អន្តរជាតិ
រដ្ឋាភិបាលឥណ្ឌូណេស៊ីបកស្រាយ ក្រោយមានប្រតិកម្មរឿងច្បាប់ថ្មីតម្រូវឲ្យពលករបរទេសរៀនភាសាឥណ្ឌូណេស៊ី
27, Jun 2018 , 2:18 pm
×![]()
រដ្ឋាភិបាលឥណ្ឌូណេស៊ីបានចេញបកស្រាយ ជុំវិញការចុះផ្សាយរបស់កាសែតអាមេរិក New York Times ពីបទបញ្ញត្តិថ្មីរបស់ប្រធានាធិបតីឥណ្ឌូណេស៊ី ដែលតម្រូវឲ្យជនបរទេស រៀនភាសាឥណ្ឌូណេស៊ី។ រដ្ឋាភិបាលនេះទទួលស្គាល់ថា មានលក្ខខណ្ឌតម្រូវដូច្នេះមែន ប៉ុន្តែវាមិនមែនមានន័យថា រាល់ជនបរទេសធ្វើការងារនៅឥណ្ឌូណេស៊ី ត្រូវតែរៀនឡើយ។
ក្រឹត្យប្រធានាធិបតី ចូកូ វីដូដូ ដែលដាក់ចេញកាលពីខែមីនាកន្លងទៅ កំពុងធ្វើឲ្យអ្នកវិនិយោគបរទេសនៅរដ្ឋអាស៊ីអាគ្នេយ៍មួយនេះព្រួយបារម្ភ។ សមាជិកសភាពាណិជ្ជកម្មអាមេរិក ដែលតំណាងឲ្យក្រុមហ៊ុនអាមេរិកប្រហែល ៣០០ នៅឥណ្ឌូណេស៊ី អះអាងថែមទៀតថា បទបញ្ញត្តិនេះមិនមែនមានគោលដៅសម្រួលដល់វិនិយោគិនបរទេស ឬធ្វើឲ្យបរិយាកាសធុរកិច្ចឡើយ តែវាជាសារអវិជ្ជមានមួយទៅវិញទេ។
បើតាមការចុះផ្សាយរបស់កាសែតអាមេរិក New York Times ក្រឹត្យលោក វីដូដូ ដែលចូលជាធរមាននៅថ្ងៃ ២៦ ខែមិថុនានេះ ពិតជាជួយសម្រួលដល់ការផ្តល់លិខិតអនុញ្ញាតឲ្យជនបរទេស ដែលចង់មកធ្វើការងារនៅក្នុងទឹកដីឥណ្ឌូណេស៊ីមែន។ ប៉ុន្តែវាមានបង្កប់បទបញ្ញត្តិ ចែងពីលក្ខខណ្ឌតម្រូវចំណេះដឹងភាសាឥណ្ឌូណេស៊ី សម្រាប់ពួកគេដែរ។
ដោយសារមានប្រតិកម្មខ្លាំងបែបនេះ តំណាងក្រសួងធនធានមនុស្សឥណ្ឌូណេស៊ី បានបកស្រាយពីការដាក់ចេញក្រឹត្យប្រធានាធិបតីផងដែរ។
លោក Sahat Sinurat អ្នកនាំពាក្យក្រសួងបានបញ្ជាក់ប្រាប់សារព័ត៌មានសិង្ហបុរី Straits Times ថា បទបញ្ញត្តិថ្មីនេះ តម្រូវឲ្យមានការសិក្សាភាសាឥណ្ឌូណេស៊ីមែន ប៉ុន្តែវាមានលក្ខខណ្ឌជាក់លាក់ ដែលគេត្រូវស្វែងយល់។ លោក សុំចិត្តឲ្យម្ចាស់ក្រុមហ៊ុន ឬនិយោគិតបរទេសឈប់ត្អូញត្អែរ ព្រោះក្រឹត្យថ្មីនេះជួយពន្លឿនពេលវេលាផ្តល់លិខិតអនុញ្ញាតឲ្យធ្វើការងារ ពីច្រើនខែ មកត្រឹមប៉ុន្មានថ្ងៃប៉ុណ្ណោះ។
