អន្តរជាតិ
កូរ៉េខាងជើង ថានុយក្លេអ៊ែររបស់ខ្លួន មិនមែនសម្រាប់ដាក់លើតុចរចាឡើយ
18, Apr 2017 , 7:39 pm
មីស៊ីលរបស់កូរ៉េខាងជើងក្នុងពិធីព្យុហយាត្រាយោធា (រូបភាព Reuters)
×![]()
ដោយ: តន ចាន់រិទ្ធារ៉ា
ជាមួយនឹងស្ថានការណ៍តឹងតែងខ្លាំងនៅឧបទ្វីបកូរ៉េ ចិន ដែលជាអ្នកជិតខាងរបស់កូរ៉េខាងជើង បានស្នើឲ្យភាគីទាំងអស់រក្សាការអត់ធ្មត់ និងវិលចូលតុចរចាដើម្បីដោះស្រាយបញ្ហា។ ចិន ចង់ឲ្យគ្រប់ភាគីទាំងអស់ស្រោចស្រង់ការចរចា៦ភាគីស្ដីពីនុយក្លេអ៊ែរកូរ៉េខាងជើងឡើងវិញ។ ប៉ុន្តែកូរ៉េខាងជើង បែរជាហៅការចរចា ៦ ភាគីដែលជាប់គាំងជាច្រើនឆ្នាំ ជាការគាបសង្កត់ទៅវិញ ហើយថែមទាំងប្រកាសថា នុយក្លេអ៊ែររបស់ខ្លួន មិនមែនសម្រាប់ដោះដូរទេ។
ជាថ្មីម្ដងទៀត កូរ៉េខាងជើង បានព្រមានថា កងទ័ពរបស់ខ្លួនត្រូវបានដាក់ឲ្យស្ថិតក្នុងការប្រុងជើងការកម្រិតខ្ពស់បំផុត និងត្រៀមវាយបកលើបច្ចាមិត្ត បើមានការវាយប្រហារណាមួយលើអធិបតេយ្យរបស់ខ្លួន។ ការប្រកាសនេះធ្វើឡើង ក្រោយអនុប្រធានាធិបតីអាមេរិក Mike Pence ដែលទើបបញ្ចប់ទស្សនកិច្ចនៅកូរ៉េខាងត្បូង បានបញ្ជាក់ម្ដងទៀតពីជម្រើសទាំងអស់សម្រាប់ដោះស្រាយបញ្ហាកូរ៉េខាងជើង រាប់ទាំងជម្រើសផ្នែកយោធាផង។
ក្នុងកិច្ចសម្ភាសជាមួយសារព័ត៌មាន Al Jazeera នៅថ្ងៃទី១៧ ខែមសា អនុរដ្ឋមន្ត្រីការបរទេសកូរ៉េខាងជើង Sin Hong-chol បានផ្ញើសារទៅឲ្យរដ្ឋបាលប្រធានាធិបតី ដូណាល់ ត្រាំ ថា ការណ៍ដែលអាមេរិកចង់យកទណ្ឌកម្មសេដ្ឋកិច្ចដូចដែលរដ្ឋបាល បារ៉ាក់ អូបាម៉ា ធ្លាប់ធ្វើ ឬក៏សម្ញែងអានុភាពយោធា ដើម្បីបន្លាចកូរ៉េខាងជើង គឺជារឿងអត់ប្រយោជន៍សុទ្ធសាធ។ តែការបង្អួតកម្លាំងយោធា នឹងផ្ដល់ផលមិនល្អសងវិញ បើហ៊ានបំពានអធិបតេយ្យកូរ៉េខាងជើងតែបន្តិច។
មន្ត្រីការទូតជាន់ខ្ពស់រូបនេះសង្កត់ធ្ងន់ថា កងទ័ពកូរ៉េខាងជើង នឹងវាយបកដោយគ្មានត្រាប្រណីប្រឆាំងទង្វើឈ្លានពានរបស់អាមេរិក ទោះជាពួកគេនៅទីណាក៏ដោយ។ លើសពីនោះ យោធាកូរ៉េខាងជើង នឹងមិនលើកលែងឲ្យកងទ័ពអាមេរិកឡើយ ពោលគឺមូលដ្ឋានកងទ័ពអាមេរិកនៅគ្រប់កន្លែង មិនថានៅទឹកដីអាមេរិកផ្ទាល់ ឬក៏នៅជប៉ុនទេ សុទ្ធតែជាគោលដៅវាយប្រហារដោយអាវុធនុយក្លេអ៊ែររបស់ខ្លួនទាំងអស់។
អ្វីគួរឲ្យកត់សម្គាល់នោះ កូរ៉េខាងជើង ហាក់បោះបង់ជម្រើសនៃការចរចាដើម្បីបញ្ចប់វិបត្តិនៅឧបទ្វីបកូរ៉េ។ ការវិលទៅរកការចរចា៦ភាគី គឺជាអ្វីដែលចិនស្នើទៅគ្រប់ភាគីទាំងអស់ ក្នុងន័យដោះស្រាយបញ្ហាដោយសន្តិវិធី។ ប៉ុន្តែអាមេរិក ធ្លាប់លើកឡើងហើយថា ការចរចាជាច្រើនឆ្នាំមកនេះបរាជ័យ ហើយក៏គ្មានបានការអ្វីទៀតដែរ។ ចំណែកកូរ៉េខាងជើងវិញ ចាត់ទុកការចរចា៦ភាគីនេះ គ្រាន់តែជាវេទិកាចាប់បង្ខំមួយប៉ុណ្ណោះ ហើយម្យ៉ាងទៀតនុយក្លេអ៊ែរ ក៏មិនមែនជាវត្ថុសម្រាប់ដោះដូរដែរ។
