អន្តរជាតិ
ព្រោះបារម្ភពីសន្តិសុខ ឥណ្ឌាបញ្ជាឲ្យទ័ពជួរមុខជាប់ព្រំដែនជាមួយចិន លុបកម្មវិធីទូរស័ព្ទរបស់ចិន
01, Dec 2017 , 10:59 pm
×![]()
រដ្ឋាភិបាលឥណ្ឌា ដាក់បញ្ជាឲ្យកងទ័ពជួរមុខរបស់ខ្លួនទាំងអស់លុបចោលកម្មវិធីនៅក្នុងទូរសព្ទ័របស់ពួកគេ ដែលផលិតដោយចិន ។ បទបញ្ជានេះ មានគោលដៅ ការពារមិនឲ្យចិន អាចដឹងពីទីតាំង ដែលកងទ័ពខ្លួន ខណៈស្ថានភាពសន្តិសុខព្រំដែនទាំងពីរ ហាក់នៅតែមិនទាន់ល្អប្រសើរនៅឡើយនោះ ។
ក្រសួងការពារជាតិឥណ្ឌា បានបង្គាប់បញ្ជាឲ្យកងទ័ពរបស់ខ្លួន ដែលកំពុងតែឈរជើងនៅតាមព្រំដែនជាមួយចិន លុបចោលកម្មវិធីជាង៤០ ដែលផលិតដោយចិនពីឧបករណ៍របស់ពួកគេ ដែលរួមទាំងកម្មវិធី BeautyPlus ដែលជាកម្មវិធីដែលមានអ្នកប្រើប្រាស់ទូទាំងសកល ៥០០លាននាក់នោះ ។ នេះបើយោងតាមការចុះផ្សាយរបស់សារព័ត៌មានចិន People’s Daily នៅថ្ងៃ៣០ វិច្ឆិកា ។
តាមប្រភពព័ត៌មានដដែល ឥណ្ឌាអះអាងថា ចំណាត់ការនេះមានគោលដៅទប់ស្កាត់ការតាមដានទីតាំងរបស់កងទ័ព ដែលកំពុងតែប្រើប្រាស់តាមរយៈទូរស័ព្ទដៃរបស់ពួកគេដោយចិន ខណៈស្ថានភាពសន្តិសុខតាមព្រំដែនប្រទេសទាំងពីរ ក៏នៅមិនទាន់អាចធានាពីស្ថិរភាពនៅឡើយនោះ ។
បទបញ្ជានេះត្រូវបានដាក់ចេញដែរ ក៏ស្របពេលដែលក្រសួងការពារជាតិឥណ្ឌាណែនាំឲ្យកងទ័ពទាំងបីប្រភេទរបស់ខ្លួនចៀសវាង ការប្រើប្រាស់កម្មវិធីបណ្តាញសង្គម ដែលអាចធ្វើឲ្យអ្នកខាងក្រៅដឹងពីទីតាំងរបស់ពួកគេឈរជើងផងដែរនោះ ។
យ៉ាងណាក៏ដោយនេះ មិនមែនជាលើកទីមួយឡើយ ដែលរដ្ឋាភិបាលឥណ្ឌា ចាត់វិធានតឹងរឹងដើម្បីតទល់ជាមួយចិននោះ ។ ថ្មីៗនេះ រដ្ឋាភិបាលឥណ្ឌា ក៏បានស្នើឲ្យក្រុមហ៊ុនទូរសព្ទចិន រក្សាសិទ្ធិ និងធានាពីការមិនប៉ះពាល់ដល់ឯកជនភាពអ្នកប្រើប្រាស់ ជាពិសេសជនជាតិឥណ្ឌាតែម្តង ។ មិនត្រឹមតែប៉ុណ្ណោះ អាជ្ញាធរឥណ្ឌា ក៏មានការពិនិត្យខ្ពស់ផងដែរលើផលិតផលរបស់ប្រទេសចិនដែរ៕
ក្រសួងការពារជាតិឥណ្ឌា បានបង្គាប់បញ្ជាឲ្យកងទ័ពរបស់ខ្លួន ដែលកំពុងតែឈរជើងនៅតាមព្រំដែនជាមួយចិន លុបចោលកម្មវិធីជាង៤០ ដែលផលិតដោយចិនពីឧបករណ៍របស់ពួកគេ ដែលរួមទាំងកម្មវិធី BeautyPlus ដែលជាកម្មវិធីដែលមានអ្នកប្រើប្រាស់ទូទាំងសកល ៥០០លាននាក់នោះ ។ នេះបើយោងតាមការចុះផ្សាយរបស់សារព័ត៌មានចិន People’s Daily នៅថ្ងៃ៣០ វិច្ឆិកា ។
តាមប្រភពព័ត៌មានដដែល ឥណ្ឌាអះអាងថា ចំណាត់ការនេះមានគោលដៅទប់ស្កាត់ការតាមដានទីតាំងរបស់កងទ័ព ដែលកំពុងតែប្រើប្រាស់តាមរយៈទូរស័ព្ទដៃរបស់ពួកគេដោយចិន ខណៈស្ថានភាពសន្តិសុខតាមព្រំដែនប្រទេសទាំងពីរ ក៏នៅមិនទាន់អាចធានាពីស្ថិរភាពនៅឡើយនោះ ។
បទបញ្ជានេះត្រូវបានដាក់ចេញដែរ ក៏ស្របពេលដែលក្រសួងការពារជាតិឥណ្ឌាណែនាំឲ្យកងទ័ពទាំងបីប្រភេទរបស់ខ្លួនចៀសវាង ការប្រើប្រាស់កម្មវិធីបណ្តាញសង្គម ដែលអាចធ្វើឲ្យអ្នកខាងក្រៅដឹងពីទីតាំងរបស់ពួកគេឈរជើងផងដែរនោះ ។
យ៉ាងណាក៏ដោយនេះ មិនមែនជាលើកទីមួយឡើយ ដែលរដ្ឋាភិបាលឥណ្ឌា ចាត់វិធានតឹងរឹងដើម្បីតទល់ជាមួយចិននោះ ។ ថ្មីៗនេះ រដ្ឋាភិបាលឥណ្ឌា ក៏បានស្នើឲ្យក្រុមហ៊ុនទូរសព្ទចិន រក្សាសិទ្ធិ និងធានាពីការមិនប៉ះពាល់ដល់ឯកជនភាពអ្នកប្រើប្រាស់ ជាពិសេសជនជាតិឥណ្ឌាតែម្តង ។ មិនត្រឹមតែប៉ុណ្ណោះ អាជ្ញាធរឥណ្ឌា ក៏មានការពិនិត្យខ្ពស់ផងដែរលើផលិតផលរបស់ប្រទេសចិនដែរ៕
Tag:
ចិន
ឥណ្ឌា
© រក្សាសិទ្ធិដោយ thmeythmey.com