លោកពន្យល់ថា ជនបរទេសដែលធ្វើការងារត្រូវចេះភាសាឥណ្ឌូណេស៊ី ប៉ុន្តែអ្នកមិនចាំបាច់រៀននោះមានជនបរទេស ដែលមកធ្វើការងារក្នុងលក្ខខណ្ឌពិសេស ឬដែលត្រូវបានគេជួលមកក្នុងស្ថានភាពបន្ទាន់ ឬធ្វើការងារបណ្តោះអាសន្នជាដើម។ ក្រៅពីនេះ សមាជិកគណៈនាយក, សមាជិកក្រុមប្រឹក្សាភិបាល រួមទាំងស្ថាបនិក ឬប្រធានក្រុមហ៊ុននោះ ក៏មិនស្ថិតក្រោមលក្ខខណ្ឌតម្រូវ ឲ្យសិក្សាភាសាឥណ្ឌូណេស៊ីនេះដែរ។
ជនបរទេសដែលចង់ធ្វើការងារនៅឥណ្ឌូណេស៊ីលើសពីប្រាំមួយខែ ត្រូវចាំបាច់រៀនភាសា។ ប៉ុន្តែត្រូវរៀនមួយថ្ងៃប៉ុន្មានម៉ោង ឬមួយសប្តាហ៍ប៉ុន្មានម៉ោងនោះ មិនទាន់ត្រូវបានកំណត់ច្បាស់លាស់ឡើយ។ ចំណែកទណ្ឌកម្ម ឬពិន័យសម្រាប់ក្រុមហ៊ុន និងកម្មករ ដែលមិនអនុវត្តតាមបទបញ្ញត្តិនេះ កំពុងត្រូវបានអាជ្ញាធរពាក់ព័ន្ធរៀបចំនៅឡើយ។
យ៉ាងណាក៏ដោយ រដ្ឋាភិបាលក្រុងហ្សាការតា មិនបានបកស្រាយឲ្យបានល្អិតល្អន់ឡើយ ពាក់ព័ន្ធការសម្រេច កំណត់លក្ខខណ្ឌភាសានេះ សម្រាប់ពលករបរទេសនោះ ទោះបីមន្ត្រីរដ្ឋាភិបាលខ្លះបកស្រាយថា វាជាការសម្រួលដល់ការទំនាក់ទំនង រវាងប្រជាជនបរទេស និងប្រជាជនឥណ្ឌូណេស៊ីប៉ុណ្ណោះ។
ប៉ុន្តែអ្នកតាមដានស្ថានការណ៍នយោបាយ បានវាយតម្លៃថា វាអាចទាក់ទងនឹងការបោះឆ្នោត នៅឆ្នាំ ២០១៩។ លោក ចូកូ នឹងប្រកួតប្រជែងតំណែងប្រធានាធិបតីជាថ្មីទៀត ហើយការកែទម្រង់បទបញ្ញត្តិគ្រប់គ្រងធុរកិច្ច និងបើកចំហសេដ្ឋកិច្ចសម្រាប់ការវិនយោគ ជារឿងក្តៅផងដែរ នៅឥណ្ឌូណេស៊ី។ បញ្ហាចម្រូងចម្រាសមួយទៀត គឺកំណើនជនជាតិចិន ដែលចូលមកឥណ្ឌូណេស៊ី ក្នុងឋានៈជាអ្នកទេសចរ តែបែរជាលួចធ្វើការងារក្នុងគម្រោងអភិវឌ្ឍ ឬសំណង់របស់ចិន ដោយខុសច្បាប់ទៅវិញ។
បច្ចុប្បន្ន មានជនបរទេសទាំងអាស៊ី និងលោកខាងលិច ប្រហែលជា ១២៦០០០នាក់ កំពុងធ្វើការងារនៅក្នុងទឹកដីឥណ្ឌូណេស៊ី។ ប៉ុន្តែចំនួននេះនៅតែទាប បើប្រៀបធៀបនឹងប្រទេសជិតខាង ដូចជាម៉ាឡេស៊ី និងសិង្ហបុរី។
បក្សប្រឆាំង និងអ្នករិះគន់ នាំគ្នាចោទថា បរិយាកាសវិនិយោគ និងសេដ្ឋកិច្ចឥណ្ឌូណេស៊ី នៅត្បិតត្បៀតខ្លាំង ដែលពិបាកប្រកួតប្រជែង ហើយរដ្ឋាភិបាល ក៏មិនមានលទ្ធភាពដោះស្រាយបញ្ហាពលករខុសច្បាប់ជាពិសេសចិននៅក្នុងប្រទេសទៀត។ ពួកគេក៏ទិតៀនចំណាត់ការថ្មី ដែលត្រូវឲ្យមានការរៀនភាសាជាតិឥណ្ឌូណេស៊ីដែរ ព្រោះវានឹងធ្វើឲ្យអ្នកវិនិយោគ ស្ទាក់ស្ទើរចូលមកឥណ្ឌូណេស៊ី និងធ្វើឲ្យមានអំពើពុករលួយកើតឡើងខ្លាំង ជុំវិញការចេញវិញ្ញាបនបត្រភាសាក្លែងក្លាយ ដល់ជនបរទេសជាដើម៕
