អន្តរជាតិ
Duterte រំឮកមេដឹកនាំអាស៊ានពី «គោលការណ៍មិនជ្រៀតជ្រែកកិច្ចផ្ទៃក្នុងប្រទេសដទៃ»
29, Apr 2017 , 3:50 pm
មេដឹកនាំរដ្ឋសមាជិកអាស៊ានទាំង១០ (រូបភាពហ្វេសប៊ុកសម្តេច ហុន សែន)
×![]()
ដោយ: តន ចាន់រិទ្ធារ៉ា
កិច្ចប្រជុំកំពូលអាស៊ានលើកទី ៣០ កំពុងដំណើរការហើយនៅហ្វីលីពីន ដោយមានការចូលរួមពីបណ្ដាប្រមុខរដ្ឋ-ប្រមុខរដ្ឋាភិបាលរដ្ឋជាសមាជិកទាំងអស់ លើកលែងមីយ៉ាន់ម៉ាដែលចូលរួមដោយទីប្រឹក្សារដ្ឋ អ៊ុងសាន ស៊ូជី ។ ក្នុងនាមជាប្រធានប្ដូរវេន ប្រធានាធិបតីហ្វីលីពីន Rodrigo Duterte បានរំឮកជាមុនដល់សមភាគីរបស់លោក ពីគោលការណ៍មិនជ្រៀតជ្រែកកិច្ចការផ្ទៃក្នុងប្រទេសដទៃ ខណៈប្រធានបទសមុទ្រចិនខាងត្បូង ដែលសមាជិកអាស៊ានខ្លះមានជំហរមិនស្របគ្នា នឹងត្រូវយកមកពិភាក្សា។
ថ្លែងក្នុងពិធីបើកកិច្ចប្រជុំអាស៊ាននៅថ្ងៃទី២៩ ខែមេសា ប្រធានាធិបតីហ្វីលីពីន Rodrigo Duterte បានលើកឡើងពីគោលការណ៍សំខាន់របស់អង្គការតំបន់មួយនេះ ដែលរួមមានការគោរពច្បាប់អន្តរជាតិ និងការគោរពគ្នាទៅវិញទៅមកនៃឯករាជ្យ, អធិបតេយ្យ និងផលប្រយោជន៍រដ្ឋជាសមាជិកទាំងអស់។ លោក Duterte ក៏ថែមទាំងបានលើកឡើងពីការមិនជ្រៀតជ្រែកកិច្ចការផ្ទៃក្នុងនៃសមាជិកផ្សេងទៀតដែរ។
ចំពោះមុខបណ្ដាមេដឹកនាំអាស៊ានទាំង ៩ប្រទេសផ្សេងទៀត ប្រធានាធិបតីហ្វីលីពីនរំឮកថា ទំនាក់ទំនងរវាងសមាជិកអាស៊ាន អាចផ្តល់ផ្លែផ្កាបាន លុះត្រាសមាជិកទាំងអស់គោរពផលប្រយោជន៍គ្នាទៅវិញទៅមក។ លោកបន្តថា ការសន្ទនាក្នុងចំណោមសមាជិកទាំងអស់ អាចផ្ដល់ប្រយោជន៍បានច្រើន ប្រសិនបើគោលការណ៍មិនជ្រៀតជ្រែកកិច្ចការផ្ទៃក្នុងនៃរដ្ឋសមាជិកអាស៊ានទាំងអស់ ត្រូវបានគោរពដាច់ខាត់។
ក្នុងនាមជាប្រធានដឹកនាំកិច្ចប្រជុំសម្រាប់ឆ្នាំ២០១៧ នេះ លោក Duterte ក៏សង្កត់ថា ទំនាក់ទំនងរវាងសមាជិកអាស៊ាន ជាមួយដៃគូសន្ទនាមានអាមេរិក សហភាពអឺរ៉ុប និងអាមេរិកជាដើម នឹងកាន់តែខ្លាំងជាងមុន បើប្រទេសទាំងអស់គោរពគ្នា និងមានសិទ្ធិស្មើគ្នា។ ឆ្លៀតពេលនេះ លោក ក៏មិនភ្លេចរំឮករដ្ឋក្រៅអាស៊ានពីទំនាក់ទំនងរវាងពួកគេ និងអាស៊ាន ដែលនឹងនៅតែរឹងមាំ បើពួកគេគោរព និងឲ្យតម្លៃការដោះស្រាយបញ្ហាដោយសន្តិវិធី។
ប្រធានាធិបតី Duterte លើកឡើងដូចនេះ ខណៈដែលលោក នឹងបណ្ដាមេដឹកនាំអាស៊ានផ្សេងទៀត នឹងពិភាក្សាគ្នាលើប្រធានបទដ៏សំខាន់ គឺបញ្ហាសមុទ្រចិនខាងត្បូង។ សមាជិកអាស៊ានទាំងអស់ គ្មានជំហរស្របគ្នាលើបញ្ហាឡើយ បើទោះជាសមាជិកទាំងអស់ធ្លាប់ប្រកាសរួមគ្នាពីសារសំខាន់នៃការស្វែងរកដំណោះស្រាយសន្តិភាពក្ដី។ លោក Duterte ក៏ត្រូវបានស្នើឲ្យដាក់សាលក្រមសមុទ្រចិនខាងត្បូង ចូលសេចក្ដីថ្លែងការណ៍រួមក្រោយជំនួបកំពូលនេះក្ដី។
