កីឡាអន្តរជាតិ
អន្តរជាតិ
អ្នកប្រដាល់វ័យក្មេងអង់គ្លេស Joshua បំបាក់ជើងខ្លាំងចាស់វស្សាអ៊ុយក្រែន Klitschko នៅទឹកទី១១ 30, Apr 2017 , 9:38 am
× កីឡាករប្រដាល់អង់គ្លេស Anthony Joshua វ័យ២៧ឆ្នាំ បានបង្ហាញកណ្តាប់ដៃយ៉ាងអស្ចារ្យនៅលើសង្វៀននៃកីឡដ្ឋាន Wembley តាមរយៈការយកឈ្នះដោយបច្ចេកទេសនៅទឹកទី១១លើអ្នកប្រដាល់អ៊ុយក្រែនវ័យ៤១ឆ្នាំ Wladimir Klitschko។ ជោគជ័យកាលពីថ្ងៃសៅរ៍កន្លងមកនេះ នាំឲ្យ Joshua រក្សាខ្សែក្រវាត់ទម្ងន់ IBF របស់ខ្លួន និងដណ្តើមបានខ្សែក្រវាត់ទម្ងន់ធ្ងន់ WBA ដែលនៅទំនេរ។
ក្រោមក្រសែភ្នែកអ្នកគាំទ្រប្រមាណ៩ម៉ឺននាក់នៅកីឡដ្ឋានជាតិ Wembley កីឡាករ Joshua បានសមត្ថភាពដ៏គួរឲ្យចាប់អារម្មណ៍បំផុត។ Klitschko បានដួលនៅទឹកទី៥ តែនៅទឹកទី៦ គេបានសងសឹកវិញដោយធ្វើឲ្យ Joshua ដួលជាលើកដំបូងក្នុងអាជីពរបស់ខ្លួន។
ការប្រកួតដ៏ទាក់ទាញ បានបន្តដល់ទឹកទី១១ ហើយ Joshua បានបើកការវាយលុកទៅលើ Klitschko ឲ្យដួលរហូតដល់ទៅពីរដឹង មុនពេលដែលអាជ្ញាកណ្តាលសម្រេចចិត្តបញ្ឈប់ការប្រកួត។ ជ័យជម្នះបានទៅលើកីឡាករវ័យក្មេងអង់គ្លេស Joshua៕
© រក្សាសិទ្ធិដោយ thmeythmey.com