ក្រឹត្យប្រធានាធិបតី ចូកូ វីដូដូ ដែលដាក់ចេញកាលពីខែមីនាកន្លងទៅ កំពុងធ្វើឲ្យអ្នកវិនិយោគបរទេសនៅរដ្ឋអាស៊ីអាគ្នេយ៍មួយនេះព្រួយបារម្ភ។ សមាជិកសភាពាណិជ្ជកម្មអាមេរិក ដែលតំណាងឲ្យក្រុមហ៊ុនអាមេរិកប្រហែល ៣០០ នៅឥណ្ឌូណេស៊ី អះអាងថែមទៀតថា បទបញ្ញត្តិនេះមិនមែនមានគោលដៅសម្រួលដល់វិនិយោគិនបរទេស ឬធ្វើឲ្យបរិយាកាសធុរកិច្ចឡើយ តែវាជាសារអវិជ្ជមានមួយទៅវិញទេ។
បើតាមការចុះផ្សាយរបស់កាសែតអាមេរិក New York Times ក្រឹត្យលោក វីដូដូ ដែលចូលជាធរមាននៅថ្ងៃ ២៦ ខែមិថុនានេះ ពិតជាជួយសម្រួលដល់ការផ្តល់លិខិតអនុញ្ញាតឲ្យជនបរទេស ដែលចង់មកធ្វើការងារនៅក្នុងទឹកដីឥណ្ឌូណេស៊ីមែន។ ប៉ុន្តែវាមានបង្កប់បទបញ្ញត្តិ ចែងពីលក្ខខណ្ឌតម្រូវចំណេះដឹងភាសាឥណ្ឌូណេស៊ី សម្រាប់ពួកគេដែរ។
ដោយសារមានប្រតិកម្មខ្លាំងបែបនេះ តំណាងក្រសួងធនធានមនុស្សឥណ្ឌូណេស៊ី បានបកស្រាយពីការដាក់ចេញក្រឹត្យប្រធានាធិបតីផងដែរ។
លោក Sahat Sinurat អ្នកនាំពាក្យក្រសួងបានបញ្ជាក់ប្រាប់សារព័ត៌មានសិង្ហបុរី Straits Times ថា បទបញ្ញត្តិថ្មីនេះ តម្រូវឲ្យមានការសិក្សាភាសាឥណ្ឌូណេស៊ីមែន ប៉ុន្តែវាមានលក្ខខណ្ឌជាក់លាក់ ដែលគេត្រូវស្វែងយល់។ លោក សុំចិត្តឲ្យម្ចាស់ក្រុមហ៊ុន ឬនិយោគិតបរទេសឈប់ត្អូញត្អែរ ព្រោះក្រឹត្យថ្មីនេះជួយពន្លឿនពេលវេលាផ្តល់លិខិតអនុញ្ញាតឲ្យធ្វើការងារ ពីច្រើនខែ មកត្រឹមប៉ុន្មានថ្ងៃប៉ុណ្ណោះ។
លោកពន្យល់ថា ជនបរទេសដែលធ្វើការងារត្រូវចេះភាសាឥណ្ឌូណេស៊ី ប៉ុន្តែអ្នកមិនចាំបាច់រៀននោះមានជនបរទេស ដែលមកធ្វើការងារក្នុងលក្ខខណ្ឌពិសេស ឬដែលត្រូវបានគេជួលមកក្នុងស្ថានភាពបន្ទាន់ ឬធ្វើការងារបណ្តោះអាសន្នជាដើម។ ក្រៅពីនេះ សមាជិកគណៈនាយក, សមាជិកក្រុមប្រឹក្សាភិបាល រួមទាំងស្ថាបនិក ឬប្រធានក្រុមហ៊ុននោះ ក៏មិនស្ថិតក្រោមលក្ខខណ្ឌតម្រូវ ឲ្យសិក្សាភាសាឥណ្ឌូណេស៊ីនេះដែរ។
