា (Malala Yousafzai) ជាអ្នកនាំសារសន្តិភាពអង្គការសហប្រជាជាតិសម្រាប់ការអប់រំក្មេងស្រី។ ម៉ាឡាឡា ជាអ្នកតស៊ូមតិសម្រាប់ការអប់រំក្មេងស្រី និងជាម្ចាស់ពានរង្វាន់ណូបែលសន្តិភាពក្មេងបំផុតលើពិភពលោកផងដែរ។
ម៉ាឡាឡា ត្រូវបានអគ្គលេខាធិការអង្គការសហប្រជាជាតិលោក Antonio Guterres តែតាំងជាអ្នកនាំសារសន្តិភាពរបស់អង្គការសហប្រជាជាតិនៅថ្ងៃ ១០មេសា ឆ្នាំ២០១៧នេះ។ ម៉ាឡាឡាដែលជាម្ចាស់ពានរង្វាន់ណូបែលសន្តិភាពនិងជាអ្នកតស៊ូមតិជួយឲ្យក្មេងស្រីបានទទួលការសិក្សារូបនេះ នឹងផ្តោតសំខាន់ការជំរុញនិងលើកស្ទួយអប់រំរបស់ក្មេងស្រីទូទាំងពិភពលោក។
យោងតាមគេហទំព័រអង្គការសហប្រជាជាតិ កម្មវិធីផ្លូវការដើម្បីប្រកាសតួនាទីថ្មីរបស់ ម៉ាឡាឡា នេះធ្វើឡើងនៅទីស្នាក់ការកណ្តាអង្គការសហប្រជាជាតិនៅទីក្រុង ញូវយ៉ក។ ជាមួយតួនាទីថ្មីនេះ ម៉ាឡាឡានឹងក្លាយជាតំណាងខ្ពស់បំផុតរបស់យុវជនទូទាំងពិភពលោកដែលស្ថិតក្នុងវិស័យអប់រំ។
អគ្គលេខាធិការអង្គការសហប្រជាជាតិលោក Antonio Guterres បានថ្លែងថា៖« ក្នុងពេលដែលប្រឈមគ្រោះថ្នាក់ធំ ម៉ាឡាឡា នៅតែបង្ហាញការប្តេជ្ញាចិត្តឥតងាករេចំពោះការគាំទ្រសិទ្ធិស្ត្រី កុមារី និងបណ្តាប្រជាជនទាំងអស់។ សកម្មភាពមុតមាំរបស់នាងក្នុងការគាំទ្រការអប់រំកុមារីបានជំរុញនិងលើកទឹកចិត្តមនុស្សទូទាំងពិភពលោករួចទៅហើយ។ ឥឡូវនេះ ក្នុងនាមជាអ្នកនាំសារនៃសន្តិភាពក្មេងបំផុតរបស់អង្គការសហប្រជាជាតិ ម៉ាឡាឡា នឹងអាចធ្វើការងារបានច្រើនជាងមុនដើម្បីបង្កើតយុត្តិធម៌និងសន្តិភាពទូទាំងពិភពលោកផង»។
តាមពិតទៅ ម៉ាឡាឡា កើតឡើងនៅថ្ងៃ ១២ កក្កដា ឆ្នាំ ១៩៩៧ នៅក្នុងប្រទេសប៉ាគីស្ថាន។ ម៉ាឡាឡា បានក្លាយជានិមិត្តសញ្ញានៃក្តីសង្ឃឹមសម្រាប់កុមារីក្នុងការទទួលបានការអប់រំនៅថ្ងៃ ៩តុលា នៅពេលដែលនាងត្រូវក្រុមតាលីបង់បាញ់។ នាងនៅអាចរស់រានមានជីវិតក្រោយការវាយប្រហារ ហើយក្រោយមកក៏ក្លាយជាអ្នកតស៊ូមតិសម្រាប់ក្មេងស្រីៗដែលមិនទទួលបានការអប់រំរាប់លាននាក់ទូទាំងពិភលោកផង។
មកដល់ឆ្នាម ២០១៣ ម៉ាឡាឡា និងឪពុកនាងបានសម្រេចបង្កើតមូលនិធិមួយសម្រាប់ជួយលើកកម្ពស់ការយល់ដឹងពាក់ព័ន្ធការអប់រំក្មេងស្រី និងការបង្កើនអំណាចដល់ស្ត្រីផងដែរ។ ឆ្នាំ ២០១៤ ម៉ាឡាឡា បានក្លាយជាម្ចាស់ពានរង្វាន់ណូបែលសន្តិភាពដែលក្មេងបំផុតលើពិភពលោក៕
