អន្តរជាតិ
ប្រមុខអង្គការសហប្រជាជាតិ សរសេរលិខិតផ្លូវការទៅកាន់ក្រុមប្រឹក្សាសន្តិសុខរឿងរ៉ូហ៊ីងយ៉ា
07, Sep 2017 , 8:19 pm
×![]()
ប្រមុខអង្គការសហប្រជាជាតិ បានថ្កោលទោសលើហិង្សាប្រដាប់អាវុធនៅមីយ៉ាន់ម៉ា ដែលបណ្តាលឲ្យជនជាតិភាគតិចរ៉ូហ៊ីងយ៉ារាប់ម៉ឹននាក់ភៀសខ្លួនចេញពីប្រទេសនេះទៅកាន់បណ្តាប្រទេសជិតខាង។ លោកអគ្គលេខាធិការ បានទទូចទាំងរដ្ឋាភិបាលមីយ៉ាន់ម៉ា និងសហគមន៍អន្តរជាតិចេញចំណាត់ការក្នុងការបញ្ឈប់ហិង្សានេះដើម្បីចៀសវាងអស្ថិរភាពនៅក្នុងតំបន់ ។
លោកអគ្គលេខាធិការអង្គការសហប្រជាជាតិ António Guterres នៅថ្ងៃទី០៥ កញ្ញា បានសម្តែងការព្រួយបារម្ភជាខ្លាំងអំពីហិង្សា ដែលផ្ទុះឡើងពីខែសីហារបស់មីយ៉ាន់ម៉ា ដែលបង្ខំឲ្យប្រជាជនរាប់ម៉ឺននាក់ភៀសខ្លួនចេញពីប្រទេស និងធ្វើឲ្យស្ថានភាពក្នុងតំបន់ប្រឈមនឹងអស្ថិរភាព។ លោក António ក៏ទទូចឲ្យមានការផ្តល់ទាំងសញ្ជាតិ និងឋានៈជាប្រជាជនស្របច្បាប់ដល់ជនជាតិភាគតិចម៉ូស្លីម រ៉ូហ៊ីងយ៉ាផងដែរ។
ក្នុងសន្និសីទសារព័ត៌មាននៅក្នុងទីស្នាក់ក្រុងញូវយ៉ក ប្រមុខអង្គការសហប្រជាជាតិ ក៏បានឲ្យដឹងដែរថា លោក បានសរសេរលិខិតផ្លូវការទៅកាន់ក្រុមប្រឹក្សាសន្តិសុខអង្គការសហប្រជាជាតិដើម្បីសម្តែងពីការព្រួយបារម្ភរបស់លោកលើបញ្ហានេះ ក៏ដូចជាស្នើឲ្យមានចំណាត់ចម្រុះបន្ថែមទៀតដើម្បីបញ្ចប់ពីបញ្ហានេះ ។ លោក បានចាត់ទុកហិង្សានៅតំបន់រដ្ឋ Rakhine កំពុងតែក្លាយជាកត្តាមួយ ដែលអាចជំរុញឲ្យមានអស្ថិរភាពនៅក្នុងតំបន់ ។
បន្ថែមពីនេះ ប្រមុខថ្មីរបស់អង្គការសហប្រជាជាតិ ក៏បានទទូចឲ្យសហគមន៍អន្តរជាតិចូលរួមសកម្មភាពដើម្បីបញ្ឈប់ការរីករាលដាលនៃបញ្ហា និងស្វែងរកដោះស្រាយឲ្យបានទាន់ពេល ក៏ដូចជាទទូចឲ្យអាជ្ញាធរមីយ៉ាន់ម៉ា ធានាពីសន្តិសុខ និងជំនួយដល់ជនរងគ្រោះនៅទីនោះផងដែរ ។
បើយោងតាមការចុះផ្សាយរបស់សារព័ត៌មាន មីយ៉ាន់ម៉ា The Irrawaddy នៅថ្ងៃទី០៤ កញ្ញា មកទល់ពេលនេះ មានជនជាតិភាគតិចឥស្លាម Rohingya ប្រមាណ ៩ ម៉ឺននាក់ហើយ បានភៀសខ្លួនចេញពីមីយ៉ាន់ម៉ា ទៅកាន់បង់ក្លាដែស ដោយសារតែការប៉ះទង្គិចគ្នាប្រដាប់អាវុធរវាងកងកម្លាំងរដ្ឋាភិបាលមីយ៉ា់ន់ម៉ា និងក្រុមសកម្មប្រយុទ្ធ ដែលបានផ្ទុះឡើងជាថ្មីនៅខែសីហា ។
