អន្តរជាតិ
របបសឹកថៃ៖ «ការបោះឆ្នោតសភាអាចរៀបចំឡើងត្រឹមខែឧសភា មិនមែនខែកុម្ភៈឡើយ»
26, Jun 2018 , 12:02 pm
×![]()
តំណាងរបបសឹកថៃបានប្រកាសនៅដើមប្តាហ៍នេះថា ការបោះឆ្នោតសាកលនៅថៃអាចនឹងកើតឡើងនៅខែឧសភាឯណោះ។ ការលើកឡើងពីកាលបរិច្ឆេទថ្មីរបស់របបសឹកពេលនេះ បង្ហាញឲ្យឃើញថា ការបោះឆ្នោតអាចត្រូវគេពន្យារជាថ្មីទៀត។
ក្នុងជំនួបជាមួយគណៈកម្មការបោះឆ្នោត និងតំណាងបក្សនយោបាយ ឧបនាយករដ្ឋមន្ត្រីថៃលោក Wissanu Krea-ngam ផ្តល់យោបល់ចំពោះមុខអ្នកសារព័ត៌មាននៅថ្ងៃចន្ទទី ២៥ ខែមិថុនាថា ការបោះឆ្នោតជ្រើសរើសសមាជិកសភាថៃអាចនឹងត្រូវរៀបចំឡើងនាខែឧសភាឆ្នាំ ២០១៩។ កាលបរិច្ឆេទដែលត្រូវកំណត់កន្លងមកគឺក្នុងខែកុម្ភៈឆ្នាំ ២០១៩។
បើតាមការចុះផ្សាយរបស់ទីភ្នាក់ងារព័ត៌មាន AFP មន្ត្រីជាន់ខ្ពស់ខាងលើបានស្រង់យកកាលបរិច្ឆេទដែលមានចែងក្នុងរដ្ឋធម្មនុញ្ញនិងការកំណត់ជ្រើសរើសស្ថាប័ននីតិបញ្ញត្តិ ដោយការបោះឆ្នោតអាចកើតឡើងចន្លោះពីថ្ងៃ ២៤ ខែកុម្ភៈដល់ថ្ងៃ ៥ ខែឧសភា។
យ៉ាងណាក៏ដោយ ក្នុងដំណើរទស្សនកិច្ចនៅអឺរ៉ុបសប្តាហ៍មុន លោកឧត្តមសេនីយ៍ ប្រាយុទ្ធ ចន្ទអូចា បានធានាចំពោះមុខសមភាគីអង់គ្លេសលោកស្រី ថេរ៉េសា មេយ៍ ថា ថៃនឹងមានការបោះឆ្នោតតាមការគ្រោងទុក។ លោកស្រី មេយ៍ ក៏បានស្នើឲ្យលោក ប្រាយុទ្ធ ធានាឲ្យបាននូវការបោះឆ្នោតដែលបើកចំហរ និងដោយសេរីផងដែរ។
រាជាណាចក្រថៃស្ថិតក្រោមការគ្រប់គ្រងរបស់ក្រុមយោធាតាំងពីខែឧសភាឆ្នាំ ២០១៤ មកម្ល៉េះ ក្រោយរៀបចំរដ្ឋប្រហារទម្លាក់នាយករដ្ឋមន្ត្រី យីងឡាក់ ស៊ីណាវ៉ាត់ ដែលឡើងកាន់តំណែងតាមការបោះឆ្នោតប្រជាធិបតេយ្យនោះ។
របបសឹកដែលដឹកនាំដោយលោក ប្រាយុទ្ធ ចន្ទអូចា នោះបន្តពន្យារពេលបោះឆ្នោតជាបន្តបន្ទាប់ដូចឃើញស្រាប់ របបដឹកនាំនេះកំណត់យកឆ្នាំ ២០១៥ ម្តង ក្រោយមកថា ២០១៨ និងចុងក្រោយគេកំណត់យកខែកុម្ភៈឆ្នាំ ២០១៩ ម្តងទៀត។