ម៉ាឡាឡា ត្រូវបានអគ្គលេខាធិការអង្គការសហប្រជាជាតិលោក Antonio Guterres តែតាំងជាអ្នកនាំសារសន្តិភាពរបស់អង្គការសហប្រជាជាតិនៅថ្ងៃ ១០មេសា ឆ្នាំ២០១៧នេះ។ ម៉ាឡាឡាដែលជាម្ចាស់ពានរង្វាន់ណូបែលសន្តិភាពនិងជាអ្នកតស៊ូមតិជួយឲ្យក្មេងស្រីបានទទួលការសិក្សារូបនេះ នឹងផ្តោតសំខាន់ការជំរុញនិងលើកស្ទួយអប់រំរបស់ក្មេងស្រីទូទាំងពិភពលោក។
យោងតាមគេហទំព័រអង្គការសហប្រជាជាតិ កម្មវិធីផ្លូវការដើម្បីប្រកាសតួនាទីថ្មីរបស់ ម៉ាឡាឡា នេះធ្វើឡើងនៅទីស្នាក់ការកណ្តាអង្គការសហប្រជាជាតិនៅទីក្រុង ញូវយ៉ក។ ជាមួយតួនាទីថ្មីនេះ ម៉ាឡាឡានឹងក្លាយជាតំណាងខ្ពស់បំផុតរបស់យុវជនទូទាំងពិភពលោកដែលស្ថិតក្នុងវិស័យអប់រំ។
អគ្គលេខាធិការអង្គការសហប្រជាជាតិលោក Antonio Guterres បានថ្លែងថា៖« ក្នុងពេលដែលប្រឈមគ្រោះថ្នាក់ធំ ម៉ាឡាឡា នៅតែបង្ហាញការប្តេជ្ញាចិត្តឥតងាករេចំពោះការគាំទ្រសិទ្ធិស្ត្រី កុមារី និងបណ្តាប្រជាជនទាំងអស់។ សកម្មភាពមុតមាំរបស់នាងក្នុងការគាំទ្រការអប់រំកុមារីបានជំរុញនិងលើកទឹកចិត្តមនុស្សទូទាំងពិភពលោករួចទៅហើយ។ ឥឡូវនេះ ក្នុងនាមជាអ្នកនាំសារនៃសន្តិភាពក្មេងបំផុតរបស់អង្គការសហប្រជាជាតិ ម៉ាឡាឡា នឹងអាចធ្វើការងារបានច្រើនជាងមុនដើម្បីបង្កើតយុត្តិធម៌និងសន្តិភាពទូទាំងពិភពលោកផង»។
តាមពិតទៅ ម៉ាឡាឡា កើតឡើងនៅថ្ងៃ ១២ កក្កដា ឆ្នាំ ១៩៩៧ នៅក្នុងប្រទេសប៉ាគីស្ថាន។ ម៉ាឡាឡា បានក្លាយជានិមិត្តសញ្ញានៃក្តីសង្ឃឹមសម្រាប់កុមារីក្នុងការទទួលបានការអប់រំនៅថ្ងៃ ៩តុលា នៅពេលដែលនាងត្រូវក្រុមតាលីបង់បាញ់។ នាងនៅអាចរស់រានមានជីវិតក្រោយការវាយប្រហារ ហើយក្រោយមកក៏ក្លាយជាអ្នកតស៊ូមតិសម្រាប់ក្មេងស្រីៗដែលមិនទទួលបានការអប់រំរាប់លាននាក់ទូទាំងពិភលោកផង។
មកដល់ឆ្នាម ២០១៣ ម៉ាឡាឡា និងឪពុកនាងបានសម្រេចបង្កើតមូលនិធិមួយសម្រាប់ជួយលើកកម្ពស់ការយល់ដឹងពាក់ព័ន្ធការអប់រំក្មេងស្រី និងការបង្កើនអំណាចដល់ស្ត្រីផងដែរ។ ឆ្នាំ ២០១៤ ម៉ាឡាឡា បានក្លាយជាម្ចាស់ពានរង្វាន់ណូបែលសន្តិភាពដែលក្មេងបំផុតលើពិភពលោក៕
Tag:
Antonio Guterres
Malala Yousafzai
អ្នកនាំសារសន្តិភាព
© រក្សាសិទ្ធិដោយ thmeythmey.com
