អន្តរជាតិ
បុរសម្នាក់ត្រូវខ្យាដំរីទិចពេលធ្វើដំណើរនៅលើយន្តហោះ United Airlines
18, Apr 2017 , 8:39 pm
×![]()
ដោយ: ធីតា
ក្នុងថ្ងៃតែមួយដែលបុរសម្នាក់រងអំពើហិង្សាដោយការទាញចេញពីយន្តហោះ សារព័ត៌មាន CNN បានរាយការណ៍ថា ក្រុមហ៊ុនអាកាសចរណ៍ United ជួបរឿងដែលមិនគួរឲ្យនឹកស្មានដល់មួយទៀត ដោយអ្នកដំណើរម្នាក់ទៀត រងរបួសដោយសារ ខ្យាដំរីបានទិច ខណៈគាត់ធ្វើដំណើរពីក្រុង Houson សហរដ្ឋអាមេរិក ទៅក្រុង Calgary ប្រទេសកាណាដា។
លោក Richard Bell និងភរិយាឈ្មោះ Linda បានវិលត្រឡប់ពីដំណើរវិស្សមកាលរបស់ខ្លួនដោយចេញដំណើរតាមជើងហោះហើរក្រុមហ៊ុនអាកាសចរណ៍ United ពីក្រុង Houston ទៅ Calgary។ នៅពេលដែលលោក Richard ទាញប្រអប់នៅខាងមុខខ្លួនដើម្បីរៀបចំញ៉ាំអាហារ ស្រាប់តែមានសត្វខ្យាដំរី១ ធ្លាក់ចំលើក្បាលរបស់លោក បន្ទាប់មកបានទិចគាត់តែម្តង។
អ្នកស្រី Linda បានរៀបរាប់ប្រាប់ CNN ថា ស្វាមីរបស់អ្នកស្រី មិនបានដឹងភ្លាមៗថា ជាសត្វខ្យាដំរីនោះឡើយ។ បន្ទាប់ពីគាត់បានគ្រវាសចេញ ទើបអ្នកដំណើរនៅជិតនោះឃើញ ស្រែកទាំងភ្ញាក់ផ្អើលថា «ឱព្រះជាម្ចាស់ សត្វខ្យាដំរី»។ ជាមួយគ្នានេះផងដែរ អ្នកដំណើរម្នាក់បានយកថ្នាំឲ្យលោក Richard លាបដើម្បីបំបាត់ការឈឺចាប់។
តាមសេចក្តីរាយការណ៍ បុគ្គលិកហោះហើរម្នាក់ បានប្រញាប់យកខ្យាដំរីនោះទៅចោលក្នុងបន្ទប់ទឹក។ ក្រោយមក ក្រុមហ៊ុនអាកាសចរណ៍ United បានចេញសេចក្តីប្រកាសព័ត៌មានថា បុគ្គលិកក្រុមហ៊ុន បានភ្ជាប់ទំនាក់ទំនងភ្លាមៗទៅគ្រូពេទ្យដែលនៅលើដី ដើម្បីត្រៀមរៀបចំការព្យាបាល ហើយក្រុមហ៊ុនបានអះអាងថា នេះមិនមែនជាគ្រោះថ្នាក់ដែលបណ្តាលឲ្យមានមនុស្សស្លាប់នោះឡើយ។
មិនមានការអះអាងថា ទាក់ទងនឹងប្រភពរបស់ខ្យាដំរីនោះឡើយ តែបើតាមប្រភពដែល CNN ទទួលបាន យន្តហោះទើបតែចេញពីប្រទេសកូស្តារីកាមួយថ្ងៃ មុនចុះចតនៅ Houston។ ៥ថ្ងៃក្រោយឧប្បត្តិហេតុ អ្នកស្រី Linda បានអះអាងថា ក្រុមហ៊ុន United បានសងជំងឺចិត្តដល់គ្រួសារអ្នកស្រី ប៉ុន្តែគាត់មិនបានបញ្ជាក់ពីទំហំទឹកប្រាក់នោះឡើយ។
