អន្តរជាតិ
ប្រព័ន្ធផ្សព្វផ្សាយកូរ៉េខាងត្បូងស្នើឲ្យរដ្ឋាភិបាលផលិតអាវុធនុយក្លេអ៊ែរដែរដើម្បីឆ្លើយតបកូរ៉េខាងជើង
06, Sep 2017 , 9:38 am
×![]()
ប្រព័ន្ធផ្សព្វផ្សាយកូរ៉េខាងត្បូងបានស្នើឲ្យរដ្ឋាភិបាលផលិតអាវុធនុយក្លេអ៊ែរខ្លួន ក្នុងពេលដែលប្រទេសនេះកំពុងស្ថិតក្រោមការគំរាមកំហែងពីសំណាក់កូរ៉េខាងជើង។ នេះក៏ដោយសារកូរ៉េខាងត្បូងមិនអាចពឹងផ្អែកលើសន្តិសុខផ្តល់ឲ្យដោយអាមេរិកគ្រប់ពេលឡើយ។
ទាហានចំនួន២៨៥០០នាក់ស្ថិតនៅកូរ៉េខាងត្បូង ដើម្បីជួយការពារប្រទេសនេះពីការវាយប្រហារឬគំរាមកំហែងពីសំណាក់កូរ៉េខាងជើង។ ចាប់ពីឆ្នាំ១៩៧៤ មក កូរ៉េខាងត្បូងបានចុះសន្ធិសញ្ញាជាមួយអាមេរិកដោយព្រមលះបង់សិទ្ធិផលិតអាវុធនុយក្លេអ៊ែរ ហើយទទួលយកការការពារពីអាមេរិកវិញ។
ទោះជាយ៉ាងនេះក្ដី ដោយសារការបន្តគំរាមកំហែងដោយសារអាវុធនុយក្លេអ៊ែរក្រុងព្យុងយ៉ាង សារព័ត៌មានកូរ៉េខាងត្បូង Donga Ilbo បានស្នើឲ្យរដ្ឋាភិបាលក្រុងសេអ៊ូល ពិចារណាផលិតអាវុធនុយក្លេអ៊ែរដោយខ្លួនឯង។ បទវិចារណកថាចុះផ្សាយក្នុងសារព័ត៌មានDonga Ilbo បានបញ្ជាក់ដូច្នេះថា៖«យើងមិនអាចពឹងផ្អែកលើឆ័ត្រសន្តិសុខ និងអាវុធនុយក្លេអ៊ែររបស់អាមេរិករហូតឡើយ ស្របពេលដែលយើងកំពុងប្រឈមនឹងគ្រោះថ្នាក់នុយក្លេអ៊ែររបស់កូរ៉េខាងជើងនោះ»។
ប្រព័ន្ធផ្សព្វផ្សាយកូរ៉េខាងត្បូងនេះបានបន្ថែមថា វាគ្មានហេតុផលអ្វីដែលកូរ៉េខាងត្បូងត្រូវគោរពសន្ធិសញ្ញារំសាយអាវុធទៀតឡើយ ខណៈដែលសន្ធិសញ្ញានេះផ្តោតលើកូរ៉េខាងត្បូងមិនមែនជាការរំសាយអាវុធនៅឧបទ្វីបកូរ៉េនោះ។ ដូច្នេះហើយ ក្រុងសេអ៊ូលក៏មិនគួរស្ទាក់ស្ទើរក្នុងការផលិតអាវុធនុយក្លេអ៊ែរដោយខ្លួនឯងដែរ។
ដោយឡែក កាលពីថ្ងៃអាទិត្យទី ៣ ខែកញ្ញា បន្ទាប់ពីកូរ៉េខាងជើងបានសាកល្បងគ្រាប់បែកអ៊ីដ្រូសែន ប្រធានាធិបតីកូរ៉េខាងត្បូង មូន ចេអ៊ីន បានកោះប្រជុំពិភាក្សាពាក់ព័ន្ធការដាក់ពង្រាយអាវុធយុទ្ធសាស្ដ្រអាមេរិកលើទឹកដីខ្លួន។ប៉ុន្តែ ការិយាល័យលោក មូន ចេអ៊ីន បានបញ្ជាក់យ៉ាងច្បាស់ថា កូរ៉េខាងត្បូងមិនបានពិចារណាផលិតនុយក្លេអ៊ែរឡើយ។
