អន្តរជាតិ
ចិនធ្វើសមយុទ្ធរបៀបការពារខ្លួននៅក្បែរឧបទ្វីបកូរ៉េ
08, Sep 2017 , 8:59 am
×![]()
ដោយ: តន ចាន់រិទ្ធារ៉ា
កងទ័ពអាកាសចិន កាលពីថ្ងៃទី៦ ខែកញ្ញា បានចាប់ផ្ដើមសមយុទ្ធបាញ់គ្រាប់ពិតនៅឈូងសមុទ្រប៉ហៃ ក្បែរឧបទ្វីបកូរ៉េ។ សមយុទ្ធនេះ គឺជាលំហាត់ការពារខ្លួនពីការវាយប្រហារដោយសត្រូវខាងក្រៅ និងផ្ដោតសំខាន់លើការវាយប្រហារគោលដៅលើផ្ទៃសមុទ្រ និងលើអាកាស។ សមយុទ្ធនេះធ្វើឡើងចំពេលស្ថានការណ៍នៅឧបទ្វីបកូរ៉េស្ថិតក្នុងភាពមិននឹងនរ ដោយសារការសាកល្បងគ្រាប់បែកអ៊ីដ្រូសែន និងការព្រួយបារម្ភចំពោះការប្រើប្រាស់ចំណាត់យោធាប្រឆាំងកូរ៉េខាងជើង។
កងទ័ពអាកាសនៃកងទ័ពរំដោះប្រជាជនចិន ត្រូវបានពង្រាយកងទ័ព និងសព្វាវុធធុនធ្ងន់នៅមាត់សមុទ្រប៉ហៃ ដើម្បីធ្វើសមយុទ្ធបាញ់គ្រាប់ពិត។ សមយុទ្ធដែលធ្វើឡើងចំពេលវិបត្តិនុយក្លេអ៊ែរកូរ៉េខាងជើងកើនកម្ដៅ មានគោលដៅពង្រឹងសមត្ថភាពកងទ័ពចិន និងជាផ្នែកមួយនៃការផ្លាស់ប្ដូរយុទ្ធសាស្ត្រហ្វឹកហាត់ផងដែរ។ សមយុទ្ធនេះនឹងមានការបាញ់មីស៊ីលតម្រង់គោលដៅនៅលើសមុទ្រ និងអាកាស ដោយប្រើប្រាស់មីស៊ីលទំនើបៗ និងកាំភ្លើងធំជាច្រើនគ្រឿងផង។
យោធាចិននិយាយថា លំហាត់យោធាដែលចាប់ផ្ដើមនៅដើមសប្ដាហ៍នេះ ក៏មានគោលដៅការពារខ្លួនពីការវាយប្រហារណាមួយមកលើចិនដែរ។ មីស៊ីលការពារអាកាស HQ-6 ក៏មានវត្តមានក្នុងសមយុទ្ធនេះដែរ ហើយបើតាមយោធាចិន មីស៊ីលនេះបានបាញ់ចំគោលដៅយ៉ាងច្បាស់ទៀតផង។ ក្រសួងការពារជាតិចិននិយាយដែរថា សមយុទ្ធនេះ ក៏មិនមែនសំដៅប្រទេសណាដែរ ហើយវាជាផ្នែកមួយនៃផែនការអភិវឌ្ឍសមត្ថភាពយោធាប៉ុណ្ណោះ។
ជាមួយនឹងសមយុទ្ធបាញ់គ្រាប់ពិតនេះ មេបញ្ជាការកងទ័ពអាកាសចិន Ding Laihang អះអាងថា កងទ័ពអាកាសនឹងមិនត្រឹមតែផ្ដោតលើការការពារដែនអាកាសចិនតែមួយមុខទេ តែក៏នឹងយកចិត្តទុកដាក់លើផលប្រយោជន៍ចិននៅឆ្ងាយពីទឹកដីដែរ។ លោកបញ្ជាក់ថា យើងបានផ្លាស់ប្ដូរយុទ្ធសាស្ត្រ ដោយផ្តោតការយកចិត្តរបស់យោងទុកលើការបាញ់មីស៊ីលសំដៅគោលដៅឆ្ងាយៗ និងមិនផ្ដោតតែគោលដៅជិតទឹកដីចិនឡើយ។
