អន្តរជាតិ
Brexit៖ នាយករដ្ឋមន្ត្រី May កំពុងប្រឈមមុខបញ្ហាទាំងក្នុងស្រុក និងក្រៅស្រុក
29, Apr 2017 , 10:39 am
×![]()
ដោយ: តន ចាន់រិទ្ធារ៉ា
ដំណើរការចរចាលែងលះរវាងចក្រភពអង់គ្លេស និងសហភាពអឺរ៉ុប កំពុងស្ថិតលើផ្លូវលំបាក ខណៈការចរចាមិនទាន់ចាប់ផ្ដើមផងនោះ។ រដ្ឋាភិបាលនាយករដ្ឋមន្ត្រី Theresa May ជួបប្រទះបញ្ហាយ៉ាងច្រើន ទាំងក្នុងស្រុក និងក្រៅស្រុក រហូតសម្រេចចិត្តរៀបចំការបោះឆ្នោតមុនអាណត្តិនៅខែមិថុនាខាងមុខ។ នៅក្នុងស្រុក លោកស្រី May ត្រូវធ្វើយុទ្ធនាការរកការគាំទ្រសម្រាប់ការបោះឆ្នោតផង និងការចរចាលែងលះផង។ ចំណែកសហភាពអឺរ៉ុបឯណោះ ក៏បានដាក់លក្ខខណ្ឌចរចារឹងត្អឹងសម្រាប់ការជជែកជាមួយអង់គ្លេសរាប់ទាំងការទាមទារឲ្យអង់គ្លេសបង់ប្រាក់លែងលះជាដើម។
នាយករដ្ឋមន្ត្រីចក្រភពអង់គ្លេស Theresa May ដែលជូនដំណឹងនៃការចាកចេញពីសហភាពអឺរ៉ុបកាលពីថ្ងៃទី២៩ ខែមីនា បានប្រាប់ការជួបជុំមួយថា រដ្ឋសមាជិកសហភាពអឺរ៉ុបទាំង ២៧ប្រទេសទៀត កំពុងផ្ដុំកម្លាំងគ្នាប្រឆាំងចក្រភពអង់គ្លេស តាមរយៈការដាក់លក្ខខណ្ឌចរចាយ៉ាងតឹងរឹង។ បញ្ហានេះ គឺជារឿងឈឺក្បាលសម្រាប់លោកស្រី May ស្របពេលដែលលោកស្រីត្រូវដោះស្រាយជាមួយនយោបាយប្រឆាំងរបស់គូប្រជែងក្នុងស្រុកផងនោះ។
ការលើកឡើងរបស់នាយករដ្ឋមន្ត្រីអង់គ្លេស ធ្វើឡើងក្រោយអធិការបតីអាល្លឺម៉ង់ Angela Merkel ទាត់ចោលលទ្ធភាពនៃការចរចាលែងលះ និងការចរចាលើកិច្ចព្រមព្រៀងពាណិជ្ជកម្មក្នុងពេលជាមួយគ្នា។ ការចរចាលើប្រធានទាំង២ ក្នុងពេលតែមួយ ជាជំហររបស់រដ្ឋាភិបាលអង់គ្លេស ព្រោះមិនចង់ចំណាយពេលច្រើនផង និងមិនចង់ចរចាច្រើនដងផង។ នេះ ក៏ព្រោះតែអង់គ្លេស និងអឺរ៉ុប មានពេលតែ ២ឆ្នាំប៉ុណ្ណោះ ដើម្បីចរចាចាកចេញ ដូច្នេះទើបអង់គ្លេសស្នើឲ្យចរចាព្រមគ្នាតែម្ដង។
យ៉ាងណាមិញ ជំហរបស់បែបនេះ មិនត្រូវបានបណ្ដាមេដឹកនាំអឺរ៉ុបយល់ស្របឡើយ។ អធិការបតីអាល្លឺម៉ង់ Merkel និយាយថា កិច្ចព្រមព្រៀងណាមួយរវាងអង់គ្លេស និងអឺរ៉ុប អាចធ្វើឡើង ក្រោយការចរចាលែងលះចប់សព្វគ្រប់។ លោកស្រីបន្តថា ក្រោយចរចាចប់ អង់គ្លេស ដែលក្លាយជាភាគីទី៣ នឹងមិនមានសិទ្ធិដូចសមាជិកអឺរ៉ុបឡើយ ហើយមេដឹកនាំសមាជិកសហភាពអឺរ៉ុបទាំង២៧ ក៏បានយល់ស្របលើរឿងនេះដែរ។
