អន្តរជាតិ
ក្រេមឡាំង៖ «លោក ពូទីនមិនមែនជាមេធាវីការពារ អាសាដ ទេតែជាអ្នកការពារច្បាប់អន្តរជាតិ»
27, Apr 2017 , 9:19 pm
×![]()
ដោយ: ថ្មីៗ
មន្ត្រីវិមានក្រេមឡាំងបានបញ្ជាក់ជាថ្មីថា គោលជំហររបស់ប្រធានាធិបតីរុស្ស៊ីលោក វ៉ា្លឌីមៀ ពូទីន ចំពោះស៊ីរីមិនផ្លាស់ប្តូរឡើយទោះមានការទិតៀននិងថ្កោលទោសរុស្ស៊ីពីសំណាក់លោកខាងលិចក៏ដោយ។ លោក វ្ល៉ាឌីមៀ ពូទីន នឹងនៅធ្វើជាអ្នកតស៊ូមតិការពារច្បាប់អន្តរជាតិ និងធ្វើយ៉ាងជួយការពារសិទ្ធិប្រជាជនស៊ីរីក្នុងការសម្រេចជោគវាសនាប្រទេសជាតិរបស់ខ្លួនដោយផ្ទាល់។
តាំងពីមានការប្រើប្រាស់អាវុធគីមីនៅស៊ីរីជាថ្មីមក រុស្ស៊ីបានក្លាយជាផ្ទាំងស៊ីបរបស់បណ្តាប្រទេសលោកខាងលិច។ ប្រទេសអឺរ៉ុបនិងអាមេរិកបានទិតៀនមេដឹកនាំរុស្ស៊ីពេញៗមាត់ និងចោទថា រុស្ស៊ីកំពុងព្យាយាមការពារឧក្រិដ្ឋជនអន្តរជាតិដែលសម្លាប់ប្រជាជនខ្លួនឯងដើម្បីអំណាចជាដើម។ ប៉ុន្តែរុស្ស៊ីមិនបាននៅស្ងៀមឡើយចំពោះការរិះគន់ និងចោទប្រកាន់នេះ។
យោងតាមសារព័ត៌មានរដ្ឋរុស្ស៊ី Sputnik អ្នកនាំពាក្យវិមានក្រេមឡាំងលោក Dmitry Peskov បានថ្លែងប្រាប់បណ្តាអ្នកសារព័ត៌មាននៅថ្ងៃ ២៦ មេសាក្នុងសន្និសីទសារព័ត៌មានថា គោលជំហររបស់លោក វ្ល៉ាឌីមៀ ពូទីន ចំពោះបញ្ហាជម្លោះស៊ីរីនៅតែដដែលមិនមានការផ្លាស់ប្តូរឡើយ។ មន្ត្រីរូបនេះបានពន្យល់ថា លោក ពូទីន មិនបានព្យាយាមធ្វើជាមេធាវីកាពារក្តីឲ្យលោក បាសា អាល់អាសាដ ដូចគេឯងចោទឡើយ តែលោកកំពុងធ្វើជាអ្នកតស៊ូមតិនិងជាអ្នកការពារច្បាប់អន្តរជាតិដើម្បីប្រយោជន៍ពិភពលោក។
លោកបានបញ្ជាក់ដូច្នេះ៖«ពាក់ព័ន្ធការគាំទ្រលោក បាសា អាល់អាសាដ ជំហររុស្ស៊ីនិងប្រធានាធិបតី ពូទីន មិនមានការផ្លាស់ប្តូរឡើយ។វានៅតែស្របដូចពេលមុន ហើយគ្រប់គ្នាបានដឹងហើយ។ ការហៅលោក ពូទីន ជាមេធាវីកាពារក្តីរបស់លោក អាសាដ មិនមែនជារឿងថ្មីទេ។លោកមិនមែនជាមេធាវីការពារអ្នកណាមួយឡើយ តែលោកជាអ្នកការពារច្បាប់អន្តរជាតិមួយរូបប៉ុណ្ណោះ»។
មន្ត្រីវិមានក្រេមឡាំងរូបនេះបានពន្យល់បន្ថែមថា អ្វីដែលលោក វ្ល៉ាឌីមៀ ពូទីន កំពុងធ្វើគឺធានាឲ្យបាននូវសេរីភាពនិងសិទ្ធិរបស់ប្រជាជនស៊ីរីក្នុងការសម្រេចចិត្តរើសមេដឹកនាំ និងកំណត់ជោគវាសនាប្រទេសជាតិរបស់ខ្លួនផង។ នេះមានន័យថា គ្មានអ្នកណាម្នាក់មានសិទ្ធិសម្រេចជោគវាសនាជំនួសឲ្យប្រជាជនស៊ីរីឡើយ។