ចិនពិតជាបារម្ភខ្លាំង ពេលស្ថានការណ៍នៅឧបទ្វីបកូរ៉េមិនទាន់ស្រាកស្រាន្ត។ ការគំរាមប្រើកម្លាំងទ័ពរបស់អាមេរិកក្នុងការដោះស្រាយបញ្ហានុយក្លេអ៊ែរកូរ៉េខាងជើង ពិតជាធ្វើឲ្យចិននៅមិនស្ងប់ឡើយ ព្រោះចិនមានព្រំដែនជាប់កូរ៉េខាងជើង ហើយបើអាមេរិកវាយកូរ៉េខាងជើងមែននោះ ចិនក៏ត្រូវរងគ្រោះដែរ ជាពិសេសលំហូរជនភៀសខ្លួនតែម្ដង។ ម្យ៉ាងទៀត ចិនក៏ត្រូវការពារខ្លួន ក្រែងលោមានការវាយប្រហារលើអធិបតេយ្យរបស់ខ្លួនដែរ។
លើបញ្ហាកូរ៉េខាងជើង ក្រុងប៉េកាំងជំទាស់ដាច់ខាតហើយលើការប្រើប្រាស់យោធា និងប្រកាន់ជំហរចរចាដោយសន្តិវិធីដើម្បីឈានដល់រំសាយអាវុធនុយក្លេអ៊ែរពីឧបទ្វីបកូរ៉េ។ ប៉ុន្តែក្រុងព្យុងយ៉ាងឯណោះ ក៏បានធ្វើឲ្យចិនបាក់មុខមិនតិចដងដែរ ព្រោះបានសាកល្បងគ្រាប់នុយក្លេអ៊ែរ និងបាញ់មីស៊ីលរំលងទ្វីបជាញឹកញាប់។ ទំនងអន់ចិត្តនឹងរឿងនេះ ចិនក៏គាំទ្រទណ្ឌកម្មអន្តរជាតិដឹកនាំដោយអាមេរិកដើម្បីដាក់សម្ពាធឲ្យរដ្ឋកុម្មុយនីស្តឯកោមួយនេះបោះបង់មហិច្ឆតាអភិវឌ្ឍនុយក្លេអ៊ែរ៕
កងទ័ពអាកាសនៃកងទ័ពរំដោះប្រជាជនចិន ត្រូវបានពង្រាយកងទ័ព និងសព្វាវុធធុនធ្ងន់នៅមាត់សមុទ្រប៉ហៃ ដើម្បីធ្វើសមយុទ្ធបាញ់គ្រាប់ពិត។ សមយុទ្ធដែលធ្វើឡើងចំពេលវិបត្តិនុយក្លេអ៊ែរកូរ៉េខាងជើងកើនកម្ដៅ មានគោលដៅពង្រឹងសមត្ថភាពកងទ័ពចិន និងជាផ្នែកមួយនៃការផ្លាស់ប្ដូរយុទ្ធសាស្ត្រហ្វឹកហាត់ផងដែរ។ សមយុទ្ធនេះនឹងមានការបាញ់មីស៊ីលតម្រង់គោលដៅនៅលើសមុទ្រ និងអាកាស ដោយប្រើប្រាស់មីស៊ីលទំនើបៗ និងកាំភ្លើងធំជាច្រើនគ្រឿងផង។
