អន្តរជាតិ
អតីតប្រធានាធិបតីប្រេស៊ីលពីរនាក់រងការចោទប្រកាន់ករណីពុករលួយ
06, Sep 2017 , 4:09 pm
អតីតប្រធានាធិបតីប្រេស៊ីល Dilma Rousseff និង Luiz Inacio Lula da Silva ដែលរងការចោទប្រកាន់ករណីពុករលួយ (រូបភាព៖ MercoPress)
×![]()
ដោយ: តន ចាន់រិទ្ធារ៉ា
អតីតប្រធានាធិបតីប្រេស៊ីលពីររូប គឺលោកស្រី Dilma Rousseff និងលោក Luiz Inacio Lula da Silva ត្រូវបានចោទប្រកាន់ផ្លូវការហើយទាក់ទងសំណុំរឿងពុករលួយក្នុងការកេងប្រវ័ញ្ចលុយរដ្ឋពីក្រុមហ៊ុនប្រេងជាតិ Petrobras ។ ក្រៅពីអតីតប្រធានាធិបតីទាំងពីរនេះ បុគ្គលចំនួន៦រូបទៀតក៏រងការចោទប្រកាន់លើករណីស្រដៀងគ្នាដែរ។ យ៉ាងណាក្ដី ជនជាប់ចោទទាំងអស់សុទ្ធតែទាត់ចោលការចោទប្រកាន់ និងអះអាងថារដ្ឋអាជ្ញាគ្មានភស្តុតាងគ្រប់គ្រាន់ដាក់បន្ទុកឡើយ។
រដ្ឋអាជ្ញាកំពូលប្រេស៊ីល Rodrigo Janot បានចោទប្រកាន់សមាជិកបក្សកម្មករ៨នាក់រួមទាំងអតីតប្រធានាធិបតី Dilma Rousseff និង Luiz Inacio Lula da Silva ពីបទល្មើសឧក្រិដ្ឋជាច្រើនក្នុងករណីពុករលួយនៅក្រុមហ៊ុនប្រេងជាតិ Petrobras ។ បុគ្គលទាំង៨ នាក់នេះត្រូវជាប់ចោទលើករណីដូចជាការបង្កើតបណ្ដាញរកស៊ីផ្ដាច់មុខដើម្បីផលប្រយោជន៍គ្នាខ្នង អំពើពុករលួយ និងការលាងលុយកខ្វក់ជាដើម។
នេះគឺជាចោទប្រកាន់ផ្លូវការលើកដំបូងប្រឆាំងលោកស្រី Dilma Rousseff ដែលត្រូវបានបណ្ដេញចេញពីតំណែងកាលពីឆ្នាំ២០១៦ ក្រោយរកឃើញថាប្រើប្រាស់ថវិកាជាតិខុសគោលដៅ។ ការចោទប្រកាន់នេះ ក៏បានប៉ះពាល់បំណងវិលត្រឡប់ចូលសង្វៀននយោបាយវិញរបស់លោក Lula ។ លោក Lula ក៏កំពុងតែប្ដឹងទាស់ការចោទប្រកាន់លើរូបលោកលើករណីបួនផ្សេងទៀត ដែលអាចបិទផ្លូវលោកចូលប្រជែងការបោះឆ្នោតប្រធានាធិបតីក្នុងឆ្នាំ២០១៨ ។
យោងតាមការផ្សាយរបស់សារព័ត៌មាន Al Jazeera ការិយាល័យរដ្ឋអាជ្ញាប្រេស៊ីលនិយាយថា បទឧក្រិដ្ឋខាងលើ កើតឡើងយ៉ាងហោចណាស់ចន្លោះឆ្នាំ២០០២ ដល់ខែឧសភា ឆ្នាំ២០១៦ ដែលពេលនោះលោកស្រី Rousseff មិនទាន់ត្រូវបានដកតំណែងនៅឡើយ។ បើតាមការចោទប្រកាន់ដដែល បក្សកម្មកររបស់លោកស្រី Rousseff ក៏មានឈ្មោះទទួលបានប្រាក់សំណូក៤៧៥លានដុល្លារ ដោយប្រើប្រាស់ក្រុមហ៊ុនរដ្ឋសម្រាប់ប្រយោជន៍ផ្ទាល់ខ្លួន។
លោក Janot អះអាងថា បទឧក្រិដ្ឋដែលប្រទាក់ក្រឡាក្នុងស្ថាប័នជាតិធំៗ ត្រូវបានគ្រប់គ្រងដោយលោក Lula ។ យ៉ាងណាក្ដី មេធាវីរបស់អតីតប្រធានាធិបតីរូបនេះបានឆ្លើយថា ច្បាប់ប្រទេសត្រូវបានប្រើប្រាស់ខុសដើម្បីកាត់ទោសកូនក្ដីរបស់ខ្លួន។ ចំណែកបក្សកម្មករវិញក៏ប្រកាសដែរថា ការចោទប្រកាន់មកលើខ្លួន គឺគ្មានមូលដ្ឋាន និងគ្រាន់តែជាបង្វែរការចាប់អារម្មណ៍ពីករណីផ្សេងប៉ុណ្ណោះ ឯតំណាងលោកស្រី Rousseff បញ្ជាក់ថាការចោទប្រកាន់របស់រដ្ឋអាជ្ញា គ្មានភស្តុងតាងទេ។
