អន្តរជាតិ
ប្រធានាធិបតីថ្មីគុយបា ប្រកាសការពារ និងគាំទ្ររបបដឹកនាំវេណេស៊ុយអេឡា
31, May 2018 , 9:19 pm
×![]()
ប្រធានាធិបតីគុយបាលោក Miguel Diaz-Canel ចាប់ផ្តើមទស្សនកិច្ចនៅវេណេស៊ុយអេឡាលើកដំបូងនៅថ្ងៃពុធទី ៣០ ខែឧសភា។ ក្នុងដំណើរទស្សនកិច្ចនេះ មេដឹកនាំថ្មីនៃរដ្ឋសង្គមនិយមមួយនេះបានប្រកាសការពារនិងគាំទ្រមេដឹកនាំវេណេស៊ុយអេឡាលោក នីកូឡាស ម៉ាឌូរ៉ូ និងអំពាវនាវឲ្យរដ្ឋអាមេរិកឡាទីនផ្សេងទៀតចូលរួមគាំទ្រផងដែរ។
ពេលអញ្ជើញទៅដល់ព្រលានយន្តហោះវេណេស៊ុយអេឡានៅទីក្រុងការ៉ាកាស ប្រធានាធិបតីគុយបាលោក Miguel Diaz-Canel បានប្រកាសថា រដ្ឋាភិបាលគុយបាគាំទ្រ និងការពារវេណេស៊ុយអេឡាដែលជាសម្ព័ន្ធមិត្តយូរអង្វែងនេះពេញទំហឹងតែម្តង។
លោកបានបន្តទៅកាន់វិមានរដ្ឋាភិបាលដើម្បីជួបពិភាក្សាជាមួយសមភាគីវេណេស៊ុយអេឡា នីកូឡាស ម៉ាឌូរ៉ូដែរ។ យោងតាមទីភ្នាក់ងារព័ត៌មាន AFP ពេលស្ថិតនៅវិមានរដ្ឋាភិបាល មេដឹកនាំគុយបាខាងលើបានថ្លែងដូច្នេះ៖«សប្បាយរីករាយខ្លាំងណាស់ដែលបានមកកាន់វេណេស៊ុយអេឡា។ សូមឲ្យចលនាបដិវត្តន៍បូលីវ៉ានៅគង់វង្ស ហើយសូមឲ្យលោក ម៉ាឌូរ៉ូ មានអាយុយឺនយូរ»។
ក្នុងនាមជាសម្ព័ន្ធមិត្តជិតស្និទ្ធរបស់វេណេស៊ុយអេឡា មេដឹកនាំគុយបារូបនេះប្រកាសថា ទោះជាមានបញ្ហាធំឬលំបាកប៉ុណ្ណាក៏ដោយ វេណេស៊ុយអេឡាអាចពឹងពាក់លើគុយបាបានជានិច្ចនៅពេលបច្ចុប្បន្ន ហើយការគាំទ្រនេះគ្មានលក្ខខណ្ឌអ្វីឡើយ។
តាមពិតទៅ វេណេស៊ុយអេឡា និងគុយបាមានទំនាក់ទំនងស្អិតល្មួតយូរអង្វែងមកហើយ។ ដូច្នេះហើយ ប្រមុខរដ្ឋគុយបានេះក៏ទៅគោរពវិញ្ញាណក្ខន្ធមេដឹកនាំបដិវត្តន៍លោក ហ៊ូហ្គោ ឆាវេស ដែលជាអ្នកបង្កើតសម្ព័ន្ធភាពល្អប្រសើរជាមួយរបបដឹកនាំលោក ហ្វីដែល កាស្ត្រូ និងលោក រ៉ាអ៊ូល កាស្ត្រូ ផងដែរ។ អ្វីដែលសំខាន់ វេណេស៊ុយអេឡាជួយផ្គត់ផ្គង់ប្រេងទៅគុយបាក្នុងតម្លៃថោកៗផងដែរ។
