អន្តរជាតិ
ក្រោយមានជម្លោះព្រំដែន ស៊ី ប្រាប់ ម៉ូឌី ថា ចិននិងឥណ្ឌាត្រូវការទំនាក់ទំនងល្អ
05, Sep 2017 , 9:39 pm
×![]()
ដោយ: តន ចាន់រិទ្ធារ៉ា
ប្រធានាធិបតីចិន ស៊ី ជិនភីង នៅថ្ងៃទី៥ ខែកញ្ញា បានប្រាប់នាយករដ្ឋមន្ត្រីឥណ្ឌា នារិន្ទ្រា ម៉ូឌី ថា អ្នកជិតខាងទាំងពីរគួរតែជ្រើសរើសទំនាក់ទំនងដែលល្អប្រសើរ ហើយចិនត្រៀមខ្លួនដើម្បីរឹតចំណងមិត្តភាពជាជាងការប្រឈមមុខខាងយោធា។ លោក ស៊ី ជិនភីង និយាយបែបនេះ ក្រោយមានការប៉ះទង្គិចគ្នានៅព្រំដែន ដែលទើបបានធូរស្រាលក្នុងខែសីហា បន្ទាប់ពីមានការចរចាច្រើនដង និងឈានដល់ការដកកងទ័ពរៀងៗខ្លួនពីតំបន់ជម្លោះនៅលើជួរភ្នំហិមាល័យ។
ប្រធានាធិបតីចិន ស៊ី ជិនភីង បានទទួលជួបពិភាក្សាជាមួយនាយករដ្ឋមន្ត្រីឥណ្ឌា នារិន្ទ្រា ម៉ូឌី នៅ ទីក្រុង Xiamen នៅក្រៅកិច្ចប្រជុំប្រទេស BRICS ដែលបញ្ចប់នៅថ្ងៃទី៥ ខែកញ្ញា។ គេរំពឹងថា ការជួបគ្នារវាងមេដឹកនាំចិន និងឥណ្ឌា នឹងធ្វើឡើងដោយសោះកក្រោះ ព្រោះទើបមានជម្លោះព្រំដែន។ ផ្ទុយទៅវិញ លោក ស៊ី ជិនភីង និងលោក ម៉ូឌី បែរជាបានចាប់ដៃគ្នាដោយទឹកមុខរីករាយ ដែលជាសញ្ញាបង្ហាញពីការត្រឡប់ទៅរកភាពប្រក្រតីក្នុងទំនាក់ទំនងទ្វេភាគី។
យោងតាមទីភ្នាក់ងារព័ត៌មាន Xinhua ក្នុងជំនួបទ្វេភាគីក្នុងទីក្រុងនៅអាស៊ីអាគ្នេយ៍ លោក ស៊ី ជិនភីង បានប្រាប់លោក ម៉ូឌី ថា ទំនាក់ទំនងល្អប្រសើរ គឺជាផលប្រយោជន៍របស់ប្រទេសទាំងពីរ។ ប្រធានាធិបតីចិនរូបនេះបន្តថា ចិនមានឆន្ទៈក្នុងការសហការជាមួយឥណ្ឌាដោយផ្អែកលើគោលការណ៍សន្តិសហវិជ្ជមានទាំង៥ចំណុច សំដៅជំរុញការទុកចិត្តផ្នែកនយោបាយ ក៏ដូចជាជំរុញទំនាក់ទំនងទ្វេភាគីឲ្យដើរលើផ្លូវត្រូវផងដែរ។