កន្លងមកនេះ គេបារម្ភដែរថា របបសឹកអាចយកពិធីរាជាភិសេក ជាលេសពន្យារពេលបោះឆ្នោតទៀតដែរ។ គេរំពឹងថា ពិធីរាជាភិសេកផ្លូវការរបស់មហាក្សត្រថ្មី មហា វជិរាលង្ករណ៍ (Maha Vajiralongkorn) អាចនឹងត្រូវរៀបចំឡើងនៅដើមឆ្នាំក្រោយ ហើយលោក ប្រាយុទ្ធបានបញ្ជាក់ច្បាស់ថា ការបោះឆ្នោតអាចរៀបចំទៅបានលុះត្រាតែពិធីរាជាភិសេកនេះរៀបចំរួចសព្វគ្រប់។ ដូច្នេះហើយ វាច្បាស់ណាស់ថា ការពន្យារពេលបោះឆ្នោតនេះជារឿងចៀសមិនផុត។
ងាកមកការឃោសនាបោះឆ្នោតវិញ ឧបនាយករដ្ឋមន្ត្រីខាងលើបានអះអាងថា របបយោធាថៃនឹងដកបម្រាមសកម្មភាពបក្សនយោបាយចន្លោះពីខែកញ្ញាដល់ខែធ្នូឆ្នាំនេះដើម្បីអនុញ្ញាតឲ្យគណបក្សទាំងអស់ចាប់ផ្តើមសកម្មភាពរដ្ឋបាលត្រៀមខ្លួនសម្រាប់ការបោះឆ្នោតផង។ ប៉ុន្តែការហាមឃាត់ការជួបជុំគ្នាលើសពីប្រាំនាក់ និងការឃោសនានយោបាយនឹងត្រូវរក្សាទុកសិនក្នុងអំឡុងពេលនោះ។
ដោយឡែក បើតាមទីភ្នាក់ងារព័ត៌មាន AFP ដដែល តំណាងគណបក្សនយោបាយ ៧៣ បានចូលរួមប្រជុំជាមួយតំណាងរដ្ឋាភិបាលថៃនៅថ្ងៃចន្ទម្សិលមិញ ហើយគណបក្សនយោបាយខ្លះបានបង្ហាញអារម្មណ៍សប្បាយចិត្តចំពោះការសម្រេចដកបម្រាមពាក់កណ្តាលលើសកម្មភាពនយោបាយរបស់បក្សកន្លងមកនោះ។
យ៉ាងណាមិញ គណបក្សភឿថៃ នៅតែមិនពេញចិត្តនឹងចំណាត់ការរបបសឹកដដែល។ បក្សនេះចង់ឲ្យមានការលុបចោលបម្រាមទាំងស្រុងតែម្តងដើម្បីឲ្យបក្សទាំងអស់ធ្វើសកម្មភាពបានពេញលេញ និងងាយស្រួលផង៕
ក្នុងជំនួបជាមួយគណៈកម្មការបោះឆ្នោត និងតំណាងបក្សនយោបាយ ឧបនាយករដ្ឋមន្ត្រីថៃលោក Wissanu Krea-ngam ផ្តល់យោបល់ចំពោះមុខអ្នកសារព័ត៌មាននៅថ្ងៃចន្ទទី ២៥ ខែមិថុនាថា ការបោះឆ្នោតជ្រើសរើសសមាជិកសភាថៃអាចនឹងត្រូវរៀបចំឡើងនាខែឧសភាឆ្នាំ ២០១៩។ កាលបរិច្ឆេទដែលត្រូវកំណត់កន្លងមកគឺក្នុងខែកុម្ភៈឆ្នាំ ២០១៩។
បើតាមការចុះផ្សាយរបស់ទីភ្នាក់ងារព័ត៌មាន AFP មន្ត្រីជាន់ខ្ពស់ខាងលើបានស្រង់យកកាលបរិច្ឆេទដែលមានចែងក្នុងរដ្ឋធម្មនុញ្ញនិងការកំណត់ជ្រើសរើសស្ថាប័ននីតិបញ្ញត្តិ ដោយការបោះឆ្នោតអាចកើតឡើងចន្លោះពីថ្ងៃ ២៤ ខែកុម្ភៈដល់ថ្ងៃ ៥ ខែឧសភា។
យ៉ាងណាក៏ដោយ ក្នុងដំណើរទស្សនកិច្ចនៅអឺរ៉ុបសប្តាហ៍មុន លោកឧត្តមសេនីយ៍ ប្រាយុទ្ធ ចន្ទអូចា បានធានាចំពោះមុខសមភាគីអង់គ្លេសលោកស្រី ថេរ៉េសា មេយ៍ ថា ថៃនឹងមានការបោះឆ្នោតតាមការគ្រោងទុក។ លោកស្រី មេយ៍ ក៏បានស្នើឲ្យលោក ប្រាយុទ្ធ ធានាឲ្យបាននូវការបោះឆ្នោតដែលបើកចំហរ និងដោយសេរីផងដែរ។
