អន្តរជាតិ
អាមេរិក ឈប់ផ្ដល់អាទិភាពរឿងការពារសិទ្ធិមនុស្សនៅបរទេស តែនឹងផ្ដោតសំខាន់លើប្រយោជន៍អាមេរិក
05, May 2017 , 9:19 pm
រដ្ឋមន្ត្រីការបរទេសអាមេរិកលោក Rex Tillerson ក្នុងពេលជួបជាមួយមន្ត្រីក្រសួងការបរទេស (រូបភាព៖ Department of State)
×![]()
ដោយ: តន ចាន់រិទ្ធារ៉ា
តាំងតែពីដើមមក អាមេរិក ត្រូវគេចាត់ទុតុកថាជាបិតាប្រជាធិបតេយ្យ និងការគោរពសិទ្ធិមនុស្សពេញពិភពលោក។ ទីណាមានការរំលោភបំពានសិទ្ធិមនុស្ស ទីនោះតែងឃើញមានវត្តមានអាមេរិកចេញមុខរកខុសត្រូវ ឬយ៉ាងហោចណាស់បង្ហាញការព្រួយបារម្ភដែរ។ ប៉ុន្តែក្រោមអាណត្តិប្រធានាធិបតី ដូណាល់ ត្រាំ ការគោរពសិទ្ធិមនុស្សនេះ ហាក់រយាលជាងមុន ហើយប្រមុខការទូតអាមេរិកថែមទាំងនិយាយថា ការការពារសិទ្ធិមនុស្សនៅប្រទេស គឺជាឧបសគ្គសម្រាប់ប្រយោជន៍អាមេរិកទៅទៀត។
ចំពោះមុខមន្ត្រីក្រោមឱវាទនៃក្រសួងការបរទេស ប្រមុខការទូត Rex Tillerson និយាយថា នយោបាយការទូតរបស់អាមេរិក នឹងផ្ដោតការយកចិត្តទុកសំខាន់លើផលប្រយោជន៍អាមេរិកជាចម្បងមុននឹងបញ្ហាផ្សេងទៀតរាប់ទាំងរឿងសិទ្ធិមនុស្សផង។ ការលើកឡើងបែបនេះ ជាសញ្ញាបង្ហាញពីការប្រែប្រួលនៃនយោបាយការបរទេសរបស់អាមេរិកក្រោមអាណត្តិលោក ដូណាល់ ត្រាំ ហើយវាក៏ខុសពីរដ្ឋបាលអាមេរិកមុនៗដែលផ្ដោតសំខាន់លើបញ្ហាសិទ្ធិមនុស្សក្នុងទំនាក់ទំនងជាមួយប្រទេសផ្សេង។
ការអធិប្បាយរបស់ប្រមុខការទូតអាមេរិកនៅថ្ងៃទី៣ ខែឧសភា ក៏បង្ហាញកាន់តែច្បាស់ថែមទៀតនយោបាយ «America First» របស់លោក ត្រាំ ដែលផ្ដល់អាទិភាពដល់អ្វីជាប្រយោជន៍សម្រាប់អាមេរិក និងមិនសូវខ្វល់ឡើយពីបញ្ហារបស់ប្រទេសផ្សេង។ និយាយឲ្យខ្លី ទីណាផ្ដល់ប្រយោជន៍ឲ្យអាមេរិក នោះរដ្ឋបាលប្រធានាធិបតី ត្រាំ នឹងមិនគិតគូរបញ្ហាអ្វីផ្សេងទៀត ទោះជាមានការរំលោភសិទ្ធិមនុស្ស ឬការបំពានប្រជាធិបតេយ្យអ្វីឡើយ ព្រោះវាមិនមែនជានយោបាយរបស់អាមេរិកទៀត។