ជនបរទេសដែលចង់ធ្វើការងារនៅឥណ្ឌូណេស៊ីលើសពីប្រាំមួយខែ ត្រូវចាំបាច់រៀនភាសា។ ប៉ុន្តែត្រូវរៀនមួយថ្ងៃប៉ុន្មានម៉ោង ឬមួយសប្តាហ៍ប៉ុន្មានម៉ោងនោះ មិនទាន់ត្រូវបានកំណត់ច្បាស់លាស់ឡើយ។ ចំណែកទណ្ឌកម្ម ឬពិន័យសម្រាប់ក្រុមហ៊ុន និងកម្មករ ដែលមិនអនុវត្តតាមបទបញ្ញត្តិនេះ កំពុងត្រូវបានអាជ្ញាធរពាក់ព័ន្ធរៀបចំនៅឡើយ។
យ៉ាងណាក៏ដោយ រដ្ឋាភិបាលក្រុងហ្សាការតា មិនបានបកស្រាយឲ្យបានល្អិតល្អន់ឡើយ ពាក់ព័ន្ធការសម្រេច កំណត់លក្ខខណ្ឌភាសានេះ សម្រាប់ពលករបរទេសនោះ ទោះបីមន្ត្រីរដ្ឋាភិបាលខ្លះបកស្រាយថា វាជាការសម្រួលដល់ការទំនាក់ទំនង រវាងប្រជាជនបរទេស និងប្រជាជនឥណ្ឌូណេស៊ីប៉ុណ្ណោះ។
ប៉ុន្តែអ្នកតាមដានស្ថានការណ៍នយោបាយ បានវាយតម្លៃថា វាអាចទាក់ទងនឹងការបោះឆ្នោត នៅឆ្នាំ ២០១៩។ លោក ចូកូ នឹងប្រកួតប្រជែងតំណែងប្រធានាធិបតីជាថ្មីទៀត ហើយការកែទម្រង់បទបញ្ញត្តិគ្រប់គ្រងធុរកិច្ច និងបើកចំហសេដ្ឋកិច្ចសម្រាប់ការវិនយោគ ជារឿងក្តៅផងដែរ នៅឥណ្ឌូណេស៊ី។ បញ្ហាចម្រូងចម្រាសមួយទៀត គឺកំណើនជនជាតិចិន ដែលចូលមកឥណ្ឌូណេស៊ី ក្នុងឋានៈជាអ្នកទេសចរ តែបែរជាលួចធ្វើការងារក្នុងគម្រោងអភិវឌ្ឍ ឬសំណង់របស់ចិន ដោយខុសច្បាប់ទៅវិញ។
បច្ចុប្បន្ន មានជនបរទេសទាំងអាស៊ី និងលោកខាងលិច ប្រហែលជា ១២៦០០០នាក់ កំពុងធ្វើការងារនៅក្នុងទឹកដីឥណ្ឌូណេស៊ី។ ប៉ុន្តែចំនួននេះនៅតែទាប បើប្រៀបធៀបនឹងប្រទេសជិតខាង ដូចជាម៉ាឡេស៊ី និងសិង្ហបុរី។
បក្សប្រឆាំង និងអ្នករិះគន់ នាំគ្នាចោទថា បរិយាកាសវិនិយោគ និងសេដ្ឋកិច្ចឥណ្ឌូណេស៊ី នៅត្បិតត្បៀតខ្លាំង ដែលពិបាកប្រកួតប្រជែង ហើយរដ្ឋាភិបាល ក៏មិនមានលទ្ធភាពដោះស្រាយបញ្ហាពលករខុសច្បាប់ជាពិសេសចិននៅក្នុងប្រទេសទៀត។ ពួកគេក៏ទិតៀនចំណាត់ការថ្មី ដែលត្រូវឲ្យមានការរៀនភាសាជាតិឥណ្ឌូណេស៊ីដែរ ព្រោះវានឹងធ្វើឲ្យអ្នកវិនិយោគ ស្ទាក់ស្ទើរចូលមកឥណ្ឌូណេស៊ី និងធ្វើឲ្យមានអំពើពុករលួយកើតឡើងខ្លាំង ជុំវិញការចេញវិញ្ញាបនបត្រភាសាក្លែងក្លាយ ដល់ជនបរទេសជាដើម៕
Tag:
ឥណ្ឌូណេស៊ី
ចូកូ វីដូដូ
វិនិយោគិនបរទេស
© រក្សាសិទ្ធិដោយ thmeythmey.com
