អន្តរជាតិ
ក្រុមហ៊ុនមួយនៅចិនផ្តល់ប្រាក់១៤ដុល្លារក្នុង១គីឡូក្រាមដល់រាល់បុគ្គលិកដែលសម្រកទម្ងន់
14, May 2017 , 9:59 am
×![]()
ដោយ: ធីតា
ក្រុមហ៊ុនមួយនៅចិន បានបង្កើតកម្មវិធីលើកទឹកចិត្តបុគ្គលិករបស់ខ្លួនដែលបញ្ចុះទម្ងន់។ តាមគោលការណ៍ រាល់បុគ្គលិកដែលអាចបញ្ចុះទម្ងន់ចាប់ពី៣គីឡូក្រាម ពួកគេនឹងទទួលបានប្រាក់រង្វាន់១០០យន់ [ប្រមាណ១៤ដុល្លារអាមេរិក] ។ តាមការផ្សាយរបស់គេហទំព័រចិន CNWest ប្រាក់លើកទឹកចិត្តនេះ គិតតាមចំនួនគីឡូ ដែលស្រកចុះ។
ចាប់ផ្តើមពីខែមីនាមក ក្រុមហ៊ុន Xian Jingtian Investment Consulting ដែលស្ថិតនៅខេត្ត Shaanxi ប្រទេសចិន បានបង្កើតកម្មវិធីប្រកួតប្រជែងប្រចាំខែសម្រាប់បុគ្គលិករបស់ខ្លួន ដែលចង់បញ្ចុះទម្ងន់ និងថែរក្សាសុខភាពឲ្យបានល្អ។ លោក Wang Xuebao ប្រធានក្រុមហ៊ុន បានលើកឡើងថា បុគ្គលិករបស់លោកភាគច្រើនអង្គុយក្នុងការិយាល័យ ដោយមិនសូវចល័តនោះឡើយ វាជាមូលហេតុដែលនាំឲ្យពួកគេលើសទម្ងន់។
លោក Wang ដែលខ្លួនលោកផ្ទាល់លើសទម្ងន់ដែលពិបាកសម្រកនោះ បានអះអាងថា ការបង្កើតកម្មវិធីប្រកួតប្រជែងសម្រកទម្ងន់នេះ គឺដើម្បីជួយដល់បុគ្គលិក ជាពិសេសឲ្យពួកគេយកចិត្តទុកដាក់លើសុខភាព។ ប៉ុន្តែប្រធានក្រុមហ៊ុនរូបនេះ ទទួលស្គាល់ថា ខ្លួនលោកប្រហែលជាមិនអាចសម្រកទម្ងន់ទៅតាមលក្ខន្តិកៈដើម្បីទទួលបានប្រាក់រង្វាន់ពីក្រុមហ៊ុននោះឡើយ។
នាង Zhou Wei ដែលជាបុគ្គលិកម្នាក់បានបញ្ជាក់ប្រាប់ CNWest ថា បុគ្គលិកជាងពាក់កណ្តាលសុទ្ធតែអាចទទួលបានប្រាក់រង្វាន់ពីក្រុមហ៊ុនសម្រាប់ការបញ្ចុះទម្ងន់។ ដោយមិនបានបញ្ជាក់ពីទម្ងន់ពិតប្រាកដរបស់ខ្លួន Zhou បានអះអាងថា នារយៈពេល២ខែចុងក្រោយនេះ នាងទទួលបានរង្វាន់២០០០យន់ [ប្រហែល២៩០ដុល្លារអាមេរិក] ហើយសម្រាប់ការសម្រកទម្ងន់រហូតដល់ទៅ២០គីឡូក្រាម។
ការបង្កើតកម្មវិធីប្រកួតប្រជែងនេះ នាំឲ្យ Zhou Wei និងបុគ្គលិកផ្សេងទៀត ផ្លាស់ប្តូរទម្លាប់បរិភោគប្រចាំថ្ងៃរបស់ខ្លួន ហើយពង្រឹងការហាត់ប្រាណ។ Zhou បានរៀបរាប់ថា៖ «ថ្ងៃនេះ ខ្ញុំញ៉ាំផ្សិត និងពងទាចៀន។ ពីមុន ខ្ញុំពិតចូលចិត្តញាំសាច់ណាស់ ពោលគឺរៀងរាល់ថ្ងៃតែម្តង»៕
ចាប់ផ្តើមពីខែមីនាមក ក្រុមហ៊ុន Xian Jingtian Investment Consulting ដែលស្ថិតនៅខេត្ត Shaanxi ប្រទេសចិន បានបង្កើតកម្មវិធីប្រកួតប្រជែងប្រចាំខែសម្រាប់បុគ្គលិករបស់ខ្លួន ដែលចង់បញ្ចុះទម្ងន់ និងថែរក្សាសុខភាពឲ្យបានល្អ។ លោក Wang Xuebao ប្រធានក្រុមហ៊ុន បានលើកឡើងថា បុគ្គលិករបស់លោកភាគច្រើនអង្គុយក្នុងការិយាល័យ ដោយមិនសូវចល័តនោះឡើយ វាជាមូលហេតុដែលនាំឲ្យពួកគេលើសទម្ងន់។
លោក Wang ដែលខ្លួនលោកផ្ទាល់លើសទម្ងន់ដែលពិបាកសម្រកនោះ បានអះអាងថា ការបង្កើតកម្មវិធីប្រកួតប្រជែងសម្រកទម្ងន់នេះ គឺដើម្បីជួយដល់បុគ្គលិក ជាពិសេសឲ្យពួកគេយកចិត្តទុកដាក់លើសុខភាព។ ប៉ុន្តែប្រធានក្រុមហ៊ុនរូបនេះ ទទួលស្គាល់ថា ខ្លួនលោកប្រហែលជាមិនអាចសម្រកទម្ងន់ទៅតាមលក្ខន្តិកៈដើម្បីទទួលបានប្រាក់រង្វាន់ពីក្រុមហ៊ុននោះឡើយ។
នាង Zhou Wei ដែលជាបុគ្គលិកម្នាក់បានបញ្ជាក់ប្រាប់ CNWest ថា បុគ្គលិកជាងពាក់កណ្តាលសុទ្ធតែអាចទទួលបានប្រាក់រង្វាន់ពីក្រុមហ៊ុនសម្រាប់ការបញ្ចុះទម្ងន់។ ដោយមិនបានបញ្ជាក់ពីទម្ងន់ពិតប្រាកដរបស់ខ្លួន Zhou បានអះអាងថា នារយៈពេល២ខែចុងក្រោយនេះ នាងទទួលបានរង្វាន់២០០០យន់ [ប្រហែល២៩០ដុល្លារអាមេរិក] ហើយសម្រាប់ការសម្រកទម្ងន់រហូតដល់ទៅ២០គីឡូក្រាម។
ការបង្កើតកម្មវិធីប្រកួតប្រជែងនេះ នាំឲ្យ Zhou Wei និងបុគ្គលិកផ្សេងទៀត ផ្លាស់ប្តូរទម្លាប់បរិភោគប្រចាំថ្ងៃរបស់ខ្លួន ហើយពង្រឹងការហាត់ប្រាណ។ Zhou បានរៀបរាប់ថា៖ «ថ្ងៃនេះ ខ្ញុំញ៉ាំផ្សិត និងពងទាចៀន។ ពីមុន ខ្ញុំពិតចូលចិត្តញាំសាច់ណាស់ ពោលគឺរៀងរាល់ថ្ងៃតែម្តង»៕
Tag:
ចិន
សម្រកទម្ងន់
© រក្សាសិទ្ធិដោយ thmeythmey.com