១. មេដឹកនាំអឺរ៉ុប ជួបប្រជុំថ្ងៃស្អែក ដើម្បីសម្រេចជំហរចុងក្រោយ
មេដឹកនាំរដ្ឋសមាជិកសហភាពអឺរ៉ុបចំនួន២៧ប្រទេស នឹងជួបប្រជុំគ្នានៅថ្ងៃទី២៩ ខែមេសា ដើម្បីសម្រេចចុងក្រោយលើជំហររួមគ្នារបស់ពួកគេ សម្រាប់ការចរចាជាមួយចក្រភពអង់គ្លេស។ បើគ្មានការប្រែប្រួលអ្វីទេ បណ្ដាមេដឹកនាំអឺរ៉ុប នឹងអនុម័តសេចក្ដីព្រាងគោលការណ៍ថ្ងៃទី៣១ ខែមីនា ដែលដាក់ស្នើដោយប្រធានក្រុមប្រឹក្សាអឺរ៉ុប។ សេចក្ដីព្រាងនេះ គឺជាលក្ខខណ្ឌទាមទាររបស់អឺរ៉ុបតែម្ដង។
កន្លងមក មេដឹកនាំអឺរ៉ុប ក៏ធ្លាប់លើកឡើងពីជំហរមួយចំនួនសម្រាប់តទល់ជាមួយរដ្ឋាភិបាលអង់គ្លេសរួចហើយ។ ការទាមទារឲ្យអង់គ្លេសបង់ប្រាក់លែងលះចំនួនជាង៦០ពាន់លានអឺរ៉ូ និងការការពារជនជាតិអឺរ៉ុបរស់នៅអង់គ្លេសពេលចាកចេញ សុទ្ធតែជាលក្ខខណ្ឌដែលអឺរ៉ុបត្រៀមដាក់លើតុចរចាទាំងអស់។ ហើយដូចការលើកឡើងរបស់លោកស្រី Merkel អឺរ៉ុប ចង់ជជែករឿងលែងលះសិន មុននឹងនិយាយរឿងផ្សេងទៀត។
ចំនួនទឹកប្រាក់នេះ គឺជាវិភាគទានរបស់សមាជិកអឺរ៉ុបនីមួយៗសម្រាប់ការចំណាយរបស់សហភាពអឺរ៉ុប។ ទឹកប្រាក់ដែលបានមកពីសមាជិកទាំងអស់ នឹងត្រូវចំណាយលើគម្រោងហេដ្ឋារចនាសម្ព័ន្ធ, កម្មវិធីសង្គម និងការស្រាវជ្រាវវិទ្យាសាស្ត្រ។ ប៉ុន្តែរដ្ឋាភិបាលអង់គ្លេស ទំនងជាបង់ប្រាក់នេះឡើយ។ អ្នកគាំទ្រការចាកចេញខ្លះ ថែមទាំងនិយាយថា អង់គ្លេសបង់ប្រាក់ច្រើនណាស់កន្លងមក តែទទួលផលមកវិញតិចតួចណាស់។
ក្រៅពីនេះ បញ្ហាក្ដៅមួយទៀតក្នុងពេលចរចា ដែលអាចចាប់ផ្ដើមក្រោយការបោះឆ្នោតនៅអង់គ្លេស គឺសិទ្ធិរបស់ប្រជាជនអឺរ៉ុបនៅទឹកដីអង់គ្លេស និងប្រជាជនអង់គ្លេសផ្ទាល់។ បើតាមសារព័ត៌មាន BBC ទាក់ទងបញ្ហានេះ លោកស្រី Merkel បញ្ជាក់ច្បាស់ៗថា រឿងនេះ គឺជាអាទិភាព ដែលត្រូវសម្រេចឲ្យបានឆាប់។ លោកស្រី ក៏ស្នើឲ្យរដ្ឋាភិបាលអង់គ្លេស ជួយការពារពលរដ្ឋខ្លួនជាង ១សែននាក់ដែលរស់នៅលើទឹកដីអង់គ្លេសផង។