«អ្វីដែលមូលដ្ឋាននៃនយោបាយការបរទេសរបស់យើងកន្លងមក គឺតម្លៃរបស់យើងតែម្ដងមានសេរីភាព និងសេចក្ដីថ្លៃថ្នូររបស់មនុស្ស និងសកម្មភាពរបស់។។ គោលការណ៍ទាំងនោះ ជាតម្លៃរបស់យើង មិនមែនជានយោបាយរបស់យើងឡើយ»។ នេះជាអធិប្បាយរបស់រដ្ឋមន្ត្រីការបរទេស Tillerson ទៅកាន់ការជួបជុំមួយនៅក្រសួងកាបរទេសដែលចូលរួមមន្ត្រីជាច្រើនរួមទាំងមន្ត្រីការទូតផងដែរ។ នេះមានន័យថា ក្រោមអាណត្តិលោក ត្រាំ អាមេរិកនឹងមិនផ្ដល់ទម្ងន់ខ្លាំងលើបញ្ហាសិទ្ធិមនុស្សឡើយ។
ជាមួយគ្នានោះ លោកTillerson បញ្ជាក់ថា បើអាមេរិកដាក់លក្ខខណ្ឌខ្លាំងពេកឲ្យប្រទេសផ្សេងអនុវត្តតាមគោលការណ៍របស់ខ្លួន ដូចដែលធ្លាប់ធ្វើកន្លងមក វានឹងបង្កើតជាឧបសគ្គក្នុងការទទួលបានប្រយោជន៍ត្រឡប់មកវិញរាប់ទាំងបញ្ហាសន្តិសុខ និងផលប្រយោជន៍សេដ្ឋកិច្ចផង។ លោកបន្តថា អាមេរិក ត្រូវដឹងឲ្យច្បាស់អ្វីជាបញ្ហាសន្តិសុខរបស់ខ្លួន អ្វីជាផលប្រយោជន៍សេដ្ឋកិច្ច ហើយផលប្រយោជន៍ជាតិ និងបញ្ហាសិទ្ធិមនុស្ស អាចដើរទន្ទឹមគ្នាបានឬយ៉ាងណា។
ឧទាហរណ៍ជាក់ស្ដែងនៃការប្រែប្រួលនយោបាយការបរទេសរបស់រដ្ឋបាលអាមេរិក ដែលមិនសូវឲ្យតម្លៃលើបញ្ហាសិទ្ធិមនុស្ស អាចស្ដែងតាមរយៈការជួបជាមួយមេដឹកនាំប្រទេសដែលមិនសូវមានការគោរពសិទ្ធិមនុស្សដូចជាអេហ្ស៊ីប ក៏ដូចជាការអញ្ជើញមេដឹកនាំហ្វីលីពីន Rodrigo Duterte និងមេដឹកនាំរបបសឹកថៃ ប្រាយុទ្ធ ចន្ទអូចា។ ចុងក្រោយនេះ លោក ត្រាំ បែរជានិយាយលើកសរសើរមេដឹកនាំផ្ដាច់ការវ័យក្មេង គីម ជុងអ៊ុន ហើយថែមចង់ជួបលោក គីម ជុងអ៊ុនទៅទៀត៕
ចំពោះមុខមន្ត្រីក្រោមឱវាទនៃក្រសួងការបរទេស ប្រមុខការទូត Rex Tillerson និយាយថា នយោបាយការទូតរបស់អាមេរិក នឹងផ្ដោតការយកចិត្តទុកសំខាន់លើផលប្រយោជន៍អាមេរិកជាចម្បងមុននឹងបញ្ហាផ្សេងទៀតរាប់ទាំងរឿងសិទ្ធិមនុស្សផង។ ការលើកឡើងបែបនេះ ជាសញ្ញាបង្ហាញពីការប្រែប្រួលនៃនយោបាយការបរទេសរបស់អាមេរិកក្រោមអាណត្តិលោក ដូណាល់ ត្រាំ ហើយវាក៏ខុសពីរដ្ឋបាលអាមេរិកមុនៗដែលផ្ដោតសំខាន់លើបញ្ហាសិទ្ធិមនុស្សក្នុងទំនាក់ទំនងជាមួយប្រទេសផ្សេង។