លោក Lula ដែលកាន់តំណែប្រធានាធិបតីមុនលោកស្រី Rousseff នៅតែជាអ្នកនយោបាយមានប្រជាប្រិយភាពខ្ពស់ក្នុងចំណោមប្រជាជនរដ្ឋមានសេដ្ឋកិច្ចធំជាងគេនៅតំបន់អាមេរិកខាងត្បូងមួយនេះ។ ប្រជាជនប្រេស៊ីលមិនសូវពេញចិត្តការដឹកនាំរបស់ប្រធានាធិបតីបច្ចុប្បន្ន Michel Temer ប៉ុន្មានឡើយ ព្រោះសេដ្ឋកិច្ចប្រេស៊ីលធ្លាក់ចុះគួរឲ្យកត់សម្គាល់ ហើយលោក Temer ឡើងកាន់តំណែងនេះក៏ដោយសារលោកស្រី Rousseff ត្រូវសភាទម្លាក់ពីតំណែងប៉ុណ្ណោះ៕
រដ្ឋអាជ្ញាកំពូលប្រេស៊ីល Rodrigo Janot បានចោទប្រកាន់សមាជិកបក្សកម្មករ៨នាក់រួមទាំងអតីតប្រធានាធិបតី Dilma Rousseff និង Luiz Inacio Lula da Silva ពីបទល្មើសឧក្រិដ្ឋជាច្រើនក្នុងករណីពុករលួយនៅក្រុមហ៊ុនប្រេងជាតិ Petrobras ។ បុគ្គលទាំង៨ នាក់នេះត្រូវជាប់ចោទលើករណីដូចជាការបង្កើតបណ្ដាញរកស៊ីផ្ដាច់មុខដើម្បីផលប្រយោជន៍គ្នាខ្នង អំពើពុករលួយ និងការលាងលុយកខ្វក់ជាដើម។
នេះគឺជាចោទប្រកាន់ផ្លូវការលើកដំបូងប្រឆាំងលោកស្រី Dilma Rousseff ដែលត្រូវបានបណ្ដេញចេញពីតំណែងកាលពីឆ្នាំ២០១៦ ក្រោយរកឃើញថាប្រើប្រាស់ថវិកាជាតិខុសគោលដៅ។ ការចោទប្រកាន់នេះ ក៏បានប៉ះពាល់បំណងវិលត្រឡប់ចូលសង្វៀននយោបាយវិញរបស់លោក Lula ។ លោក Lula ក៏កំពុងតែប្ដឹងទាស់ការចោទប្រកាន់លើរូបលោកលើករណីបួនផ្សេងទៀត ដែលអាចបិទផ្លូវលោកចូលប្រជែងការបោះឆ្នោតប្រធានាធិបតីក្នុងឆ្នាំ២០១៨ ។
យោងតាមការផ្សាយរបស់សារព័ត៌មាន Al Jazeera ការិយាល័យរដ្ឋអាជ្ញាប្រេស៊ីលនិយាយថា បទឧក្រិដ្ឋខាងលើ កើតឡើងយ៉ាងហោចណាស់ចន្លោះឆ្នាំ២០០២ ដល់ខែឧសភា ឆ្នាំ២០១៦ ដែលពេលនោះលោកស្រី Rousseff មិនទាន់ត្រូវបានដកតំណែងនៅឡើយ។ បើតាមការចោទប្រកាន់ដដែល បក្សកម្មកររបស់លោកស្រី Rousseff ក៏មានឈ្មោះទទួលបានប្រាក់សំណូក៤៧៥លានដុល្លារ ដោយប្រើប្រាស់ក្រុមហ៊ុនរដ្ឋសម្រាប់ប្រយោជន៍ផ្ទាល់ខ្លួន។
លោក Janot អះអាងថា បទឧក្រិដ្ឋដែលប្រទាក់ក្រឡាក្នុងស្ថាប័នជាតិធំៗ ត្រូវបានគ្រប់គ្រងដោយលោក Lula ។ យ៉ាងណាក្ដី មេធាវីរបស់អតីតប្រធានាធិបតីរូបនេះបានឆ្លើយថា ច្បាប់ប្រទេសត្រូវបានប្រើប្រាស់ខុសដើម្បីកាត់ទោសកូនក្ដីរបស់ខ្លួន។ ចំណែកបក្សកម្មករវិញក៏ប្រកាសដែរថា ការចោទប្រកាន់មកលើខ្លួន គឺគ្មានមូលដ្ឋាន និងគ្រាន់តែជាបង្វែរការចាប់អារម្មណ៍ពីករណីផ្សេងប៉ុណ្ណោះ ឯតំណាងលោកស្រី Rousseff បញ្ជាក់ថាការចោទប្រកាន់របស់រដ្ឋអាជ្ញា គ្មានភស្តុងតាងទេ។
លោក Lula ដែលកាន់តំណែប្រធានាធិបតីមុនលោកស្រី Rousseff នៅតែជាអ្នកនយោបាយមានប្រជាប្រិយភាពខ្ពស់ក្នុងចំណោមប្រជាជនរដ្ឋមានសេដ្ឋកិច្ចធំជាងគេនៅតំបន់អាមេរិកខាងត្បូងមួយនេះ។ ប្រជាជនប្រេស៊ីលមិនសូវពេញចិត្តការដឹកនាំរបស់ប្រធានាធិបតីបច្ចុប្បន្ន Michel Temer ប៉ុន្មានឡើយ ព្រោះសេដ្ឋកិច្ចប្រេស៊ីលធ្លាក់ចុះគួរឲ្យកត់សម្គាល់ ហើយលោក Temer ឡើងកាន់តំណែងនេះក៏ដោយសារលោកស្រី Rousseff ត្រូវសភាទម្លាក់ពីតំណែងប៉ុណ្ណោះ៕
Tag:
ប្រេស៊ីល
Dilma Rousseff
Luiz Inacio Lula da Silva
© រក្សាសិទ្ធិដោយ thmeythmey.com