២. នាយករដ្ឋមន្ត្រី May ថា ក្រុមប្រឆាំងតាមខ្ទាស់ការចរចាលែងលះ
បន្ថែមពីលើបញ្ហាប្រឈមមុខនៅក្រៅប្រទេស រដ្ឋាភិបាលនាយករដ្ឋមន្ត្រី May ក៏ជួបប្រទះបញ្ហាក្នុងស្រុកដែរ។ លោកស្រី បានចោទគូប្រជែងមានបក្សពលករជាដើមថាបានមិនជួយគាំទ្រការចរចាលែងលះជាមួយអឺរ៉ុបឡើយ ហើយថែមទាំងមិនយល់ស្របលើលក្ខខណ្ឌដែលត្រៀមយកទៅចរចាជាមួយអឺរ៉ុបទៀត។ ដោយសាររឿងនេះ ទើបលោកស្រីសម្រេចចិត្តរៀបចំការបោះឆ្នោតមុនអាណត្តិតែម្ដង ដើម្បីឲ្យប្រជាជនអង់គ្លេសជ្រើសរើសរវាងលោកស្រី និងបក្សពលករ។
ការបោះឆ្នោតមុនអាណត្តិ នៅសល់ពេលមិន ២ខែទៀតឡើយ។ នាយករដ្ឋមន្ត្រី May និងបក្សអភិរក្សរបស់លោកស្រី កំពុងប្រឹងប្រែងខ្លាំងក្នុងការស្វែងរកការគាំទ្រ។ ពោល គឺលោកស្រី ចង់ប្រាប់ប្រជាជនអង់គ្លេសថា រដ្ឋាភិបាលដឹកនាំដោយលោកស្រី មានសមត្ថភាពដឹកនាំអង់គ្លេសឲ្យឆ្លងផុតកាលៈទេសៈដ៏សំខាន់នេះ។
គណបក្សពលករឯណោះវិញ ក៏បានសន្យាបោះបង់លក្ខខណ្ឌចរចាជាមួយអឺរ៉ុបរបស់លោកស្រី May បើខ្លួនឈ្នះឆ្នោត។ គណបក្សអះអាងថា ខ្លួនមិនចង់បានការចាកចេញពីអឺរ៉ុបឲ្យដាច់ស្រឡះដូចជំហររបស់រដ្ឋាភិបាលបច្ចុប្បន្នឡើយ។ អ្នកនាំពាក្យបក្សនេះនិយាយថា បក្សពលករ នឹងធានាសិទ្ធិរស់នៅរបស់ប្រជាជនសហភាពអឺរ៉ុប ហើយនឹងបើកការចរចាលើការប្រើប្រាស់ទីផ្សាររួមរបស់អឺរ៉ុបដូចពេលមិនទាន់ចាកចេញដូច្នេះដែរ៕
នាយករដ្ឋមន្ត្រីចក្រភពអង់គ្លេស Theresa May ដែលជូនដំណឹងនៃការចាកចេញពីសហភាពអឺរ៉ុបកាលពីថ្ងៃទី២៩ ខែមីនា បានប្រាប់ការជួបជុំមួយថា រដ្ឋសមាជិកសហភាពអឺរ៉ុបទាំង ២៧ប្រទេសទៀត កំពុងផ្ដុំកម្លាំងគ្នាប្រឆាំងចក្រភពអង់គ្លេស តាមរយៈការដាក់លក្ខខណ្ឌចរចាយ៉ាងតឹងរឹង។ បញ្ហានេះ គឺជារឿងឈឺក្បាលសម្រាប់លោកស្រី May ស្របពេលដែលលោកស្រីត្រូវដោះស្រាយជាមួយនយោបាយប្រឆាំងរបស់គូប្រជែងក្នុងស្រុកផងនោះ។