គួរបញ្ជាក់ដែរថា អាមេរិកធ្លាប់ពង្រាយអាវុធបរិមារណូមួយចំនួនទៅកូរ៉េខាងត្បូងដែរក្រោយសង្គ្រាមឧបទ្វីបកូរ៉េពីឆ្នាំ១៩៥០ដល់ឆ្នាំ ១៩៥៣។ ប៉ុន្តែក្រោយឆ្នាំ១៩៩១ អាមេរិកបានដកអាវុធបរិមារណូពីកូរ៉េខាងត្បូងវិញ បន្ទាប់កូរ៉េទាំងសងខាងបានប្រកាសរួមគ្នាបង្កើតតំបន់គ្មាននុយក្លេអ៊ែរនៅឧបទ្វីបកូរ៉េនោះ៕
ទាហានចំនួន២៨៥០០នាក់ស្ថិតនៅកូរ៉េខាងត្បូង ដើម្បីជួយការពារប្រទេសនេះពីការវាយប្រហារឬគំរាមកំហែងពីសំណាក់កូរ៉េខាងជើង។ ចាប់ពីឆ្នាំ១៩៧៤ មក កូរ៉េខាងត្បូងបានចុះសន្ធិសញ្ញាជាមួយអាមេរិកដោយព្រមលះបង់សិទ្ធិផលិតអាវុធនុយក្លេអ៊ែរ ហើយទទួលយកការការពារពីអាមេរិកវិញ។
ទោះជាយ៉ាងនេះក្ដី ដោយសារការបន្តគំរាមកំហែងដោយសារអាវុធនុយក្លេអ៊ែរក្រុងព្យុងយ៉ាង សារព័ត៌មានកូរ៉េខាងត្បូង Donga Ilbo បានស្នើឲ្យរដ្ឋាភិបាលក្រុងសេអ៊ូល ពិចារណាផលិតអាវុធនុយក្លេអ៊ែរដោយខ្លួនឯង។ បទវិចារណកថាចុះផ្សាយក្នុងសារព័ត៌មានDonga Ilbo បានបញ្ជាក់ដូច្នេះថា៖«យើងមិនអាចពឹងផ្អែកលើឆ័ត្រសន្តិសុខ និងអាវុធនុយក្លេអ៊ែររបស់អាមេរិករហូតឡើយ ស្របពេលដែលយើងកំពុងប្រឈមនឹងគ្រោះថ្នាក់នុយក្លេអ៊ែររបស់កូរ៉េខាងជើងនោះ»។
ប្រព័ន្ធផ្សព្វផ្សាយកូរ៉េខាងត្បូងនេះបានបន្ថែមថា វាគ្មានហេតុផលអ្វីដែលកូរ៉េខាងត្បូងត្រូវគោរពសន្ធិសញ្ញារំសាយអាវុធទៀតឡើយ ខណៈដែលសន្ធិសញ្ញានេះផ្តោតលើកូរ៉េខាងត្បូងមិនមែនជាការរំសាយអាវុធនៅឧបទ្វីបកូរ៉េនោះ។ ដូច្នេះហើយ ក្រុងសេអ៊ូលក៏មិនគួរស្ទាក់ស្ទើរក្នុងការផលិតអាវុធនុយក្លេអ៊ែរដោយខ្លួនឯងដែរ។
ដោយឡែក កាលពីថ្ងៃអាទិត្យទី ៣ ខែកញ្ញា បន្ទាប់ពីកូរ៉េខាងជើងបានសាកល្បងគ្រាប់បែកអ៊ីដ្រូសែន ប្រធានាធិបតីកូរ៉េខាងត្បូង មូន ចេអ៊ីន បានកោះប្រជុំពិភាក្សាពាក់ព័ន្ធការដាក់ពង្រាយអាវុធយុទ្ធសាស្ដ្រអាមេរិកលើទឹកដីខ្លួន។ប៉ុន្តែ ការិយាល័យលោក មូន ចេអ៊ីន បានបញ្ជាក់យ៉ាងច្បាស់ថា កូរ៉េខាងត្បូងមិនបានពិចារណាផលិតនុយក្លេអ៊ែរឡើយ។
គួរបញ្ជាក់ដែរថា អាមេរិកធ្លាប់ពង្រាយអាវុធបរិមារណូមួយចំនួនទៅកូរ៉េខាងត្បូងដែរក្រោយសង្គ្រាមឧបទ្វីបកូរ៉េពីឆ្នាំ១៩៥០ដល់ឆ្នាំ ១៩៥៣។ ប៉ុន្តែក្រោយឆ្នាំ១៩៩១ អាមេរិកបានដកអាវុធបរិមារណូពីកូរ៉េខាងត្បូងវិញ បន្ទាប់កូរ៉េទាំងសងខាងបានប្រកាសរួមគ្នាបង្កើតតំបន់គ្មាននុយក្លេអ៊ែរនៅឧបទ្វីបកូរ៉េនោះ៕
Tag:
កូរ៉េខាងត្បូង
Donga Ilbo
កូរ៉េខាងជើង
© រក្សាសិទ្ធិដោយ thmeythmey.com
