អន្តរជាតិ
សម្ដេចប៉ាប ហ្វ្រង់ស៊ីស ៖ កុំយកឈ្មោះព្រះជាលេសបង្កហិង្សា
29, Apr 2017 , 8:39 pm
×![]()
ដោយ: តន ចាន់រិទ្ធារ៉ា
ប្រមុខដឹកនាំសាសនាគ្រិស្តកាតូលិក សម្ដេចប៉ាប ហ្វ្រង់ស៊ីស បានយាងដល់អេហ្ស៊ីបនៅថ្ងៃទី២៨ ខែមេសា ដែលជាទស្សនកិច្ចមានគោលដៅជំរុញឲ្យមានសន្តិភាពរវាងជនមូស្លីមភាគច្រើន និងគ្រិស្តសាសនិកភាគតិចនៅក្នុងប្រទេសកាន់សាសនាឥស្លាមដ៏៏ធំមួយនេះ។ នៅអេហ្ស៊ីប សម្ដេចប៉ាប ជួបជាមួយប្រធានាធិបតី Abdel Fattah al-Sisi និងបណ្ដាមេដឹកនាំសាសនាឥស្លាម និងសាសនាគ្រិស្តផងដែរ។
ក្នុងឱកាសចូលរួមសន្និសីទមួយក្រោយទៅដល់អេហ្ស៊ីប សម្ដេចប៉ាប ហ្វ្រង់ស៊ីស មានបន្ទូលថា អំពើហិង្សាមិនអាចបានដោយយកព្រះនាមរបស់ព្រះ មកធ្វើជាលេសឡើយ ព្រោះនេះជាការប្រមាថព្រះយ៉ាងធ្ងន់ធ្ងរ។ សម្ដេចប៉ាប មានបន្ទូលដូចនេះ ស្របពេលដែលអំពើហិង្សាជាច្រើនស្ទើររាល់ថ្ងៃជុំវិញពិភពលោក ហើយឧក្រិដ្ឋជនបានយកព្រះនាមរបស់ព្រះមកបិទបាំងអំពើសាហាវព្រៃផ្សៃរបស់ខ្លួនទៅវិញ។
សម្ដេចប៉ាប ហ្វ្រង់ស៊ីស កំពុងស្ថិតនៅអេហ្ស៊ីបក្នុងទស្សនកិច្ច ២ថ្ងៃនៅទីនោះ។ ទស្សនកិច្ចនៅពេលនេះ ក៏ជាការជំរុញឲ្យសេចក្ដីសុខ និងសន្តិភាពរវាងជនមូស្លីម និងគ្រិស្តសាសនិករស់នៅអេហ្ស៊ីប ដែលរងការវាយប្រហារនាពេលកន្លងមក។ វិហារសាសនាគ្រិស្តនៅអេហ្ស៊ីប គឺជាគោលដៅវាយប្រហាររបស់ក្រុមជ្រុលនិយម ដែលសម្លាប់មនុស្សជាច្រើននាក់ រហូតដល់ប្រធានាធិបតី Abdel Fattah al-Sisi សម្រេចចិត្តដាក់ប្រទេសក្នុងស្ថានភាពអាសន្ន។
សន្តិសុខត្រូវបានការពារយ៉ាងតឹងរ៉ឹងបំផុតសម្រាប់ដំណើរទស្សនកិច្ចរបស់សម្ដេចប៉ាប ហ្វ្រង់ស៊ីស ទាំងនៅអាកាសយានដ្ឋាន និងនៅតាមដងផ្លូវឆ្ពោះទៅកាន់វិមានប្រធានាធិបតី។ ក្រៅពីជួបប្រមុខរដ្ឋអេហ្ស៊ីប សម្ដេចប៉ាប ក៏ជួបជាមួយលោក Sheikh Ahmed al-Tayeb មេដឹកនាំជាន់ខ្ពស់ឥស្លាមនៅអេហ្ស៊ីប ក៏ដូចជា Pope Tawadros II ប្រមុខវិហារ Coptic ដែលជានិកាយនៃគ្រិស្តសាសនានៅអេហ្ស៊ីបផង។
ឆ្លៀតឱកាសនៃទស្សនកិច្ចនេះ ប្រមុខបុរីវ៉ាទីកង់អង្គនេះ ក៏បានព្រមានពីការកើនឡើងនៃគំនិតប្រជាឧបាយនិយមផងដែរ។ បើតាមសារព័ត៌មាន Al Jazeera សម្ដេចប៉ាបមានបន្ទូលថា៖ «ប្រជាឧបាយនិយមនេះ គ្មានផលល្អសម្រាប់សន្តិភាព និងស្ថិរភាពឡើយ។ តែវាជារឿងសំខាន់ក្នុងការជួបលុបបំបាត់ភាពក្រីក្រ ដែលជាមូលហេតុដើមនៃអំពើជ្រុលនិយម ក៏ដូចជាជួយទប់ស្កាត់ទឹកប្រាក់ ដែលអាចបង្កជាសកម្មភាពហិង្សា»។