អនុរដ្ឋមន្ត្រីការបរទេសកូរ៉េខាងជើងបញ្ជាក់ថា៖ «អាវុធនុយក្លេអ៊ែរដែលកូរ៉េខាងជើងមាន មិនមែនជារឿងថ្ពិនភ្នែកឡើយ។ អាវុធនេះ ក៏មិនមែនជារបស់សម្រាប់ដោះដូរជាមួយលុយដុល្លារអាមេរិក ឬក៏សម្រាប់លក់ដូរអ្វីដែរ។ ដូច្នេះអាវុធប្រភេទនេះ មិនអាចដាក់លើតុចរចា ដែលមានគោលដៅកម្ទេចខ្លួនឯងទេ»៕
ជាថ្មីម្ដងទៀត កូរ៉េខាងជើង បានព្រមានថា កងទ័ពរបស់ខ្លួនត្រូវបានដាក់ឲ្យស្ថិតក្នុងការប្រុងជើងការកម្រិតខ្ពស់បំផុត និងត្រៀមវាយបកលើបច្ចាមិត្ត បើមានការវាយប្រហារណាមួយលើអធិបតេយ្យរបស់ខ្លួន។ ការប្រកាសនេះធ្វើឡើង ក្រោយអនុប្រធានាធិបតីអាមេរិក Mike Pence ដែលទើបបញ្ចប់ទស្សនកិច្ចនៅកូរ៉េខាងត្បូង បានបញ្ជាក់ម្ដងទៀតពីជម្រើសទាំងអស់សម្រាប់ដោះស្រាយបញ្ហាកូរ៉េខាងជើង រាប់ទាំងជម្រើសផ្នែកយោធាផង។
ក្នុងកិច្ចសម្ភាសជាមួយសារព័ត៌មាន Al Jazeera នៅថ្ងៃទី១៧ ខែមសា អនុរដ្ឋមន្ត្រីការបរទេសកូរ៉េខាងជើង Sin Hong-chol បានផ្ញើសារទៅឲ្យរដ្ឋបាលប្រធានាធិបតី ដូណាល់ ត្រាំ ថា ការណ៍ដែលអាមេរិកចង់យកទណ្ឌកម្មសេដ្ឋកិច្ចដូចដែលរដ្ឋបាល បារ៉ាក់ អូបាម៉ា ធ្លាប់ធ្វើ ឬក៏សម្ញែងអានុភាពយោធា ដើម្បីបន្លាចកូរ៉េខាងជើង គឺជារឿងអត់ប្រយោជន៍សុទ្ធសាធ។ តែការបង្អួតកម្លាំងយោធា នឹងផ្ដល់ផលមិនល្អសងវិញ បើហ៊ានបំពានអធិបតេយ្យកូរ៉េខាងជើងតែបន្តិច។
មន្ត្រីការទូតជាន់ខ្ពស់រូបនេះសង្កត់ធ្ងន់ថា កងទ័ពកូរ៉េខាងជើង នឹងវាយបកដោយគ្មានត្រាប្រណីប្រឆាំងទង្វើឈ្លានពានរបស់អាមេរិក ទោះជាពួកគេនៅទីណាក៏ដោយ។ លើសពីនោះ យោធាកូរ៉េខាងជើង នឹងមិនលើកលែងឲ្យកងទ័ពអាមេរិកឡើយ ពោលគឺមូលដ្ឋានកងទ័ពអាមេរិកនៅគ្រប់កន្លែង មិនថានៅទឹកដីអាមេរិកផ្ទាល់ ឬក៏នៅជប៉ុនទេ សុទ្ធតែជាគោលដៅវាយប្រហារដោយអាវុធនុយក្លេអ៊ែររបស់ខ្លួនទាំងអស់។
អ្វីគួរឲ្យកត់សម្គាល់នោះ កូរ៉េខាងជើង ហាក់បោះបង់ជម្រើសនៃការចរចាដើម្បីបញ្ចប់វិបត្តិនៅឧបទ្វីបកូរ៉េ។ ការវិលទៅរកការចរចា៦ភាគី គឺជាអ្វីដែលចិនស្នើទៅគ្រប់ភាគីទាំងអស់ ក្នុងន័យដោះស្រាយបញ្ហាដោយសន្តិវិធី។ ប៉ុន្តែអាមេរិក ធ្លាប់លើកឡើងហើយថា ការចរចាជាច្រើនឆ្នាំមកនេះបរាជ័យ ហើយក៏គ្មានបានការអ្វីទៀតដែរ។ ចំណែកកូរ៉េខាងជើងវិញ ចាត់ទុកការចរចា៦ភាគីនេះ គ្រាន់តែជាវេទិកាចាប់បង្ខំមួយប៉ុណ្ណោះ ហើយម្យ៉ាងទៀតនុយក្លេអ៊ែរ ក៏មិនមែនជាវត្ថុសម្រាប់ដោះដូរដែរ។
អនុរដ្ឋមន្ត្រីការបរទេសកូរ៉េខាងជើងបញ្ជាក់ថា៖ «អាវុធនុយក្លេអ៊ែរដែលកូរ៉េខាងជើងមាន មិនមែនជារឿងថ្ពិនភ្នែកឡើយ។ អាវុធនេះ ក៏មិនមែនជារបស់សម្រាប់ដោះដូរជាមួយលុយដុល្លារអាមេរិក ឬក៏សម្រាប់លក់ដូរអ្វីដែរ។ ដូច្នេះអាវុធប្រភេទនេះ មិនអាចដាក់លើតុចរចា ដែលមានគោលដៅកម្ទេចខ្លួនឯងទេ»៕
Tag:
កូរ៉េខាងជើង
នុយក្លេអ៊ែរ
© រក្សាសិទ្ធិដោយ thmeythmey.com
