អន្តរជាតិ
យ៉ាងហោចពីរនាក់បានស្លាប់ក្រោយហេតុការណ៍រញ្ជួយដីកម្រិត ៨រ៉ិចទ័រនៅម៉ិកស៊ិក
08, Sep 2017 , 4:25 pm
រូបភាព៖ NDTV
×![]()
យ៉ាងហោចណាស់មនុស្សពីរនាក់បានស្លាប់ដោយសារការរញ្ជួយដីកម្រិត ៨ រ៉ិចទ័រនៅឆ្នេរនិរតីរបស់ម៉ិក ស៊ិកកាលពីថ្ងៃទី ៨ ខែកញ្ញា។ មកទល់បច្ចុប្បន្នគេនៅមិនទាន់ទទួលបានសេចក្ដីរាយការណ៍ភ្លាមៗពីការខូចខាតនៅឡើយទេ។ នេះជាការរញ្ជួយដីដែលមានកម្រិតខ្ពស់បំផុតចាប់តាំងពីឆ្នាំ១៩៨៥មក។
រដ្ឋាភិបាលម៉ិកស៊ិកបាននិយាយថា យ៉ាងហោចណាស់មនុស្សពីរនាក់បានស្លាប់បន្ទាប់ពីការរញ្ជួយដីដែលមានកម្រិត៨ រ៉ិចទ័របានវាយប្រហារឆ្នេរនិរតីរបស់ម៉ិកស៊ិក ដែលវាជាសញ្ញានៃការកើតមានរលកយក្សស៊ូណាមី។ គេនៅមិនទាន់ដឹងពីទំហំនៃការខូតខាតនៅឡើយទេ ក្រៅពីចំនួនមនុស្សស្លាប់។
បើតាមទូរទស្សន៍សិង្ហបុរី Channel News Asia ទីភ្នាក់ងារការពារម៉ិកស៊ិកបញ្ជាក់ដូច្នេះថា នេះជាការរញ្ជួយដីដែលមានកម្រិតខ្ពស់ជាងគេ បើគិតចាប់ពីឆ្នាំ១៩៨៥មក។ ហេតុការណ៍រញ្ជួយដីឆ្នាំ១៩៨៥បានធ្វើឲ្យអាគារមួយចំនួនដួលរលំ និងមនុស្សច្រើនពាន់នាក់ទៀតស្លាប់។
ភ្ញៀវទេសចរណ៍ម្នាក់ដែលស្ថិតនៅប្រទេសម៉ិកស៊ិកឈ្មោះ Luis Carlos Briceno បាននិយាយថា លោកមិនដែលធ្លាប់ទៅកន្លែងណាដែលមានកម្រិតនៃការរញ្ជួយដីខ្លាំងបែបនេះឡើយ។ ពីដំបូងលោកមិននឹកស្មានថាវារញ្ជួយខ្លាំងបែបនេះឡើយ លុះក្រោយមកលោកស្ទើរតែទប់ជំហរខ្លួនឯងមិនរួចទៅហើយ។
សូមជម្រាបដែរថា អ្នកប្រើប្រាស់បណ្ដាញផ្សព្វផ្សាយសង្គមមួយចំនួនក៏បានបង្ហោះវីដេអូពីទិដ្ឋភាពអាគារ និងផ្លាកសញ្ញាមួយចំនួនផងអំឡុងពេលរញ្ជួយដី។ ចំណែកឯប្រជាជននៅទីក្រុងម៉ិកស៊ិកវិញបានរត់ចេញទៅរកកន្លែងមានសុវត្ថិភាពដោយខ្លះពាក់ត្រឹមសំលៀកបំពាក់គេងយប់ប៉ុណ្ណោះនៅពេលដែលកណ្ដឹងប្រកាសអាសន្នរោទ៍ឡើង៕
រដ្ឋាភិបាលម៉ិកស៊ិកបាននិយាយថា យ៉ាងហោចណាស់មនុស្សពីរនាក់បានស្លាប់បន្ទាប់ពីការរញ្ជួយដីដែលមានកម្រិត៨ រ៉ិចទ័របានវាយប្រហារឆ្នេរនិរតីរបស់ម៉ិកស៊ិក ដែលវាជាសញ្ញានៃការកើតមានរលកយក្សស៊ូណាមី។ គេនៅមិនទាន់ដឹងពីទំហំនៃការខូតខាតនៅឡើយទេ ក្រៅពីចំនួនមនុស្សស្លាប់។
បើតាមទូរទស្សន៍សិង្ហបុរី Channel News Asia ទីភ្នាក់ងារការពារម៉ិកស៊ិកបញ្ជាក់ដូច្នេះថា នេះជាការរញ្ជួយដីដែលមានកម្រិតខ្ពស់ជាងគេ បើគិតចាប់ពីឆ្នាំ១៩៨៥មក។ ហេតុការណ៍រញ្ជួយដីឆ្នាំ១៩៨៥បានធ្វើឲ្យអាគារមួយចំនួនដួលរលំ និងមនុស្សច្រើនពាន់នាក់ទៀតស្លាប់។
ភ្ញៀវទេសចរណ៍ម្នាក់ដែលស្ថិតនៅប្រទេសម៉ិកស៊ិកឈ្មោះ Luis Carlos Briceno បាននិយាយថា លោកមិនដែលធ្លាប់ទៅកន្លែងណាដែលមានកម្រិតនៃការរញ្ជួយដីខ្លាំងបែបនេះឡើយ។ ពីដំបូងលោកមិននឹកស្មានថាវារញ្ជួយខ្លាំងបែបនេះឡើយ លុះក្រោយមកលោកស្ទើរតែទប់ជំហរខ្លួនឯងមិនរួចទៅហើយ។
សូមជម្រាបដែរថា អ្នកប្រើប្រាស់បណ្ដាញផ្សព្វផ្សាយសង្គមមួយចំនួនក៏បានបង្ហោះវីដេអូពីទិដ្ឋភាពអាគារ និងផ្លាកសញ្ញាមួយចំនួនផងអំឡុងពេលរញ្ជួយដី។ ចំណែកឯប្រជាជននៅទីក្រុងម៉ិកស៊ិកវិញបានរត់ចេញទៅរកកន្លែងមានសុវត្ថិភាពដោយខ្លះពាក់ត្រឹមសំលៀកបំពាក់គេងយប់ប៉ុណ្ណោះនៅពេលដែលកណ្ដឹងប្រកាសអាសន្នរោទ៍ឡើង៕
Tag:
រញ្ជួយដី
ម៉ិចស៊ិក
© រក្សាសិទ្ធិដោយ thmeythmey.com