សូមបញ្ជាក់ដែរថា ក្នុងចំណោមប្រជាជនអេហ្ស៊ីបទាំងជាង ៩០លាននាក់ មានអ្នកកាន់គ្រិស្តសាសនា Coptic ចំនួន ១០ភាគរយ ដែលជាសហគមន៍គ្រិស្តសាសនិកភាគតិចធំជាងគេនៅមជ្ឈិមបូព៌ា។ ប៉ុន្តែ ជារឿយៗ ពួកគេការវាយប្រហារពីសំណាក់ក្រុមជ្រុលនិយម។ ការវាយប្រហារចុងក្រោយដែលជាស្នាដៃក្រុមជ្រុលនិយមរដ្ឋឥស្លាម បានកើតឡើងកាលពីដើមខែនេះ និងបានសម្លាប់មនុស្សដល់ទៅ ៤៥នាក់ឯណោះ។
ក្នុងឱកាសចូលរួមសន្និសីទមួយក្រោយទៅដល់អេហ្ស៊ីប សម្ដេចប៉ាប ហ្វ្រង់ស៊ីស មានបន្ទូលថា អំពើហិង្សាមិនអាចបានដោយយកព្រះនាមរបស់ព្រះ មកធ្វើជាលេសឡើយ ព្រោះនេះជាការប្រមាថព្រះយ៉ាងធ្ងន់ធ្ងរ។ សម្ដេចប៉ាប មានបន្ទូលដូចនេះ ស្របពេលដែលអំពើហិង្សាជាច្រើនស្ទើររាល់ថ្ងៃជុំវិញពិភពលោក ហើយឧក្រិដ្ឋជនបានយកព្រះនាមរបស់ព្រះមកបិទបាំងអំពើសាហាវព្រៃផ្សៃរបស់ខ្លួនទៅវិញ។
សម្ដេចប៉ាប ហ្វ្រង់ស៊ីស កំពុងស្ថិតនៅអេហ្ស៊ីបក្នុងទស្សនកិច្ច ២ថ្ងៃនៅទីនោះ។ ទស្សនកិច្ចនៅពេលនេះ ក៏ជាការជំរុញឲ្យសេចក្ដីសុខ និងសន្តិភាពរវាងជនមូស្លីម និងគ្រិស្តសាសនិករស់នៅអេហ្ស៊ីប ដែលរងការវាយប្រហារនាពេលកន្លងមក។ វិហារសាសនាគ្រិស្តនៅអេហ្ស៊ីប គឺជាគោលដៅវាយប្រហាររបស់ក្រុមជ្រុលនិយម ដែលសម្លាប់មនុស្សជាច្រើននាក់ រហូតដល់ប្រធានាធិបតី Abdel Fattah al-Sisi សម្រេចចិត្តដាក់ប្រទេសក្នុងស្ថានភាពអាសន្ន។
សន្តិសុខត្រូវបានការពារយ៉ាងតឹងរ៉ឹងបំផុតសម្រាប់ដំណើរទស្សនកិច្ចរបស់សម្ដេចប៉ាប ហ្វ្រង់ស៊ីស ទាំងនៅអាកាសយានដ្ឋាន និងនៅតាមដងផ្លូវឆ្ពោះទៅកាន់វិមានប្រធានាធិបតី។ ក្រៅពីជួបប្រមុខរដ្ឋអេហ្ស៊ីប សម្ដេចប៉ាប ក៏ជួបជាមួយលោក Sheikh Ahmed al-Tayeb មេដឹកនាំជាន់ខ្ពស់ឥស្លាមនៅអេហ្ស៊ីប ក៏ដូចជា Pope Tawadros II ប្រមុខវិហារ Coptic ដែលជានិកាយនៃគ្រិស្តសាសនានៅអេហ្ស៊ីបផង។
ឆ្លៀតឱកាសនៃទស្សនកិច្ចនេះ ប្រមុខបុរីវ៉ាទីកង់អង្គនេះ ក៏បានព្រមានពីការកើនឡើងនៃគំនិតប្រជាឧបាយនិយមផងដែរ។ បើតាមសារព័ត៌មាន Al Jazeera សម្ដេចប៉ាបមានបន្ទូលថា៖ «ប្រជាឧបាយនិយមនេះ គ្មានផលល្អសម្រាប់សន្តិភាព និងស្ថិរភាពឡើយ។ តែវាជារឿងសំខាន់ក្នុងការជួបលុបបំបាត់ភាពក្រីក្រ ដែលជាមូលហេតុដើមនៃអំពើជ្រុលនិយម ក៏ដូចជាជួយទប់ស្កាត់ទឹកប្រាក់ ដែលអាចបង្កជាសកម្មភាពហិង្សា»។
សូមបញ្ជាក់ដែរថា ក្នុងចំណោមប្រជាជនអេហ្ស៊ីបទាំងជាង ៩០លាននាក់ មានអ្នកកាន់គ្រិស្តសាសនា Coptic ចំនួន ១០ភាគរយ ដែលជាសហគមន៍គ្រិស្តសាសនិកភាគតិចធំជាងគេនៅមជ្ឈិមបូព៌ា។ ប៉ុន្តែ ជារឿយៗ ពួកគេការវាយប្រហារពីសំណាក់ក្រុមជ្រុលនិយម។ ការវាយប្រហារចុងក្រោយដែលជាស្នាដៃក្រុមជ្រុលនិយមរដ្ឋឥស្លាម បានកើតឡើងកាលពីដើមខែនេះ និងបានសម្លាប់មនុស្សដល់ទៅ ៤៥នាក់ឯណោះ។
© រក្សាសិទ្ធិដោយ thmeythmey.com