ជម្លោះព្រំដែនរវាងចិន និងឥណ្ឌា បានឡើងកម្ដៅតាំងពីខែមិថុនា បន្ទាប់ពីកងទ័ពឥណ្ឌាឆ្លងចូលតំបន់ Donglam ដើម្បីរារាំងសកម្មភាពសាងសង់ផ្លូវរបស់យោធាចិនលើទឹកដីដែលចិនអះអាងថាជារបស់ខ្លួន។ យោធាប្រទេសមហអំណាចនុយក្លអែរ៊ទាំងពីរបានប្រឈមមុខគ្នាពីរខែ រហូតដល់មានការឆ្លើយឆ្លងពាក្យសម្ដី និងការប្រទូស្តរាយរវាងកងទ័ព និងកងទ័ពទៅទៀត។ ក្រោយមានការចរចាចុះឡើងមក ស្ថានការណ៍ក៏បានធូរស្រាលវិញនៅសប្ដាហ៍មុន ដោយឥណ្ឌាបានដកទ័ពរបស់ខ្លួន។
ការបញ្ចប់ជម្លោះព្រំដែន ត្រូវគេមើលឃើញថាជាបង្កបរិយាកាសល្អសម្រាប់កិច្ចប្រជុំ BRICS ដែលលោក ម៉ូឌី ត្រូវមានវត្តមានដែរនោះ ហើយម្យ៉ាងក៏ជាការបង្ហាញពីសាមគ្គីភាពរវាងប្រទេសមានសេដ្ឋកិច្ចកំពុងរីកចម្រើនដូចគ្នាផង និងជាអ្នកជិតខាងល្អផង។ ក្រោយការដកទ័ពនេះ រដ្ឋមន្ត្រីការពារជាតិចិន វ៉ាង យី និយាយថា ចិនសង្ឃឹមថាឥណ្ឌានឹងរៀបសូត្រពីហេតុការណ៍នេះ និងចៀសវាងបង្កបញ្ហារបៀបនេះម្ដងទៀតនៅពេលអនាគត។
ចិន និងឥណ្ឌា មានព្រំដែនជាមួយគ្នាប្រវែងច្រើនពាន់គីឡូម៉ែត្រ ប៉ុន្តែជាព្រំដែនពោរពេញដោយជម្លោះ ភាពមិនដាច់ស្រេច ហើយក៏បណ្ដាលឲ្យមានការមិនជឿទុកចិត្តគ្នារវាងមហាអំណាចទាំងពីរ។ ការប៉ះទង្គិចយោធាតែងកើតមានជារឿយៗ ជាពិសេសក្នុងឆ្នាំ១៩៦២ ដែលពេលនោះកងទ័ពឥណ្ឌាបានបរាជ័យធ្ងន់ធ្ងរ។ ដោយឡែកការប្រឈមមុខថ្មីៗនេះ គឺជាវិបត្តិស្រួចស្រាល់បំផុតក្នុងពេលប៉ុន្មានទសវត្សរ៍ចុងក្រោយនេះ៕
ប្រធានាធិបតីចិន ស៊ី ជិនភីង បានទទួលជួបពិភាក្សាជាមួយនាយករដ្ឋមន្ត្រីឥណ្ឌា នារិន្ទ្រា ម៉ូឌី នៅ ទីក្រុង Xiamen នៅក្រៅកិច្ចប្រជុំប្រទេស BRICS ដែលបញ្ចប់នៅថ្ងៃទី៥ ខែកញ្ញា។ គេរំពឹងថា ការជួបគ្នារវាងមេដឹកនាំចិន និងឥណ្ឌា នឹងធ្វើឡើងដោយសោះកក្រោះ ព្រោះទើបមានជម្លោះព្រំដែន។ ផ្ទុយទៅវិញ លោក ស៊ី ជិនភីង និងលោក ម៉ូឌី បែរជាបានចាប់ដៃគ្នាដោយទឹកមុខរីករាយ ដែលជាសញ្ញាបង្ហាញពីការត្រឡប់ទៅរកភាពប្រក្រតីក្នុងទំនាក់ទំនងទ្វេភាគី។