បន្ថែមពីនេះ លោក Diaz-Canel បានបង្ហើបផងដែរថា មូលហេតុដែលលោកមកទស្សនកិច្ចនៅគុយបាគឺដើម្បីបង្ហាញពីការសាមគ្គីភាព និងគាំទ្រដល់លោក ម៉ាឌូរ៉ ក្រោយមានការបោះឆ្នោតប្រធានាធិបតី។ ផ្ទុយពី សហគមន៍អន្តរជាតិជាពិសេសរដ្ឋអាមេរិកឡាទីនដែលបដិសេធលទ្ធផលបោះឆ្នោត លោក Diaz-Canel ចាត់ទុកការបោះឆ្នោតនោះជាជោគជ័យធំធេងរបស់លោក ម៉ាឌូរ៉ូដែរ។
វត្តមានរបស់មេដឹកនាំគុយបានៅក្នុងប្រទេសវេណេស៊ុយអេឡានេះ កើតឡើងចំពេលដែលកាណាដា សម្រេចដាក់ទណ្ឌកម្មបន្ថែមប្រឆាំងវេណេស៊ុយអេឡាដើម្បីឆ្លើយតបនឹងការបោះឆ្នោតដែលគ្មានការបក្សប្រឆាំង។ កាណាដាក៏បានទាមទារឲ្យវេណេស៊ុយអេឡា រៀបចំការបោះឆ្នោតជាថ្មី និងដោះលែងរាល់អ្នកទោសនយោបាយឲ្យមានសេរីភាពផងដែរ។
យ៉ាងណាក៏ដោយ លោក Diaz-Canel បានទិតៀនទណ្ឌកម្មលោកខាងលិចឥតសំចៃមាត់ ដោយអះអាងថា ទណ្ឌកម្មនេះគ្រាន់តែជាលេសដើម្បីបំផ្លាញជ័យជម្នះរបស់លោក ម៉ាឌូរ៉ូ ក្នុងការបោះឆ្នោតនេះប៉ុណ្ណោះ។ លោកក៏ចាត់ទុកសកម្មភាពរបស់ក្រុងវ៉ាស៊ីនតោនដែលព្យាយាមដាក់សម្ពាធលើវេណេស៊ុយអេឡាថាជា ការព្យាយាមនាំយកសម័យកាលនៃការលូកលាន់ និងការអន្តរាគមន៍ក្នុងប្រទេសដទៃ ជាថ្មីទៀតដែរ៕
ពេលអញ្ជើញទៅដល់ព្រលានយន្តហោះវេណេស៊ុយអេឡានៅទីក្រុងការ៉ាកាស ប្រធានាធិបតីគុយបាលោក Miguel Diaz-Canel បានប្រកាសថា រដ្ឋាភិបាលគុយបាគាំទ្រ និងការពារវេណេស៊ុយអេឡាដែលជាសម្ព័ន្ធមិត្តយូរអង្វែងនេះពេញទំហឹងតែម្តង។
លោកបានបន្តទៅកាន់វិមានរដ្ឋាភិបាលដើម្បីជួបពិភាក្សាជាមួយសមភាគីវេណេស៊ុយអេឡា នីកូឡាស ម៉ាឌូរ៉ូដែរ។ យោងតាមទីភ្នាក់ងារព័ត៌មាន AFP ពេលស្ថិតនៅវិមានរដ្ឋាភិបាល មេដឹកនាំគុយបាខាងលើបានថ្លែងដូច្នេះ៖«សប្បាយរីករាយខ្លាំងណាស់ដែលបានមកកាន់វេណេស៊ុយអេឡា។ សូមឲ្យចលនាបដិវត្តន៍បូលីវ៉ានៅគង់វង្ស ហើយសូមឲ្យលោក ម៉ាឌូរ៉ូ មានអាយុយឺនយូរ»។