ការលើកឡើងរបស់នាយករដ្ឋមន្ត្រីអង់គ្លេស ធ្វើឡើងក្រោយអធិការបតីអាល្លឺម៉ង់ Angela Merkel ទាត់ចោលលទ្ធភាពនៃការចរចាលែងលះ និងការចរចាលើកិច្ចព្រមព្រៀងពាណិជ្ជកម្មក្នុងពេលជាមួយគ្នា។ ការចរចាលើប្រធានទាំង២ ក្នុងពេលតែមួយ ជាជំហររបស់រដ្ឋាភិបាលអង់គ្លេស ព្រោះមិនចង់ចំណាយពេលច្រើនផង និងមិនចង់ចរចាច្រើនដងផង។ នេះ ក៏ព្រោះតែអង់គ្លេស និងអឺរ៉ុប មានពេលតែ ២ឆ្នាំប៉ុណ្ណោះ ដើម្បីចរចាចាកចេញ ដូច្នេះទើបអង់គ្លេសស្នើឲ្យចរចាព្រមគ្នាតែម្ដង។
យ៉ាងណាមិញ ជំហរបស់បែបនេះ មិនត្រូវបានបណ្ដាមេដឹកនាំអឺរ៉ុបយល់ស្របឡើយ។ អធិការបតីអាល្លឺម៉ង់ Merkel និយាយថា កិច្ចព្រមព្រៀងណាមួយរវាងអង់គ្លេស និងអឺរ៉ុប អាចធ្វើឡើង ក្រោយការចរចាលែងលះចប់សព្វគ្រប់។ លោកស្រីបន្តថា ក្រោយចរចាចប់ អង់គ្លេស ដែលក្លាយជាភាគីទី៣ នឹងមិនមានសិទ្ធិដូចសមាជិកអឺរ៉ុបឡើយ ហើយមេដឹកនាំសមាជិកសហភាពអឺរ៉ុបទាំង២៧ ក៏បានយល់ស្របលើរឿងនេះដែរ។
១. មេដឹកនាំអឺរ៉ុប ជួបប្រជុំថ្ងៃស្អែក ដើម្បីសម្រេចជំហរចុងក្រោយ
មេដឹកនាំរដ្ឋសមាជិកសហភាពអឺរ៉ុបចំនួន២៧ប្រទេស នឹងជួបប្រជុំគ្នានៅថ្ងៃទី២៩ ខែមេសា ដើម្បីសម្រេចចុងក្រោយលើជំហររួមគ្នារបស់ពួកគេ សម្រាប់ការចរចាជាមួយចក្រភពអង់គ្លេស។ បើគ្មានការប្រែប្រួលអ្វីទេ បណ្ដាមេដឹកនាំអឺរ៉ុប នឹងអនុម័តសេចក្ដីព្រាងគោលការណ៍ថ្ងៃទី៣១ ខែមីនា ដែលដាក់ស្នើដោយប្រធានក្រុមប្រឹក្សាអឺរ៉ុប។ សេចក្ដីព្រាងនេះ គឺជាលក្ខខណ្ឌទាមទាររបស់អឺរ៉ុបតែម្ដង។
កន្លងមក មេដឹកនាំអឺរ៉ុប ក៏ធ្លាប់លើកឡើងពីជំហរមួយចំនួនសម្រាប់តទល់ជាមួយរដ្ឋាភិបាលអង់គ្លេសរួចហើយ។ ការទាមទារឲ្យអង់គ្លេសបង់ប្រាក់លែងលះចំនួនជាង៦០ពាន់លានអឺរ៉ូ និងការការពារជនជាតិអឺរ៉ុបរស់នៅអង់គ្លេសពេលចាកចេញ សុទ្ធតែជាលក្ខខណ្ឌដែលអឺរ៉ុបត្រៀមដាក់លើតុចរចាទាំងអស់។ ហើយដូចការលើកឡើងរបស់លោកស្រី Merkel អឺរ៉ុប ចង់ជជែករឿងលែងលះសិន មុននឹងនិយាយរឿងផ្សេងទៀត។
ចំនួនទឹកប្រាក់នេះ គឺជាវិភាគទានរបស់សមាជិកអឺរ៉ុបនីមួយៗសម្រាប់ការចំណាយរបស់សហភាពអឺរ៉ុប។ ទឹកប្រាក់ដែលបានមកពីសមាជិកទាំងអស់ នឹងត្រូវចំណាយលើគម្រោងហេដ្ឋារចនាសម្ព័ន្ធ, កម្មវិធីសង្គម និងការស្រាវជ្រាវវិទ្យាសាស្ត្រ។ ប៉ុន្តែរដ្ឋាភិបាលអង់គ្លេស ទំនងជាបង់ប្រាក់នេះឡើយ។ អ្នកគាំទ្រការចាកចេញខ្លះ ថែមទាំងនិយាយថា អង់គ្លេសបង់ប្រាក់ច្រើនណាស់កន្លងមក តែទទួលផលមកវិញតិចតួចណាស់។