ការអធិប្បាយរបស់ប្រមុខការទូតអាមេរិកនៅថ្ងៃទី៣ ខែឧសភា ក៏បង្ហាញកាន់តែច្បាស់ថែមទៀតនយោបាយ «America First» របស់លោក ត្រាំ ដែលផ្ដល់អាទិភាពដល់អ្វីជាប្រយោជន៍សម្រាប់អាមេរិក និងមិនសូវខ្វល់ឡើយពីបញ្ហារបស់ប្រទេសផ្សេង។ និយាយឲ្យខ្លី ទីណាផ្ដល់ប្រយោជន៍ឲ្យអាមេរិក នោះរដ្ឋបាលប្រធានាធិបតី ត្រាំ នឹងមិនគិតគូរបញ្ហាអ្វីផ្សេងទៀត ទោះជាមានការរំលោភសិទ្ធិមនុស្ស ឬការបំពានប្រជាធិបតេយ្យអ្វីឡើយ ព្រោះវាមិនមែនជានយោបាយរបស់អាមេរិកទៀត។
«អ្វីដែលមូលដ្ឋាននៃនយោបាយការបរទេសរបស់យើងកន្លងមក គឺតម្លៃរបស់យើងតែម្ដងមានសេរីភាព និងសេចក្ដីថ្លៃថ្នូររបស់មនុស្ស និងសកម្មភាពរបស់។។ គោលការណ៍ទាំងនោះ ជាតម្លៃរបស់យើង មិនមែនជានយោបាយរបស់យើងឡើយ»។ នេះជាអធិប្បាយរបស់រដ្ឋមន្ត្រីការបរទេស Tillerson ទៅកាន់ការជួបជុំមួយនៅក្រសួងកាបរទេសដែលចូលរួមមន្ត្រីជាច្រើនរួមទាំងមន្ត្រីការទូតផងដែរ។ នេះមានន័យថា ក្រោមអាណត្តិលោក ត្រាំ អាមេរិកនឹងមិនផ្ដល់ទម្ងន់ខ្លាំងលើបញ្ហាសិទ្ធិមនុស្សឡើយ។
ជាមួយគ្នានោះ លោកTillerson បញ្ជាក់ថា បើអាមេរិកដាក់លក្ខខណ្ឌខ្លាំងពេកឲ្យប្រទេសផ្សេងអនុវត្តតាមគោលការណ៍របស់ខ្លួន ដូចដែលធ្លាប់ធ្វើកន្លងមក វានឹងបង្កើតជាឧបសគ្គក្នុងការទទួលបានប្រយោជន៍ត្រឡប់មកវិញរាប់ទាំងបញ្ហាសន្តិសុខ និងផលប្រយោជន៍សេដ្ឋកិច្ចផង។ លោកបន្តថា អាមេរិក ត្រូវដឹងឲ្យច្បាស់អ្វីជាបញ្ហាសន្តិសុខរបស់ខ្លួន អ្វីជាផលប្រយោជន៍សេដ្ឋកិច្ច ហើយផលប្រយោជន៍ជាតិ និងបញ្ហាសិទ្ធិមនុស្ស អាចដើរទន្ទឹមគ្នាបានឬយ៉ាងណា។
ឧទាហរណ៍ជាក់ស្ដែងនៃការប្រែប្រួលនយោបាយការបរទេសរបស់រដ្ឋបាលអាមេរិក ដែលមិនសូវឲ្យតម្លៃលើបញ្ហាសិទ្ធិមនុស្ស អាចស្ដែងតាមរយៈការជួបជាមួយមេដឹកនាំប្រទេសដែលមិនសូវមានការគោរពសិទ្ធិមនុស្សដូចជាអេហ្ស៊ីប ក៏ដូចជាការអញ្ជើញមេដឹកនាំហ្វីលីពីន Rodrigo Duterte និងមេដឹកនាំរបបសឹកថៃ ប្រាយុទ្ធ ចន្ទអូចា។ ចុងក្រោយនេះ លោក ត្រាំ បែរជានិយាយលើកសរសើរមេដឹកនាំផ្ដាច់ការវ័យក្មេង គីម ជុងអ៊ុន ហើយថែមចង់ជួបលោក គីម ជុងអ៊ុនទៅទៀត៕
Tag:
អាមេរិក
Rex Tillerson
សិទ្ធិមនុស្ស
© រក្សាសិទ្ធិដោយ thmeythmey.com