ក្នុងនាមជាសម្ព័ន្ធមិត្តជិតស្និទ្ធរបស់វេណេស៊ុយអេឡា មេដឹកនាំគុយបារូបនេះប្រកាសថា ទោះជាមានបញ្ហាធំឬលំបាកប៉ុណ្ណាក៏ដោយ វេណេស៊ុយអេឡាអាចពឹងពាក់លើគុយបាបានជានិច្ចនៅពេលបច្ចុប្បន្ន ហើយការគាំទ្រនេះគ្មានលក្ខខណ្ឌអ្វីឡើយ។
តាមពិតទៅ វេណេស៊ុយអេឡា និងគុយបាមានទំនាក់ទំនងស្អិតល្មួតយូរអង្វែងមកហើយ។ ដូច្នេះហើយ ប្រមុខរដ្ឋគុយបានេះក៏ទៅគោរពវិញ្ញាណក្ខន្ធមេដឹកនាំបដិវត្តន៍លោក ហ៊ូហ្គោ ឆាវេស ដែលជាអ្នកបង្កើតសម្ព័ន្ធភាពល្អប្រសើរជាមួយរបបដឹកនាំលោក ហ្វីដែល កាស្ត្រូ និងលោក រ៉ាអ៊ូល កាស្ត្រូ ផងដែរ។ អ្វីដែលសំខាន់ វេណេស៊ុយអេឡាជួយផ្គត់ផ្គង់ប្រេងទៅគុយបាក្នុងតម្លៃថោកៗផងដែរ។
បន្ថែមពីនេះ លោក Diaz-Canel បានបង្ហើបផងដែរថា មូលហេតុដែលលោកមកទស្សនកិច្ចនៅគុយបាគឺដើម្បីបង្ហាញពីការសាមគ្គីភាព និងគាំទ្រដល់លោក ម៉ាឌូរ៉ ក្រោយមានការបោះឆ្នោតប្រធានាធិបតី។ ផ្ទុយពី សហគមន៍អន្តរជាតិជាពិសេសរដ្ឋអាមេរិកឡាទីនដែលបដិសេធលទ្ធផលបោះឆ្នោត លោក Diaz-Canel ចាត់ទុកការបោះឆ្នោតនោះជាជោគជ័យធំធេងរបស់លោក ម៉ាឌូរ៉ូដែរ។
វត្តមានរបស់មេដឹកនាំគុយបានៅក្នុងប្រទេសវេណេស៊ុយអេឡានេះ កើតឡើងចំពេលដែលកាណាដា សម្រេចដាក់ទណ្ឌកម្មបន្ថែមប្រឆាំងវេណេស៊ុយអេឡាដើម្បីឆ្លើយតបនឹងការបោះឆ្នោតដែលគ្មានការបក្សប្រឆាំង។ កាណាដាក៏បានទាមទារឲ្យវេណេស៊ុយអេឡា រៀបចំការបោះឆ្នោតជាថ្មី និងដោះលែងរាល់អ្នកទោសនយោបាយឲ្យមានសេរីភាពផងដែរ។
យ៉ាងណាក៏ដោយ លោក Diaz-Canel បានទិតៀនទណ្ឌកម្មលោកខាងលិចឥតសំចៃមាត់ ដោយអះអាងថា ទណ្ឌកម្មនេះគ្រាន់តែជាលេសដើម្បីបំផ្លាញជ័យជម្នះរបស់លោក ម៉ាឌូរ៉ូ ក្នុងការបោះឆ្នោតនេះប៉ុណ្ណោះ។ លោកក៏ចាត់ទុកសកម្មភាពរបស់ក្រុងវ៉ាស៊ីនតោនដែលព្យាយាមដាក់សម្ពាធលើវេណេស៊ុយអេឡាថាជា ការព្យាយាមនាំយកសម័យកាលនៃការលូកលាន់ និងការអន្តរាគមន៍ក្នុងប្រទេសដទៃ ជាថ្មីទៀតដែរ៕
Tag:
គុយបា
វេណេស៊ុយអេឡា
Miguel Diaz-Canel
© រក្សាសិទ្ធិដោយ thmeythmey.com