យោងតាមទីភ្នាក់ងារព័ត៌មាន Xinhua ក្នុងជំនួបទ្វេភាគីក្នុងទីក្រុងនៅអាស៊ីអាគ្នេយ៍ លោក ស៊ី ជិនភីង បានប្រាប់លោក ម៉ូឌី ថា ទំនាក់ទំនងល្អប្រសើរ គឺជាផលប្រយោជន៍របស់ប្រទេសទាំងពីរ។ ប្រធានាធិបតីចិនរូបនេះបន្តថា ចិនមានឆន្ទៈក្នុងការសហការជាមួយឥណ្ឌាដោយផ្អែកលើគោលការណ៍សន្តិសហវិជ្ជមានទាំង៥ចំណុច សំដៅជំរុញការទុកចិត្តផ្នែកនយោបាយ ក៏ដូចជាជំរុញទំនាក់ទំនងទ្វេភាគីឲ្យដើរលើផ្លូវត្រូវផងដែរ។
ជម្លោះព្រំដែនរវាងចិន និងឥណ្ឌា បានឡើងកម្ដៅតាំងពីខែមិថុនា បន្ទាប់ពីកងទ័ពឥណ្ឌាឆ្លងចូលតំបន់ Donglam ដើម្បីរារាំងសកម្មភាពសាងសង់ផ្លូវរបស់យោធាចិនលើទឹកដីដែលចិនអះអាងថាជារបស់ខ្លួន។ យោធាប្រទេសមហអំណាចនុយក្លអែរ៊ទាំងពីរបានប្រឈមមុខគ្នាពីរខែ រហូតដល់មានការឆ្លើយឆ្លងពាក្យសម្ដី និងការប្រទូស្តរាយរវាងកងទ័ព និងកងទ័ពទៅទៀត។ ក្រោយមានការចរចាចុះឡើងមក ស្ថានការណ៍ក៏បានធូរស្រាលវិញនៅសប្ដាហ៍មុន ដោយឥណ្ឌាបានដកទ័ពរបស់ខ្លួន។
ការបញ្ចប់ជម្លោះព្រំដែន ត្រូវគេមើលឃើញថាជាបង្កបរិយាកាសល្អសម្រាប់កិច្ចប្រជុំ BRICS ដែលលោក ម៉ូឌី ត្រូវមានវត្តមានដែរនោះ ហើយម្យ៉ាងក៏ជាការបង្ហាញពីសាមគ្គីភាពរវាងប្រទេសមានសេដ្ឋកិច្ចកំពុងរីកចម្រើនដូចគ្នាផង និងជាអ្នកជិតខាងល្អផង។ ក្រោយការដកទ័ពនេះ រដ្ឋមន្ត្រីការពារជាតិចិន វ៉ាង យី និយាយថា ចិនសង្ឃឹមថាឥណ្ឌានឹងរៀបសូត្រពីហេតុការណ៍នេះ និងចៀសវាងបង្កបញ្ហារបៀបនេះម្ដងទៀតនៅពេលអនាគត។
ចិន និងឥណ្ឌា មានព្រំដែនជាមួយគ្នាប្រវែងច្រើនពាន់គីឡូម៉ែត្រ ប៉ុន្តែជាព្រំដែនពោរពេញដោយជម្លោះ ភាពមិនដាច់ស្រេច ហើយក៏បណ្ដាលឲ្យមានការមិនជឿទុកចិត្តគ្នារវាងមហាអំណាចទាំងពីរ។ ការប៉ះទង្គិចយោធាតែងកើតមានជារឿយៗ ជាពិសេសក្នុងឆ្នាំ១៩៦២ ដែលពេលនោះកងទ័ពឥណ្ឌាបានបរាជ័យធ្ងន់ធ្ងរ។ ដោយឡែកការប្រឈមមុខថ្មីៗនេះ គឺជាវិបត្តិស្រួចស្រាល់បំផុតក្នុងពេលប៉ុន្មានទសវត្សរ៍ចុងក្រោយនេះ៕
Tag:
ចិន
ឥណ្ឌា
ស៊ី ជិនភីង
នារិន្ទ្រា ម៉ូឌី
© រក្សាសិទ្ធិដោយ thmeythmey.com