ខណៈពេលដែលបញ្ហាកាន់តែធ្ងន់ធ្ងរនេះ រដ្ឋាភិបាលមីយ៉ាន់ម៉ា ដែលរួមទាំងម្ចាស់ពានរង្វាន់ណូបែលសន្តិភាព និងជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី នៅមិនទាន់មានចំណាត់ការសមស្របដើម្បីបង្ហាញសហគមន៍អន្តរជាតិ ជាពិសេស ជនរងគ្រោះដែលជាជនជាតិភាគតិចរ៉ូហ៊ីងយ៉ា មានភាពភាពកក់ក្តៅ និងទំនុកចិត្តឡើយ ៕
លោកអគ្គលេខាធិការអង្គការសហប្រជាជាតិ António Guterres នៅថ្ងៃទី០៥ កញ្ញា បានសម្តែងការព្រួយបារម្ភជាខ្លាំងអំពីហិង្សា ដែលផ្ទុះឡើងពីខែសីហារបស់មីយ៉ាន់ម៉ា ដែលបង្ខំឲ្យប្រជាជនរាប់ម៉ឺននាក់ភៀសខ្លួនចេញពីប្រទេស និងធ្វើឲ្យស្ថានភាពក្នុងតំបន់ប្រឈមនឹងអស្ថិរភាព។ លោក António ក៏ទទូចឲ្យមានការផ្តល់ទាំងសញ្ជាតិ និងឋានៈជាប្រជាជនស្របច្បាប់ដល់ជនជាតិភាគតិចម៉ូស្លីម រ៉ូហ៊ីងយ៉ាផងដែរ។
ក្នុងសន្និសីទសារព័ត៌មាននៅក្នុងទីស្នាក់ក្រុងញូវយ៉ក ប្រមុខអង្គការសហប្រជាជាតិ ក៏បានឲ្យដឹងដែរថា លោក បានសរសេរលិខិតផ្លូវការទៅកាន់ក្រុមប្រឹក្សាសន្តិសុខអង្គការសហប្រជាជាតិដើម្បីសម្តែងពីការព្រួយបារម្ភរបស់លោកលើបញ្ហានេះ ក៏ដូចជាស្នើឲ្យមានចំណាត់ចម្រុះបន្ថែមទៀតដើម្បីបញ្ចប់ពីបញ្ហានេះ ។ លោក បានចាត់ទុកហិង្សានៅតំបន់រដ្ឋ Rakhine កំពុងតែក្លាយជាកត្តាមួយ ដែលអាចជំរុញឲ្យមានអស្ថិរភាពនៅក្នុងតំបន់ ។
បន្ថែមពីនេះ ប្រមុខថ្មីរបស់អង្គការសហប្រជាជាតិ ក៏បានទទូចឲ្យសហគមន៍អន្តរជាតិចូលរួមសកម្មភាពដើម្បីបញ្ឈប់ការរីករាលដាលនៃបញ្ហា និងស្វែងរកដោះស្រាយឲ្យបានទាន់ពេល ក៏ដូចជាទទូចឲ្យអាជ្ញាធរមីយ៉ាន់ម៉ា ធានាពីសន្តិសុខ និងជំនួយដល់ជនរងគ្រោះនៅទីនោះផងដែរ ។
បើយោងតាមការចុះផ្សាយរបស់សារព័ត៌មាន មីយ៉ាន់ម៉ា The Irrawaddy នៅថ្ងៃទី០៤ កញ្ញា មកទល់ពេលនេះ មានជនជាតិភាគតិចឥស្លាម Rohingya ប្រមាណ ៩ ម៉ឺននាក់ហើយ បានភៀសខ្លួនចេញពីមីយ៉ាន់ម៉ា ទៅកាន់បង់ក្លាដែស ដោយសារតែការប៉ះទង្គិចគ្នាប្រដាប់អាវុធរវាងកងកម្លាំងរដ្ឋាភិបាលមីយ៉ា់ន់ម៉ា និងក្រុមសកម្មប្រយុទ្ធ ដែលបានផ្ទុះឡើងជាថ្មីនៅខែសីហា ។
ខណៈពេលដែលបញ្ហាកាន់តែធ្ងន់ធ្ងរនេះ រដ្ឋាភិបាលមីយ៉ាន់ម៉ា ដែលរួមទាំងម្ចាស់ពានរង្វាន់ណូបែលសន្តិភាព និងជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី នៅមិនទាន់មានចំណាត់ការសមស្របដើម្បីបង្ហាញសហគមន៍អន្តរជាតិ ជាពិសេស ជនរងគ្រោះដែលជាជនជាតិភាគតិចរ៉ូហ៊ីងយ៉ា មានភាពភាពកក់ក្តៅ និងទំនុកចិត្តឡើយ ៕
Tag:
រ៉ូហ៊ីងយ៉ា
មីយ៉ាន់ម៉ា
អាស៊ាន
© រក្សាសិទ្ធិដោយ thmeythmey.com