យោធាចិននិយាយថា លំហាត់យោធាដែលចាប់ផ្ដើមនៅដើមសប្ដាហ៍នេះ ក៏មានគោលដៅការពារខ្លួនពីការវាយប្រហារណាមួយមកលើចិនដែរ។ មីស៊ីលការពារអាកាស HQ-6 ក៏មានវត្តមានក្នុងសមយុទ្ធនេះដែរ ហើយបើតាមយោធាចិន មីស៊ីលនេះបានបាញ់ចំគោលដៅយ៉ាងច្បាស់ទៀតផង។ ក្រសួងការពារជាតិចិននិយាយដែរថា សមយុទ្ធនេះ ក៏មិនមែនសំដៅប្រទេសណាដែរ ហើយវាជាផ្នែកមួយនៃផែនការអភិវឌ្ឍសមត្ថភាពយោធាប៉ុណ្ណោះ។
ជាមួយនឹងសមយុទ្ធបាញ់គ្រាប់ពិតនេះ មេបញ្ជាការកងទ័ពអាកាសចិន Ding Laihang អះអាងថា កងទ័ពអាកាសនឹងមិនត្រឹមតែផ្ដោតលើការការពារដែនអាកាសចិនតែមួយមុខទេ តែក៏នឹងយកចិត្តទុកដាក់លើផលប្រយោជន៍ចិននៅឆ្ងាយពីទឹកដីដែរ។ លោកបញ្ជាក់ថា យើងបានផ្លាស់ប្ដូរយុទ្ធសាស្ត្រ ដោយផ្តោតការយកចិត្តរបស់យោងទុកលើការបាញ់មីស៊ីលសំដៅគោលដៅឆ្ងាយៗ និងមិនផ្ដោតតែគោលដៅជិតទឹកដីចិនឡើយ។
ចិនពិតជាបារម្ភខ្លាំង ពេលស្ថានការណ៍នៅឧបទ្វីបកូរ៉េមិនទាន់ស្រាកស្រាន្ត។ ការគំរាមប្រើកម្លាំងទ័ពរបស់អាមេរិកក្នុងការដោះស្រាយបញ្ហានុយក្លេអ៊ែរកូរ៉េខាងជើង ពិតជាធ្វើឲ្យចិននៅមិនស្ងប់ឡើយ ព្រោះចិនមានព្រំដែនជាប់កូរ៉េខាងជើង ហើយបើអាមេរិកវាយកូរ៉េខាងជើងមែននោះ ចិនក៏ត្រូវរងគ្រោះដែរ ជាពិសេសលំហូរជនភៀសខ្លួនតែម្ដង។ ម្យ៉ាងទៀត ចិនក៏ត្រូវការពារខ្លួន ក្រែងលោមានការវាយប្រហារលើអធិបតេយ្យរបស់ខ្លួនដែរ។
លើបញ្ហាកូរ៉េខាងជើង ក្រុងប៉េកាំងជំទាស់ដាច់ខាតហើយលើការប្រើប្រាស់យោធា និងប្រកាន់ជំហរចរចាដោយសន្តិវិធីដើម្បីឈានដល់រំសាយអាវុធនុយក្លេអ៊ែរពីឧបទ្វីបកូរ៉េ។ ប៉ុន្តែក្រុងព្យុងយ៉ាងឯណោះ ក៏បានធ្វើឲ្យចិនបាក់មុខមិនតិចដងដែរ ព្រោះបានសាកល្បងគ្រាប់នុយក្លេអ៊ែរ និងបាញ់មីស៊ីលរំលងទ្វីបជាញឹកញាប់។ ទំនងអន់ចិត្តនឹងរឿងនេះ ចិនក៏គាំទ្រទណ្ឌកម្មអន្តរជាតិដឹកនាំដោយអាមេរិកដើម្បីដាក់សម្ពាធឲ្យរដ្ឋកុម្មុយនីស្តឯកោមួយនេះបោះបង់មហិច្ឆតាអភិវឌ្ឍនុយក្លេអ៊ែរ៕
Tag:
ចិន
ឧបទ្វីបកូរ៉េ
© រក្សាសិទ្ធិដោយ thmeythmey.com