«លោក ពូទីន ជឿជាក់ថា អនាគតប្រទេសស៊ីរីមិនអាចកំណត់ដោយរបបដឹកនាំក្រុងអង់ការ៉ា, របបដឹកនាំក្រុងវ៉ាស៊ីនតោន, ក្រុងប៊ែកឡាំង ឬក្រុងម៉ូស្គូឡើយ។ ជារួមសិទ្ធិស្វ័យសម្រេចរបស់ប្រទេសស៊ីរីជារបស់ប្រជាជនស៊ីរីតែមួយគត់»។ នេះជាការបញ្ជាក់បន្ថែមរបស់អ្នកនាំពាក្យវិមានក្រេមឡាំង។
សូមបញ្ជាក់ថា រុស្ស៊ីបានលូកដៃចូលប្រឡូកក្នុងបញ្ហាស៊ីរីនៅចុងឆ្នាំ ២០១៥ ហើយមហាអំណាចមួយនេះបានបន្តគាំទ្ររបបដឹកនាំក្រុងដាម៉ាសរហូតមក ទោះបីមានការទិតៀន ឬថ្កោលទោសខ្លាំងក៏ដោយ។ មហាអំណាចនេះដែរក៏មានអាវុធនិងកងទ័ពនៅស៊ីរីផងដែរ ដោយការពង្រាយសព្វាវុធនិងកងទ័ពនេះធ្វើឡើងក្រោមហេតុផលប្រឆាំងភេរវកម្មអន្តរជាតិជាពិសេសក្រុមភេរវជនរដ្ឋឥស្លាមឬក្រុមដែស្ហ។ ផ្ទុយទៅវិញ រុស្ស៊ីបានព្យាយាមបង្ហាញទៅកាន់ពិភពលោកថា ខ្លួនកំពុងប្រឹងប្រែងគាំទ្រប្រជាជនស៊ីរីជាពិសេសការពារសិទ្ធិស្វ័យសម្រេចដែលសម្តៅដល់ការជ្រើសរើសមេដឹកនាំនិងរបបដឹកនាំដោយខ្លួនឯងដោយគ្មានការជ្រៀតជ្រែកពីខាងក្រៅ។ ខុសពីរុស្ស៊ី លោកខាងលិចរងការរិះគន់ផងដែរចាប់តាំងពីជម្លោះស៊ីរីផ្ទុះឡើង។
ប្រទេសអឺរ៉ុបនិងអាមេរិកបន្តកំណត់យកគោលនយោបាយមួយដែលបង្ខំឲ្យមេដឹកនាំស៊ីរី បាសា អាល់អាសាដ ចុះចេញពីតំណែងមុននឹងមានការបង្កើតសម័យអន្តរកាលនយោបាយ។ ហើយអ្វីដែលសំខាន់លោកខាងលិចមិនចង់ឲ្យ អាសាដ មានតួនាទីអ្វីក្នុងរបបដឹកនាំថ្មីឡើយ បើសិនមានការបញ្ចប់សង្គ្រាមនិងការបោះឆ្នោតឆាប់ៗនៅពេលខាងមុខនោះ៕
តាំងពីមានការប្រើប្រាស់អាវុធគីមីនៅស៊ីរីជាថ្មីមក រុស្ស៊ីបានក្លាយជាផ្ទាំងស៊ីបរបស់បណ្តាប្រទេសលោកខាងលិច។ ប្រទេសអឺរ៉ុបនិងអាមេរិកបានទិតៀនមេដឹកនាំរុស្ស៊ីពេញៗមាត់ និងចោទថា រុស្ស៊ីកំពុងព្យាយាមការពារឧក្រិដ្ឋជនអន្តរជាតិដែលសម្លាប់ប្រជាជនខ្លួនឯងដើម្បីអំណាចជាដើម។ ប៉ុន្តែរុស្ស៊ីមិនបាននៅស្ងៀមឡើយចំពោះការរិះគន់ និងចោទប្រកាន់នេះ។
យោងតាមសារព័ត៌មានរដ្ឋរុស្ស៊ី Sputnik អ្នកនាំពាក្យវិមានក្រេមឡាំងលោក Dmitry Peskov បានថ្លែងប្រាប់បណ្តាអ្នកសារព័ត៌មាននៅថ្ងៃ ២៦ មេសាក្នុងសន្និសីទសារព័ត៌មានថា គោលជំហររបស់លោក វ្ល៉ាឌីមៀ ពូទីន ចំពោះបញ្ហាជម្លោះស៊ីរីនៅតែដដែលមិនមានការផ្លាស់ប្តូរឡើយ។ មន្ត្រីរូបនេះបានពន្យល់ថា លោក ពូទីន មិនបានព្យាយាមធ្វើជាមេធាវីកាពារក្តីឲ្យលោក បាសា អាល់អាសាដ ដូចគេឯងចោទឡើយ តែលោកកំពុងធ្វើជាអ្នកតស៊ូមតិនិងជាអ្នកការពារច្បាប់អន្តរជាតិដើម្បីប្រយោជន៍ពិភពលោក។
