អន្តរជាតិ
ឥណ្ឌូណេស៊ីអន់ចិត្តដែលស្តេចអារ៉ាប៊ីសាអូឌីតដាក់ទុនវិនិយោគនៅចិនច្រើនជាងឥណ្ឌូណេស៊ី
18, Apr 2017 , 10:59 pm
រូបភាព៖ ហ្វេសប៊ុកប្រធានាធិបតី ចូកូ វីដូដូ
×![]()
ដោយ: ថ្មីៗ
ប្រធានាធិបតីឥណ្ឌូណេស៊ី លោក ចូកូ វីដូដូ បានថ្លែងប្រាប់អ្នកសារព័ត៌មានពាក់ព័ន្ធដំណើរទស្សនកិច្ចរបស់ក្សត្រអារ៉ាប៊ីសាអូឌីត Salman កន្លងទៅ តែលោកបង្ហើបថាលោក អន់ចិត្តដែលស្តេចអារ៉ាប៊ីសាអូឌីត។ លោកពន្យល់ថា លោកខំបាំងឆ័ត្រឲ្យក្សត្រអង្គនេះពេលភ្លៀងនិងបើកឡានដោយខ្លួនឯងជូនទ្រង់ដើរលេងផង តែចុងក្រោយនៅទំហំលុយដែលក្សត្រអារ៉ាប៊ីសាអូឌីតដាក់វិនិយោគនៅឥណ្ឌូណេស៊ីនៅតែតិចជាងនៅចិនដដែល។
ក្នុងពេលថ្លែងសុន្ទរកថាទៅកាន់អ្នកចូលរួមនៅសាលាមួយនាខេត្តជ្វាខាងលិច ប្រធានាធិបធីឥណ្ឌូណេស៊ីលោក ចូកូ វីដូដូ (Joko Widodo) បានរម្លឹកជាថ្មីពីពេលវេលាដែលលោកទទួលស្វាគមន៍មហាក្សត្រអារ៉ាប៊ីសាអូឌីត Salman bin Abdulaziz Al Saud កាលពីដើមមីនា។
យោងតាមសារព័ត៌មានឥណ្ឌូណេស៊ី Tempo អ្វីដែលគួរឲ្យចាប់អារម្មណ៍ក្នុងសុន្ទរកថានោះគឺ មេដឹកនាំរដ្ឋមូស្លីមធំជាងគេលើកពិភពលោកនេះ បានប្រាប់ថាលោកអន់ចិត្តដែរចំពោះស្តេចអារ៉ាប៊ីសាអូឌីត។ លោក វីដូដូ បានបង្ហើបថា លោកអន់ចិត្តព្រោះតែអារ៉ាប៊ីសាអូឌីតមិនដាក់ទុនវិនិយោគនៅឥណ្ឌូណេស៊ីឲ្យច្រើនដូចនៅចិនឡើយ ទាំងដែលឥណ្ឌូណេស៊ីនប្រឹងស្វាគមន៍និងផ្គាប់ចិត្តកន្លងក៏ដោយ។
លោក វីដូដូ បានថ្លែងដូច្នេះថា៖« ខ្ញុំអន់ចិត្តបន្តិចដែរចំពោះការវិនិយោគរបស់អារ៉ាប៊ីសាអូឌីត។ ទំហំលុយវិនិយោគនៅឥណ្ឌូណេស៊ីតិច! តិចមែន»។
និយាយដល់ទំហំវិនិយោគនេះ វាជារឿងពិតមួយ។ ក្នុងដំណើរទស្សនកិច្ចកន្លងមករបស់ស្តេចអារ៉ាប៊ីសាអូឌីត ឥណ្ឌូណេស៊ីទាញបានការវិនិយោគតិចជាងមហាយក្សចិន។ឥណ្ឌូណេស៊ីទទួលបានគម្រោងវិនិយោគដែលមានទំហំ ៨៩ ទ្រីលានរ៉ូពី ឬស្មើជិត ១០ពាន់លានដុល្លារ ខណៈដែលចិនទាញបានគម្រោងវិនិយោគដែលមានទំហំ ៨៧០ ទ្រីលានរ៉ូពី ឬស្មើជាង ៧០ពាន់លានដុល្លារអាមេរិកឯណោះ។ ដូច្នេះបានជាលោក វីដូដូ អន់ចិត្តបែបនេះ។
ប្រធានាធិបតីឥណ្ឌូណេស៊ីរូបនេះបានបង្ហើបផងដែរថា លោករំពឹងខ្ពស់ណាស់ចំពោះទស្សនកិច្ចរបស់ក្សត្រអារ៉ាប៊ីសាអូឌីត ហើយលោកលួចសង្ឃឹមថាទំហំវិនិយោគដែលឥណ្ឌូណេស៊ីទទួលបានក៏ច្រើនយ៉ាងតិចណាស់ក៏២៥ពាន់លានដុល្លារដែរ។ នេះក៏ដោយសារឥណ្ឌូណេស៊ីបានរៀបចំទទួលស្វាគមន៍ក្សត្រអង្គនេះយ៉ាងកក់ក្តៅបំផុត ហើយសូម្បីតែលោកផ្ទាល់ក៏ចេញបាំងឆ័ត្រនិងបើកឡានជូនព្រះចៅ Salman ដើរលេងដោយផ្ទាល់ទៀត។
