អន្តរជាតិ
ច្រឡំ ឬវង្វេងនៅអាកាសយានដ្ឋាន? អង់គ្លេសមានសេវាកម្មដាក់មុខមនុស្សភ្ជាប់វ៉ាលិស 07, Sep 2017 , 8:39 pm
× ក្រុមហ៊ុន Firebox របស់អង់គ្លេស បានបង្កើតសេវាកម្មថ្មីមួយដើម្បីរួមចំណែកកាត់បន្ថយការភាន់ច្រឡំ ឬវង្វេងវ៉ាលិសរបស់អ្នកដំណើរនៅអាកាសយានដ្ឋាន។ ក្រុមហ៊ុនដែលមានមូលដ្ឋាននៅក្រុងឡុងដ៍ ទទួលបោះពុម្ពមុខមនុស្ស ឬពិសេសសាម៉ីខ្លួនដែលធ្វើដំណើរផ្ទាល់ ភ្ជាប់ជាមួយវ៉ាលិស។
តាមរយៈគេហទំព័ររបស់ខ្លួន ក្រុមហ៊ុន Firebox បានបង្កើតសេវាកម្ម Head Case ដោយទទួលបោះពុម្ពមុខមនុស្សភ្ជាប់ជាមួយវ៉ាលិស។ គំនិតផ្តួចផ្តើមនេះ ដើម្បីជួយសម្រួលដល់អ្នកដំណើរស្រួលចំណាំវ៉ាលិសរបស់ខ្លួន ជាពិសេសវ៉ាលិសដែលដូចអ្នកដំណើរផ្សេងទៀត។
ក្រុមហ៊ុន Firebox បានបញ្ជាក់ឲ្យដឹងថា ការដាក់រូបមុខមនុស្សភ្ជាប់ទៅនឹងវ៉ាលិស នឹងមិនបណ្តាលឲ្យច្រឡំជាមួយវ៉ាលិសអ្នកដទៃឡើយ។ អ្នកដែលចាប់អារម្មណ៍សេវាកម្ម Head Case នេះ អាចផ្ញើរូបថតដែលមានគុណភាពល្អទៅកាន់ក្រុមហ៊ុន ដោយអតិថិជនអាចជ្រើសរើសរូបទៅតាមចំណង់ចំណូលចិត្តរបស់ខ្លួន ដូចជារូបខ្លួនឯង រូបសត្វជាទីស្រឡាញ់ ឬតារាណាមួយដែលខ្លួនពេញចិត្ត។
សម្រាប់តម្លៃសេវាកម្ម Head Case វិញ វ៉ាលិសទំហំធំ មានតម្លៃ៣៩ដុល្លារ ទំហំមធ្យមមានតម្លៃ៣២.៤៩ដុល្លារ និងទំហំតូច មានតម្លៃ ២៦ដុល្លារអាមេរិក ៕
© រក្សាសិទ្ធិដោយ thmeythmey.com