បញ្ហាសមុទ្រចិនខាងត្បូង នៅតែសំណុំរឿងសាំញាំ ហើយលំបាកសម្រាប់អាស៊ាន ព្រោះមិនមែនសមាជិកទាំងអស់ជាប់ពាក់ព័ន្ធសំណុំរឿងនេះឡើយ។ បើតាមសេចក្ដីពង្រាងសេចក្ដីថ្លែងការណ៍រួម សមាជិកអាស៊ានខ្លះ បានទាមទារឲ្យបញ្ចូលសកម្មភាពរបស់ចិននៅសមុទ្រចិនខាងត្បូងដូចជាការធ្វើយោធូបនីយកម្មជាដើម ទៅក្នុងសេចក្ដីថ្លែងការណ៍រួម ប៉ុន្តែសមាជិកខ្លះទៀត ហាក់មានជំហរផ្ទុយពីនេះ ព្រោះមិនចង់ឲ្យចិនទាស់ចិត្តឡើយ៕
ថ្លែងក្នុងពិធីបើកកិច្ចប្រជុំអាស៊ាននៅថ្ងៃទី២៩ ខែមេសា ប្រធានាធិបតីហ្វីលីពីន Rodrigo Duterte បានលើកឡើងពីគោលការណ៍សំខាន់របស់អង្គការតំបន់មួយនេះ ដែលរួមមានការគោរពច្បាប់អន្តរជាតិ និងការគោរពគ្នាទៅវិញទៅមកនៃឯករាជ្យ, អធិបតេយ្យ និងផលប្រយោជន៍រដ្ឋជាសមាជិកទាំងអស់។ លោក Duterte ក៏ថែមទាំងបានលើកឡើងពីការមិនជ្រៀតជ្រែកកិច្ចការផ្ទៃក្នុងនៃសមាជិកផ្សេងទៀតដែរ។
ចំពោះមុខបណ្ដាមេដឹកនាំអាស៊ានទាំង ៩ប្រទេសផ្សេងទៀត ប្រធានាធិបតីហ្វីលីពីនរំឮកថា ទំនាក់ទំនងរវាងសមាជិកអាស៊ាន អាចផ្តល់ផ្លែផ្កាបាន លុះត្រាសមាជិកទាំងអស់គោរពផលប្រយោជន៍គ្នាទៅវិញទៅមក។ លោកបន្តថា ការសន្ទនាក្នុងចំណោមសមាជិកទាំងអស់ អាចផ្ដល់ប្រយោជន៍បានច្រើន ប្រសិនបើគោលការណ៍មិនជ្រៀតជ្រែកកិច្ចការផ្ទៃក្នុងនៃរដ្ឋសមាជិកអាស៊ានទាំងអស់ ត្រូវបានគោរពដាច់ខាត់។
ក្នុងនាមជាប្រធានដឹកនាំកិច្ចប្រជុំសម្រាប់ឆ្នាំ២០១៧ នេះ លោក Duterte ក៏សង្កត់ថា ទំនាក់ទំនងរវាងសមាជិកអាស៊ាន ជាមួយដៃគូសន្ទនាមានអាមេរិក សហភាពអឺរ៉ុប និងអាមេរិកជាដើម នឹងកាន់តែខ្លាំងជាងមុន បើប្រទេសទាំងអស់គោរពគ្នា និងមានសិទ្ធិស្មើគ្នា។ ឆ្លៀតពេលនេះ លោក ក៏មិនភ្លេចរំឮករដ្ឋក្រៅអាស៊ានពីទំនាក់ទំនងរវាងពួកគេ និងអាស៊ាន ដែលនឹងនៅតែរឹងមាំ បើពួកគេគោរព និងឲ្យតម្លៃការដោះស្រាយបញ្ហាដោយសន្តិវិធី។
ប្រធានាធិបតី Duterte លើកឡើងដូចនេះ ខណៈដែលលោក នឹងបណ្ដាមេដឹកនាំអាស៊ានផ្សេងទៀត នឹងពិភាក្សាគ្នាលើប្រធានបទដ៏សំខាន់ គឺបញ្ហាសមុទ្រចិនខាងត្បូង។ សមាជិកអាស៊ានទាំងអស់ គ្មានជំហរស្របគ្នាលើបញ្ហាឡើយ បើទោះជាសមាជិកទាំងអស់ធ្លាប់ប្រកាសរួមគ្នាពីសារសំខាន់នៃការស្វែងរកដំណោះស្រាយសន្តិភាពក្ដី។ លោក Duterte ក៏ត្រូវបានស្នើឲ្យដាក់សាលក្រមសមុទ្រចិនខាងត្បូង ចូលសេចក្ដីថ្លែងការណ៍រួមក្រោយជំនួបកំពូលនេះក្ដី។
បញ្ហាសមុទ្រចិនខាងត្បូង នៅតែសំណុំរឿងសាំញាំ ហើយលំបាកសម្រាប់អាស៊ាន ព្រោះមិនមែនសមាជិកទាំងអស់ជាប់ពាក់ព័ន្ធសំណុំរឿងនេះឡើយ។ បើតាមសេចក្ដីពង្រាងសេចក្ដីថ្លែងការណ៍រួម សមាជិកអាស៊ានខ្លះ បានទាមទារឲ្យបញ្ចូលសកម្មភាពរបស់ចិននៅសមុទ្រចិនខាងត្បូងដូចជាការធ្វើយោធូបនីយកម្មជាដើម ទៅក្នុងសេចក្ដីថ្លែងការណ៍រួម ប៉ុន្តែសមាជិកខ្លះទៀត ហាក់មានជំហរផ្ទុយពីនេះ ព្រោះមិនចង់ឲ្យចិនទាស់ចិត្តឡើយ៕
© រក្សាសិទ្ធិដោយ thmeythmey.com