រាជាណាចក្រថៃស្ថិតក្រោមការគ្រប់គ្រងរបស់ក្រុមយោធាតាំងពីខែឧសភាឆ្នាំ ២០១៤ មកម្ល៉េះ ក្រោយរៀបចំរដ្ឋប្រហារទម្លាក់នាយករដ្ឋមន្ត្រី យីងឡាក់ ស៊ីណាវ៉ាត់ ដែលឡើងកាន់តំណែងតាមការបោះឆ្នោតប្រជាធិបតេយ្យនោះ។
របបសឹកដែលដឹកនាំដោយលោក ប្រាយុទ្ធ ចន្ទអូចា នោះបន្តពន្យារពេលបោះឆ្នោតជាបន្តបន្ទាប់ដូចឃើញស្រាប់ របបដឹកនាំនេះកំណត់យកឆ្នាំ ២០១៥ ម្តង ក្រោយមកថា ២០១៨ និងចុងក្រោយគេកំណត់យកខែកុម្ភៈឆ្នាំ ២០១៩ ម្តងទៀត។
កន្លងមកនេះ គេបារម្ភដែរថា របបសឹកអាចយកពិធីរាជាភិសេក ជាលេសពន្យារពេលបោះឆ្នោតទៀតដែរ។ គេរំពឹងថា ពិធីរាជាភិសេកផ្លូវការរបស់មហាក្សត្រថ្មី មហា វជិរាលង្ករណ៍ (Maha Vajiralongkorn) អាចនឹងត្រូវរៀបចំឡើងនៅដើមឆ្នាំក្រោយ ហើយលោក ប្រាយុទ្ធបានបញ្ជាក់ច្បាស់ថា ការបោះឆ្នោតអាចរៀបចំទៅបានលុះត្រាតែពិធីរាជាភិសេកនេះរៀបចំរួចសព្វគ្រប់។ ដូច្នេះហើយ វាច្បាស់ណាស់ថា ការពន្យារពេលបោះឆ្នោតនេះជារឿងចៀសមិនផុត។
ងាកមកការឃោសនាបោះឆ្នោតវិញ ឧបនាយករដ្ឋមន្ត្រីខាងលើបានអះអាងថា របបយោធាថៃនឹងដកបម្រាមសកម្មភាពបក្សនយោបាយចន្លោះពីខែកញ្ញាដល់ខែធ្នូឆ្នាំនេះដើម្បីអនុញ្ញាតឲ្យគណបក្សទាំងអស់ចាប់ផ្តើមសកម្មភាពរដ្ឋបាលត្រៀមខ្លួនសម្រាប់ការបោះឆ្នោតផង។ ប៉ុន្តែការហាមឃាត់ការជួបជុំគ្នាលើសពីប្រាំនាក់ និងការឃោសនានយោបាយនឹងត្រូវរក្សាទុកសិនក្នុងអំឡុងពេលនោះ។
ដោយឡែក បើតាមទីភ្នាក់ងារព័ត៌មាន AFP ដដែល តំណាងគណបក្សនយោបាយ ៧៣ បានចូលរួមប្រជុំជាមួយតំណាងរដ្ឋាភិបាលថៃនៅថ្ងៃចន្ទម្សិលមិញ ហើយគណបក្សនយោបាយខ្លះបានបង្ហាញអារម្មណ៍សប្បាយចិត្តចំពោះការសម្រេចដកបម្រាមពាក់កណ្តាលលើសកម្មភាពនយោបាយរបស់បក្សកន្លងមកនោះ។
យ៉ាងណាមិញ គណបក្សភឿថៃ នៅតែមិនពេញចិត្តនឹងចំណាត់ការរបបសឹកដដែល។ បក្សនេះចង់ឲ្យមានការលុបចោលបម្រាមទាំងស្រុងតែម្តងដើម្បីឲ្យបក្សទាំងអស់ធ្វើសកម្មភាពបានពេញលេញ និងងាយស្រួលផង៕
Tag:
ការបោះឆ្នោតថៃ
ប្រាយុទ្ធ ចន្ទអូចា
Wissanu Krea-ngam
© រក្សាសិទ្ធិដោយ thmeythmey.com