«ខ្ញុំថែមទាំងបាំងឆ័ត្រឲ្យស្តេច Salman ពេលមេឃភ្លៀង។ ខ្ញុំក៏បើកឡានដោយផ្ទាល់ជូនលោកមើលទេសភាពនៅជុំវិញវិមាន Bogorទៀត»។ នេះជាការបញ្ជាក់របស់លោក វីដូដូ ពាក់ព័ន្ធរឿងដែលលោកអន់ចិត្តក្រោយទស្សនកិច្ចស្តេចអារ៉ាប៊ីសាអូឌីត។
ក្នុងពេលថ្លែងសុន្ទរកថាទៅកាន់អ្នកចូលរួមនៅសាលាមួយនាខេត្តជ្វាខាងលិច ប្រធានាធិបធីឥណ្ឌូណេស៊ីលោក ចូកូ វីដូដូ (Joko Widodo) បានរម្លឹកជាថ្មីពីពេលវេលាដែលលោកទទួលស្វាគមន៍មហាក្សត្រអារ៉ាប៊ីសាអូឌីត Salman bin Abdulaziz Al Saud កាលពីដើមមីនា។
យោងតាមសារព័ត៌មានឥណ្ឌូណេស៊ី Tempo អ្វីដែលគួរឲ្យចាប់អារម្មណ៍ក្នុងសុន្ទរកថានោះគឺ មេដឹកនាំរដ្ឋមូស្លីមធំជាងគេលើកពិភពលោកនេះ បានប្រាប់ថាលោកអន់ចិត្តដែរចំពោះស្តេចអារ៉ាប៊ីសាអូឌីត។ លោក វីដូដូ បានបង្ហើបថា លោកអន់ចិត្តព្រោះតែអារ៉ាប៊ីសាអូឌីតមិនដាក់ទុនវិនិយោគនៅឥណ្ឌូណេស៊ីឲ្យច្រើនដូចនៅចិនឡើយ ទាំងដែលឥណ្ឌូណេស៊ីនប្រឹងស្វាគមន៍និងផ្គាប់ចិត្តកន្លងក៏ដោយ។
លោក វីដូដូ បានថ្លែងដូច្នេះថា៖« ខ្ញុំអន់ចិត្តបន្តិចដែរចំពោះការវិនិយោគរបស់អារ៉ាប៊ីសាអូឌីត។ ទំហំលុយវិនិយោគនៅឥណ្ឌូណេស៊ីតិច! តិចមែន»។
និយាយដល់ទំហំវិនិយោគនេះ វាជារឿងពិតមួយ។ ក្នុងដំណើរទស្សនកិច្ចកន្លងមករបស់ស្តេចអារ៉ាប៊ីសាអូឌីត ឥណ្ឌូណេស៊ីទាញបានការវិនិយោគតិចជាងមហាយក្សចិន។ឥណ្ឌូណេស៊ីទទួលបានគម្រោងវិនិយោគដែលមានទំហំ ៨៩ ទ្រីលានរ៉ូពី ឬស្មើជិត ១០ពាន់លានដុល្លារ ខណៈដែលចិនទាញបានគម្រោងវិនិយោគដែលមានទំហំ ៨៧០ ទ្រីលានរ៉ូពី ឬស្មើជាង ៧០ពាន់លានដុល្លារអាមេរិកឯណោះ។ ដូច្នេះបានជាលោក វីដូដូ អន់ចិត្តបែបនេះ។
ប្រធានាធិបតីឥណ្ឌូណេស៊ីរូបនេះបានបង្ហើបផងដែរថា លោករំពឹងខ្ពស់ណាស់ចំពោះទស្សនកិច្ចរបស់ក្សត្រអារ៉ាប៊ីសាអូឌីត ហើយលោកលួចសង្ឃឹមថាទំហំវិនិយោគដែលឥណ្ឌូណេស៊ីទទួលបានក៏ច្រើនយ៉ាងតិចណាស់ក៏២៥ពាន់លានដុល្លារដែរ។ នេះក៏ដោយសារឥណ្ឌូណេស៊ីបានរៀបចំទទួលស្វាគមន៍ក្សត្រអង្គនេះយ៉ាងកក់ក្តៅបំផុត ហើយសូម្បីតែលោកផ្ទាល់ក៏ចេញបាំងឆ័ត្រនិងបើកឡានជូនព្រះចៅ Salman ដើរលេងដោយផ្ទាល់ទៀត។
«ខ្ញុំថែមទាំងបាំងឆ័ត្រឲ្យស្តេច Salman ពេលមេឃភ្លៀង។ ខ្ញុំក៏បើកឡានដោយផ្ទាល់ជូនលោកមើលទេសភាពនៅជុំវិញវិមាន Bogorទៀត»។ នេះជាការបញ្ជាក់របស់លោក វីដូដូ ពាក់ព័ន្ធរឿងដែលលោកអន់ចិត្តក្រោយទស្សនកិច្ចស្តេចអារ៉ាប៊ីសាអូឌីត។
Tag:
ចូកូ វីដូដូ
ឥណ្ឌូណេស៊ី
អារ៉ាប៊ីសាអូឌីត
ចិន
Salman
© រក្សាសិទ្ធិដោយ thmeythmey.com
