អន្តរជាតិ
អង់គ្លេសរៀបចំបោះឆ្នោតមុនអាណត្តិខែមិថុនា តែអឺរ៉ុបថាគម្រោងលែងលះគ្នាមិនប្រែប្រួលឡើយ
19, Apr 2017 , 2:54 pm
×![]()
ដោយ: តន ចាន់រិទ្ធារ៉ា
នាយករដ្ឋមន្ត្រីចក្រភពអង់គ្លេស Theresa May បានប្រកាសរៀបចំការបោះឆ្នោតមុនអាណត្តិ ដែលគ្រោងរៀបចំនៅថ្ងៃទី៨ ខែមិថុនា ឆ្នាំ២០១៧ គឺមុនប៉ុន្មានថ្ងៃប៉ុណ្ណោះនៃខួប១ឆ្នាំនៃប្រជាមតិចាកចេញពីសហភាពអឺរ៉ុប។ ការសម្រេចចិត្តនេះ គឺផ្ទុយពីជំហររបស់លោកស្រីដែលទាត់ចោលគម្រោងបោះឆ្នោតមុនអាណត្តិនាពេលកន្លងមក។ នាយករដ្ឋមន្ត្រី May អះអាងថា ការបោះឆ្នោតមុនអាណត្តិនេះ ជារឿងចាំបាច់ ដ្បិតក្រុមបក្សប្រឆាំងមិនគាំទ្រផែនការចរចារបស់រដ្ឋាភិបាលលោកស្រីឡើយ។
ការចរចាលែងលះរវាងចក្រភពអង់គ្លេស និងសហភាពអឺរ៉ុប កំពុងស្ថិតក្នុងស្ថានភាពមិនច្បាស់លាស់ ក្រោយនាយករដ្ឋមន្ត្រី Theresa May ប្រកាសផែនការរៀបចំការបោះឆ្នោតមុនអាណត្តិដ៍គួរឲ្យភ្ញាក់ផ្អើល។ លោកស្រី May និយាយថា ចក្រភពអង់គ្លេស ត្រូវការភាពច្បាស់លាស់, ស្ថិរភាព និងការដឹកនាំដ៍រឹងមាំមួយ បន្ទាប់ស្ថានការណ៍នយោបាយក្នុងប្រទេសរង្គោះរង្គើដោយសារការធ្វើប្រជាមតិចាកចេញកាលពីខែមិថុនា ឆ្នាំ២០១៦ ។
ជុំវិញមូលហេតុនៃការស្នើឲ្យមានការបោះឆ្នោតមុនអាណត្តិនេះ លោកស្រី May លើកឡើងថា ប្រជាជនអង់គ្លេសសម្រេចចិត្តរួចទៅហើយ តែអ្នកនយោបាយនៅស្ថាប័ននីតិបញ្ញត្តិ មិនមានគំនិតស្របគ្នាទេ។ សមាជិកសភាខ្លះមកពីបក្សប្រឆាំង និងបក្សជាតិនិយមស្កុតឡែន មិនគាំទ្រផែនការដែលរដ្ឋាភិបាលលោកស្រីដាក់ចេញដើម្បីយកទៅចរចាជាមួយសហភាពអឺរ៉ុបទេ ហើយពួកគេអាចបោះឆ្នោតជំទាស់រាល់កិច្ចព្រមព្រៀងដែលសម្រេចបានទៀតផង។