លោកបានបញ្ជាក់ដូច្នេះ៖«ពាក់ព័ន្ធការគាំទ្រលោក បាសា អាល់អាសាដ ជំហររុស្ស៊ីនិងប្រធានាធិបតី ពូទីន មិនមានការផ្លាស់ប្តូរឡើយ។វានៅតែស្របដូចពេលមុន ហើយគ្រប់គ្នាបានដឹងហើយ។ ការហៅលោក ពូទីន ជាមេធាវីកាពារក្តីរបស់លោក អាសាដ មិនមែនជារឿងថ្មីទេ។លោកមិនមែនជាមេធាវីការពារអ្នកណាមួយឡើយ តែលោកជាអ្នកការពារច្បាប់អន្តរជាតិមួយរូបប៉ុណ្ណោះ»។
មន្ត្រីវិមានក្រេមឡាំងរូបនេះបានពន្យល់បន្ថែមថា អ្វីដែលលោក វ្ល៉ាឌីមៀ ពូទីន កំពុងធ្វើគឺធានាឲ្យបាននូវសេរីភាពនិងសិទ្ធិរបស់ប្រជាជនស៊ីរីក្នុងការសម្រេចចិត្តរើសមេដឹកនាំ និងកំណត់ជោគវាសនាប្រទេសជាតិរបស់ខ្លួនផង។ នេះមានន័យថា គ្មានអ្នកណាម្នាក់មានសិទ្ធិសម្រេចជោគវាសនាជំនួសឲ្យប្រជាជនស៊ីរីឡើយ។
«លោក ពូទីន ជឿជាក់ថា អនាគតប្រទេសស៊ីរីមិនអាចកំណត់ដោយរបបដឹកនាំក្រុងអង់ការ៉ា, របបដឹកនាំក្រុងវ៉ាស៊ីនតោន, ក្រុងប៊ែកឡាំង ឬក្រុងម៉ូស្គូឡើយ។ ជារួមសិទ្ធិស្វ័យសម្រេចរបស់ប្រទេសស៊ីរីជារបស់ប្រជាជនស៊ីរីតែមួយគត់»។ នេះជាការបញ្ជាក់បន្ថែមរបស់អ្នកនាំពាក្យវិមានក្រេមឡាំង។
សូមបញ្ជាក់ថា រុស្ស៊ីបានលូកដៃចូលប្រឡូកក្នុងបញ្ហាស៊ីរីនៅចុងឆ្នាំ ២០១៥ ហើយមហាអំណាចមួយនេះបានបន្តគាំទ្ររបបដឹកនាំក្រុងដាម៉ាសរហូតមក ទោះបីមានការទិតៀន ឬថ្កោលទោសខ្លាំងក៏ដោយ។ មហាអំណាចនេះដែរក៏មានអាវុធនិងកងទ័ពនៅស៊ីរីផងដែរ ដោយការពង្រាយសព្វាវុធនិងកងទ័ពនេះធ្វើឡើងក្រោមហេតុផលប្រឆាំងភេរវកម្មអន្តរជាតិជាពិសេសក្រុមភេរវជនរដ្ឋឥស្លាមឬក្រុមដែស្ហ។ ផ្ទុយទៅវិញ រុស្ស៊ីបានព្យាយាមបង្ហាញទៅកាន់ពិភពលោកថា ខ្លួនកំពុងប្រឹងប្រែងគាំទ្រប្រជាជនស៊ីរីជាពិសេសការពារសិទ្ធិស្វ័យសម្រេចដែលសម្តៅដល់ការជ្រើសរើសមេដឹកនាំនិងរបបដឹកនាំដោយខ្លួនឯងដោយគ្មានការជ្រៀតជ្រែកពីខាងក្រៅ។ ខុសពីរុស្ស៊ី លោកខាងលិចរងការរិះគន់ផងដែរចាប់តាំងពីជម្លោះស៊ីរីផ្ទុះឡើង។
ប្រទេសអឺរ៉ុបនិងអាមេរិកបន្តកំណត់យកគោលនយោបាយមួយដែលបង្ខំឲ្យមេដឹកនាំស៊ីរី បាសា អាល់អាសាដ ចុះចេញពីតំណែងមុននឹងមានការបង្កើតសម័យអន្តរកាលនយោបាយ។ ហើយអ្វីដែលសំខាន់លោកខាងលិចមិនចង់ឲ្យ អាសាដ មានតួនាទីអ្វីក្នុងរបបដឹកនាំថ្មីឡើយ បើសិនមានការបញ្ចប់សង្គ្រាមនិងការបោះឆ្នោតឆាប់ៗនៅពេលខាងមុខនោះ៕
© រក្សាសិទ្ធិដោយ thmeythmey.com