ក្រៅពីនេះ បញ្ហាក្ដៅមួយទៀតក្នុងពេលចរចា ដែលអាចចាប់ផ្ដើមក្រោយការបោះឆ្នោតនៅអង់គ្លេស គឺសិទ្ធិរបស់ប្រជាជនអឺរ៉ុបនៅទឹកដីអង់គ្លេស និងប្រជាជនអង់គ្លេសផ្ទាល់។ បើតាមសារព័ត៌មាន BBC ទាក់ទងបញ្ហានេះ លោកស្រី Merkel បញ្ជាក់ច្បាស់ៗថា រឿងនេះ គឺជាអាទិភាព ដែលត្រូវសម្រេចឲ្យបានឆាប់។ លោកស្រី ក៏ស្នើឲ្យរដ្ឋាភិបាលអង់គ្លេស ជួយការពារពលរដ្ឋខ្លួនជាង ១សែននាក់ដែលរស់នៅលើទឹកដីអង់គ្លេសផង។
២. នាយករដ្ឋមន្ត្រី May ថា ក្រុមប្រឆាំងតាមខ្ទាស់ការចរចាលែងលះ
បន្ថែមពីលើបញ្ហាប្រឈមមុខនៅក្រៅប្រទេស រដ្ឋាភិបាលនាយករដ្ឋមន្ត្រី May ក៏ជួបប្រទះបញ្ហាក្នុងស្រុកដែរ។ លោកស្រី បានចោទគូប្រជែងមានបក្សពលករជាដើមថាបានមិនជួយគាំទ្រការចរចាលែងលះជាមួយអឺរ៉ុបឡើយ ហើយថែមទាំងមិនយល់ស្របលើលក្ខខណ្ឌដែលត្រៀមយកទៅចរចាជាមួយអឺរ៉ុបទៀត។ ដោយសាររឿងនេះ ទើបលោកស្រីសម្រេចចិត្តរៀបចំការបោះឆ្នោតមុនអាណត្តិតែម្ដង ដើម្បីឲ្យប្រជាជនអង់គ្លេសជ្រើសរើសរវាងលោកស្រី និងបក្សពលករ។
ការបោះឆ្នោតមុនអាណត្តិ នៅសល់ពេលមិន ២ខែទៀតឡើយ។ នាយករដ្ឋមន្ត្រី May និងបក្សអភិរក្សរបស់លោកស្រី កំពុងប្រឹងប្រែងខ្លាំងក្នុងការស្វែងរកការគាំទ្រ។ ពោល គឺលោកស្រី ចង់ប្រាប់ប្រជាជនអង់គ្លេសថា រដ្ឋាភិបាលដឹកនាំដោយលោកស្រី មានសមត្ថភាពដឹកនាំអង់គ្លេសឲ្យឆ្លងផុតកាលៈទេសៈដ៏សំខាន់នេះ។
គណបក្សពលករឯណោះវិញ ក៏បានសន្យាបោះបង់លក្ខខណ្ឌចរចាជាមួយអឺរ៉ុបរបស់លោកស្រី May បើខ្លួនឈ្នះឆ្នោត។ គណបក្សអះអាងថា ខ្លួនមិនចង់បានការចាកចេញពីអឺរ៉ុបឲ្យដាច់ស្រឡះដូចជំហររបស់រដ្ឋាភិបាលបច្ចុប្បន្នឡើយ។ អ្នកនាំពាក្យបក្សនេះនិយាយថា បក្សពលករ នឹងធានាសិទ្ធិរស់នៅរបស់ប្រជាជនសហភាពអឺរ៉ុប ហើយនឹងបើកការចរចាលើការប្រើប្រាស់ទីផ្សាររួមរបស់អឺរ៉ុបដូចពេលមិនទាន់ចាកចេញដូច្នេះដែរ៕
© រក្សាសិទ្ធិដោយ thmeythmey.com