បើតាមសារព័ត៌មាន BBC នាយករដ្ឋមន្ត្រី May ក៏បានចោទប្រកាន់បក្សនយោបាយខ្លះថាកំពុងលេងល្បែងនយោបាយ។ លោកស្រី បន្តថាល្បែងនយោបាយនេះ គឺជាគ្រោះថ្នាក់សម្រាប់ការចរចាចាកចេញ ព្រោះវាមិននាំផលល្អដល់ប្រទេសឡើយ។ ផ្ទុយទៅវិញ វានឹងធ្វើឲ្យអង់គ្លេសដើរទៅរកភាពមិនច្បាស់លាស់ និងអស្ថិរភាពទៅវិញទេ។ ដូច្នេះទើបលោកស្រីផ្លាស់ប្ដូរចិត្ត និងសម្រេចស្នើឲ្យមានការបោះឆ្នោតមុនអាណត្តិតែម្ដង ហើយម្យ៉ាងលោកស្រី ក៏មិនអាចទប់ទល់ស្ថានការណ៍នេះដល់ការបោះឆ្នោតឆ្នាំ២០២០ ដែរ។
ច្បាស់ណាស់ថា ការសម្រេចចិត្តបោះឆ្នោតមុនអាណត្តិនេះ មានជាប់ពាក់ព័ន្ធការចរចាចាកចេញពីសហភាពអឺរ៉ុប។ រដ្ឋាភិបាលអង់គ្លេស ក៏ទើបតែអនុវត្តតាមមាត្រា៥០ សន្ធិសញ្ញា Lisbon ថ្មីៗនេះ ប៉ុន្តែការដំណើរការចរចាមិនទាន់ចាប់ផ្ដើមផ្លូវការនៅឡើយ ខណៈទាំងអង់គ្លេស និងសហភាពអឺរ៉ុបមានរយៈពេល២ឆ្នាំដើម្បីចរចា។ ជាមួយនឹងការបោះឆ្នោតមុនអាណត្តិ ប្រជាជនអង់គ្លេស នឹងសម្រេចថា គួរទុកឲ្យលោកស្រី May បន្តការងារចរចា ឬផ្ដល់ឲ្យឱកាសឲ្យអ្នកថ្មីជំនួសវិញ។
ថ្លែងនៅខាងក្រៅការិយាល័យនាយករដ្ឋមន្ត្រី 10 Downing Street នាយករដ្ឋមន្ត្រីស្ត្រីរូបនេះសង្កត់ធ្ងន់ថា៖ «ការបោះឆ្នោតខាងមុខ នឹងផ្ដោតសំខាន់លើការដឹកនាំប្រទេស។ ប្រជាជនអង់គ្លេស ត្រូវជ្រើសរើសរវាងរដ្ឋាភិបាលរឹងមាំដែលយកចិត្តទុកលើផលប្រយោជន៍ជាតិមានខ្ញុំជានាយករដ្ឋមន្ត្រី ឬរដ្ឋាភិបាលចម្រុះដឹកនាំដោយលោក Jeremy Corbyn និងអ្នកនយោបាយមកពីបក្សប្រជាធិបតេយ្យសេរី និងអ្នកនយោបាយមកពីស្កុតឡែន»។
១. សភាអង់គ្លេស នឹងសម្រេចលើសំណើបោះឆ្នោតមុនអាណត្តិនៅថ្ងៃនេះ ខណៈក្រុមប្រឆាំងនឹងគាំទ្រ
សភាអង់គ្លេស នឹងបោះឆ្នោតនៅថ្ងៃទី១៩ ខែមេសានេះ លើសំណើរៀបចំការបោះឆ្នោតមុនអាណត្តិ។ លោកស្រី May ត្រូវការសំឡេងពីរភាគបី ដើម្បីដំណើរការរៀបចំការបោះឆ្នោតមុនអាណត្តិនេះ។ សំណើនេះ ទំនងជាទទួលបានការគាំទ្រច្រើនពីសមាជិកសភា ព្រោះក្រុមបក្សប្រឆាំង សុទ្ធតែស្វាគមន៍សំណើលោកស្រី May ទាំងអស់។
ប្រធានបក្សពលករ Jeremy Corbyn ដែលប្រកាសគាំទ្រការសម្រេចចិត្តរបស់នាយករដ្ឋមន្ត្រី May