ករណីបែបនេះ មិនមែនទើបតែកើតឡើងជាលើកទី១នោះឡើយ កាលពីឆ្នាំ២០១៥ ស្ត្រីម្នាក់ត្រូវបានរាយការណ៍ថា រងគ្រោះដោយសារខ្យាដំរីទិចក្នុងដំណើរពី Los Angeles ទៅ Portland តាមយន្តហោះ Alaska Airlines។ កាលពីខែវិច្ឆិកា ឆ្នាំ២០១៦ គេបានឃើញពស់មួយក្បាលនៅលើយន្តហោះ Aeromexico ក្នុងដំណើរពី Torreon ទៅក្រុងម៉ិចស៊ីកូ ផងដែរ៕
លោក Richard Bell និងភរិយាឈ្មោះ Linda បានវិលត្រឡប់ពីដំណើរវិស្សមកាលរបស់ខ្លួនដោយចេញដំណើរតាមជើងហោះហើរក្រុមហ៊ុនអាកាសចរណ៍ United ពីក្រុង Houston ទៅ Calgary។ នៅពេលដែលលោក Richard ទាញប្រអប់នៅខាងមុខខ្លួនដើម្បីរៀបចំញ៉ាំអាហារ ស្រាប់តែមានសត្វខ្យាដំរី១ ធ្លាក់ចំលើក្បាលរបស់លោក បន្ទាប់មកបានទិចគាត់តែម្តង។
អ្នកស្រី Linda បានរៀបរាប់ប្រាប់ CNN ថា ស្វាមីរបស់អ្នកស្រី មិនបានដឹងភ្លាមៗថា ជាសត្វខ្យាដំរីនោះឡើយ។ បន្ទាប់ពីគាត់បានគ្រវាសចេញ ទើបអ្នកដំណើរនៅជិតនោះឃើញ ស្រែកទាំងភ្ញាក់ផ្អើលថា «ឱព្រះជាម្ចាស់ សត្វខ្យាដំរី»។ ជាមួយគ្នានេះផងដែរ អ្នកដំណើរម្នាក់បានយកថ្នាំឲ្យលោក Richard លាបដើម្បីបំបាត់ការឈឺចាប់។
តាមសេចក្តីរាយការណ៍ បុគ្គលិកហោះហើរម្នាក់ បានប្រញាប់យកខ្យាដំរីនោះទៅចោលក្នុងបន្ទប់ទឹក។ ក្រោយមក ក្រុមហ៊ុនអាកាសចរណ៍ United បានចេញសេចក្តីប្រកាសព័ត៌មានថា បុគ្គលិកក្រុមហ៊ុន បានភ្ជាប់ទំនាក់ទំនងភ្លាមៗទៅគ្រូពេទ្យដែលនៅលើដី ដើម្បីត្រៀមរៀបចំការព្យាបាល ហើយក្រុមហ៊ុនបានអះអាងថា នេះមិនមែនជាគ្រោះថ្នាក់ដែលបណ្តាលឲ្យមានមនុស្សស្លាប់នោះឡើយ។
មិនមានការអះអាងថា ទាក់ទងនឹងប្រភពរបស់ខ្យាដំរីនោះឡើយ តែបើតាមប្រភពដែល CNN ទទួលបាន យន្តហោះទើបតែចេញពីប្រទេសកូស្តារីកាមួយថ្ងៃ មុនចុះចតនៅ Houston។ ៥ថ្ងៃក្រោយឧប្បត្តិហេតុ អ្នកស្រី Linda បានអះអាងថា ក្រុមហ៊ុន United បានសងជំងឺចិត្តដល់គ្រួសារអ្នកស្រី ប៉ុន្តែគាត់មិនបានបញ្ជាក់ពីទំហំទឹកប្រាក់នោះឡើយ។
ករណីបែបនេះ មិនមែនទើបតែកើតឡើងជាលើកទី១នោះឡើយ កាលពីឆ្នាំ២០១៥ ស្ត្រីម្នាក់ត្រូវបានរាយការណ៍ថា រងគ្រោះដោយសារខ្យាដំរីទិចក្នុងដំណើរពី Los Angeles ទៅ Portland តាមយន្តហោះ Alaska Airlines។ កាលពីខែវិច្ឆិកា ឆ្នាំ២០១៦ គេបានឃើញពស់មួយក្បាលនៅលើយន្តហោះ Aeromexico ក្នុងដំណើរពី Torreon ទៅក្រុងម៉ិចស៊ីកូ ផងដែរ៕
Tag:
ប្លែកៗ
យន្តហោះ
ខ្យាដំរី
© រក្សាសិទ្ធិដោយ thmeythmey.com