លើកឡើងថា គណបក្សលោកត្រូវការការបោះឆ្នោត ព្រោះវាជាឱកាសក្នុងបង្កើតរដ្ឋាភិបាលថ្មី ដែល ផ្ដោតលើនយោបាយអាទិភាពមុនគេ។ ប៉ុន្តែសមាជិកបក្សពលករខ្លះ នៅសង្ស័យការសម្រេច ចិត្ត របស់ មេបក្សខ្លួន ព្រោះពួកគេមិនប្រាកដថា អាចឈ្នះការបោះឆ្នោតនេះឡើយ ហើយថែមទាំងបាត់បង់កៅអីសមាជិកសភាទៅទៀត។ នេះក៏ដោយសារតែការស្ទង់មតិកន្លងមកបង្ហាញថា ប្រជាប្រិយភាពនាយករដ្ឋមន្ត្រី May នៅតែខ្ពស់ដដែល។
២. អឺរ៉ុប ថាគម្រោងបោះឆ្នោតមុនអាណត្តិនៅអង់គ្លេស មិនប៉ះពាល់ផែនការចរចាលែងលះឡើយ
ដំណើរការចរចារវាងសហភាពអឺរ៉ុប និងចក្រភពអង់គ្លេស នឹងមិនប៉ះពាល់ដោយសារការស្នើរៀបចំការបោះឆ្នោតមុនអាណត្តិរបស់អង់គ្លេសឡើយ។ នេះជាការបញ្ជាក់របស់អ្នកនាំពាក្យប្រធានក្រុមប្រឹក្សាអឺរ៉ុប Donald Tusk ដែលបន្តថា ដំណើរការគ្រប់យ៉ាង នឹងបន្តធ្វើទៅតាមការគ្រោងទុក ដោយឥតមានផ្លាស់ប្ដូរអ្វីទេ។
បើតាមទីភ្នាក់ងារព័ត៌មាន AFP លោក Preben Aamann ជាអ្នកនាំពាក្យនិយាយថា លក្ខខណ្ឌចរចារបស់សហភាពអឺរ៉ុប រំពឹងថានឹងត្រូវអនុម័តនៅថ្ងៃទី២៩ ខែមេសា ក្នុងកិច្ចប្រជុំមេដឹកនាំរដ្ឋសមាជិកអឺរ៉ុប ហើយបទបញ្ជានៃការចរចាលែងលះ នឹងចាប់ផ្ដើមនៅថ្ងៃទី២២ ខែឧសភា។ នេះមានន័យថា អ្វីៗគ្រប់យ៉ាង គឺធ្វើតាមផែនការទាំងអស់ ហើយបន្ទាប់ពីនេះ គឺប្រធានចរចារបស់អឺរ៉ុប Michel Barnier នឹងចាប់ផ្ដើមដំណើរការចរចាតែម្ដង៕
ការចរចាលែងលះរវាងចក្រភពអង់គ្លេស និងសហភាពអឺរ៉ុប កំពុងស្ថិតក្នុងស្ថានភាពមិនច្បាស់លាស់ ក្រោយនាយករដ្ឋមន្ត្រី Theresa May ប្រកាសផែនការរៀបចំការបោះឆ្នោតមុនអាណត្តិដ៍គួរឲ្យភ្ញាក់ផ្អើល។ លោកស្រី May និយាយថា ចក្រភពអង់គ្លេស ត្រូវការភាពច្បាស់លាស់, ស្ថិរភាព និងការដឹកនាំដ៍រឹងមាំមួយ បន្ទាប់ស្ថានការណ៍នយោបាយក្នុងប្រទេសរង្គោះរង្គើដោយសារការធ្វើប្រជាមតិចាកចេញកាលពីខែមិថុនា ឆ្នាំ២០១៦ ។
ជុំវិញមូលហេតុនៃការស្នើឲ្យមានការបោះឆ្នោតមុនអាណត្តិនេះ លោកស្រី May លើកឡើងថា ប្រជាជនអង់គ្លេសសម្រេចចិត្តរួចទៅហើយ តែអ្នកនយោបាយនៅស្ថាប័ននីតិបញ្ញត្តិ មិនមានគំនិតស្របគ្នាទេ។ សមាជិកសភាខ្លះមកពីបក្សប្រឆាំង និងបក្សជាតិនិយមស្កុតឡែន មិនគាំទ្រផែនការដែលរដ្ឋាភិបាលលោកស្រីដាក់ចេញដើម្បីយកទៅចរចាជាមួយសហភាពអឺរ៉ុបទេ ហើយពួកគេអាចបោះឆ្នោតជំទាស់រាល់កិច្ចព្រមព្រៀងដែលសម្រេចបានទៀតផង។
បើតាមសារព័ត៌មាន BBC នាយករដ្ឋមន្ត្រី May ក៏បានចោទប្រកាន់បក្សនយោបាយខ្លះថាកំពុងលេងល្បែងនយោបាយ។ លោកស្រី បន្តថាល្បែងនយោបាយនេះ គឺជាគ្រោះថ្នាក់សម្រាប់ការចរចាចាកចេញ ព្រោះវាមិននាំផលល្អដល់ប្រទេសឡើយ។ ផ្ទុយទៅវិញ វានឹងធ្វើឲ្យអង់គ្លេសដើរទៅរកភាពមិនច្បាស់លាស់ និងអស្ថិរភាពទៅវិញទេ។ ដូច្នេះទើបលោកស្រីផ្លាស់ប្ដូរចិត្ត និងសម្រេចស្នើឲ្យមានការបោះឆ្នោតមុនអាណត្តិតែម្ដង ហើយម្យ៉ាងលោកស្រី ក៏មិនអាចទប់ទល់ស្ថានការណ៍នេះដល់ការបោះឆ្នោតឆ្នាំ២០២០ ដែរ។
ច្បាស់ណាស់ថា ការសម្រេចចិត្តបោះឆ្នោតមុនអាណត្តិនេះ មានជាប់ពាក់ព័ន្ធការចរចាចាកចេញពីសហភាពអឺរ៉ុប។ រដ្ឋាភិបាលអង់គ្លេស ក៏ទើបតែអនុវត្តតាមមាត្រា៥០ សន្ធិសញ្ញា Lisbon ថ្មីៗនេះ ប៉ុន្តែការដំណើរការចរចាមិនទាន់ចាប់ផ្ដើមផ្លូវការនៅឡើយ ខណៈទាំងអង់គ្លេស និងសហភាពអឺរ៉ុបមានរយៈពេល២ឆ្នាំដើម្បីចរចា។ ជាមួយនឹងការបោះឆ្នោតមុនអាណត្តិ ប្រជាជនអង់គ្លេស នឹងសម្រេចថា គួរទុកឲ្យលោកស្រី May បន្តការងារចរចា ឬផ្ដល់ឲ្យឱកាសឲ្យអ្នកថ្មីជំនួសវិញ។
ថ្លែងនៅខាងក្រៅការិយាល័យនាយករដ្ឋមន្ត្រី 10 Downing Street នាយករដ្ឋមន្ត្រីស្ត្រីរូបនេះសង្កត់ធ្ងន់ថា៖ «ការបោះឆ្នោតខាងមុខ នឹងផ្ដោតសំខាន់លើការដឹកនាំប្រទេស។ ប្រជាជនអង់គ្លេស ត្រូវជ្រើសរើសរវាងរដ្ឋាភិបាលរឹងមាំដែលយកចិត្តទុកលើផលប្រយោជន៍ជាតិមានខ្ញុំជានាយករដ្ឋមន្ត្រី ឬរដ្ឋាភិបាលចម្រុះដឹកនាំដោយលោក Jeremy Corbyn និងអ្នកនយោបាយមកពីបក្សប្រជាធិបតេយ្យសេរី និងអ្នកនយោបាយមកពីស្កុតឡែន»។
១. សភាអង់គ្លេស នឹងសម្រេចលើសំណើបោះឆ្នោតមុនអាណត្តិនៅថ្ងៃនេះ ខណៈក្រុមប្រឆាំងនឹងគាំទ្រ
សភាអង់គ្លេស នឹងបោះឆ្នោតនៅថ្ងៃទី១៩ ខែមេសានេះ លើសំណើរៀបចំការបោះឆ្នោតមុនអាណត្តិ។ លោកស្រី May ត្រូវការសំឡេងពីរភាគបី ដើម្បីដំណើរការរៀបចំការបោះឆ្នោតមុនអាណត្តិនេះ។ សំណើនេះ ទំនងជាទទួលបានការគាំទ្រច្រើនពីសមាជិកសភា ព្រោះក្រុមបក្សប្រឆាំង សុទ្ធតែស្វាគមន៍សំណើលោកស្រី May ទាំងអស់។
ប្រធានបក្សពលករ Jeremy Corbyn ដែលប្រកាសគាំទ្រការសម្រេចចិត្តរបស់នាយករដ្ឋមន្ត្រី May
លើកឡើងថា គណបក្សលោកត្រូវការការបោះឆ្នោត ព្រោះវាជាឱកាសក្នុងបង្កើតរដ្ឋាភិបាលថ្មី ដែល ផ្ដោតលើនយោបាយអាទិភាពមុនគេ។ ប៉ុន្តែសមាជិកបក្សពលករខ្លះ នៅសង្ស័យការសម្រេច ចិត្ត របស់ មេបក្សខ្លួន ព្រោះពួកគេមិនប្រាកដថា អាចឈ្នះការបោះឆ្នោតនេះឡើយ ហើយថែមទាំងបាត់បង់កៅអីសមាជិកសភាទៅទៀត។ នេះក៏ដោយសារតែការស្ទង់មតិកន្លងមកបង្ហាញថា ប្រជាប្រិយភាពនាយករដ្ឋមន្ត្រី May នៅតែខ្ពស់ដដែល។
២. អឺរ៉ុប ថាគម្រោងបោះឆ្នោតមុនអាណត្តិនៅអង់គ្លេស មិនប៉ះពាល់ផែនការចរចាលែងលះឡើយ
ដំណើរការចរចារវាងសហភាពអឺរ៉ុប និងចក្រភពអង់គ្លេស នឹងមិនប៉ះពាល់ដោយសារការស្នើរៀបចំការបោះឆ្នោតមុនអាណត្តិរបស់អង់គ្លេសឡើយ។ នេះជាការបញ្ជាក់របស់អ្នកនាំពាក្យប្រធានក្រុមប្រឹក្សាអឺរ៉ុប Donald Tusk ដែលបន្តថា ដំណើរការគ្រប់យ៉ាង នឹងបន្តធ្វើទៅតាមការគ្រោងទុក ដោយឥតមានផ្លាស់ប្ដូរអ្វីទេ។
បើតាមទីភ្នាក់ងារព័ត៌មាន AFP លោក Preben Aamann ជាអ្នកនាំពាក្យនិយាយថា លក្ខខណ្ឌចរចារបស់សហភាពអឺរ៉ុប រំពឹងថានឹងត្រូវអនុម័តនៅថ្ងៃទី២៩ ខែមេសា ក្នុងកិច្ចប្រជុំមេដឹកនាំរដ្ឋសមាជិកអឺរ៉ុប ហើយបទបញ្ជានៃការចរចាលែងលះ នឹងចាប់ផ្ដើមនៅថ្ងៃទី២២ ខែឧសភា។ នេះមានន័យថា អ្វីៗគ្រប់យ៉ាង គឺធ្វើតាមផែនការទាំងអស់ ហើយបន្ទាប់ពីនេះ គឺប្រធានចរចារបស់អឺរ៉ុប Michel Barnier នឹងចាប់ផ្ដើមដំណើរការចរចាតែម្ដង៕
Tag:
Brexit
Theresa May
អឺរ៉ុប
© រក្សាសិទ្ធិដោយ thmeythmey.com
